[OIP] Análise dos servizos sociais na Galiza e en Chantada: falta de financiamento e inversión.

Nova entrega do Observatorio da Inversión Pública de Por Chantada-CUP. Desta volta, divulgamos as conclusións dun estudo sobre os servizos sociais no conxunto do Reino de España intitulado Valoración del desarrollo de los servicios sociales por Comunidades autónomas e de cuxa autoría responde a Asociación estatal de directores e xerentes de Servizos Sociais . Canto a Galiza, cómpre dicir que a nosa nación ocupa o posto 13º na clasificación estatal no desenvolvemento do Sistema Público de Servizos Sociais. Após anos de continua regresión en 2017 rexistrouse unha evolución lenemente positiva, mais aínda por baixo dos níveis de 2012 e xa nen falemos dos níveis precrise. De facto, a inversión das AA.PP galegas manténse sen apenas variacións desde 2015 e a calificación global para 2017 é débil (4.17/10).

Así as cousas, o gasto por habitante/ano do conxunto dos concellos, deputacións e da Xunta en 2016 foi de 274.91€, inferior ao que se rexistraba en 2011 que era de 278.09€, e moi por baixo da medida do conxunto do Estado, que é de 339.69€. Asemade, a porcentaxe do PIB galego que representa esta inversión é de 1.29, unha décima por baixo do rexitrado en 2011 (1.30) e sensibelmente inferior á media do Estado (1.42). Isto, non se explica sen a hexemonía dos partidos da dereita, tradicionalmente contrarios a políticas públicias sociais fortes a pesar do crecemento da desigualdade no seo da nosa sociedade, mais tamén a algúns gobernos locais que se autositúan na esquerda mais sen desenvolver políticas que conecten cos valores e principios ético-políticos históricos da esquerda.

A atención á dependencia ten unha cobertura para 2017 de 6.4% da poboación potencialmente dependente, lonxe do 8.5% da media estatal. A porcentaxe de desatención, o denominado Limbo da Dependencia, é de 26.5%.  Tamén se observan importantes eivas nun terreo que achamos fundamental como é o das Rendas Mínimas de Inserción, que pasou de ofrecer unha exígua cobertura de 7.1% da poboación en risco de pobreza en 2014 a tan só 6.1% en 2015, por debaixo da media estatal de 8.7%. Outro déficit notábel é o das prazas residenciais para persoas maiores, co agravante do aumento do gasto pola aposta do privado fronte ao sistema público. A cobertura é de 1.08% fronte 2.16% da medida estatal e no Servizo de Axuda no Fogar (SAF) os dados son máis converxentes coa medida estatal (3.2% na Galiza fronte 3.8% no conxunto do Estado), non así na teleasistencia (0.85% fronte 2.74%).

O estudo incide en que <<o principal desequilibrio do Sistema Público de Servizos Sociais na Galiza é o que denominamos “direitos de papel“, é dicir, un Sistema ben ordenado (Lei, Catálogo, Plano estratéxico, boa integración entre administracións…), mais unha relevancia económica debil e, sobretodo, unha cobertura moi limitada de prestacións e servizos. En consecuencia, o estudo formula as seguintes recomendacións:

• Incrementar a inversión social por parte das AA.PP (Xunta e entidades locais, incluídas deputacións nestas) co horizonte de achegarse, cando menos, á medida estatal. Para este fin, o conxunto das AA.PP galegas deberían incrementar 23.6% dos seus actuais orzamentos, o que supón invertir cada ano 176 millóns de euros máis en Servizos Sociais.

 

• O anterior incremento orzamentar debería destinarse prioritariamente a:
  • Mellorar a cobertura e dotación do Sistema de Rendas Mínimas de Inserción (SRMI) e desenvolver unha Lei de Rendas Mínimas na Galiza, que fundamente este incremento da cobertura e o axeite ás novas situacións de pobreza, nomeadamente aquelas que non están necesariamente vencelladas a situacións de desarraigamento ou exclusión.
  • Continuar incrementando a cobertura do Sistema de Atención á Dependencia (SAD), reducindo a porcentaxe de desatención que segue afectando a máis dunha cuarta parte das persoas que teñen recoñecido o direito a recibir prestacións ou servizos do Sistema (26.5%).
  • Incrementar a oferta de prazas residenciais públicas para persoas maiores, xa que a ratio da Galiza (1.08 prazas por cada 100 pessoas) é das máis baixas do Estado.
  • Incrementar o servizo de teleasistencia.

 

 

 

E Chantada que?

Na análise dos orzamentos que vimos facendo cada lexislatura en Chantada, desde a CUP constatamos a insuficiencia de recursos e inversións en políticas sociais públicas e a pervivencia dunha concepción destes como asistenciais, froito de inercias clientelares na xestión destes. Isto trae consigo que, a diferenza do conxunto da comunidade, Chantada fique moi baixo en desenvolvemento normativo, carecendo, sen ir máis lonxe, de ordenanza de emerxencia social demanda continuada nesta lexislatura desde o noso grupo e cuxa ausencia suscitou reparos da intervención municipal (o que semella que conducirá a que se desenvolva tarde e mal unha ordenanza). Son significativos tamén conflitos no SAF, falta de prazas da gardaría, xestión deficiente dos fondos para emerxencia social, escasa conexión e reciprocidade cos colectivos sociais que desde a sociedade civil combaten as problemáticas sociais de diferente signo e, sobretodo, unha clara insuficiencia orzamentar que anos após ano vimos verificando e rexistrando. O gasto por habitante e ano na vila do Asma segue moi por baixo da maioría dos concellos da nación galega e non sufriu evolucións significativas nas dúas lexistaturas de Inta.

[OIP] Subvencións concedidas en concorrencia competitiva a entidades culturais pola Deputación de Lugo para 2017

Observatorio da Inversión Pública (OIP):

Listaxe de subvencións concedidas na anualidade 2017, en réxime de concorrencia competitiva, a entidades asociativas culturais da comarca de Chantada por acordo da Xunta de Goberno da Deputación de Lugo, en sesión celebrada o 22 de decembro de 2017, (BOP nº 4 do 5/01/2018). Esta liña de axudas totalizou, para toda a provincia 280.000€.

Entidade	Nome da actividade	Subvención	Concello
Asociación Treboada de Ideas	Posta en valor dos cruceiros e petos de ánimas do Concello de Taboada mediante as TIC	698	Chantada
Asociación cultural Amigos do Folión	Folión de carros	1.721	Chantada
Asociación cultural Argalleiras Teatro	Obradoiros de teatro e contacontos	821	Chantada
Coral polifónica de Chantada	Panxoliñas e obradoiro musical	1.145	Chantada
Asociación Cinematográfica Chantada Films	Posprodución e montaxe documentario rock bravú	937	Chantada
Asociación cultural O Castañazo	Outono cultural: concurso de cantos de taberna, exposicións, xogos tradicionais, actividade s infantís e outros	1.109	Chantada
Asociación Faro-Miño	Mostra de teatro popular Maruxa Villanueva	1.145	Chantada
Asociación cultural Irmandade cultural País do Faro (en constitución)	Publicación de Alicerces. Revista de estudos do Miño Medio.	1.037	Chantada
Asociación cultural veciñal deportiva Lugdunum	Talleres, charlas e viaxes culturais	929	Chantada
Círculo recreativo cultural de Chantada	Magosto	421	Chantada
Asociación educativo-cultural Airoá Comunicación	Obradoiros interxeracionais en TIC’s para mulleres do rural	1.217	Chantada
Asociación amigos de Manuel Jorge de Chantada	Actividade educativo-cultural para a recuperación da figura do arquitecto e pintor chantadés Manuel Jorge	1.001	Chantada
Asociación amigos do románico da comarca de Chantada	Acto cultural na igrexa románica de Pesqueiras e apresentación do libro de Manuel Regal Ledo no auditorio municipal de Chantada	812
TOTAL CHANTADA		12.993	4.54%
Asociación Cultural O Garabullo	Ruta do penedo do mouro	983	Carballedo
TOTAL CARBALLEDO		983	0.35%
TOTAL COMARCA		13.976	4.89%

 

Notas:

• Amigos do Folión recebe, como é ben sabido, cadansúa axuda pública da Xunta e do Concello de Chantada. Cómpre lembrar que conta con declaración de Festa de interese turístico, categoría que, proximamente, esperemos que tamén atinxa o noso Entroido Ribeirao. Así as cousas, a entidade organizadora do Folión de carros recebeu en 2017, vía administración local, un total de 10.500€ (P.O.: 334.489.01), ao que se engaden estes 1.721€ (as Deputacións entran dentro da administración local).

• A Coral Polifónica tamén recebe fondos do Concello: 3.000€ (P.O.: 334.489.01).

• A Asociación Cultural O Castanhazo recebe do Concello 3.000€ (P.O.: 334.489.01) de subvención nominativa ao que cómpre engadir, en 2017, 1.500€ vía pago dunha factura emitida directamente sen convenio nen acordo de nengún tipo que foi reparada pola intervención municipal e precisou pasar polo Pleno vía Recoñecemento extraxudicial de crédito.

• A Asociación Faro-Miño recebe do Concello 3.000€ sen convenio, contrato nen subvención nominativa aprobada. Faise mediante o abono de facturas directas e polo mesmo conceito có que agora se subvenciona desde o ente provincial.

 

[+ Información]

OIP: Subvencións concedidas en concorrencia competitiva a entidades deportivas pola Deputación de Lugo para 2017.

As contas do Concello VII: Subvencións nominativas concedidas polo Concello de Chantada en 2017.

OIP: subvencións en concorrencia competitiva entidades deportivas en 2016.

[OIP] Subvencións concedidas en concorrencia competitiva a entidades deportivas pola Deputación de Lugo para 2017

#Transparencia

Listaxe de subvencións concedidas na anualidade 2017, en réxime de concorrencia competitiva, a entidades e clubes desportivos da comarca de Chantada por acordo da Xunta de Goberno da Deputación de Lugo, en sesión celebrada o 29 de decembro de 2017, de “Conceder as subvencións individualizadas que se mencionan nas listaxes que se anexan así como a desestimación das subvencións que así mesmo figuran nas respectivas listaxes.” (BOP nº 10 do 13/01/2018). Esta liña de axudas totalizou, para toda a provincia 485.000€.

Cónstanos tamén que hai entidades culturais que aínda non perceberon a subveción de cultura da anualidade 2016, após numerosos requerimentos de documentación. Algo grave é que fala por si mesmo do funcionamento do ente púbico.

Entidade	Nome da actividade	Subvención	Concello
Escolas Deportivas de Chantada	Fútbol Sala	3.684,00	Chantada
Escolas Deportivas de Chantada	Fútbol	1.269,00	Chantada
Clube Billar Círculo Chantada	BILLAR	4.000,00	Chantada
Círculo Recreativo de Xadrez	Xadrez	3.000,00	Chantada
Círculo Recreativo de Xadrez	Torneo Internacional de xadrez memorial Dragan Paunovic	916	Chantada
Club SD Chantada	Fútbol	2.599,00	Chantada
Club Tenis Chantada	Tenis	1.852,00	Chantada
Club Xadrez de Chantada	Campionato xadres de colexicos	539	Chantada
TOTAL CHANTADA		17.859	3,68%
Taboada Club de Fútbol	FÚTBOL	2.087,00	Taboada
Club Ciclista Túzaros	CICLISMO	1.885,00	Taboada
CD Atlético Taboada	Fútbol	1.795,00	Taboada
TOTAL TABOADA		5.767	1,18%
Club Natación Escualos	Natación	1.275,00	Carballedo
Club Natación Escualos	Travesía a nado desafío encoro de Peares	916	Carballedo
TOTAL CARBALLEDO		2.191	0,45%
TOTAL COMARCA		25.817	5,32%

Notas:

• As Escolas Deportivas de Chantada recebían tamén subvención nominativa do Concello para contratacións externas a pesar de que os salarios, instalación, etc. eran, a todos os efeitos, suportados polo ente local. A fórmula defendíase para ter capacidade de federarse e competir. No entanto, nos últimos orzamentos, e por presións da intervención municipal perante a irregularidade do sistema, optouse por asumir directamente toda a xestión a partir de setembro de 2018. Resta por ver se isto se consolida ou non. Portanto, a estes 4.953€ cómpre engadir unha contía moitísimo máis elevada da achega ou gasto que lle supón ao Concello.

  No Orzamento para 2017 a área 340 “Administración xeral de deportes” representaba o 8’02% do total do gasto, ou sexa, 51’66€/hab. En total, falamos de 441.920,68€, que representa un aumento de 62.248’32€ a respeito do Orzamento de 2016 (hai que ver logo a execución real na liquidación orzamentar do 2017 que adoita diferir sensibelmente do orzamentado, por exemplo no Orzamento de 2016 ficou máis dun millón de euros sen executar). O gasto da área 340 repártase no Orzamento 2017 do seguinte xeito:

  • • • • • • • • Salarios e complementos: 251.242,53

                • Aluguer edificios e maquinaria: 15.000€

                • Transporte e carburante: 51.000€

                • Enerxía eléctrica: 30.000€

                • Material e gastos varios: 4.650€

                • Actividades culturais e deportivas: 1.500€

                • Limpeza: 10.528’15€

                • Cloro piscinas: 2.500€

                • Vestiario: 16.400€

                • Subcontratas: 1.000€

                • A institucións sen ánimo de lucro: 57.600€

  A maiores existen outras partidas doutras áreas que tamén se destinan a unha finalidade deportiva e que, por falta de vagar, non podemos agora rastrexar e cuantificar. No entanto, fica a presente achega como unha aproximación bastante real do gasto público local en actividade desportiva.

• A SD Chantada recebe tamén 15.000€ do concello mediante subvención nominativa, o que totaliza 17.599€ en 2017.

• O Círculo Recreativo de Xadrez contou cunha subvención nominativa do Concello por valor de 2.500€ en 2017, o que totaliza 6.416€ públicos.

• O Club Tenis Chantada recebeu en 2017 tamén 1.000€ (subvención nominativa) do Concello de Chantada o que soma 2.852€ de fondos públicos de entes locais (as Deputacións computan como administración local).

 

[+ Información]

As contas do Concello VII: Subvencións nominativas concedidas polo Concello de Chantada en 2017.

OIP: subvencións en concorrencia competitiva entidades deportivas en 2016.

[OCIP] Subvencións da área de Cultura da Deputación de Lugo 2016

Seguindo coa serie do Observatorio Cidadán da Inversión Pública (OCIP) facemos unha listaxe dos fondos públicos concedidos mediante subvencións en concorrencia competitiva por parte da Deputación de Lugo ás entidades culturais chantadinas. En días pasados xa publicamos as que subvencións da Deputación para entidades e clubes deportivos.

Incorporamos tamén un cadro final no que lembramos as subvencións nominativas que o concello de Chantada contemplou no orzamento de 2016 para esas mesmas entidadades non ronsel das informacións periódicas que facilitamos para cumprir o noso compromiso coa transparencia e a difusión do emprego dos fondos públicos.

Boa leitura.

 

#SomosAlternativa #CUPChantada

Listaxe subvencións de CULTURA da Área de Cultura, PHA, Artesanía e Deseño para o ano 2016 (entidades do concello de Chantada)

Ver resolución publicada no BOP, de onde foron tirados os dados que contén esta entrada (PDF): listaxe-subvencions-de-cultura-da-area-de-cultura-pha-artesania-e-deseno. Para ponderar correctamente dos dados repárese que o concello de Chantada conta con 2.49% da poboación do ámbito provincial  (dados INE para 2014). No mesmo BOP tamén aparecen as novas bases laborais do concello de Chantada após o recurso de resosición apresentado por Por Chantada-CUP que paralizou as primeiras por irregularidades.

 (Última actualización 19/01/2017 ás 12:45 horas)

ENTIDADE	CONCEPTO	CANTIDADE
SUBVENCIONS PARA ENTIDADES ASOCIATIVAS CULTURAIS. CATEGORÍA ANUAIS PERMANENTES
Asociación cultural Amigos do Folión	Folión de carros	1.284
Asociación cultural O Castanhazo	Concurso cantos de taberna, obradoiro de regueifas, magosto e outros	1.177
Asociación Cultural Faro-Miño	Mostra de teatro popular Maruxa Villanueva	1.043
Asociación cultural Airoá Comunicación	Proxecto documental O Moredo: a resistencia do Entroido Ribeirao	1.060
Asociación cultural Irmandade Cultural País do Faro	Publicación revista Alicerces	1.016
Banda de música de Chantada	Concertos, II Ciclo de outono e exposición	953
Asociación Cultural Casa da Música	Aulas de música, baile e danza	926
Associação Cultural Liviao de Marrao	Foliada, rodaxe e produción dun clip e exposicións	908
Asociación cinematográfica Chantada Films	Rodaxe dunha curtametraxe	846
Coral Polifónica Chantada	Curso de técnicas vocais, linguaxe musical, solfeo e vocalización	812
Asociación de viciños San Xoán da Alameda	Actividades culturais 2016	Desestimada
TOTAL CHANTADA	10.025 (4.01% do total)
SUBVENCIONS PARA ENTIDADES ASOCIATIVAS CULTURAIS. CATEGORÍA EVENTOS
Centro de animación e desenvolvemento cultural Santo Tomé de Merlán	Feira das cabras de Merlán	697
Asociación cultural O Castanhazo	Castanhazo infantil: obradoiro e actividades infantís	678
Sociedade cultural e gastronómica luso-galaica	Escolma etnográfica do Entroido Ribeirao	666
Asociación cultural Amigos do Folión	Obradoiro de recuperación e posta en valor da tradición dos carros	647
Asociación cultural Airoá Comunicación	Pingueira 2016. Encontro trendisciplinar de co-aprendizaxe en contexto	628
Asociación cultural Amigos do Románico da Comarca de Chantada	Acto cultural de igrexa de Pesqueiras románica	620
Asociación Cultural Faro-Miño	Divulgación na Internet de Ánxo Gómez Montero “Artista e Señor”	593
Asociación Treboada de Ideas	Posta en valor e divulgación na Internet dos pombais no concello de Chantada	574
Coral Polifónica Chantada	Festival panxoliñas 2016	516
Asociación de viciños San Xoán da Alameda	Viaxe cultural	397
TOTAL CHANTADA	6.016 (4.01% do total)

Contía total das subvencións deportivas por entidade
ENTIDADE	Subv. Deputación 2016 (concorrencia competitiva)	Subv. Concello 2016 (nominativas)
Asociación do Carme Festas Patronais	Non solicita1	40.000€
Asociación cultural Casa da Música	926	35.0002
Amigos do Folión	1.931	9.500
O Castanhazo	1.855	3.000
Airoá Comunicación	1.688	Non recibe3
Coral Polifónica Chantada	1.328	3.000
Faro-Miño	1.636	Non recibe
Asociación conde de Pallares	Non solicita	1.500
Irmandade Cultural País do Faro	1.016	Non recibe
Banda de música de Chantada	953	Non recibe4
Associação Cultural Liviao de Marrao	908	Non solicita
Chantada Films	846	Denegada
Santo Tomé de Merlán	697	Non recibe
Luso-galaica	666	Non recibe5
Amigos do Románico	620	Non recibe
A.V. San Xoán da Alameda	397	Non recibe6
Amigos do Entroido Ribeirao	Non solicita	600
Asociación Treboada de Ideas	574	Non recibe7
TOTAL	16.041	92.600

1A Festa da empanada 2016 recibiu unha subvención nomitativa de 3.000 euros da Deputación de Lugo.

2Ao que cómpre engadir o custe do mantemento das instalacións que tamén asume o concello e diversas actuacións relacionadas coas actividades da Casa da Música. Só entre xuño-decembro de 2016 no auditorio e na casa da música (incluída a reforma do ar acondicionado, limpeza cristais, pintura, electricidade…) houbo uns gastos 12.917,23€.

3 O director do documentario O Moredo, David Vázquez, recibiu do concello unha pequena colaboración mediante abonado de factura directa, de 484€. O documentario recibe tamén, através de Airoá unha pequena axuda da Deputación de Lugo,como queda reflectivo no cadro. Por súa parte, con Airoá tamén se relaciona Televinte que recibe tamén fondos municipais, sen convenio e por facturas periódicas e recorrentes, por un total de 12.100€ entre xaneiro e agosto de 2016. A Deputación tamén abonou os custes dun traballador da canle local a través do programa de emprego Ben Empregado, que financia o 100%.

Cómpre lembrar que este procedemento do concello é totalmente irregular perxudicando aos propios beneficiarios pola súa discrecionalidade e arbitrariedade, ao pagar un servizo ou unha subvención encubertamente e sen garantías, pasándoo por un contrato menor. Para un maior detalle do que o concello gasta na imprensa véxase estoutra entrada da nosa bitácora: https://porchantada.wordpress.com/2015/12/17/as-contas-do-concello-i-o-financiamento-da-prensa/

4Recibe, mediante contrato asinado aínda en 2015, 750 euros mensais (9.000 euros anuais), para alén doutras axudas para o Outono cultural, etc. polo método de abonado de facturas directamente sen convenio. Por este método hai varias entidades que reciben fondos municipais, mais non os incluímos no cadro ao non podermos facer neste momento unha relación exhaustiva.

5Recibe mediante o abono de facturas directas unha substancial retribución en relación con gastos de protocolo (comidas) e outros polo Billó de ouro, principalmente. Non podemos, no entanto, dar unha cifra anual neste intre.

6Só nos consta o abono dunha factura directa por parte do concello, a nº 1726, por importe de 300€ e concepto “Realización actividades cultura 6 de agosto”.

7Non nos foi posíbel identificar na rede nada en relación coa subvención que recibe este colectivo da Deputación. Aclarar que leva recibindo apoios deste organismo desde hai xa bastantes anos.

[OCIP] Subvencións deportivas da Deputación de Lugo 2016

Seguindo coa serie do Observatorio Cidadán da Inversión Pública (OCIP) facemos unha listaxe dos fondos públicos concedidos mediante subvencións en concorrencia competitiva por parte da Deputación de Lugo ás entidades deportivas chantadinas. Incorporamos tamén un cadro final no que lembramos as subvencións nominativas que o concello de Chantada contemplou no orzamento de 2016 para esas mesmas entidadades.

#SomosAlternativa #CUPChantada

Subvencións concedidas para o ano 2016 pola Deputación de Lugo, en réxime de concorrencia competitiva, destinadas a entidades e clubs deportivos da provincia de Lugo

NOTA PREVIA 1: Os dados foron tirados do BOP nº 287 do 16/12/2016 que pode consultarse na seguinte ligazón: http://www.deputacionlugo.org/portal_localweb_ag/RecursosWeb/DOCUMENTOS/1/0_15027_1.pdf 
NOTA PREVIA 2: para ponderar correctamente os dados repárese en que o concello de Chantada conta co 2.49% da poboación do ámbito provincial da Deputación de Lugo (dados do INE para 2014).

ENTIDADE	CONCEPTO	CANTIDADE
SUBVENCIONS DEPORTIVAS PARA ENTIDADES E CLUBS DEPORTIVOS PARA A REALIZACION DE ACTIVIDADES DEPORTIVAS
Clube ciclista chantadino	Adquisición vestimenta	596
Clube billar círculo Chantada	Adquisición material e vestimenta	566
Escolas Deportivas de Chantada	Escolas Deportivas da comarca de Chantada	892
Clube Chantada Atlético	Balompé	566
Círculo chantadino de xadrez	xadrez	714
Peña saltasebes Chantada	Atletismo: adquisición de vestimenta	685
Clube xadrez de Chantada	Xadrez: adquisición material e vestimenta	685
Castelo bike clube	Ciclismo e ciclismo de montaña	Desestimada
TOTAL CHANTADA	4704 (3.76% do total)
SUBVENCIONS DEPORTIVAS PARA ENTIDADES E CLUBS DEPORTIVOS PARA A ORGANIZACIÓN DE EVENTOS
Clube SD Chantada	Xornadas de convivencia, socialización, verán e Nadal: torneos de fútbol 7	760
Escolas Deportivas de Chantada	CLAUSURA DAS ESCOLAS DEPORTIVAS DA COMARCA DE CHANTADA E TORNEO COMARCAL DE FÚTBOL SALA ESCOLAR SUR DE LUGO 2016	932
Clube tenis Chantada	Torneos primavera-verán-outono 2016	789
Peña saltasebes Chantada	Carreira popular Carballedo	789
Clube xadrez de Chantada	Campionato colexios, campionato Galiza central	904
TOTAL CHANTADA	4174 (4.17% do total)
SUBVENCIONS DEPORTIVAS PARA ENTIDADES E CLUBS DEPORTIVOS PARA A ACTIVIDADE COMPETITIVA
Clube ciclista chantadino	ciclismo	1.100
Clube billar círculo Chantada	billar	1.173
Clube S.D. Chantada	fútbol	1.391
Clube Chantada Atlético	fútbol	1.000
Clube tenis Chantada	tenis	1.173
Círculo chantadino de xadrez	xadrez	1.210
Castelo bike clube	Ciclismo BBT e cicloturismo	desestimada
TOTAL CHANTADA	7.047 (2’56% do total)

Contía total das subvencións deportivas por entidade
ENTIDADE	Subv. Deputación 2016 (concorrencia competitiva)	Subv. Concello 2016 (nominativas)
SD Chantada	2.151	15.000
Clube tenis Chantada	1.962	1.000
Círculo chantadino de xadrez	1.924	1.500
Escolas Deportivas de Chantada	1.824	15.500
Clube billar círculo Chantada	1.739	0
Clube ciclista chantadino	1.696	600
Clube xadrez de Chantada	1.589	0
Clube Chantada Atlético	1.566	2.500
Peña saltasebes Chantada	1.474	0
S.B. Chantada Baloncesto	Non solicitou	15.000
Escudaría Chantada automobilismo	Non solicitou	6.000
Chantada Karate Klub	Non solicitou	500
Castelo bike clube	0	0
TOTAL	15.925	57.600

DOSSIER GDR [OCIP]

O Observatorio Cidadán da Inversión Pública (OCIP) coa súa vontade formativa e de promoción da acción política comeza a súa andaina expondo un dossier sobre o GDR. No mesmo diferéncianse varias partes. Unha introdución sinxela para as persoas que non saiban o que é un GDR a que segue un resumo da andaina do GDR Miño-Ulloa, no que se engloba Chantada, entre os anos 2010 e 2015. Finalmente, recóllense as inversións feitas. Agardamos sexa ilustrativo e de interese e que a nosa proposta de artellar unha fronte cívica sexa recollida pola sociedade civil da comarca.

Observatorio Cidadán da Inversión Pública (OCIP) – materias formativos e de acción política:

DOSSIER GDR

I.- Introdución ao GDR

Que é?

O GDR (Grupo de Desenvolvemento Rural) é un organismo en que participan as administracións públicas (49%) e os diversos sectores da sociedade civil (51%) (empresarios, sindicatos, asociación de todo tipo…) organizados en 9 mesas sectoriais. O GDR encárgase de xestionar os fondos europeos e achegas doutras administracións, o denominado PROGRAMA LEADER, que só en 2014 e 2015 contou con 43.014.106,01€ para toda Galiza, dos cales 10.419.466,19€ se distribuíron entre os 8 GDR da provincia de Lugo e 2.424.469,50€ foron parar ao GDR7-Asociación Miño-Ulloa en que se integra a comarca de Chantada.

Porque é importante?

Nun tempo de crise é importante optimizar os escasos recursos dos que dispomos e que se gasten precisamente naquilo para o que están pensado. O GDR 7 Miño-Ulla contou con 6.288.502’22€ de euros de fondos públicos no seu orzamento ao longo dun lustro o que o sitúa cun orzamento anual en inversións moi significativo.

Por exemplo, o concello de Chantada recibiu 1.355.461,03€ por este concepto no período de aplicación do GDR 7 Miño-Ulla (2010 e 2015), que rematou o 31 de decembro de 2015. Infelizmente, lonxe de dedicarse estes fondos ao desenvolvemento rural destínanse a proxectos que deixan moito que desexar e que logo debullaremos…

Como funciona?

Conta cunha xerencia técnica e un presidente. No caso do GDR Miño-Ulloa conta con moi pouca transparencia na asignación dos fondos e na garantía da súa equidade, así como unha moi deficiente por non dicir nula rendición de contas. Os concellos rematan tendo a maioría porque asisten sempre e o reparto dos fondos e o control do PP fan que as prácticas clientelares teñan imperado.

O 2 de xullo remata o prazo para a conformación da nova candidatura que rexerá o GDR e simplemente se cobre o requisito cos vellos protagonistas e con actos formais no que a participación se reduce a cobrir un inquérito e sen convocar nin promover a participación de todo o tecido cívico e social.

O noso obxectivo non é competir no espazo “institucional” e de reparto de cadeiras “políticas”, senón en concienciar sobre a necesidade de artellar unha fronte cívica e asociativa, a comezar por Chantada mais con vocación comarcal, que actúe unida como fórmula de presión para a obtención de conquistas democráticas que nos permitan no futuro ter incidencia no desenvolvemento do GDR e as súas actuacións.

Porque agora?

Ben é certo que o GDR 7 Miño-Ulla leva un lustro funcionando. Nese tempo non soubemos ou non puidemos incidir desde a sociedade civil para reverter un funcionamento demasiado ligado coas prácticas clientelares e a opacidade. Unha nova fornada de mulleres e homes preocupados polo rural e procedentes de diversos ámbitos de activismo (veciñal, xuvenil, cultural, sindical…) coincidimos en que isto non pode seguir por este vieiro, que é preciso abrir este espazo á participación e á transparencia ou, cando menos dar a batalla.

Neste momento, decídese a configuración do GDR 5, que guiará as actuacións o próximo lustro, por iso é importante que participemos constituíndo UNHA FRONTE CÍVICA COMÚN que nos permita conquistar obxectivos modestos, mais que redundarán no beneficio de todas e todos.

O novo GDR 5 ampliará o seu ratio de acción a un espazo de 12.000 habitantes e 1.376 quilómetros cadrados, integrando os municipios de de Paradela, O Páramo, Sarria, Chantada, Taboada, Carballedo, Palas, Portomarín, Antas e Monterroso.

Que queremos?

A Candidatura de Unidade Popular – Por Chantada naceu cunha clara vocación municipalista, centrando a acción política no concello, pois é imprescindíbel artellar e definir alternativas desde a nosa realidade para mudala e para contribuír a mudar a nosa sociedade noutros ámbitos, de abaixo a arriba.

A nosa aposta é que o tecido asociativo, as pequenas empresas e sobre todo as iniciativas asociativas e de transformación do rural teñan absoluta prioridade. Para iso é imprescindíbel que o tecido asociativo que mantén a vitalidade do país do Faro faga unha fronte única esixindo un novo GDR que sexa:

– transparente e equitativo na asignación dos fondos: liñas de actuación claras e ferramentas participativas ao longo de todo o período do novo GDR 5.

– cos pes na terra: o foco no rural, nas iniciativas económicas e do tecido social do rural teñen que ter prioridade, por riba de grandes empresas e de institucións que gastan os fondos de desenvolvemento europeo en inversións que nin dinamizan nin gardan relación co rural.

– coas portas abertas: a xerencia e a dirección do GDR 5 ten que render contas en tempo real a través dun portal na Rede moderno, eficaz e de fácil consulta, que permita tamén recoller achegas e propostas.

– mediante orzamento participativo: que permita ao final de cada exercicio decidir que proxectos e liñas priorizar e a que destinar os fondos. Desde actuacións concretas a liñas xerais polas que pular para beneficiar o tecido e a maioría social.

En definitiva, demandamos aplicar o sentido común para dotármonos dun instrumento útil e eficaz para o noso territorio. Un GDR de todas e todos, que non sexa un instrumento electoral ou un apéndice partidista. Un GDR ao servizo das maiorías sociais (labregas, asociacións veciñais, culturais, xuvenís, pequenas e medianas empresas, mocidade que desexe crear unha empresa ou incorporarse á agricultura….), que aposte por pór en valor o noso territorio e as nosas formas de vida, contribuíndo a combater a tripla crise que desola o rural galego: socio-económica, de representación e demográfica.

Contacta con nós:

https://www.facebook.com/PorChantada/?fref=ts

https://porchantada.wordpress.com/sobre/

II.- O GDR MIÑO-ULLOA no período 2010-2015. Resumo

A asociación Miño-Ulloa constituíuse en 22 de xuño de 2008 e conta co CIF G27384999 estando inscrita no Rexistro Provincial de Asociacións desde o 18 de novembro de 2008 co número 2008/012451-1(LU). É a encargada de desenvolver no período 2008-2015 o Grupo de Desenvolvemento Rural 7-GDR7.

A súa constitución acompañouse dun forte confronto político protagonizado especialmente por Monterroso, gobernado na altura por Gato Soengas do PSOE, e a maioría de cargos e representantes políticos adscritos ao PP. Após imporse e usar ou “inventar” tecido asociativo, vital para poder desenvolver o proceso, todo o que non estaba infiltrado ou controlado por esta formación foi desanimándose e ficando totalmente marxinado do día a día do GDR, así o tumor do caciquismo expulsou o tecido social e cívico sano que é o que debería ser protagonista do GDR, seguindo a filosofía que inspiran as diretrices da Unión Europea ao respecto.

Nacía así unha asociación Miño-Ulloa que era un instrumento do PP e dos grandes grupos de poder económico das comarcas de Chantada e da Ulloa. O seu presidente, por exemplo, é o alcalde de Taboada do PP.

Entre 2008 e 2015 manexáronse uns fondos públicos de 6.288.502’22€ distribuíndose do seguinte xeito:

ANO	Unión Europea (FEADER)	Ad. xeral do Estado	Xunta de Galiza	TOTAL
2008-2013	2.224.137,24	827.639,18	812.256,30	3.864.032,72
2014-2015	1.818.352,13	294.088,15	312.029,23	2.424.469,50

Dese montante unha parte vai a gastos de funcionamento da asociación Miño-Ulloa e outra a inversións relacionadas co “desenvolvemento rural”, aínda que xa veremos exactamente en que medida. Ao ser unha entidade colaboradora con AGADER na xestión do Programa Leader subscribiron débeda co Banco Santander e logo o citado organismo faise cargo de compensar o 100% do gasto.

GASTOS de FUNCIONAMENTO
Ano 2010	53.764,43
Ano 2011	81.031,01
Ano 2012	86.589,20
Ano 2013	88.129,90
2007-2013	Material de promoción do programa LEADER 2007-2013: 5.819,38€ (en 2014 e 2015 inclúese xa nos gastos de funcionamento)
Ano 2014	86.574’76€
Ano 2015	97.189’37€

En 2014 producíronse baixas de socios e en 2015 contaba con 77 socios onde se inclúen concellos, cooperativas, asociacións… As cotas no ano 2015 ascenderon a 2.850€, cantidade importante no caso das entidades sen ánimo de lucro que, amais, fican sempre fóra das axudas como se verá.

III.- INVERSIÓNS DO GDR MIÑO-ULLOA no período 2010-2015

CONCELLO DE CARBALLEDO
ANO	Promotor e proxecto	Cantidade en euros
2013	Acondicionamento casa da escola para centro social e cultural na Aguada	38.135,39€
2015	José Antonio Fernández Ferrreira. Mellora e amplicación de empresa especializada na prestación de servizos forestais	42.964,25€
TOTAL CONCELLO DE CARBALLEDO: 81.099,64€

 

CONCELLO DE CHANTADA
ANO	Promotor e proxecto	Cantidade en euros
2012	Jesús Pegerto Ledo López: Adquicisión programa informático de identificación de sala de ordeño	9.234,50€
2012	Vía Romana S.L.: construción dunha adega en pedra para a elaboración de viños brancos	12.339,47€
2013	ICOS, SCG: adecuación de instalacións para aula de informática e formación	29.888,19€
2012	ICOS, SCG: dotación de equipamento tecnolóxico	8.778€
2013	ICOS, SCG: dotación de maquinaria en servizos de ICOS	89.033,49€
2015	ICOS, SCG dotación de maquinaria en servizos de ICOS	68.950€
SUBTOTAL ICOS, SCG: 196.649,68
2012	Vinigalicia S.L.: Modernización e innovación de maquinaria especializada	68.970,97€
2012	Verdechán S.L.: equipamento maquinaria para ampliación de empresa de servizos de xardinaría	2.851,56€
2012	Concello de Chantada: recuperación medioambiental da contorna das piscinas municipais da vila de Chantada	23.149,14€
2013	Concello de Chantada: recuperación medioambiental da contorna das piscinas municipais da vila de Chantada	7.120,21€
2015	Concello de Chantada: acondicionamento da antiga escola infantil para centro de día en Chantada	233.440,15
SUBTOTAL CONCELLO DE CHANTADA: 263.709,5€
2014	Orlando Otero Fernández (Camporramiro): adquisición de maquinaria para prestación de servizos en viñedos	8.442€
2014	Gandaría Poutón S.C (Amorín, Argozón): instalación de equipo de muxido robotizado, sistema automatizado alimentación de	5.400€
2015	Gandaría Poutón S.C (Amorín, Argozón): instalación de equipo de muxido robotizado, sistema automatizado alimentación de	59.400€
2014	Gandaría Poutón S.C (Amorín, Argozón): adquisición de equipos de transporte (2 remolques con eixos traccionados)	38.850€
SUBTOTAL GANDARÍA POUTÓN S.C: 103.650€
2015	Chavián S.C. (Mariz): instalación de dous equipos de muxido robotizado, equipos informatizados	94.940,51€
2014	Maquinaria Agrícola del Noroeste S.L: dinamización e diversificación, do sector agroforestal, ampliación, de servizo do medio rural	76.100,64€
2015	Maquinaria Agrícola del Noroeste S.L: dinamización e diversificación, do sector agroforestal, ampliación, de servizo do medio rural	19.025,16€
SUBTOTAL MAQUINARIA AGRÍCOLA DEL NOROESTE: 95.125,8€
2014	Circuíto LEADER Miño-Ulloa de carreiras populares	2.256,93€
2015	Circuíto LEADER Miño-Ulloa de carreiras populares	9.482,72€
SUBTOTAL CARREIRAS POPULARES: 11.739,65€
TOTAL CONCELLO DE CHANTADA: 867.653,64€

 

CONCELLO DE MONTERROSO
ANO	Promotor e proxecto	Cantidade en euros
2011	Concello de Monterroso: XX edición feira do queixo Arzúa-Ulloa. Mostra multisectorial	1.561,40€
2012	Concello de Monterroso: rehabilitación edificio para local social en Pedraza	16.278,13€
2014	Concello de Monterroso: instalación de dúas pistas de pádel no concello de Monterroso	26.666,55€
SUBTOTAL CONCELLO DE MONTERROSO: 44.506,08€
2012	Agritransfor Sociedade Cooperativa Galega: creación de Agritransfor, Sociedade Cooperativa Galega de servizos Agroforestais	57.752,39€
2013	Agritransfor Sociedade Cooperativa Galega: creación de Agritransfor, Sociedade Cooperativa Galega de servizos Agroforestais	29.363,85€
SUBTOTAL AGRITRANSFOR: 87.116,24€
2015	María Luísa Vázquez Gavieiro: adquisición robot para muxir	53.900€
2014	José Cándido Dobarro Reboredo: construción nave industrial para actividade de comercio maior de respostos	52.777,46€
TOTAL CONCELLO DE MONTERROSO: 238.299,78€

 

CONCELLO DE PALAS DE REI
ANO	Promotor e proxecto	Cantidade en euros
2011	Mourenza y Pardo S.L: construción de nave industrial para sede de empresa de autobuses, servizos turísticos	52.000’95€
2014	Mourenza y Pardo S.L: construción de nave industrial para sede de empresa de autobuses, servizos turísticos	15.075,92€
SUBTOTAL Mourenza y Pardo S.L.: 67.076,87€
2013	Asociación veciños A Capela: construción de pista de carreiras e andadura para cabalos	58.479,30€
2013	Gavieiro e Hijos S.L: equipamento de maquinaria para empresa de servizos agrícolas	90.778,21€
2014	Gavieiro e Hijos S.L: innovación e desenvolvemento de novas tecnoloxías para mellora de produción	250.000€
SUBTOTAL GAVIEIRO E HIJOS S.L: 340.778,21€
2013	Concello de Palas de Rei: XXI Edición Feira do queixo Arzúa-Ulloa. Mostra multisectorial	2.405,96€
2012	Juan Andrés Ayaso García: adquisición ecógrafo para gando vacún e material informático	2.392,20
2014	SAT San Miguel 1001 Xuga: mellora do benestra animal e redución de consumo de enerxía eléctrica	5.838,21€
2015	Rivas S.C: adquisición robot para muxir	59.244,08€
2015	José Antonio Serén Blanco: adquisición de maquinaria para prestación de servizos agrícolas e gandeiros	61.390,94€
TOTAL CONCELLO PALAS DE REI: 597.605,77€

 

CONCELLO DE PORTOMARÍN
ANO	Promotor e proxecto	Cantidade en euros
2012	Floro SAT nº1315 XUGA: instalación dun robot para muxir	54.569,89€
2012	José Manuel Seijas Vázquez: instalación dun robot para muxir e adquisición de pala telescópica	67.680€
2012	Aviporto S.L: Melloras procesos en planta de abonos orgánicos con plantación de compostaxe	158.936,32€
2013	Aviporto S.L: Melloras procesos en planta de abonos orgánicos con plantación de compostaxe	52.978,77€
SUBTOTAL: AVIPORTO S.L: 211.915,09€
2014	Manuel Pérez Grandas: instalación de equipo para muxir robotizado, sistema de prefriado de leite	56.959,75€
2013	Concello de Portomarín	1.471,90€
TOTAL CONCELLO DE PORTOMARÍN: 392.596,63€

 

CONCELLO DE TABOADA
2012	Souto Frade S.C: instalación de equipo para muxir robotizado, equipos informatizados para alimentación	27.875€
2013	Souto Frade S.C: instalación de equipo para muxir robotizado, equipos informatizados para alimentación	83.625€
2015	Souto Frade S.C: instalación de sistemas produción de enerxía renovábel para autoconsumo explotación	77.712,90€
SUBTOTAL SOUTO FRADE S.C: 189.212,9€
2012	Asociación Cultural e Recreativa AS FACHAS: creación de páxina web para asociación cultural	1.109,80€
2014	Covas 21 S.L (Jesús Boán Méndez): posta en valor dos recursos naturais de Covas	137.500€
2015	Covas 21 S.L (Jesús Boán Méndez): posta en valor dos recursos naturais de Covas	112.500€
SUBTOTAL COVAS 21 S.L: 250.000€
2013	Ganadería Millán S.C: adecuación de instalacións de explotación agraria e adquisición de equipo para muxir	100.237,86€
2015	Ganadería Millán S.C: instalación con sistemas para xerar enerxía renovábel para explotación	74.600€
SUBTOTAL GANADERÍA MILLÁN: 174.837,86€
2013	Subiela SC (Sernande): instalación robot para ordeño	83.084,51€
2014	Subiela SC (Sernande): adquisición dun arrimador de comida para o gando	7.055€
SUBTOTAL SUBIELA SC: 90.139,51
2014	Leitagro SC (Gondulfe): instalación de equipo de enfriado do leite s.l	15.992,51€
2014	Miguel Pavón Reinoso: rehabilitación e adega e plantación de viñedo en Sobrecedo	5.179,91€
2015	Miguel Pavón Reinoso: rehabilitación e adega e plantación de viñedo en Sobrecedo	32.032,54€
SUBTOTAL MIGUEL PAVÓN REINOSO: 37.212,45€
2014	Cadahías de San Julián S.C: adquisición de maquinaria e equipos de aforro enerxético para explotación agrícola	15.043,30
2014	Mª Teresa Jiménez Horwitz: escola de equitación La Cruz en Taboada	31.969,43€
2015	Mª Teresa Jiménez Horwitz: escola de equitación La Cruz en Taboada	31.901,46€
TOTAL CONCELLO DE TABOADA: 837.429,22€

 

CONCELLO DE ANTAS DE ULLA
ANO	Promotor e proxecto	Cantidade en euros
2014	Antonio Ferreiro Ferreiro: obradoiro en recinto expositivo en queixaría e adecuación de percorrido didáctico	31.116,45€
2015	Antonio Ferreiro Ferreiro: obradoiro en recinto expositivo en queixaría e adecuación de percorrido didáctico	44.435,50€
SUBTOTAL ANTONIO FERREIRO: 75.551,95€
2014	Miguel Ángel Meilán Otero: adquisición de maquinaria para prestación de servizos agroambientais	24.226,02€
2014	Fernando Gómez González: mellora tecnolóxica en granxa de vacún de leite	18.236,40€
2015	Fernando Gómez González: mellora tecnolóxica en granxa de vacún de leite	83.692,07€
SUBTOTAL FERNANDO GÓMEZ: 101.928,47€
2014	Concello de Antas de Ulla: XII edición feira do queixo D.O. Arzúa-Ulloa	7.503,91
TOTAL CONCELLO ANTAS DE ULLA: 209.210,35€

 

OBSERVATORIO CIDADÁN DA INVERSIÓN PÚBLICA (OCIP)

Que é o OCIP?

O Observatorio cidadán da inversión pública (OCIP) é un grupo de traballo, análise e estudo que depende do Grupo de Traballo de Coordinación da candidatura de unidade popular Por Chantada.

Cal é o seu obxectivo?

Complementar a aposta pola transparencia que desenvolve a CUP no tocante ás contas do concello. Xa que logo,  o OCIP tentará seguir, explicar e facer transparentes as contas de organismos que, sen seren o concello, manexan importantes sumas de fondos públicos e, en consecuencia, inciden para ben ou para mal na nosa sociedade. Igualmente, consideramos importante que a cidadanía teña referencias para coñecer o destino dos fondos públicos, nomeadamente das axudas públicas a entes privados.

Como funciona?

Os seus integrantes desenvolven un traballo completamente desinteresado e altruísta recabando e analizando datos que son moitas veces de difícil acceso aínda tratándose de fondos públicos. Así pois, o OCIP regúlase internamente entre os seus participantes que reparten aquelas tarefas que son esenciais para o seu funcionamento e funciona por obxectivos concretos.

Como fago para participar?

Se desexas participar é moi fácil, só tes que contactar coa CUP de Chantada mostrando a túa disposición e indicando en que gostarías centrarte, a túa disponiblidade temporal e preferencias metodolóxicas, etc.

 

#SomosAlternativa #CUPChantada