Solicitude de Por Chantada ao Goberno para axudas á hostelaría

A candidatura de unidade popular Por Chantada solicita ao Goberno municipal que informe aos estabelecementos de hostelaría das axudas para adecentamento das terrazas.

O Consorcio de Turismo da Ribeira Sacra, do que o noso concello forma parte, dispón dunha partida de 100.000€ para subvencionar aqueles estabelecementos de hostalaría que aposten por uniformizar as súas terrazas, de acordo cunha estratexia que procura dar un pulo ao turismo local.
As mesas e as terrazas deberán reunir unha serie de requisitos, como non teren publicidade nin ser de plástico no caso das mesas, ser téxtiles e dunha soa cor (preferentemente burdeos) no caso dos tornasois, etc. Tamén se bonifican os rótulos comerciais, papeleiras, macetas e outros elementos ornamentais en consonancia co mobiliario escollido.

En consonancia, solicitamos:
1.- Que o concello informe a través da súa páxina web destas axudas e mesmo que outorgue asesoramento a aqueles cidadáns interesados nas mesmas.

2.- Que o concello complemente estas axudas subvencionando a rotulación en galego até un máximo de 3.000€ por estabelecemento.

3.- Que o concello bonifique a partir de 2016 as taxas das terrazas daqueles estabelecementos que se acollan a estas reformas para dar un maior impulso ao turismo.

4.- Que o Goberno manteña unha xuntanza coa asociación de hostaleiros para informar destas axudas así como das axudas específicas do concello para o ano 2016, a orzamentar nos vindouros orzamentos.

5.- Que se revisen as taxas das terrazas para axeitalas á conxuntura económica adversa do presente.