Con Capitalismo y turismo en España. Del “milagro económico” a la “gran crisis” comezamos a artellar unha pequena sección de recursos que pomposamente denominamos “biblioteca”. Libros, reflexións ou documentais para pensar e construír unha cidadanía crítica.
Descarga aquí o libro en formato pdf aquí: Capitalismo y turismo en España
Preme en ler máis para veres unha reseña sobre o libro.
Documentado percurso polos derroteiros do capitalismo no Reino de España, desde a ditadura até as postrimerías da última crise financeira, onde se debullan as principais transformacións socioeconómicas que operaron no Reino desde o estourido da borbulla inmobiliaria até a chegada da crise.
Ivan Murray Mas, o seu autor, é profesor do departamento de Ciencias da Terra da Universidat de les Illes Balears, dando aulas de xeografía. Tamén é membro do GIST (Grupo de Investigación de Sostibilidade e Territorio). Nas súas liñas de investigación combina os enfoques da xeografía radical, a economía política e a ecoloxía política para un enfoque sistémico.
En Capitalismo y turismo de Murray Mas podemos observar as estratexias das clases dirixentes para solventar as contradicións do capital que desembocaron na crise: a devaluación interna mediante a acentuación do réxime de explotación e a precariedade laboral; a recomposición da riqueza social mediante un proceso que Harvey denomina como acumulación por desposesión; e, por último, aínda que non menos importante, unha tentativa de recomposición da taxa decrecente de gaño -descrita xa no seu día por Marx- mediante unha nova ronda de explotación turística do espazo.
Para o autor, <<cualquiera proyecto transformador debería incorporar la ruptura con el modelo turístico-inmobiliario que ha marcado el devenir del capitalismo español desde la dictadura>>.
Boa leitura
Por Chantada 
[…] corrupción. Aínda en días pasados, saíu o libro do profesor de xeografía da UiB Ivan Muray Mas Capitalismo y turismo en España. Del milagro económico a la gran depresión. 500 páxinas moi […]
GústameGústame