STOP á impunidade! Coa corrupción e o caciquismo tolerancia 0

suso otero
Foto: El Progreso

A candidatura de unidade popular Por Chantada reitera, como vén defendo desde a súa creación, que coa corrupción e co caciquismo non pode haber tolerancia social, pois hipoteca o futuro colectivo para beneficio duns poucos.

Lamentamos que após dúas sentenzas firmes, a última da sala II do Tribunal Supremo, o alcalde de Monterroso sexa incapaz de apresentar a súa demisión polo ben da imaxe do seu concello, que é dos cidadáns e non seu, e polo ben da Galiza interior, asociada aínda co caciquismo e coa mala praxe política, precisamente por casos como este en que se abusa da autoridade para retirar multas a quen conveña.

Hoxe (26/05/2016) coñecemos polo xornal El Progreso que “Jesús Otero apela ao Constitucional para manter a alcaldía de Monterroso” representando o pior da vella política incapaz de demitir polo ben do seu concello e da veciñanza.

Aferrados ao cargo pase o que pase, este e outros comportamentos son ao tempo os responsábeis desa imaxe de impunidade do vello caciquismo que se traduce en abulia e parálise do tecido social e que tapia calquera saída de futuro para os nosos concellos.

Uns concellos do interior de Lugo onde os escándalos de corrupción e abuso de autoridade se suceden. Hai uns días era o caso de Pantón en relación co PXOM e agora mentres en Monterroso hai un alcalde condenado por quitar multas, en Chantada temos un alcalde que asina decretos e que paga multas de velocidade aos seus traballadores:

Decreto da alcaldía nº 63 do 14 de abril de 2016: https://porchantada.files.wordpress.com/2016/05/multa-de-trc3a1fico.pdf

multa tráfico decreto alcalde

A mocidade e as maiorías sociais que queremos unha nova política que nos permita ter futuro na nosa Terra e non ter que emigrar non nos merecemos que o caciquismo siga destruíndo o futuro colectivo con total impunidade.

Desde Por Chantada-CUP solicitamos a demisión do alcalde de Monterroso, porque é un imperativo ético, e solicitamos que Manuel Varela dea explicacións, xa non só polas amizades perigosas dos Inta, mais tamén por procedementos como o pago de multas por exceso de velocidade a traballadores do concello de Chantada cos cartos de todas e todos.

que voltem para a casa
Queremos futuro para tod@s, tamén para os que emigraron, e non covertirnos nun deserto verde.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s