Por Chantada-CUP apresentou o Dia Nacional da Galiza alegacións ao Suplemento de crédito 2/2018

 

No Día nacional da Galiza apresentamos reclamación contra a aprobación do SC 2/2018 por valor de 630,406,65€ en concepto de indemnización a dúas empresas (Fevisa e Oviga) por obras contratadas verbalmente en maio de 2015. No comezo da lexislatura puxemos o grito no ceo con esta cuestión, sendo unha das primeiras e principais batallas que mantivemos desde Por Chantada-CUP na defensa dos intereses do común.

Como sempre defendemos, as facturas foron declaradas nulas de pleno direito, decisión ratificada polo Consello Consultivo en 2016 ao abeiro do artigo 47.1.e) da Lei 39/2015, de 1 de outubro, que configura como nulos de pleno direito os actos ditados «prescindindo total e absolutamente do procedemento legalmente estabelecido ou das normas que conteñen as regras esenciais para a formación da vontade dos órganos colexiados» e, xa que logo, é mester a depuración de responsabilidades por neglixencia grave que atinxe á facenda pública local, a anulación de oficio do SC e a súa remisión ao Consello Consultivo da Galiza e ao Tribunal de Contas.

No entanto, os 630,406,65€ cos que agora se pretende indemnizar ás empresas tampouco coinciden co que se intentara xa no SC 1/2016 por importe de 510.646,57€ nen co Recoñecemento extraxudicial de crédito 1/2016 por importe de 631.486,97€. Nengunha explicación foi fornecida sobre esta cuestión.

Inta pretende, así, indemnizar as empresas sen descontar o beneficio industrial das facturas nulas de pleno direito fundamentándose nun informe do arquitecto, segundo o qual as empresas privadas farían as obras contradas verbalmente e adxudicadas a dedo, a perdas. Un caso único, certamente digno de estudo.

Desde Por Chantada-CUP, como sempre defendemos, acreditamos que nen un só euro público debe destinarse a fins que non lle son proprios. Neste caso, os xuros de demora e o beneficio industrial deben descontarse e, en todo caso, serán os responsábeis quen deban respondar legal e patrimonialmente debendo o Concello iniciar ipso facto un expediente de oficio de depuración de responsabilidades.

Novamente, toca aos chantadeses pagar a factura da desastrosa xestión e o pouco respeito pola Lei de Contratos do Sector Público e demais lexislación do alcalde Manuel Varela.

Podes consultar a nosa reclamación íntegra (PDF) premendo na seguinte ligazón:

Reclamación de Por Chantada-CUP na fase de exposición pública ao Suplemento de Crédico 2/2018

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s