Apresentación do libro de Xabier Pérez Davila [audio]

Para accederes ao audio íntegro coa apresentación do libro de Xabier Pérez Davila, que transcorreu o 26 de xuño de 2021 no Círculo Recreativo Cultural (Casino) de Chantada preme na seguinte ligazón: https://bit.ly/3AaQrV9

 

IMG-20210627-WA0002

Momento da apresentación do libro de Xabier Pérez Davila Socialismo en Europa 2020 (Compostela: Laiovento). De esquerda a direita: Olga Otero, integrante de Por Chantada e da secretaría das persoas maiores do SLG; Xabier Pérez Davila, economista e escritor que colabora coa CIG e con MODEPEN; Antom Fente Parada, voceiro de Por Chantada – Candidatura de Unidade Popular. Foto: arquivo Por Chantada.

Podedes mercar o libro nas librarías Mago e Central de Chantada.

Para leres unha entrevista ao autor elaborada pola prestixiosa revista Sin Permiso preme aquí: SP – entrevista a Xabier Pérez Davila – libro socialismo 

Para leres outra entrevista, no Nós Diario: https://www.nosdiario.gal/articulo/economia/capital-quen-goberna-economia-nesta-ambito-non-existe-democracia/20201030211759108004.html

Para accederes á sinopse da editora Laiovento preme aquí: https://laiovento.gal/CATALOGO/1057/SOCIALISMO-EN-EUROPA-2020.html

207574694_4352375014814186_823122077569179170_n

O Sindicato Labrego Galego e Por Chantada organizan unha xornada para o aproveitamento do monte comunal.

 

O sindicato Labrego galego e a candidatura de unidade popular Por Chantada, interesados ambos polo desenvolvemento e o futuro do rural, organizan o próximo día 11 de xaneiro, as 11:00h no local da AA.VV de San Cristovo (parroquia de Mouricios en Chantada), unha xornada para propietarios de monte comunal e para todas aquelas persoas que se queiran achegar. Falarase da lexislación aplicada a esta tipoloxía de montes, as diferentes estratexias con diferentes cultivos e poñeranse sobre a mesa tamén exemplos de boa xestión.

O Sindicato Labrego Galego e a candidatura de unidade popular Por Chantada, dende o interese común polo desenvolvemento e o futuro do rural, organizan unha xornada dirixida aos propietarios de montes comunais e a interesados en xeral coa intención de achegar información á veciñanza neste eido.

Con esta xornada preténdese ofrecer diferentes formas de xestionar o monte comunal no marco da Escola de Acción Campesina na que participa o SLG. Falaremos de novas formas de explotación e diversas formas de pór en valor os nosos recursos. Para iso, contamos con tres relatores que falarán sobre a xestión dos montes, os aspectos legais que atinxen a estas propiedades e tamén de prácticas novidosas, que introducen alternativas á madeira, como o aproveitamento de resina ou mesmo gando. Todo isto coa intención de crear riqueza e emprego en base ao noso monte.

Intervirán na xornada Alberto Ledo Moure, axente forestal que explicará as particularidades legais que atinxen o monte comunal. Tamén Diego Sánchez Agra, técnico do Sindicato Labrego Galego que falará da xestión dos montes comunais e das diversas formas de aproveitamento dos mesmos. Por último,

José Manuel Yglesias e Ángel Buján Zas, propietarios do Monte Veciñal en Man Común do Carballo Vivo en Friol. Falaranos da súa experiencia particular e do rendemento do seu monte, canto a actividades como a madeira, resina, apicultura, porco celta… entre outras.

Para máis información contáctanos ou consulta o noso evento no Facebook: https://www.facebook.com/events/463651044526300/

[Audio] Acto formativo sobre abusos das eléctricas e pobreza enerxética

 

A pasada sexta-feira 23 de novembro impulsamos o derradeiro acto formativo deste 2018 desde Por Chantada-CUP. Deixamos, coma de costume, información sobre o acto, nesta caso o audio íntegro coa intervención do relator Pancho Casal, deputado de En Marea no parlamento galego. Que preste!

 

https://drive.google.com/open?id=1yK0JSw-D9xKyu7PKmK5490UcxPBCn8JI

 

O pase de diapositivas require JavaScript.

[Audio] Acto formativo Por Chantada-CUP sobre as pensións

 

 

A pasada sexta-feira 16 de novembro impulsamos máis un acto formativo desde Por Chantada-CUP. Deixamos, coma de costume, información sobre o acto, nesta caso o audio íntegro coas intervencións dos relatores e do público. Que preste!

 

https://drive.google.com/open?id=1_gKY0oKpbG2Qzj6Nn8x2PldgZrZQQF0A

 

O pase de diapositivas require JavaScript.

 

 #SomosAlternativa #CUPChantada 

[Audio] Acto formativo de Por Chantada-CUP sobre a PAC

O sábado 10 de novembro celebramos un acto no Casino de Chantada sobre as futuras mudanzas que vai sofrer a PAC. Deixamos aquí a apresentación que empregou Ana María Rodríguez, imaxes do acto e o audio íntegro da palestra coas intervencións de Lidia Senra, Ana María Rodríguez e o público asistente.

 

Que preste.

 

Audio íntegro do acto dispoñíbel na seguinte ligazón: https://drive.google.com/open?id=1zJ0wj0nAhWkNPHhl-jrr7uXTt5qbnV8c

Apresentación de Ana María Rodríguez: https://drive.google.com/open?id=1w-gAsv8lrRdEuPkYkhN1JQlCpBEU3K1K

 

 

O pase de diapositivas require JavaScript.

 

 

 

 

 

 

#colapsosentornarratos: imaxes da apresentación dos libros de Xosé Constenla e David Rodríguez.

 

 

 

O pase de diapositivas require JavaScript.

 

 

Desde Por Chantada-CUP agradecemos a todos os asistentes e, por suposto, aos relatores facer posíbel este acto, que achamos necesario. Por iso, imos dar continuadade a estes actos formativos nos vindeiros meses.  #SomosAlternativa #CUPChantada

 

 

 

Apresentación de dous libros e debate participativo o próximo 14 de setembro

 

Desde Por Chantada-CUP impulsamos máis un acto para reflexionar sobre o tempo e o lugar que nos tocou vivir. Desta volta será o 14 DE SETEMBRO ás 19:30 horas no Círculo Recreativo e Cultural de Chantada (Casino).

Trátase de ouvirmos e debatermos cos autores de dous dos ensaios fundamentais publicados na nosa Terra neste 2018: O colapso territorial en Galiza de Xose Constenla e O canastro sen tornarratos. Resistencia popular na era do capitalismo sen democracia. Unha ollada galega de David Rodríguez.

Xosé Constenla Vela (Compostela, 1980) licenciouse e doutorouse en Xeografía pola USC, exercendo actualmente como docente na UVigo e de León, após o seu paso pola universidade Carlos III de Madrid e a UdC. É tamén autor de (Re)Imaxinando o universo urbano. De Baltimore a Santiago de Compostela e hai uns meses, en marzo, estivo connosco precisamente para falarmos de modelos de xestión do #territorio na secuencia da declaración #BIC da #RibeiraSacra. Precisamente, froito daquel debate foron as alegacións que apresentamos ao expediente e que intitulamos Os indíxenas imos comer turismo. Agora, Xosé Constenla achéganos o seu novo ensaio O colapso territorial en Galiza, galardoado co Premio Ramón Piñeiro de ensaio no ano 2017.

David Rodríguez (Vigo, 1975) é deseñador gráfico. Publicou teatro radiofónico como O Bamban (2007) ou Nunca me esquecerei de ti (2010), o poemario Lapidarias, os versos escuros (2010) e partipou de ensaios colectivos como Non conciliados. Argumentos para a resistencia cultural (2010), A praza é nosa (2011), 15-M. O pobo indignado (2011), Por uma democracia radical. Vozes subalternas contra o estado exceção (2012), Entrementres. Ensaios para unha nova cultura política (2014). Desde 2005 mantén tamén a súa bitácora persoal O Funambulista Coxo que peneirou en papel nun volume publicado en 2012 e intitulado Retomando a palabra. Das guerras culturais ao crac financeiro. No tocante a O canastro sen tornarratos. Resistencia popular na era do capitalismo sen democracia. Unha ollada galega estamos perante un monllo de reflexións imprescindíbeis e necesarias sobre o noso aquí e agora como pobo.

#SomosAlternativa #CUPChantada

https://porchantada.wordpress.com/

 

Se nos queres axudar a promover o acto colando cartaces nos teus espazos de relacionamento social , o cal agradecemos de antemán, podes imprimir o seguinte PDF: cartaz definitivo.

Información de interese sobre fitosanitarios

GZ

Desde Por Chantada-CUP organizaremos un acto informativo o vindeiro 29 de xullo sobre a nova lexislación sobre fitosanitarios así como unha visión sobre a influencia e efectos do lobbing das transnacionais dos pesticidas sobre as nosas vidas ou os efectos destes produtos na nosa saúde. Será unha palestra aberta a todo aquel que desexe achegarse e onde poderedes formular as vosas inquedanzas. Conteremos con Vítor Álvarez Árias funcionario de Medio Rural e, antes de máis, activista político envolvido sempre coa causa e nas loitas da esquerda galega emancipadora.

En consecuencia, parécenos interesante oferecer algunha información previa que poda servir para ir aclarando determinadas cuestións que afectan aos usuarios de produtos fitosanitarios e nomeadamente no relativo á Inspección de equipos de apliación de fitosanitarios (ITEAF) ou máis coñecida como a “ITV das sulfatadoras”.

As equipas de aplicación de produtos fitosanitarios, a partires de agora, deberán ser inspeccionadas tal e como estabelece a Xunta e, dependendo da equipa, o seu custo oscilará entre os 75 e os 85€ . A data límite para facelo é o 26 de novembro de 2016. A lexislación aplicábel é o Decreto 60/2014, de 15 de maio, polo que se regulan as inspeccións periódicas das equipas de aplicación de produtos fitosanitarios e se crea o Comité Fitosanitario Galego e o Real Decreto 1702/2011, de 18 de novembro, de inspeccións periódicas das equipas de aplicación de produtos fitosanitarios.

No entanto, debemos ter claro que non afecta a calquera dispositivo dos que se emprega para dar produtos fitosanitarios. Así pois, non será necesario que unha sulfatadora tradicional pase a ITEAF en ningún caso (xa que non ten unha capacidade superior aos 100 litros). Aqueles dispositivos que si atinxe a nova lexislación antes de pasar a ITEAF deberán inscribirse no Rexistro Oficial de Maquinaria Agrícola (ROMA).

Porén, diferente é o caso doutros dispositivos que si a deberán pasar. Por exmeplo, as equipas móbiles de aplicación de produtos fitosanitarios de uso agrario e non agrario como os pulverizadores hidráulicos, os pulverizadores hidroneumáticos, os pulverizadores neumáticos, os pulverizadores centrífugos ou os espolvoreadores. A maiores, tamén lle afecta ás equipas de aplicación montadas a borde de aeronaves, as equipas instaladas no interior de invernadorios e outros locais fechados ou os pulverizadores de arrastre manual con depósito maior de 100 litros.

Canto á periodicidade das inspeccións nas equipas novas será dentro dos 5 anos a partir da súa adquisición e a partires daí unha vez cada lustro a non ser no caso de titulares prioritarios que será cada 3 anos (asociacións, empresas de servizos agrarios, cooperativas ou comunidades de bens con máis de dez produtores).

Antes de levardes os vosos dispositvos a pasar a ITEAF debedes levar a cabo unha serie de operacións con carácter previo:

1.- Ter correctamente regularizada a equipa, coa documentación da máquina e o número correspondente do ROMA.

2.- O traballador que emprega habitualmente a equipa debe estar presente na inspección.

3.- O dispositivo deberá ir totalmente limpo de tratamentos polo que se debe desmontar preivamente limpando todas as saídas e filtros para que non teña restos de produtos. Comprobar que non haxa obstruccións ou pezas desgastadas.

4.- Arranxar calquera defecto ou disfunción que, con anterioridade á inspección, se teña detectado.

5.- O depósito deberá ir con auga en 3/4 partes da súa capacidade e, preferentemente, accionado polo tractor co que habitualmente se emprega.