Alcalde catastrófico. Resumo do pleno extraordinario urxente do 15 de xullo de 2021 [audio]

Captura de pantalla 2019-04-21 a las 10.27.36

Asistiron 12 concelleiros, ausentándose Daniel Camiñas (PSOE) e incorporándose coa sesión iniciada Pamela (PP). Asistiu como secretario accidental Ledo Cores e 5 persoas no público. 

Baixa o audio do pleno aquí: https://drive.google.com/file/d/1rueqASJpOTH20sNY_8MQZAqPbdQ8Hj19/view?usp=sharing

1.- Votación da urxencia da sesión.

Os voceiros dos grupos deciden renunciar ás dietas da sesión e, por unanimidade dos once concelleiros presentes, apróbase a urxencia da sesión. Neste momento incorpórase a concelleira do PP Pamela.

ACLARACIÓN:

Visto que transcorreu máis dun mes desde a saraibada e máis dunha semana da solicitude das persoas afectadas.

Visto que non existe nengún prazo administrativo que xustifique a urxencia da sesión extraordinaria nen sequera esta se xustifica por parte do alcalde como marca o artigo 79 do ROF para poder convocar unha sesión extraordinaria urxente.

Visto que procedería convocar unha sesión extraordinaria cunha antelación mínima de dous días hábiles.

O Goberno municipal  prescinde unha e outra vez dos procedementos legais estabelecidos.

2.-Escrito das viciñas e viciños proprietarios de parcelas agrícolas das parroquias de Pesqueiras, Sabadelle, San Pedro de Líncora e San Fiz de Asma atinxidos polas treboadas de saraiba dos días 15 e 16 de xuño de 2021. Solicitude de axudas directas á Consellaría de Medio Rural para paliar os danos.

DECRETO 2021-0547 [Decreto da convocatoria]

Emendas Por Chantada pleno extra urxente 15 de xullo 2021

Aquí produciuse un dos episodios máis surrealistas e bochornosos dos que temos memoria. O alcalde leu “de viva voz” unha proposta de acordo que preparou “pola mañá” en canto non permitiu que se votasen nen lesen as proposta que como emendas rexistrou, en tempo e forma, Por Chantada.

A maiores, a proposta do PP estamos certos que foi elaborada desde Santiago (Medio Rural) e nen se nos transmitiu por escrito aos grupos nen aos afectados polo que o alcalde vende a viciñanza ao partido como xa fixera na Deputación de Lugo no seu día. Nas propostas do alcalde hai propostas que non obrigan a nada á Xunta e á Consellaría de Medio Rural, botando todas as demandas sobre o Goberno central ao ser de diferente cor política. Así, procura estafar e tomar por parva a viciñanza e xogar ao tenis politicamente sen solventar a grave situación en que fican moitos damnificados. Amais, adiou calquera proposta da oposición “para o pleno ordinario” e tentou facer demagoxia, como de costume, dicindo que “aínda falei hoxe co conceselleiro”. Unha tomadura de pelo á viciñanza.

O PSOE lembrou que rexistrou unha moción sobre o asunto para o pleno ordinario e lembrou as iniciativas que levou ao parlamento galego, así como a visita que fixeron ás ribeiras in situ e que documentaron con fotos. Raquel entende que a zona catastrófica non sería aplicábel a Chantada.

Desde Por Chantada comezamos sinalando que resulta vergoñento que, nun suceso desta magnitude e transcorrido máis dun mes, non se emitise calquera comunicado oficial por parte do Concello de Chantada. Vergoña allea é o que sente Por Chantada cando ve que son os adegueiros e as viticultoras as que teñen que demandar o que esta cámara debera facer de oficio, é dicir, procurar solucións e dialogar con outras administracións para axilizar as axudas e os apoios. Fente explicou a estimación que elaborou Por Chantada, segundo os dados oficiais coñecidos, polo que as perdas en uva ascenden a máis dun millón de quilos, ao que se suman as de rianxo e froiteiras, muras e infraestruturas de modo que as axudas deberían situarse sobre 2.5 millóns de euros e a liña directa de axudas, polo menos, no millón de euros. Fente explicou tamén a lexislación actual para poder solicitar a zona catastrófica e puxo exemplos de concellos que demandaron esta figura, por exemplo no recente temporal Filomena o alcalde de Madrid e a presidenta Isabel Díaz Ayuso. Son para Madrid e para o PP as leis segundo sopre o ar? 

Explicado este contexto e achegando dados sobre a lexislación e as voluminosas perdas con cifras concretas e detalladas, Antom leu a proposta  de declaración institucional do grupo municipal por Chantada, mais o alcalde xa non lle deixou ler as propostas de actuación concretas que solicitabamos, cortando o debate e obrigando a votar e non deixando que se votasen as nosas emendas. No entanto, xa rexistramos unha moción que recolle as demandas das emendas que apresentamos e que se debaterá no pleno ordinario do 29 de xullo, xunto a outras dúas que apresentamos a maiores:

Moción Por Chantada saraiba San Fiz

Na votación optamos para votar a favor, aínda que nada tivese pés nen cabeza, polo feito de que consideramos que a Corporación debera ter a suficiente altura como para pór os intereses da viciñanza por riba das siglas, se ben este alcalde catastrófico pónnolo moi difícil e o que propuxo non son as axudas reais e directas que demanda o sector. Este goberno do PP non é o que Chantada merece nen está á altura das circunstancias.

Neste asunto, coma sempre, Manuel Lorenzo Varela e o seu Goberno seguen co piloto automático: un mes sen xestionar nen acordar nada, facendo ouvidos xordos ás propostas e demandas da oposición e tiveron que ser os afectados quen lle ensinaran a vía que debían seguir. Non sabemos se atinxiremos a declaración de zona catastrófica mais si que trafegamos e pomos en limpo que timos un alcalde catastrófico. Haberá que aplicar tamén na política local podas en verde, cicatrizantes e antifúnxicos para preservar o futuro da nosa Terra.

Votación: 

A FAVOR: Por Chantada (2) e PP (7)

Abstención: PSOE (3)

Zona catastrófica ou alcalde catastrófico

Resumo do pleno ordinario do 3 de xuño de 2021 [audio]

Captura de pantalla 2019-04-21 a las 10.27.36

O Pleno comezou ás 20:05 horas coa asistencia de 12 concelleiros (non asistiu Manuel Diéguez), do secretario accidental, da interventora e dun funcionario municipal. O pleno remata ás 22:17 horas.

Accede ao audio da sesión plenaria aquí: https://drive.google.com/file/d/1JVenqG4snQZAA3IQrOXM2EuYxYN4Hr-M/view?usp=sharing

A) Parte resolutiva

1º.-Aprobación das actas das sesións anteriores. Ordinaria do día 8 de abril de 2021 e extraordinaria urxente do día 7 de maio de 2021.

Acta da sesión ordinaria do pleno correspondente ao 08 04 2021

Acta da sesión extraordinaria urxente do pleno correspondente ao 07 05 2021

Raquel pide que se corrixa o seu nome na páxina 9 e na páxina 16 na de 8 de abril.

Fente indica que na ordinaria de 8 de abril (p.1) dise que se alterou a orde do día con votación por unanimidade, mais dita votación non se produciu.

Procédese á aprobación por unanimidade.

 

2º.-Modificación orzamentaria 13/2021, mediante Crédito extraordinario 01/2021 por importe de 300.779,70€. Alegacións.-Exte. G301/2021. [min. 2]

Alegacións Por Chantada CE 1_2021

INFORMES DE INTERVENCION 2021-0011 [INFORME

PROPOSTA AO PLENO

Raquel di que lle sorprende que non se corroboraran os dados cando se informou do erro xa no proprio pleno e en canto admitir ou non as alegacións non lles queda outra que guiarse da intervención. Non se aclara o fundo da alegación e se as medicións están ben feitas. Non afectaría ao proceso e á operación non estaría en risco ao estaren as xestións rematadas co propietario. Insisten en que cando xurdan dúbidas deberían revisarse os expedientes e máis en casos coma este onde se advertiu dos erros.

Fente indicide en que en nengún momento se aclarou sobre o fundo das alegacións, tampouco na CI previa este pleno e só se escudaron nun acordo entre concello e proprietarios. Se o acordo existía para que se fai entón a taxación se se fai fal? Sobre a lexitimación activa fai unha detallada explicación con fundamentos xurídicos e sentenzas que podedes consultar aquí: Lexitimidade activa dos concelleiros. Fica claro entón que o informe non entre no fundo do asunto porque só está desenvolvido para desestimar a priori a alegación, non se explica en absoluto nada sobre o erro de medición sinalado que afectaría á contía e, portanto, ao expediente. A contestación posterior do alcalde é igualmente vacua. 

Manuel Varela di que os compañeiros do PSOE entendeu ben as cousas e que eses sentenzas tería que aclarar para que foron, que non foron para Chantada [sentenzas do Tribunal Constitucional e do Tribunal Supremo que sentan xurisprudencia para Manuel Varela non son para Chantada. Está tan afeito a tratar a viciñanza como parvos ou menores de idade políticos que todo lle vale]. Fente está para entorpecer e non para esclarecer o labor do goberno. Teñen acceso aos expedientes como todos os cidadáns. Que pregunten a quen fixo o informe, el non pode ir en contra do técnico e é indispensábel facer ese informe. Se vostede quere seguir xogando a xurista eu aconsellaríalle que fixese direito. Nós entendemos isto doutra maneira, traballando rápido e axilmente para os cidadaos.

A favor: 10 (PP e PSOE). En contra: 2 (CUP).

Desestímase a alegación e apróbase o crédito extraordinario 1/2021 por importe de 300.779,70€.

 

3º.-Modificación orzamentaria 19/2021, mediante Suplemento de Crédito 02/2021 por importe de 141.688,20€.-Exte. G553/2021. [min. 11:20]

PROPOSTA AO PLENO SUPLEMENTO 02/2021

Informe_MO 2021-0017 [MP 192020 SUPLEMENTO 022021]

MEMORIA-PROPUESTA SUPLEMENTO

PROVIDENCIA SUPLEMENTO 022021

Desde o grupo municipal socialista ven ben dedicar parte do RTGX a mellorar accesos e se é con aglomerado mellor, mais preocúpalles que non se concreten obras para alén do tramo Vista Alegre-Santa Mariña e lémbranlle ao alcalde que quedara en facer partícipe das obras á oposición, extremo que incumpre. Sobre o Consorcio (18.420€) preguntan polos convenios e canto pon cada administración e que obras se van facer. A priori a dinamización turística parécelle ben e votarán a favor porque non se poden opor a mellorar no concello, aínda que estarán vixiantes.

Fente di que este segundo suplemento do ano ascende a 141.688,20€. Na CI non se nos aclararon os núcleos de poboación, para alén do que trecho ao que xa fixo referencia Raquel de Vista Alegre – Santa Mariña (400-500 metros). Desde Por Chantada lembramos que, por iniciativa nosa, aprobárase por unanimidade unha comisión de infraestruturas, que nunca foi convocada, para clasificar e arranxar as estradas segundo o seu estado. En total, díxosenos que se farán 4 quilómetros de aglomerado en quente, que fan moita falla.

Canto ao Consorcio, para alén da cota anual que pagamos todos os anos de 12.000€, agora abonaranse dúas cotas especiais para dous planos especiais aos que os concellos achegan o 30% e a Xunta o 70%. Dous planos que non se sabe para que son aínda. Isto redunda en anuncios de planos sen fundos, coma o da paisaxe que se anunciou hai pouco. Cando un vai ao plano os investimentos son cativos, sendo xenerosos, e fomentando rotas en carro cando falamos de descarbonización. Cousas de difícil entendemento como que se convoque un consello de parroquias e se avise só aos da parroquia dun, na ronsel do pior neocaciquismo.

Todo isto acaba redundando nunha situación de opacidade que ao mellor explica porque hoxe houbo que recuar na declaración da Ribeira Sacra como patrimonio da Humanidade, que se daba como un feito consumado aínda hai uns días en Fitur. Estivemos ás portas de ser a primeira candidatura do Estado español que a UNESCO desbotou e por que? Porque non se tivo en conta as persoas que moramos no territorio e non se deixou que participásemos para ver se queriamos esas figuras de protección [véxase as alegacións de Por Chantada ao expediente BIC da Ribeira Sacra e tamén á Reserva de Biosfera]. As cousas débense facer participadamente e non desde un gabinete de Santiago e os “indíxenas” a calar e quen abre a boca semella que vai contra o progreso… pois non, a razón e a verdade rematan por aflorar. Figuras deste tipo afectan á vida das persoas que viven no territorio como para marxinalas. Se non se coñece o contido dos planos do Consorcio o Concello debe ser o primeiro en pedir que se coñezan e divulgalos entre a poboación e non pedir cheques en branco e autos de fe.

Manuel Varela xustifica as “intencións” de 38.000€ para dous anos anos na situación sanitaria, pois tamén o Xacobeo vai con atraso e son necesarios autos de fe. Ao mellor están equivocados 24 concellos e a Xunta [unha falacia argumentativa que a UNESCO deixou xa ben aclarada]. Saca peito da situación económica do Concello, pois, segundo o alcalde, agora pode contribuír a estas cousas e até hai pouco non [como se non gobernara entre 1995-2007 e 2011-2021, é dicir, 22 dous últimos 26 anos, sendo o responsábel directo da bancarrota que levou ao contrato de Viaqua e da débeda que tiña o Concello e que nos mantivo décadas na indixencia.Van tirar para diante e a ver se lles gusta o que fai o Consorcio. 

 

Votación: 

A favor: 10 (PP e PSOE).

Abstención: 2 (POR CHANTADA).

Apróbase o suplemento de crédito 2/2021 por importe de 141.688,20€ para arranxos de camiños e achega ao Consorcio de Turismo da Ribeira Sacra.

 

4º.- Modificación orzamentaria 20/2021, mediante Crédito extraordinario 03/2021 por importe de 68.000€.-Exte. G554/2021. [min. 19:46]

Informe_MO 2021-0016 INFORME CREDITO EXTRA

PROPOSTA AO PLENO CREDITO EXTRAORDINARIO 032021

Segundo o PSOE estas axudas chegan tarde mais son benvidas. Para os de Pedro Sánchez outros concellos e a Deputación de Lugo que gobernan eles foron máis previsores. O sector viuse afectado pola pandemía e pediron axudas xa no debate do orzamento. Solicítanlle o convenio da Xunta ao alcalde. Este responde que o asinou hoxe. A voceira socialista insiste en que tamén deberían repartir xa as axudas orzamentadas para a COVID-19 no orzamento e transmite a inquedanza do sector pola falta de oredenanza para as terrazas que se contemplaba no plano normativo aprobado polo PP.

Xa cando fora o debate do orzamento de 2021, entre outras cousas, demandamos desde Por Chantada nun documento axudas para o comercio e a hostelaría. Entendemos que, segundo o falado na CI, o orzamentado para 2021 (50.00€) será para bonos para gastar na hostelaría e os 68.000€ de agora para hostelaría. Como non se nos facilitou o convenio consultamos con outros concellos e hai pros e contras. Os pros que se xestiona a Xunta tíralle carga de traballo ao Concello, os contras unha tarifa plana para todos por igual e uns requisitos que obrigan a recorrer a subterfuxios porque perdendo interanualmente 60-70% dos ingresos a empresa estaría quebrada. Tamén se pode dar o paradoxo que dous bares pegados mais de diferente concello poden receber cantidades bastante dispares.

Todos os sectores foron atinxidos, mais a hostalaría e a cultura, ou as orquestras, con especial dureza. Seguen en curso ERTEs e EREs, aínda que os dados da EPA convidan a agardar que comece o rebote en positivo. 

Malia as reservas expostas ( a.- que chega tarde; b.- que a tarifa plana non é xusta; e c.- que o Concello podería facer as súas proprias bases e mecanismos de acordo coa autonomía municipal) consideramos que estes 68.000€ son un recoñecemento simbólico á difícil situación que atravesa a hostelaría e, daquela, que saia o acordo por unanimidade é unha forma como Corporación de recoñecer simbolicamente as dificuldades do sector. A Xunta e o Goberno central debería axudar realmente a estes sectores duramente atinxidos como a hostalaría ou a cultura

Manuel Varela repete os argumentos que sempre saca a relocir e que non significan nada: di que pagan os paganinis de sempre, que o Concello agora pode achegar cartos e antes non. Tamén afirma que as bases da Xunta lle aforrran traballo. Os bonos están facendo as bases nos servizos sociais e agarda que axuden a 400 ou 500 familias e que sexamos solidarios para que ese diñeiro recaia en quen realmente o precisa. Din vostedes que chegan tarde, mais van chegar e doutra Administracións non chegou nada. O diñeiro é o que hai.

Votación:

Apróbanse as axudas para hostelaría por importe de 68.000€ por UNANIMIDADE, con cargo ao RTGX (crédito 3/2021).

 

5º.-Bonificación ICIO que solicita Don Iván Fernández Expósito en expediente de concesión de licenza de obras e actividades G450/2021 para Construción de Nave en Planta Baixa e Entreplanta na Parcela 13 da Ampliación do Polígono Industrial de Os Acivros. Exte. G450/2021. [min. 28:50]

6.1.- PROPOSTA BONIFICACIÓN ICIO IVAN FERNANDEZ EXP

6.2.- FISCALIZACION DE INTERVENCION 2021-0055 [FISCALIZACION]

6.3.- INFORME TECNICO

Os socialistas ven ben a bonificación do 95% do ICIO no Polígono e acusan ao PP de querer rematar con esta bonificación en xaneiro, que finalmente o PP retirou. Piden acelerar a modificación da ordenanza. Piden bonificacións para construcións agrícolas e rehabilitacións no rural

Antom Fente reitera tamén os argumentos xa expostos unha e outra vez desde o Grupo Municipal de Por Chantada, a última vez no Pleno de abril, cando viñeron 3 bonificacións desta natureza. Estamos a favor destas bonificacións do ICIO, se ben insistimos na nosa demanda de facela extensíbel ao sector primario, é dicir a agricultores e gandeiros, e outras industrias que se asentan no rural polas súas característica, e que, a pesar de non estaren no Polígono Industrial, contribúen para o mantemento do medio rural coa súa actividade e tamén crean emprego e fixan poboación. Para nós, o sector primario é aínda a base da estrutura económica local e de contribuír ao relevo, ou non, en moitas explotacións e de incentivar novas iniciativas no campo vai depender o noso futuro. De como actúen as administracións vai depender que haxa ou non relevo nas exploracións e vai determinar se fixamos ou non poboación no territorio, polo que cómpren facilidades para o sector primario no tocante a actuacións como construcións de naves e que crian riqueza polo elevado volume de facturación e iso significa que hai moitas persoas que directa e indirectamente se nutren e manteñen a súa actividade económica do leite, da carne e do viño… e outros que van despegar como o do aceite, do mel ou da cireixa. Fiar todo á terciarización e ao turismo é ser cegos perante a pandemía da COVID-19, os padróns que van mudar pola descarbonización ou, simplemente, porque fomos sempre unha comarca agro-gandeira. O monocultivo sempre é pernicioso e empobrece a medio-longo prazo. 

Entendemos que xa entraría no artigo 6 da ordenanza actual concederlle a bonificación, mais en todo caso se se revisa deberíase contemplar.

O alcalde pide que se pase á votación e di que están de acordo coa bonificación e que retiran o que dicían en xaneiro. Doutras cuestións xa se falará porque non se poden distorsionar os ingresos do Concello. Para o alcalde o agro galego, neste caso o de Chantada, como non lle engadan valor aos produtos mal imos por moito que se lles axude. Só o prezo lle mete diñeiro á xente, mais rebaixar nunha nave tres mil euros se logo non lle é rendíbel mal imos. Desde xeito o Concello e outras administracións teñen que engadirlle valor ao que producen.

 

Aprobáse a bonificación do ICIO que solicita Iván Fernández Expósito por UNANIMIDADE.

Bon ICIO no rural

 

6º.- Moción que apresenta o grupo municipal socialista sobre recuperación e posta en valor do patrimonio das augas minero-medicinais do Concellos de Chantada. [min. 35:53]

MOCIÓN PSOE AUGAS MEDICINAIS ASINADA

O PSOE expón os argumentos cos que defende a moción após a leitura dos acordos polo secretario accidental [min. 37:05 – 38:50]. 

Falan de Ourense e de Ferreira e a páxina da Deputación de Lugo dentro da historia das augas da provincia cita a Mouriscados, que foi unha referencia, se ben lonxe da potencia en termalismo que ten Ourense. A moción parécenos correcta e poderiamos subscreber case palabra por palabra o seu contido, como en todas as iniciativas sobre o patrimonio que temos traído a esta cámara.

Chantada ten un patrimonio riquísimo e é unha arma de duplo fío, pois, por unha banda, temos moito que recoñecer e promover, para que nos visiten e marchen con moi bon sabor de boca desta terra; mais, por outra banda, cómpren moitos recursos para manter todo. Un pouco como esa xente a que se lle legan moitos bens, mais que se non producen non hai capacidade económica para mantelos. Habería que facer unha reflexión se callar: moitas leis para protexer o patrimonio, poucos fondos para rehabilitar e conservar o patrimonio.

Entendemos que desenvolver os pontos propostos non son Misión imposíbel, como aquel filme, mais dependen da vontade política e da capacidade de traballo dos concelleiros e concelleiras, nomeadamente os que teñen responsabilidades de Goberno. As xestións diante da Xunta para o recoñecemento dos mananciais e protexer o balneario de Mouriscados parécennos axeitadas e neste ponto a figura do ENIL que xa veu a pleno, sen suceso, para os Cachóns do Asma podería ser unha solución. En todo caso que se lle dea un marco de protección e se reverta o estado lamentábel co teito derrubado que ten actualmente.

Canto a accesos e sinalización sería un investimento ao alcance do Concello, ora mediante crédito extraordinario con cargo ao RTGX ou ben contemplándoo no capítulo VI de gastos do Orzamento de 2022. Podería tamén, facerse con cargo ao Plano único os accesos e a sinalización a cargo do Consorcio de Turismo, que entraría entendemos nese plano de dinamización que anuncian. Reiteramos, trátase de facer xestións e ter vontade política, pois ferramentas hai.

Para a divulgación podería solicitarse axuda aos centros educativos locais e mesmo criar unha bolsa de investigación local que anualmente se foque nun aspecto patrimonial ou cultural de interese e do desenvolvemento de unidades didácticas e materia para a súa promoción. Poderíase facer desde a concellaría de Cultura ou a de Patrimonio. De feito, esta era unha das proposta que estaba dentro da Estratexia local para o Patrimonio e o turismo 2020-2030, que non se aprobou mais as nosas ideas están aí para usarse polo ben da viciñanza.

Varela ve a moción interesante mais adoece de defeitos. Desde o Concello non van orientar a xente a esas augas. A farmacéutica Ana Méndez Rojo da rúa Xoán XXIII dixo que facía analítica, mais é mellor que a faga Esther Fernández de la Vega. Van comezar por aí e a ver que tipo de cuestións teñen esas augas. Acusa ao PSOE de non falar con Eduardo, un dos proprietarios, que pensaba que se lle ía expropriar. O alcalde explicoulle que en todo caso valoraríase e compraríase. Van facer analítica e ver se son aptas para o consumo. 

Para o alcalde o acceso actual a Mouriscado xa é extraordinario, pois o balneario é de risa ao lado de Pantón ou Ourense. Comprométese a traer analítica ao vindeiro pleno e a partir de aí pórse a traballar. O PP propón unha emenda in voce que é facer a analítica e dar conta no vindeiro pleno ordinario.

Raquel di que tamén tramitar ante a Xunta e que o Concello o que tería que falar co proprietario. Varela dille que é viciño de Raquel, que debería ter falado xa con el. Raquel aceita as boas intencións mais a moción debe votarse.

Votación:

A favor: 6 (POR CHANTADA e PSOE). 

En contra: 6 (PP).

Rexéitase a moción do PSOE polo voto de calidade do alcalde.

 

7º.- Moción do grupo municipal Por Chantada – Candidatura de Unidade Popular para favorecer a descarbonización mediante modificacións nas ordenanzas fiscais. [min. 48]

Moción do grupo municipal Por Chantada – Candidatura de Unidade Popular para favorecer a descarbonización mediante modificacións nas ordenanzas fiscais.

[min. 49:57 – 1:00:44] Antom Fente, após a leitura dos acordos que se propoñen na moción polo secretario accidental, explica a moción de Por Chantada e as razóns do seu grupo para defender esta moción recalcando a reforma que habería que facer das ordenanzas do ICIO e do IVTM para favorecer os vehículos híbridos e eléctricos, así como reformas de garaxes comunitarias para poder cargalos. Esta moción sería continuación dunha anterior xa debatida nesta Corporación en que pediamos ligazón territorial entre o caborno secuestrado e as cotas evitando que sexan un mercado especulador máis.

[1:00:46-1:02:38] Para o PSOE ninguén discute xa a mudanza climática hoxe. Nas nosas maos como cidadaos e mais como representantes políticos revertir esta realidade. O PSOE está contente coa Lei de mudanza climática e afean que un PACES irreal aprobado polo PP sexa papel mollado se non se aproban iniciativas como esta. A rebaixa é perfeitamente posíbel e só ten dúbidas sobre a bonificación do ICIO, mais para iso se piden os informes técnicos. Pídelle ao alcalde predicar co exemplo.

[1:02:40 até 1:05:08] Para o grupo popular na CI comentaron que lles gostaba a moción, mais non a ven ao nível de Chantada, senón de cidades como Barcelona ou a Cruña. Na FEGAMP ou na FEMP tense falado disto e van estar sempre dispostos a receber o apoio da FEGAMP e da FEMP para desenvolver na medida do posíbel o  PACES e xa se pasou de falar de 2030 a 2050… Aínda que el falaría de hoxe, de mañá e de pasado. Seguirán o que fagan eses organismos, mais negan que teña condicións económicas o Concello para modificar a ordenanza [totalmente falso o que non queren é traballar], pois non queren paralizar o Concello. Non se poden comprometer con isto, aínda así di que Chantada está na primeira liña contra a mudanza climática para o que están estudando aparcadoiro subterráneo en Chantada con 20-30 prazas bonificadas con enchufes para carros eléctricos [O que cómpre ouvir! na CI o alcalde confesou que quería facer o aparcadoiro subterráneo no Cantón! A empresa madrileña dille que mellor en Xoán XXIII. Para Por Chantada o gasto e impacto dun aparcamento subterráneo é un despropósito cando non se fai o máis mínimo en ordenanr o tránsito].

[1:05:10 até 1:06] Lamentamos que non apoien a moción, di Antom Fente. Falaron de Barcelona e da Cruña tamén, mais hai concellos sen esa dimensións que si fixeron as bonificacións que propomos aquí. Concellos coma Cambados, que non é unha urbe, e non paralizaron toda a administración. Varela di que a bonificación para Chantada sería para dous vehículos e non de persoas que precisen axuda [máis ao noso favor entón]. Entón é o momento para facelo e non agardar máis adiante, retruca Fente. Varela non permite continuar co debate e pide votar aos grupos.

 

Votación:

A favor: 6 (POR CHANTADA e PSOE). 

En contra: 6 (PP).

A moción de Por Chantada rexéitase polo voto de calidade do alcalde.

 

8º.-Mocións e asuntos de urxencia: subvención nominativa para a Escudaría de Chantada por importe de 11.000€. [min. 1:00:16]

PROPOSTA ABROBACION SUBVENCION NOMINATIVAS ESCUDARÍA 2021

FISCALIZACION DE INTERVENCION 2021-0068 [INFORME DE INTERVENCION]

O alcalde xustifica este ponto, que lle tivo que lembrar o secretrario accidental, o 30, 31 e 1 de agosto será a Subida se as condicións sanitarias o permiten. A subvención municipal, nominativa, será de 11.000€, mil máis que na anualidade anterior.

Votación da urxencia: UNANIMIDADE.

Para o PSOE a subida é para evitar facturas posteriores. O alcalde di que está no certo e que non se estaba facendo ben pagando facturas directas fóra da subvención. Agora xa se lles avisou. Dependendo como sexa a Subida este ano daranlle máis ou non, porque se é unha matraca os cidadaos de Chantada non están para tirar cos cartos. Hai que ser serios. Agora os 11.000€ e esquecerse de máis facturas, nen bocadillos nen trapalladas. Se este ano o evento é un éxito de ocupación hosteleira para o ano verán de subirlles. O PSOE lembra que hai outras entidades como a Irmandade Cultural País do Faro que precisan subvencións. O alcalde di que na medida que o vaian pedindo vanas ir outorgando coa partida que reservaron para iso, se a oposición sabe dalgunha que o diga tamén, sempre que as podan xustificar. Van estabelecer unha para axudar a parroquia de Santa Mariña, a Caritas, mais nega que os Servizos Sociais desviase xente para Caritas. O alcalde afirma que isto é mentira e que esa xente dálle pena, este Goberno non comunga con rodas de muíño [no entanto está demostrado que o alcalde mente]. Aínda a teñen sen determinar, a ver se poden dar 5-6.000€ para Caritas, que virá no próximo Pleno. Facer política coas necesidades da xente… ten adxectivos mais non os vai usar. Hai moito espabilado, que lle poñen os pelos de ponta. Raquel fai referencia ao informe de intervención e ao plano de subvencións caducado. Varela di que van contratar unha empresa para facer as ordenanzas para non paralizar a administración, como pasaría coa moción de Antom Fente Parada. Tamén o van facer así cos contratos menores. Os proprios servizos de intervención así llo pediron, se ben xa están pedindo tres orzamentos na maioría dos casos, aínda que non é a maneira de facelo polo visto. De todas formas, agora en Chantada xa se paga ao día e non se nos “cargan” as facturas ou chaman ao provedor por teléfono.

[1:16:18] Aínda solicitaron agora a axuda – cuestiona Fente- despois da CI? Non, díxollo hai días mais tiña que vir a Pleno [faise o parvo porque tería que ter vido á CI]. Entón por que vén por urxencia? Pasóuselles tramitar o expediente e lembráronllo desde a organización da Subida, calquera lle falla ao Alfonso que se non vén unha vez polo Concello ao día vén dúas. Normal, ten que defender o seu, que bastante traballo dá facer eventos, por experiencia. Sobre o Plano estratéxico e a ordenanza non imos insistir, mais había outro tema que é que as bases do orzamento só permiten adiantos do 50%, mais á Escudaría concedíaselle o 100%, que non sabemos se seguirá sendo así. Van intentar que non. É un tema que hai que intentar que sexa para todo o mundo igual se nas bases pon un 50%. Varela contradí o que eles mesmos aprobaron e di que a Escudaría é outro caso. Xustifícao polo seguro que teñen que pagar e non teñen remanente como a SD Chantada para as fichas. Ao mellor non fan as contas como é debido para ter remanente, mais a Escudaría ten a súa desculpa, por así dicilo. A interventora di que baixo nengún conceito se lle pode dar o 100% a ninguén, terán que ir a un banco e facer unha póliza de crédito de 15.000€, para o que recebe de Concello e Deputación. Andan escasos… Bon traballo fan para o que gañan, di Jisi. O alcalde di que hai máis xente interesada en organizar a Subida… aínda que el non o faría, xa non é moi afeccionado ao mundo do motor. Que fan un traballo excepcional, por suposto, e 2-3 meses antes unha chamada diaria e visita ao Concello, mais ben eles teñen que arranxar a súa vida. Xa está todo falado non vai subir el cun coche vello. O safety car. O Ibiza que aínda ten a miña muller. 

Votación do asunto:

Apróbase a subvención da Escudaría por UNANIMIDADE.

 

B)Actividade de Control

b1) Dación de conta Resolucións da Alcaldía (da 021/2021 a 401/2021).

 

b2) Informe-Resumo de Intervención Ano 2020. Expediente 476/2021.

INFORMES DE INTERVENCION 2021-0009 [INFORME RESUMO]

Hai recomendacións ás que se debe antender:

  • o xa cronificado uso discrecional do contrato menor con omisión nos trámites esenciais e incumprimento dos artigos 29.8 (duración), 99.2 (fraccionamento) e 118 (importe) da LCSP;

  • pagos domiciliados;

  • falla de control axeitado dos contratos, especialmente de obras;

  • contratos vencidos que non se licitan;

  • responsábeis de contratos e documentación preparatoria;

  • aluguer do Telecentro sen calquera expediente;

  • RPT e Convenio colectivo;

  • Plano estratéxico de subvencións caducado e falla de ordenanza xeral de subvencións…

C)Rogos e Preguntas

PARTE RESOLUTIVA

PARTE DE CONTROL DA XESTIÓN:

14.- DACIÓN DE CONTA DE RESOLUCIÓNS DA ALCALDÍA (DECRETOS 31/2021 A 206/2021).

15.- ROGOS E PREGUNTAS.

 

15.1.- PSOE [1:22:45 deica 1:48:50].

 

15.2.- Rogos e perguntas de Por Chantada [1:48:52 até ]

I.- Axudas e subvencións.

1.1.- APROL rural.

Acolleranse como noutros anos a liña de axudas e subvencións para o fomento do emprego no medio rural (APROL rural) que saíron no DOG do 20 de abril? Si.

1.2.-Peóns RISGA (DOG 27/04/2021).

Acolléronse á convocatoria e cando van saír as bases? Pediron 5, coma todos os anos.

 

II.- Saúde pública e seguranza cidadá.

2.3.- Tarima descansos paseos fluviais [min. 1:49:14].

Nos días de choiva os miradoiros no paseo até o Sangoñedo son perigosos nas áreas con tarima de madeira. Esta non foi tratada e acumula unha película que a fai altamente esvaradía, converténdoas en pistas de pastinaxe. Cómpre ter en conta que é precisamente a xente máis maior a que emprega os bancos para descansar que, ao estaren situados sobre a tarima, poden provocar caídas.

Rogamos que se actúe e se conserve axeitadamente o mobiliario público.

Segundo Conchi hai xa orzamento para cambialas e a pasarela xa se mudou.

2.4.- Baldosas praza do Cantón [min. 1:50:14].

Na praza do Cantón, xunto á Igrexa de Santa Mariña e, portanto, en pleno casco histórico hai varias baldosas en mal estado que poden provocar caídas.

Amais, séguese aparcando impunemente nesta praza que, en teoría, é peonil, algo que só se explica pola pasividade do Goberno municipal.

2.5.- Carros abandonados [min. 1:50:25].

Pasados xa uns meses volvemos lembrar que hai varios carros abandonados na vila sen que se adopten solucións (Estrada de Ourense vella; Telecentro; camións…).

Falou o xoves da semana pasada co xefe da policía local. Hai un furgón tamén xunto ao tanatorio do Cristalar, que leva alí préto de dous anos… e outros tres máis, o do pavillón… un desastre. Os que non teñan orde xudicial pódense eliminar.

 

2.6.- Rúa do Rego [min. 1:51:20]..

Precisa limpeza, xa que hai lixo acumulado e hai tempo que os varredores non pasan. Tamén precisa arranxo polo seu estado de deterioro.

Haille que dar unha volta á rúa que sobe cara ao parque, que está feita un desastre.

 

III.- Servizos públicos.

3.7.- Piscinas.

As piscinas levan anos nun lento devalo dos ingresos, acelerándose a situación coa pandemía, como era esperábel e natural. No entanto, neste mes de maio que a situación se ten normalizado, os ingresos do padrón mal pasan dos 7.600€.

  • Contemplan algunha campaña ou medida para mellorar esta tendencia preocupante de perda de utentes e ingresos? Si, tan pronto se poida teñen que ir ao nível de 550 a 600 asociados, senón é unha ruína. Antes da COVID puñan entre 25 e 30.000€ cada ano desde o Concello para as piscinas. Rendíbel non vai ser nunca, mais coa empresa privada púñanse 120.000€ de fundos proprios.

  • Valoran incrementar inversións para renovar e mellorar equipamentos? Diego Otero di que cando se recupere un pouco isto farán varias cousas, como actualizar as tarifas que están desde 2014 sen actualizar, subíndoas. Tamén arranxaron o pavimento do ximnasio e seguirán facendo pequenas cousas.

3.8.- Aparcadoiros [min. 1:53:30].

Existen aparcadoiros que o concello non mantén en condicións, enchéndose de malezas ou con fochancas que os fan impracticábeis para moitos vehículos. Rogamos revisen os mesmos.

Conchi di que van iragora coa rozadora do tractor [non sabía nen como se chamaba a máquina] cando rematen nas estradas e botarlle zahorra. 

3.9.- Baños parque Campo da Feira Vello [min. 1:54:18].

Recebemos queixas de utentes que din que siguen fechados e indican que agora son de uso exclusivo para clientes dos Pendellos. Poden aclarar isto?

Van ser só para Os Pendellos, di o alcalde. Agora fixéronse uns para as pista de tenis e ándanlle dando voltas aos dous refuxios que ficaban no parque para comer polbo e ao mellor fan alí baños públicos, mais son problemáticos, porque a xente non é cívica. Non hai civismo. Raquel di que os utilizan tamén para outras cousasFente pergunta como se fixo a cesión aos Pendellos, pois non vimos o expediente. Fíxose así e non sabe se é legal o que había até agora [ampara entón ilegalidades durante dúas lexislaturas en que foi alcalde?]. Non poden limpar os baños dun local privbado, agora límpaos e papa el e tamén paga unha cota mensual. Fente aclara que a cota xa estaba no expediente orixinal da adxudicación ao cumprirse “x” anos desde a concesión [manía de anotarse tantos e manipular].

 

3.10.- Feira do 5 e do 21 [min. 1:54:26].

A pandemía alterou usos e costumes e atinxiu duramente as feiras e os mercados de alimentos, cuxo mantemento é, no entanto, ensencial para favorecer o consumo local e sutentábel.

As rúas do Comercio e as prazas do Comercio e do Cantón deberían ser o lugar escollido para os postos de plantón, aves e coellos e liberar na medida do posíbel Xoán XXIII. O Mercado Gandeiro non é unha boa ubicación.

O que temos é que avanzar, se vai ser zona peonil e via ter lousado en perfeito estado… no mercado gandeiro están encatandos e a xente tense que acostumar a outras cousas. O do polbo, o que está onde a Ascensión, querémolo pasar para onde estaban os piñeiros centenarios xunto á casa sindical [Agora resulta que as árbores eran centenarias e cando se cortaron non].

Fente, sobre o que comentou do lousado do Cantón, roga e insiste que se respeite o empedrado. Non falou do Cantón.  A rúa do Comercio, baixo o criterio de Fente sería un atentado ao patrimonio substituílo por lousado e eliminalo. O alcalde di que hai quen lle dixo que era preferíbel erguer o empedrado e mantelo  Si, ese é o noso criterio [ou deixar todo tal e como está antes de escarallar nada]. Se lle pergunta ás señoras que andan en tacón non opinan o mesmo. As señoras que andan en tacón con todos os respeitos que vaian a outros sitios, como o que anda descalzo. Se temos que facer as obras pensando no que anda en zocos. Que fique constancia do noso criterio e logo coa súa maioría fagan o que lles pareza. Daniel do PSOE dilles que teñan coidado que pasa por aí o camiño de inverno. Tamén vai por Leonardo Rodríguez e non se queixa ninguén. Non lle gosta o empedrado do Cantón, que non permite danzar e require palco. Jisi di que é moi fácil de erguer o empedrado. Hai pedreiros con experiencia dilatada.   En Santa Ana hai unha especie de empedrado e dá problemas, van meterlle formigón ou aglomerado en quente. Iso discutiuno Jisi co anterior aparellador e mentres teña tránsito non hai outra altenativa e aínda pasa algún trailer. 

Salvemos o casco histórico_Por Chantada

IV Medio ambiente.

4.11.- Ordenanza entullos [min. 2:04:54].

O Concello de Chantada ten unha ordenanza de entullos (BOP 14/05/2007) e as empresas que con el contraten deben ser as primeiras en cumprir o disposto na mesma. No entanto, cónstanos que non se está facendo un correcto tratamento dos mesmos, por exemplo, existiron depósitos nas inmediacións da rúa Taboada.

Poden explicarnos como vixía e garante o Concello a correcta xestión dos entullos por parte das empresas que contrata mediante contrato menor, xa que supoñen un atentado medioambiental e unha mala praxe?

Ven aberracións de vez en cando e chaman á policía local. Fente fala de que se trata de obras públicas. Faise para ter acopio e non ir cun carretillo. A finca do Voces levou o que levantou en Vista Alegre e cargouno para levar a Monforte. Cumpriría algún sitio apto para declaralo como vertedeiro de entullos. Jisi propón as antigas canteiras… Varela di que non valen, que xa foron alí

 

4.12.- Rozado de gabias [min. 2:07:08].

Coa primavera e o crecemento da vexetación nas gabias urxe que o Concello comece o rozado mecánico das mesmas. Cando se vai comezar e por que se agarda tanto?

Estes días tiveron un dos tractores no taller e anda un só di Maneul Varela. Contradi Diego Otero afirmando que xa comezaron os dous, mais o que se fixo hai un mes xa lle cómpre volver pasar, polo que van volver darlle unha volta a todo o concello.

V Cultura.

5.13.- Casa da música [min. 2:07:50].

En meses pasados recortaron a subvención da Casa da Música e anunciaron que en maio se produciría unha xuntanza para determinar que futuro darlle entre os colectivos implicados e tamén coa oposición. Vimos que xa anunciaron a matrícula para o vindeiro curso e actividades para o verán.

Cando se van facer esas xuntanzas?

Pasado mañá é a despedida do director da banda e están en “estudos permanentes”, di o alcalde, até que lles digan unha cousa ou outra non saben que dicirlle. Estudos permanentes? Van facer unha nova selección de director de banda e quen rexía a banda vai mudar polo que a ver que estudos lles apresentan.

 

VI Administración e asuntos xurídicos.

 

5.14.- Despido improcedente (Expediente: 422/2021).

No Decreto 253/2021, de 16 de abril, acórdase abonar 7.904,82 por despido improcedente a Israel Bóveda Ogando, segundo os termos da Sentenza nº 195/2021 do xulgado do social nº2. Poden render contas disto?

Unha sentenza que había que readmitir ou despedir.

5.15.- Relación de postos de traballo (RPT). [min. 2:09:50].

Fente lembra a sentenza do TSXE sobre a contratación en fraude de lei no Reino de España e o desaxuste fronte á normativa europea polo que a RPT ten certa premura. Avanzaron algo?

Levan un mes agobiados, mais retomarán o asunto que xa está avanzado.

 

5.16.- Antena no monte comunal da Vacariza.

Desde Por Chantada interesámonos polo decreto en que se lles pedía documentación desde o Concello. Contesta o secretario accidental. Non debe ser instalación, mais legalización da mesma. Non xustificaba axeitadamente a comunicación previa. É unha legalización. O alcalde di que se entera destas cousas cando asina e que aínda non asinou. Aínda non se rematou entón.

 

Comprometidos cun interior galego vivo

O vindeiro 10 de xullo celebrarase a asemblea de Interior Galego Vivo. Se desexas inscreberte podes facelo en interiorgalegovivo@gmail.com

Asemblea do courel

Por Chantada denuncia desleixo municipal fronte a falla de prazas de infantil e propón medidas para a conciliación.

Ouvidas as demandas das familias e dado que xa é un problema crónico sen que o Concello adopte medidas concretas apresentaremos unha moción para ampliar a Galiza Azul de Chantada cun novo módulo, así como outras melloras para a mesma, xunto a medidas que favorecen a conciliación.

10028

 

Na listaxe de agarda definitiva do baremo ordinario para o curso 2021-2022 figuran 10 alumnos e na provisional 13. Algunhas familias encontraron praza noutra escola (Taboada, Barrela, Lalín e Vilamarín) cos prexuízos que trae consigo e pondo en risco que parellas mozas se formulen deixar de tecer o seu proxecto de vida aquí, un luxo que non podemos permitirnos. Porén, o pior está por chegar, xa que en setembro e decembro haberá novos demandantes, mais non prazas, polo que a listaxe de agarda será substancialmente maior.

Para alén de vagas promesas sen concreción algunha, como unha nova escola que tería que financiar o Concello e que sairía moitísimo máis cara que ampliar a actual, o Goberno de Manuel Varela segue sen facer absolutamente nada. Ten algún interese inconfesábel en cronificar esta situación?

 

30/06/2021
 
 
A atención da infancia de 0 a 3 anos é un servizo esencial para a conciliación da vida laboral e familiar e para a igualdade entre homes e mulleres. Por outra parte, cada vez máis, demóstrase que a etapa educativa dos 0 aos 3 anos é esencial para garantir a igualdade de oportunidades no acceso á educación e nos resultados académicos posteriores entre nenos e nenas, e constitúe un servizo indicado para reducir os índices de risco de pobreza infantil e as consecuencias desta situación na infancia, para alén que cada euro investido en educación ten un retorno de sete, segundo o premio Nobel de economía Stiglitz
 

Na Galiza, esta etapa depende da Consellería de Política Social e conta con disparidade de acceso e de servizos no territorio, non garantíndose unha rede pública, gratuíta e universal. En todo o sul de Lugo só hai 258 prazas públicas en escolas infantís da Xunta, máis 5 en Casa Niño.

Por todo isto, xa na pasada lexislatura rexistraramos, en 22 de decembro de 2017, a Moción de PorChantada-CUP a prol das escolas infantís na provincia de Lugo, aprobada por 11 votos a favor (Por Chantada, PSOE e Inta) e dúas abstencións (PP). Pedíanse 700 novas prazas para a provincia de Lugo, segundo a listaxe de agarda daquela altura, e un novo módulo para a Galiña Azul de Chantada, lembrándolle ao PP na Xunta que estaban apoiando máis as gardarías privadas cás públicas. Porén, a persistencia de familias sen praza anos após ano levounos a desenvolver parte do noso programa sobre a infancia através da Moción de Por Chantada-CUP sobreadopción de medidas necesarias na Escola Infantil e para ampliacióndas prazas públicas (novembro de 2019), que foi rexeitada polo PP (ex-Inta).

Para alén de vagas promesas sen concreción algunha, como unha nova escola que tería que financiar o Concello e que sairía moitísimo máis cara que ampliar a actual, o Goberno de Manuel Varela segue sen facer absolutamente nada. Ten algún interese inconfesábel en cronificar esta situación?

Cos dados da serie histórica na mao, en varios baremos Chantada apresentaba a segunda listaxe de agarda máis elevada da provincia, só por detrás de Lugo que ten máis de 80.000 habitantes fronte os 8.000 escasos de Chantada. Constátase así ano unha infradotación de prazas no noso Concello, cando o problema demográfico é unha cuestión fulcral e as políticas de conciliación e de axuda ás familias deberían ser prioridade nas axendas das institucións para loitar por un rural e un interior galego vivos.

Desta arte, Por Chantada entende, así como moitas familias que teñen transmitido o seu malestar, que é urxente negociar co goberno da Xunta para propoñer unha ampliación de outra unidade da Escola como xa nos pronunciamos en xaneiro de 2018 desde esta Corporación e facelo, asociándoo a xestións concretas por parte do Goberno e através dos Fundos europeos (FEDER). Nesta cuestión todas e todos temos que camiñar na mesma dirección e cunha única voz.

Sería tamén o momento de pular polo consumo de alimentos de proximidade e non polo catering privado. As cantinas escolares teñen un papel central para unha cociña colectiva artesá, pública e social que vertebre a comunidade educativa.

 

QUE PROPOMOS?

1.- Convenio entre o Concello de Chantada e a Xunta para dotar a escola infantil dun novo módulo e unha cociña ou no seu defeito, explorar fórmulas para empregar alimentos locais e as cociñas dos CEIP.

2.- Compromiso municipal de achegar a asignación económica que complemente os Fundos Feder da Unión europea cos que se farían estas actuacións.

3.- Exixirlle á Xunta que universalice a atención educativa de 0-3 anos como servizo público para a educación á infancia e contribúir á conciliación.

4.- Trasladar ao Goberno do Estado a necesidade de aumentar os permisos retribuídos por maternidade e parternidadade até un ano de duración con cargo á Administración Xeral do Estado.

5.- Impulsar unha Mesa de Traballo entre os concellos da zona sul de Lugo para homologar as condicións das diferentes escolas infantís e solicitar máis prazas á Xunta até cobrir a demanda existente e as previsións a futuro.

 

Chantada, 30 de xuño de 2021.

 

Poder ler íntegra a nosa moción aquí: Moción Por Chantada Galiña Azul e conciliación

 

GRUPO MUNICIPAL POR CHANTADA – CANDIDATURA DE UNIDADE POPULAR.

 

Captura de pantalla 2019-04-21 a las 10.27.36

 


Resumo do pleno extraordinario urxente correspondente ao 6 de maio de 2021

 

A sesión extraordinaria urxente do Pleno da Corporación de Chantada, correspondente ao pasado 6 de maio de 2021, comezou ás 13:35 horas coa presenza do secretario accidental e da interventora, así como de 12 concelleiros. Manuel Diéguez (PP) incorporouse a escasos minutos de comezar a sesión.

Captura de pantalla 2019-04-21 a las 10.27.36

Podes consultar o audio íntegro do Pleno aquí: 

https://drive.google.com/file/d/1sUhwT8H7b5IO2US4lTw5ep0IEw_dgaP6/view?usp=sharing

 

1.-Pronunciamento do Pleno sobre da Urxencia da Sesión.

Decreto 2021-0342 [PLENO EXTRAORDINARIO URXENTE 070521]

Comeza o alcalde lembrando que lles faltan informes sectoriais da Deputación e de Fomento e mentres non se teñan estes informes non se pode comezar co expediente, porque non hai dispoñibilidade de terreos. Por iso, reparan Secretaría e Intervención. O alcalde non pode levantalo, ten que ser o Pleno, para gañar días e comezar a obra cren que debe facerse este Pleno, pois farían falla 4 meses para finalizar e pór en servizo a obra o 1 de outubro de 2021. Aínda que a empresa que o gaga lle poda levar menos. 

Acusa á Deputación e Fomento de enredar e andar pedindo diferentes cousas en diferentes momentos [non consta tal extremo por nengún lado do expediente que se nos remitiu]. O Concello de Chantada é unha administración seria que vai repor todo ben. O de Fomento agarda que se faga axiña e pensa que será favorábel e o da Deputación só falta unha certificación de Secretaría.

Se estes informes non chegasen habería que renunciar á obra, como xa lle dixo á Xunta, para que esta poida investir estes fundos europeus noutro lugar e a ver se a conxuntura permite que se reserven novamente en 2022, que é dubidoso segundo Manuel Varela

Para Raquel López, o seu grupo ratificará a urxencia como sempre fai, mais non entende agora as présas e que se convoque a sesión a unha hora incomprensíbel e que xera transtorno a moitos concelleiros porque interfire no seu horario laboral.

Desde Por Chantada cuestiónase a xustificación da urxencia que fai o alcalde, fálase de que é unha « necesidade que se ten creado a través dos anos», mais iso non xustifica un pleno extraordinario urxente. Sobre a falta de sectoriais entende que, se como di o alcalde, van chegar os sectoriais nos próximos días podería vir este asunto á sesión ordinaria do Pleno ou, en todo caso, a unha extraordinaria con todos os informes xa polo que non se entende por que hai que aprobar isto xa.

Lorenzo Varela escúdase en que queren ter todo preparado para poder adxudicar a obra antes do 15 de xuño, polo que se esperan máis podería non cumprirse ese prazo. Fano así porque non hai neste momento outra alternativa. Ou se fai isto e se crean postos de traballo en Chantada ou se mata este Concello para toda a vida.

Votación da urxencia:

A FAVOR: 11 (PP e PSOE)

EN CONTRA: 2 (POR CHANTADA)

2.-Expediente de contratación para LMT Soterrada de 20KV e Centro de Seccionamento para o Polígono Empresarial de Os Acivros.

Cómpre aclarar moi ben que é o que debía votar o Pleno neste ponto xa que o alcalde quere facer demagoxia con este tema para ocultar o tempo que perderon e os seus erros de xestión. Como se desprende da documentación que achegamos, só a máis importante do expediente que está incompleto dito sexa de paso, o que o Pleno debía votar era erguer ou non un reparo suspensivo da tramitación do expediente, formulado pola Intervención municipal ao seren os informes de Secretaría negativos sinalando unha irregularidade manifesta, que é comezar unha actuación sen dispor dos terreos previamente.

Proposta de acordo ao Pleno para aprobación do expediente

Reparo 13/2021 da Intervención. FISCALIZACION INTERVENCION FASE A

Informe 7/2021 de Secretaría (negativo)

Prego de contratación LMT Acivros

Acordo XGL-APROBACION PROXECTO LMT

MEMORIA MELLORA

Informe técnico de supervisión do proxecto e viabilidade LMTS Os Acivros

Proxecto LMT Os Acivros. Versión 2

Ao comezar o debate do asunto a interventora sinala que hai varias erratas. Cores aclara que na temeridade púxose 30 meses e eran 30 días e o procedemento é aberto simplificado e hai algún corta e pega máis que xa fica agora correxido.

Comeza intervindo o PSOE, por medio de Daniel Camiñas. Felicítase pola obra e xa no 2018 levaron os socialistas isto ao Parlamento e no 2019 trouxeron moción ao Pleno para facer o que finalmente ten pensado facer o PP, que daquela votou en contra.

Isto vaise facer cunha subvención da Xunta, aprobada o 9 de outubro de 2020 e que saiu no DOG do 23 de outubro de 2020. A redacción do proxecto encárgase o 29 de xaneiro e rexístrase o mesmo no Concello o 28 de abril. Con respeito ao Concello vén ben que a liña sexa soterrada, xa que redunda nun menor impacto paisaxístico, mais xéralle dúbidas o trazado escollido para a liña, pois o máis rectilíneo sería o da N-540 e non meterse no casco urbano e facer quiebros. A separata de mellora parécelles ben, mais xéralle dúbidas o procedemento porque a vía do Bairro da Ponte é da Deputación e a vía debería ser, como xa se dixo no Pleno en máis dunha ocasión, debería ser peonil e só para residentes facendo unha nova ponte no río Asma.  Voltar pór aí formigón semella pouco axeitado

O informe de supervisión do proxecto fala dos informes sectoriais necesarios. Constan algús informes, segundo este, que non están no expediente, como o de Patrimonio e o da Confederación Hidrográfica. Amais, ve irregular como se xestionou o expediente, pois o 5 de maio fan a provicencia, a memoria, a separata de mellora e convócase o Pleno perante o reparo suspensivo. Todo isto en apenas horas.

Canto aos informes, o informe de secretaría xa se di que “non se pode informar de xeito favorábel” e incide na existencia de erros de copia e pega nese informe, que xa sinalou a interventora mais queren facer a observación novamente de que se teña coidado á hora de facer estes documentos. O prego de cláusulas administrativas só está en castelán e debería estar tamén en galego. Non é tanto pedir Obra informe de intervención tamén é negativo ao non contaren cos terreos como marca a lei.

Así as cousas, a proposta de acordo no ponto 1º pídelle aos 13 concelleiros levantar reparos coas responsabilidades que iso trae consigo, segundo a LBRL, e con todos os informes en contra… todo por non tramitar ben o expediente. Na falta de procedemento nunca terán o apoio do PSOE. No ponto 5º da proposta faise responsábel a Diego Otero Veiga, o cal é ilegal segundo o artigo 76.2 da LCSP. O artigo 62.2 di expresamente “en los contratos de obras, las facultades del responsable del contrato serán ejercidas por el Director Facultativo conforme con lo dispuesto en los artículos 237 a 246“. Así pois, o nomeamento ten que recaer no director de obra. Estamos na crónica de sempre: traen ao Pleno faltas flagrantes e ilegalidades. [A interventora fala co alcalde deste asunto]. As cousas importantes hainas que facer especialmente ben. Se corrixe o ponto 5º abteranse e se non votarán en contra.

Varela dille que lle diga cal é o ponto 5º. O director de obra vai ser o que vai ser e aparecerá o nome de Diego Otero porque no seu momento, cando se fixo a petición coa AECH foi el e, por iso, aparecerá. A el dixéronllo cando viña para o Pleno e non daba crédito, xa que nen el nen nengún dos que estamos aquí podemos ser directores de obra ao non sermos enxeñeiros. No 2018 e no 2019 a fase 2 fíxoa SUPLUSA, que para iso vendías as parecelas e, daquela, debería facerse cargo da submistración eléctrica do polígono de Chantada. Era cousa da Deputación e de Industria non do Concello. Como pasaba o tempo, AECH, conxuntamente con dúas ou tres empresas do Polígono e o Concello, puxéronse de acordo para facer a solicitude a partir do Concello de Chantada e fixeron xestións na Xunta enviando unha memoria das obras que había que realizar. Sobre o trazado el non é técnico e fíxoo a empresa Naturgy, que escolleu a opción máis favorábel. Ese proxecto enviouse á Xunta e esta ofereceu até 1 millón de euros. O presidente de AECH, Néstor Quiroga, e o alcalde foron á Deputación de Lugo e alí dinlles que se vai liquidar SUPLUSA e que xa verían se lle podían dar no 2021 algo ou non. As parcelas do Polígono estanse acabando e é o Polígono máis rendíbel dos que desenvolveu SUPLUSA, segundo se dixo na Deputación, e perigando o subministro e requeríndose outra ampliación o Concello pon o resto, o que non poña a Xunta. A Deputación dixo que o metera o Concello no Plano Único e que tiña moito remanente. Para iso, non facía falla ir a Lugo. 

O proxecto encargábase Naturgy, mais o que fixo non levaba desglosadas as unidades de obra e houbo que modificar o proxecto de finais de 2020. Poñíanlle pegas para ver quen pedía a subvención se a empresa ou o Concello… gañas de marear e desde algúns organismos estivéronselle pondo paus nas rodas. O informe de Infraestruturas veu de forma negativa nun primeiro momento, polo tema de se era a empresa ou o Concello, e de aí a reforma do proxecto. El non asume a responsabilidade disto se algunha administración non espabila e non pasa o sectorial antes desas data e terían que renunciar

Fente pregunta como queda o ponto 5º. Varela di que o director de obra de nome é Sergio, a interventora di que se modifica. Fente pide intervir e concédeselle a quenda de palabra (min. 24.14).

Examinamos o expediente dentro do escaso lapso temporal que había ao convocarse a sesión con carácter extraordinario e urxente. Vimos que é un contrato de bastante envergadura, que contabamos xa un pouco con el pola cronoloxía que xa se referiu. A Xunta achega o 80% e o Concello 478.000€, que se pediron através do SC 1/2021 mediante crédito bancario, aprobándose a comezos deste 2021. Coincidimos tamén que é necesaria a mellora da  electrificación do polígono dos Acrivros, que é un tema que xa saiu nesta lexislatura en varias ocasións. Nese sentido, xa hai moitos meses que se anunciou que esta obra se ía facer con cargo á subvención da Xunta dun millón de euros e unha posíbel subvención da Deputación que, polo xa exposto, non se materializou.  O proxecto de Naturgy, ao que se acaba de facer referencia, que vén, polo que consta na documentación, aínda que falta documentacion neste expediente, como se fixo referencia anteriormente e non endenmos por que, fálase de informes positivos que non constan no expediente.

Manuel Varela interrompe e di que é mentira. Fente retrúcalle que non están. Daniel corrobora que non están. Varela deféndese dicindo que son unha realidade, aínda que non estean e que a el non lle gusta mentir. Fente dille que serán realidade, mais se non están no expediente este non está completo. Varela di que cando di que faltan dous son dous. O voceiro de Por Chantada di que a fe resérvase para cando se vai rezar á igrexa. Varela contesta que debe ir pouco á igrexa. Fente dille que iso é un tema persoal e que, en todo caso, a fe tense alí e non Pleno non se obra desde a fe, senón desde a razón para o que se deben fundamentar as decisións nos papeis e no que está no expediente, que debe estar ben conformado e se falta documentación haberá que recoñecer os erros. 

Continúa Fente desde o ponto anterior á interrupción lembrando que ese primeiro proxecto de Naturgy non valía [decatáronse só cando a Xunta lles informa negativamente], polo que se debeu encargar outro e ese “novo” proxecto chega cando chega perdéndose meses. Agora hai moita présa por uns informes sectoriais que faltan, que en teoría o da Deputación axiña vai chegar, cando se perderon meses por non facer o desglose por unidade que é sabido e coñecido que é obrigatorio en todas as obras públicas. Despois na xustificación afírmase que vén ao Pleno para levantalo entre todos… non, vén ao Pleno porque o orzamento supera o 10% dos recursos ordinarios do Concello e existe reparo suspensivo da intervención e o informe negativo da Secretaría. Do contrario podería aprobalo a Xunta de Goberno Local, pois furtáronlle ao Pleno a competencia sobre os contratos de máis de 10% do orzamento. Non semella moi razoábel a quen lle tiraches a competencia despois, cando non queda outra, vir apoiar que dea o seu apoio. Xustificárase a decisión en que se entorpecía e resulta que hai que seguir vindo ao Pleno por facer as cousas mal.

O informe de intervención é bastante claro:
Do informe anterior e do exame do expediente despréndese que non pode acreditarse o requisito de dispoñiibilidade dos terreos para a súa normal execución. Dacordo con reiterados pronunciamentos das diferentes Xuntas Consultivas de Contratación Administrativa o requisito de dispoñibilidade dos terreos debe existir no momento da aprobación do expediente de contratación.

Daquela, procunciarse sobre algo que non sabemos se finalmente se vai dispor ou non sería outro acto de fe. E isto somado aos meses que se perderon como se explicou antes. O prazo de execución é deica o 31 de outubro e volvemos un pouco ao mesmo: unha neglixente xestión coloca a administración non beco sen saída e obriga a tirar para adiante asumindo irregularidades. Unha vez pode pasarlle a calquera. Hai que dicir que a Deputación se demora nos seus informes habitualmente, mais a solicitude por parte do Concello é do seis de abril. Varela nega a maior e di que había outros de antes. Pois tampouco están no expediente.

Nas propostas de mellora, os tempos son os que son, mais vendo o trazado habería que tentar darlle solución ao Bairro da Ponte e lembramos que o expediente chegara ao Valedor do pobo pola perigosidade para os peóns. Houbera unha reunión de Manuel Varela e Manuel Martínez na Deputación para tentar darlle unha solución e a proposta dos semáforas foi rexeitada pola sociedade civil e por nós e habería que ir a tentar facer unha ponte sobre o Asma. Varela di que as melloras non permiten facer a ponte. Fente dille que ninguén afirma iso, mais habería que tentar conseguir iso, que vén a conto porque unha das separatas de mellora da actuación que aquí se debate volve erguer o firme do Bairro da Ponte. As melloras da obra é para que non se faga daquela maneira e onde hai formigón se repoña e o aglomerado en quente onde o hai nas da Deputación. Por aí non vemos problema, mais a solución para o Bairro da Ponte polo dito e por ser Camiño de Inverno debería ser outra.

Tamén despois traiamos o da proposta de acordo que está pouco axustada a direito e mal redactada polo que se di nese ponto 5º e a competencia para erguer o reparo é do PlenoAquí intervén motu proprioa interventora, María Yebra-Pimentel, e di que non está mal redactada, o que debe mirar e que a competencia é do Pleno mais a avocación da competencia para o suposto… entón as cousas redáctanas os funcionarios non os políticos. En consecuencia, deixe de reiteradamente de faltar un pouco ao traballo dos demais. Métase politicamente, mais non fale da redacción das cousas porque erros pódeos ter calquera. Efectivamente, di Fente, el tamén comete erros. A interventora dille que el tamén algún. Fente dille que ten moitos e cando os ten asúmeos se se dá conta deles. A interventora quere pór de manifesto que hai un traballo moi grande e importante dos funcionarios no expediente e, fundamentalmente, os documentos redáctanos os funcionarios polo que lle pede a Fente respeito e que retire o de mala redacción, porque habería que ver as redaccións que fai vostede. Fente indica que retira o de mala redacción e non só iso pídelle desculpas se se sentiu ofendida. A interventora di que claro que se sente ofendida. Fente reitera as desculpas e tamén a calquera traballador que intervise no expediente e se puidese sentir aludido. A intención non era menoscabar o traballo de ninguén e tampouco o dos funcionarios nese sentido. Poden constar as desculpas na acta que non hai problema nengún. Intervén Manuel Varela para pedirlle ao voceiro da CUP que vaia rematando a súa intervención. 

Fente subliña que en todo caso hai unha cuestión que é a do ponto 5º da proposta do acordo que si que está non axustada a direito. Si, iso é un erro que recoñece a interventora. Varela di que xa está recoñecido e non fai falla que chova sobre mollado. Non é chover sobre mollado, estamos na nosa quenda de palabra e facendo referencia por vez primeira ao tema. Cando algún do PSOE dixo iso xa se retirou, vostede non ten que estar insistindoEstaba falando do asunto cando xurdiu o tema da mala redacción polo que reitera as desculpas se puido ofender a alguén, que non lle caen os aneis por facelo ou recoñecer os erros. Nesa intervención é cando di isto e está axustado ao ponto e ao que se está tratando. 

En definitiva, isto lembra a parábola do fillo pródigo. O pai unha vez perdoa ao fillo errante. Porén aquí, este Concello, a parábola repítese unha e outra vez. Non é a primeira vez que se vén con reparos e perdirnos que o levantemos con todos os informes de todos os técnicos en contra. Non entendemos como vén nestas condicións. Como non entende emita o voto, dille o alcalde. Eles teñen maioría e están de acordo en levantar este reparo. Así que vostedes voten o que queiran. Só faltaría que tivésemos que votar o que vostedes nos digan.

Daniel Camiñas para matizar pede a palabra. Na moción de 2019 xustificou que daquela era a Deputación e resulta que a calificación xurídica non mudou en nengún problema. O alcalde interrompe e o concelleiro do PSOE pídelle que non o faga fronte ao que ameaza Varela con retirarlle a palabra e pasar a votar porque non ten direito a corrixilo. Está totalmente equivocado, xa tivo a súa quenda. Está na segunda quenda. Non hai quenda nengunha, di Varela, isto non é unha moción. Si que é así, segundo o ROF, se quere lello.

Volvemos á mesma, iso no 2018 e 2019. O PP sabía desde o 23 de outubro que tiña a subvención. Vén feito facer as xestións para a subvencións, mais do 23 de outubro até o 29 de xaneiro, como dixo Antom, non se contratou o proxecto. Estívose traballando cun proxecto da empresa, señor. Entón eses tres meses xa non é culpa dos demais. No que consta no expediente, que é o que ten a oposición para facer a valoración, mandouse o primeiro oficio o día 6 de abril. Esa data non é verdade, ese día mandouse unha xustificación. Eles valoran o que está no expediente o demais é fe. Está suficientemente debatido e como lle dixo ao señor Fente Parada voten. Se esta obra, polo que a el lle sona, queda sen facer pode ser polo sectorial de Fomento e sería ben triste. Hai xente do PSOE que lles está botando unha mao na Cruña e en Madrid. Os reparos hai que levantalos para ir adiantando e non hai máis rollo que dicir. Daniel insiste en que desde outubro se perderon meses. Varela di que cando falaba dos funcionarios o señor Fente Parada non se imaxina o traballo que lle deu a 4 funcionarios isto. Daniel di que non lle cabe dúbida. O alcalde contesta que entón non lle meta a el o dedo da chaga e a responsabilidade tamén destas cousas. Un segundo, o señor Fente… nen un segundo nen nada, pasamos a votar.

 

VOTACIÓN PARA LEVANTAMENTO DE REPARO DA INTERVENCIÓN E CONTINUAR A TRAMITACIÓN DO EXPEDIENTE:

A FAVOR: 7 PP

ABSTENCIÓNS: 4 PSOE

EN CONTRA: 2 POR CHANTADA

 

Despois da votación e rematada a sesión, Manuel Varela dille á oposición que pode estar orgullosa e que os empresarios de Chantada van estar moi agradecidos. Fente dillo que non sexa demagogo. Aínda que o alcalde quere facelo pasar por un insulto este adxectivo, segundo a RAG non é tal cousa e en todo caso díselle que non actúe como tal non que o sexa. 

 

cropped-logo-redes-8m-blanco

Resumo do pleno ordinario do 8 de abril de 2021

 

Accede ao audio íntegro do Pleno premendo aquí (ligazón a Google Drive, debe facerse desde un computador).

 

Asisten 12 concelleiros, todos agás Manuel Diéguez do grupo popular. Asiste a interventora, o secretario accidental e outro traballador do Concello. Non hai ninguén no público e a sesión comeza ás 20:03.

 

1.- ACTAS ANTERIORES, CORRESPONDENTES ÁS SESIÓNS: ORDINARIA 28/01/2021.

Apróbase por unanimidade.

O PSOE pide mudar a orde do día para que primeiro se debatan os asuntos que trae o Goberno e a continuación as mocións. Portanto, múdase a orde de todos os pontos da sesión sen realizar unha votación a tal efeito. A orde orixinal pode consultarse no Decreto de alcaldía 213/2021 [CONVOCATORIA PLENO 08.04.2021]

PARTE RESOLUTIVA DA SESIÓN 

2.- MODIFICACIÓN ORZAMENTARIA 13/2021 MEDIANTE CRÉDITO EXTRAORDINARIO 01/2021 por importe de 300.779,70€ (EXP. GESTIONA 301/2021). [Minuto 1:50 do audio]

Proposta Pleno CE 01_2021 (casa)

Informe de intervención 5_2021

Informe técnico taxación praza do Cantón

O PSOE parabeniza a Corporación e fai fincapé na vixencia da estabilidade orzamentar.

Desde Por Chantada comézase a intervención facendo fincapé en que a denominación tradicional da praza  é Praza do Cantón. Amais, descoñecemos o importe exacto do remanente de tesouraría para gastos xerais (RTGX), tal e como xa sinalamos na CI.

No seu día apoiamos a compra dos dous edificios que ían adquirirse urxentemente e que, máis dun ano despois, seguimos agardando. Cada un seguiu unha vía e neste caso existe valoración do técnico de urbanismo. Sumarán 530.000€, portanto por riba do previsto.

Por outro lado, aínda que non se iría a un PEF ao estaren suspensas as regras fiscais botamos en falla unha maior concreción sobre a estabilidade orzamentar. En todo caso, onde neste asunto vemos o maior problema é na propria valoración que xustifica a contía da proposta de acordo.

Non se achegaron as cláusulas administrativas particulares e no caso do edificio de Formoso Lamas a información foi mínima.

Entendemos que existe un erro no cálculo de 11.000€, pois os metros cadrados que se indica que ten o predio non coinciden coa superficie construída que se emprega na fórmula de cálculo polo que existe unha diferenza significativa (o resultado debería ser 311.229,75€).

Solicitamos que se retire o asunto e se revise a documentación, emitindo novo informe do técnico para explicar este desfase e tomarmos o acordo no Pleno coas máximas garantías legais

Manuel Varela di que vai usar o crédito para a compra e se hai que cambiar algo que se cambiará [sen crédito non se poden adquirir gastos]. Volve dicir que é urxente [hai un ano xa o podían ter feito e non o fixeron] e vanlle dar para diante. Alégrase pola posición do PSOE. Recoñece que non son os mellores edificos para unha biblioteca.

A FAVOR: 10 PP e PSOE   EN CONTRA: 2 Por Chantada

Apróbase.

3.- MODIFICACIÓN ORZAMENTARIA 15/2021 MEDIANTE CRÉDITO EXTRAORDINARIO 02/2021 (EXP. GESTIONA 352/2021). [minuto 8:34 do audio]

 Proposta ao Pleno crédito extraordinario 2-2021

INFORMES DE INTERVENCION 2021-0007 [INFORME INTERVENCION]

O PSOE di que Parques e Xardíns é un dos servizos máis valorados pola cidadanía e que o camión é necesario. Inciden na estabilidade orzamentar novamente, como no ponto anterior.

Canto a Por Chantada, lémbrase que na comisión informativa (CI) se expuxo a seguinte información: será para adquirir mediante oferta pública un camión de segunda mao, seguramente da empresa Rabelas polo que se explicou. Aínda que, ao ser oferta pública, se aparece outro, de análogas características, con condicións máis vantaxosas  por importe inferior a 42.350€ colleríase. Segundo se nos dixo na CI novo custaría por volta de 75.000€ e melloraría os servizos municipais. En principio, parécenos ben só que descoñecemos modelos e non temos na documentación referencias para facer unha valoración das contías e se axustan ao mercado. Igualmente descoñecemos aínda o importe do RTGX que, no entanto, xa se está gastando.  Por estas razóns abstivémonos.

A FAVOR: 10 PP e PSOE   ABSTENCIÓN: 2 Por Chantada

Apróbase.

4.- BONIFICACIÓN ICIO MECANIZADOS NANDE S.L. (EXP. GESTIONA 112/2021). [minuto 11:22]

Proposta bonificacion ICIO MECANIZADOS NANDE

FISCALIZACION DE INTERVENCION 23-2021

Informe técnico

Coa bonificación pagarase de ICIO 277,5€ de 5.272,50€

O alcalde propón tratar todas as bonificacións conxuntamente.

O PSOE defende que apoian que no Polígono se bonifique o 95% no Polígono e mantelo na ordenanza do ICIO para que haxa acordo entre PP e PSOE. Se se aplicasen as mudanzas que propuña o PP no outro Pleno estas empresaas veríanse afectada. Varela retruca que non sería retroactiva, mais concordan coa emenda do PSOE e van manter o 95%. Crean riqueza aquí e van votar a favor.

Fente lémbralle, como cuestión de orde, que por seguranza xurídica deben votarse separadamente. O secretario accidental ratifica isto último. Faise o debate conxunto, mais a votación é separada. Canto aos contidos dos pontos seméllale ben a bonificación porque son empresas locais e que están no noso Polígono. Porén, hai outro sector que se está descriminando, un un agravio comparativo cos gandeiros, xa que se lles cobra o 100% e abonan cifras elevadas polas ampliacións ou construcións das súas naves. Deberíanse ter en conta isto nas bonificacións do ICIO, por exemplo recentemente a queixaría Airas Moniz. Estas empresas non están no Polígono mais crian riqueza, emprego manteñen o rural vivo, ordenan o territorio e combaten os incendios. Para nós non é xusto excluír estábulos e naves e esta situación leva prolongándose anos e anos. Debería pedirse informe xurífico e ao entender de Por Chantada coa redacción actual da ordenanza fiscal reguladora do ICIO parécenos que o Pleno podería xa aprobar a declaración de especial interese ou utilidade municipal, mais iso non se lle está indicando ás iniciativas rurais

Manuel Varela defende que as axudas que hai para o Medio Rural de fondos europeos son tremendas e distintas das que teñen no Polígono.

A FAVOR: 12. Apróbase por unanimidade.

5.- BONIFICACIÓN ICIO ELECTRODOMÉSTICOS PERLADA S.L. (EXP. GESTIONA 111/2021). [minuto 15:53]

Proposta bonificación ICIO Perlada

Informe técnico

FISCALIZACION INTERVENCION 2021-0022

Coa bonificación pagaría 510€ de 10.200€.

A FAVOR: 12. Apróbase por unanimidade.

6.- BONIFICACIÓN ICIO NEUMÁTICOS REGAL C.B. (EXP. GESTIONA 109/2021). [minuto 16:09]

Proposta de bonificación ICIO

Informe técnico

Coa bonificación pagará apenas 74,4€ de 1.488€.

A FAVOR: 12. Apróbase por unanimidade.

7.-MODIFICACIÓNS SUBVENCIÓNS NOMINATIVAS PARA 2021 (EXP. GESTIONA 313/2021). [minuto 16:20]

Proposta ao Pleno de modificación das subvencións nominativas para 2021

Informe_2021-0006 [INFORME DE INTERVENCION]

Proposta MODIFICACION SUBVENCIÓNS NOMINATIVAS 2021

Raquel López di que son asociacións importantes e fala de pasos na boa dirección porque as bandas teñen agora subvencións e se pon fin aos convenios. Di que faltan subvencións para outras entidades e tende a mao para acordar co PP o futuro da Casa da Música cando corresponda e entendendo o valor que ten para o Concello. O Recuncho Solidario, a Irmandade Cultural País do Faro e a SD Chantada precisan subvencións e falan de vulnerabilidade pola ausencia de Plano estratéxico de subvencións.

Desde o grupo municipal Por Chantada entendemos que a administración debía dar exemplo cumprindo a lei e que a ausencia de Plano estratéxico de subvencións fai que as entidades non teñan seguranza  xurídica para as axudas. Non só non tempos o Plano estratéxico, senón que levamso anos sen memoria, cando o alcalde debería facer un informe anual e non o fai desde 2018. Entón, isto non é un capricho senón que é o marco legal: a Lei 38/2003, xeral de subvencións, o Real Decreto 887/2006, polo que se aproba o regulamento da Lei xeral de subvencións, as proprias Bases de execución do orzamento para este exercicio 2021 e o artigo 8 da Lei 40/2015, de 1 de outubro, de réxime xurídico do Sector Público. Este marco legal obriga a termos un Plano estratéxico de subvencións, mais o segundo e último aprobouse en marzo de 2019. Todo un marco legal que ampara as subvencións e o incumprimento por parte do Goberno, deberíase aprobar antes das proprias subvencións, pon en risco as subvencións se houber unha denuncia.

Por outra banda, seguimos insistindo na necesidade de aprobar máis axudas, sobretodo para o terceiro sector, pois coa crise as necesidades ás que están facendo fronte desde O Curruncho Solidario ou Caritas están aumentando moito e moitas veces derivándoselles casos desde os proprios Servizos Sociais do Concello. Estamos nun momento en que toda axuda é pouca tamén no sentido de evitar saírmos da crise máis vulnerábeis, é dicir máis divididos e con maior desigualdade.

Parécennos ben estas axudas, naturalmente, mais consideramos que se debería ter aprobado o Plano estratéxico de subvencións, así como as memorias anuais por parte da alcaldía, e ser escrupulosos no cumprimento da lexislación. Fente pregunta, por último, pola subvención da AECH, que sobe 2.000€ e non se explicou na CI.

Varela di que se lles sobe polo traballo que están realizando. Pouco son 5.000€ para unha asociación de empresarios. Adianta que o Concello vai sacar unha liña de axudas para os estabelecementos que sufriron coa pandemía, en coordinación coa Xunta da Galiza. Beneficiará a 65 estabelecementos.

A FAVOR: 10 PP e PSOE. ABSTENCIÓN: 2 Por Chantada.

Apróbase.

8.- MOCIÓN DO GRUPO MUNICIPAL POR CHANTADA-CUP, SOBRE AS INMATRICULACIÓNS DE BENS POLA IGREXA CATÓLICA NO CONCELLO (EXP. GESTIONA 276/2021). [minuto 23:00]

Moción Por Chantada inmatriculacións de bens pola Igrexa no noso Concello

Emenda PSOE a moción de Por Chantada.

O voceiro de Por Chantada defende a moción através da súa exposición de motivos [minuto 24:57].

Desde o PSOE, Daniel Camiñas di que o seu grupo concorda co problema que se expón na moción. Critica o poder inmobiliario da Igrexa, que é enorme e explica moitas cousas. Explica as mudanzas de 1997 e os acordos do nacionalismo centrípeto e centrífugo, pois era a época en que Aznar falaba catalán na intimidade. Cometéronse auténticos sacrilexios, como na mesquita de Córdoba. Do 1997 a 2015 varios xuízos ratificaron as ilegalidades cometidas. Recalca que foi unha proposición do PSOE a que abre esta vía e indica que nengún dos 100 bens que hai en Chantada con máis título que a certificación eclesial e 54 só con uso relixioso. Ven positivo tamén a proposta de Por Chantada de abrir o mosteiro de San Salvador de Asma.

A emenda quere aclarar e mellorar o texto e recalca que é de xustiza mudar a Lei de Facenda Locais para que as confesións paguen o IBI polos bens de uso relixioso [difícil do ponto de vista do direito internacional ao ser o acordo entre o Reino de España e o Vaticano ratificado por dous estados soberanos e que colidiría con esa reforma do direito interno] O Concello ten pendente facer o inventario de bens.

Manuel Lorenzo Varela anuncia que non van aprobar a moción. Se traballan nisto terían que deixar de facer outras cousas. Defende a Aznar, di que reflectiu o que había desde o século XIX. Fai dous meses o Goberno de Pedro Sánchez decretou a inmatriculación e está todo en perfeito estado. Queren saber cales son eses bens que hai en Chantada e traballar para ver se están ben ou non. El é unha persoa crente, mais non un “papanatas”. Tenlle cariño á educación que, coma Antom, recebeu no Seminario de Lugo e non lle quere dar paus á Igrexa. Van reclamar ao Goberno central toda a documentación.

Fente di que o lugar de culto non xustifica per se a inmatriculación. Esta moción non vai contra a Igrexa como deixa caír. O que se defende é que se hai uns bens públicos, que son do pobo, débense defender. Hai moito patrimonio abandonado. 

Di que o Concello pode comprar corenta e cincuenta casas reitorias e polas en valor. Por iso a moción defende o mosteiro de San Salvador de Asma. Iso son palabras maiores, o dono pide millón e medio  de euros. O mosteiro defende que hai que falar con Cultura e que lle meta a mao eles teñen outra prioridadesA moción defende que abra catro días ao mes non que se compre. Iso é privadoA lei obriga a abrir os BIC catro veces ao mes, fíxose por exemplo en Meirás. Non se quere meter noutro Meirás, cando goberne Por Chantada… non abandonan o mosteiro. Por aquí pasou outra xente e non mirou para el tampouco, non quere dicir que non se preocupen polo mosteiro, mais teñen outras prioridades e están facendo centos de cousas. Fente insiste en que nesa moción non se pide que gaste nada o Concello.

Daniel di que o coherente con iso sería ter toda a información e, en consecuencia, votar a prol da moción e da emenda.

El formulou na Corporación que houbo que se apropriou de bens do franquismo: a casa sindical era do Sindicato Vertical. Cos musulmáns, cos Testemuños de Jheová ninguén se mete… ou cos sindicatos. Por que non nos metemos con iso?

Daniel di que é do patrimonio sindical acumulado ese edifico. Lei mal feita, defende o alcalde. Jisi intervén para dicir que o edificio da Cruz Vermella era da UXT na República. Daniel pasa a ler as emendas do PSOE á moción de Por Chantada.

Manuel Varela di que está disposto a apoiar un ponto único e fan unha emenda in voce 

O Goberno local de Chantada dirixirase ao Goberno Central conxuntamente con outros concellos da provincia para recabar información dos bens inmatriculados da Igrexa.

Todo aquilo que non sexa da Igrexa vai ser o primeiro en defendelo. Porque esta moción é un totum revolutum e el e os seus compañeiros teñen moitísimo traballo e a oposición non se dá conta. Fente insiste no mosteiro. Non se compromete co do mosteiro de San Salvador de Asma. 

O PSOE retira a súa emenda.

VOTACIÓN EMENDA PP: 12 UNANIMIDADE.

VOTACIÓN ACORDO: 12 UNANIMIDADE.

Apróbase co ponto único da emenda do PP.

9.- MOCIÓN DO GRUPO MUNICIPAL POR CHANTADA-CUP, A PROL DE EMPREGO E SERVIZOS DIGNOS NO EIDO DA ATENCIÓN Á DEPENDENCIA. (EXP. GESTIONA 276/2021). [minuto 51:25]

Moción Por Chantada coidados e SAF no rural_signed

Fente defende a moción, para coidar a quen coida [minuto 53:30]. Os direitos das traballadoras e mellorar a atención dos coidados. Un modelo de coidados no rural e non un modelo urbano, defendendo o cohousing para a comarca, que xa defendemos na plataforma Interior Galego Vivo. Lembrou o programa eleitoral de defensa dos servizos públicos, sen éxito á vista da privatización do SAF. O Centro de día o único de titularidade pública na comarca está lonxe do volume de poboación maior de 70 anos que supera as 2.000 persoas. As redes familiares aínda funcionan, mais todo está cambiando.

Abusouse dos servizos mínimos contra as traballadoras do Consorcio en folga ao igual que fixo o Concello de Chantada coas traballadoras do SAF. Defendemos os direitos de todas as traballadoras. Hai un abuso e haille que dar unha solución concreta, non vale dicir non queremos OPE porque a propria Comisión europea presiona. Unha solución é unha OPE con moitas prazas que reforce servizos existentes actualmente e outra como persoal a extinguir. A convocatoria tal e como está non é un proceso de consolidación e a concelleira mente cando di que “con estudar un pouquiño” se consolida a praza. Outra cousa é non querer OPE, nen persoal a extinguir, nen proceso selectivo de nengún tipo e manter o posto actual. Os que pasamos por procesos selectivos para o emprego público sabemos que forma parte das regras a mobilidade. En todo caso, nengunha traballadora pode após anos de servizo ficar na rúa baixo nengún conceito, por iso hai que dar solucións e non vagas palabras. Unha solución ponderada como a de persoal a extinguir.

Canto á situación do SAF teñen aí un anaco dunha entrevista en Praza pública cun testemuño terríbel dunha traballadora. En Chantada hai cuestións que afectan ao convenio, EPIs, subrogación, xornada laboral, pagos dos quilómetros, permisos que se perderon, xeolocalización permanente (condenada pola Audiencia Nacional). A concelleira e o alcalde deben reunir a mesa de seguimento, verificar os incumprimentos e darlles solución. Ao comezo do contrato é o mellor momento para solventar os problemas do servizo.

Outra cuestión é o cofinanciamento, que ten recoñecido o alcalde de Chantada e outros alcalde. Os concellos están achegando moita carga financeira e logo a Xunta saca peito de boa xestión. O SAF en 2021 orzamentouse en 915.000€ e a Consellaría só dá 9.7€ por hora fornte aos 18€ de custe real.  O mesmo para o centro de día e a escola infantil. Hai que actualizar os módulos e pedilo como concello sen entrar nas disputas entre quen está en Madrid e en Santiago. O importante é solucionar os problemas dos cidadáns.

Quedou ben explicada, di Raquel.

Esta moción admite seis ou sete mocións. Así aforreille traballo, retruca Fente. Mestúrase o SAF, coa Escola Infantil e o Centro de Día… Non puido asistir a Lugo á reunión coa Conselleira de política social, mais anunciou que van tratar de abordar doutro xeito as horas do SAF [o mesmo día que os alcaldes do PP foron facer o paripé diante da Deputación polas pistas, que eles tampouco arranxan, e que logo derivaría nunha polémica entre Tomé e Elena Candia, onde o primeiro foi acusado de machismo por mofarse da vestimenta da voceira popular no ente provincial]. O diñeiro sempre o poñen os mesmos, el non paga nengunha obra. O diñeiro que saia de onde queira mais estase castigando os concellos.

A COVID, di Raquel, mostrou situacións límite e precariedade, de xeito especial en concellos coma no noso no eido da dependencia. Apoian os pontos 1, 2 e 3 da moción. Tamén o que apoia o financiamento reformado, os 5 e 6. O banco de tempo levábano no programa eleitoral de 2015 e 2019, que é o ponto 7º. No DOG do 31 de marzo viña unha subvención para actividades de acción voluntaria.  Sobre o SAF lembran a súa repulsa á privatización, que é máis cara e apoian as queixas das traballadoras. Grave o despedimento de dúas traballadoras ultimamente en período de baixa laboral. Era prevesíbel porque a empresa busca o beneficio. Señores do PP  de verdade non se senten na necesidade de revisar se as empresas fan as cousas ben e dialogar coa empresa e as traballadoras? É a obriga do Goberno e faltoulles diálogo desde o comezo e para outros aspectos que se mencionan moción ben que reaccionaron. A incerteza que algúns viven agora foi o medo que as traballadoras do SAF sentiron tamén. Apoiaran portanto os pontos 4 e 8. 

Van rexeitar esta moción, porque poderían ser cinco ou sete. Este grupo de goberno fai seguimento da empresa e desde os Servizos Sociais chámase aos utentes cada certo tempo. Como se traga que de trinta persoas que están traballando haxa 24 de baixas? Ou como ten que marcharse unha coordinadora que sufriu acoso? Vostedes teñen información dunha persoa ou dúas, mais non toda a xente do SAF se comporta así. Non entende nada a esta xente, tan mal se trataban e queren volver ao Concello. A Coordinadora di que é insoportábel e dubida das atencións que lle fan ás persoas maiores dúas, ou tres ou catro. Cando hoube a greve e puñan pola atención polos nosos maiores, por que non se mobilizaron logo con elas? Estaban dez ou vinte e catro persoas de Chantada ben coñecidas. Varela di que se hai algunha movida no Centro de día as familias todas estarían ao pé do canón defendendo as traballadoras. Tamén poden vostedes falar coa empresa sen problema nengún. Vostedes contrastaron estas cousas que están dicindo? Falen con propriedade. Eles non van permitir que se maltrate aos nosos avós e pais. Son concelleiros, poden contrastar información e non vir con versións que poñen os pelos de ponta. Non se pode defender a todo o mundo igual, a quen anda por aí facendo o que non debe. Con respeito ao Consorcio di que desde o PP traen a súa moción e non lle importa ir xunto a Feijoo reclamar e que lle chegaron solicitudes ao Senado. Defende que no Centro de día sigan as persoas que están traballando alí para non mudarlle os coidados aos nosos maiores. Que a xente pase polos exames e aprobe para cumprir a normativa e acusa os sindicatos CIG, UXT e CCOO que foron os que meteron cizaña e teñen a razón porque hai fraude de lei.

Cándida defende que non é certo o que se di do SAF e que desde o comezo se tentou contar con elas e a resposta foi o insulto. Insultos que aínda a día de hoxe receben e nunca as deixaron de lado. Non se pode comparar o SAF co Consorcio, se lle ben unha empresa privada ela non lle ten medo.

Raquel tenta rebater e lembra que a baixa médica dáa un médico e houbo despido improcedente. Varela insiste en que como explica que de 30 persoas estean 24 de baixa? Non sabe que médico dá as baixas. Jisi di que non é normal, mais hai algo falla e se ten unha empresa e de 30 se lle poñen 24 de baixa algo falla e debería revisar que. Varela rise e Cándida di que mellor cala.

Fente fai fincapé en que non se falou de maltrato aos maiores, senón de direitos dos traballadores. Tanto as traballadoras do SAF canto as do Consorcio. Tamén hai que falar das obrigas, di o alcalde, e as obrigas? Efectivamente, contesta Fente, tamén hai obrigas, ora ben podendo haber casos como en calquera outro oficio… hai no Concello traballadores que traballan máis e que traballan menos, funcionarios que traballan máis e que traballan menos, concelleiros que traballan máis e que traballan menos… E profesores, interrompe Varela. Efectivamente, o meu gremio é coma os outros. Neste gremio concreto, as mulleres deben manexar pesos e co pesar do tempo destrózase a columna e hai veñen as baixas médicas, igual que as traballadoras das conserveiras aos cincuenta anos estaban desfeitas, que imos dicir que eran unhas nugallás? Non. Varela interrompe e que non imos entrar en máis historias porque non veñen a conto. Entón non fagamos demagoxia. Varela di que está suficientemente debatido o asunto. Entón digan se apoian os direitos de todas as traballadoras ou non. Imos votar a moción, vale?, insiste o alcalde.

A FAVOR: 6 (Por Chantada e PSOE)

EN CONTRA: 6 (PP)

O alcalde aplica o voto de calidade para desfacer o empate polo que a moción é rexeitada.

A favor.

10.-MOCIÓN DO GRUPO MUNICIPAL POR CHANTADA-CUP, PLARA DECLARAR ESPAZO NATURAL DE INTERESE LOCAL OS CACHÓNS DO ASMA E IMPULSAR MEDIDAS A PROL DA VEXETACIÓN RIPÍCOLA NOS TREITOS FLUVIAIS URBANOS DA PLANTACIÓN DE FROITEIRAS NOS ESPAZOS E PARQUES PÚBLICOS E DO IMPULSO DA CATALOGACIÓN DE ÁRBORES SENLLEIRAS. (EXP. GESTIONA 276/2021). [minuto 1:21:10]

Moción Por Chantada ENIL Cachóns do Asma_revista_signed

Fente dispóns os diferentes aspectos da moción de Por Chantada. O nexo de unión é a emerxencia climática e o Goberno estatal acaba de pronunciarse a prol da neutralidade carbónica. Tamén defenderamos aquí a moción polas estradas de coberta vexetal e logo veu o PACES, que non foi do noso agrade e sobre o que fixemos propostas. O interior galego está vivindo unha grande transformación: dunha banda, o incremento paulatino do turismo, que de non planificarse terá un impacto negativo sobre o territorio; e, doutro lado, un fenómeno de acaparamento de terras informal, aínda que crecente e proliferán as especies pirofitas e pérdese SAU, produción de alimentos e extensivo. Pola distribución da terra no noso país deberíase ir ao extensivo e á calidade. Os fundos da UE e a opacidade coa que se están xestionando lévannos a un panorama desalentador. Nas hortas das ribeiras do Asma pulamos na liña das declaracións internacionais que buscan a recuperación deses espazos. Faise referencia a Avelino Gómez Ledo e o seu texto sobre os Cachóns do Asma e ao POMF de San Fiz ao que Por Chantada alegou. Queremos pór na mesa un espazo esquecido e que cómpre pór en valor. O ideal sería incluílo no POMF para que o que prometen inversións asociadas: criar unha senda peonil e restaurar os muíños e a “Fábrica de Luz” do Evaristo, exemplo de patrimonio industrial, como o dos curtidos estudado por Claudio Otero e que algún día haberá que facerlle xustiza. Co ENIL habería un plano de conservación e o alcalde debería presionar a Xunta para a súa inclusión no POMF. Outro tema que conecta coas árbores son as árbores senlleiras, como o carballo de Paderne. Con seres vivos con centos de anos e existindo o catálogo de árbores senelleiras non se entende o desleixo do Concello de Chantada ao longo do tempo sobre esta cuestión. As árbores como dadoras de vida, como futuro, como combate á mudanza climática. A restauración dos elementos patrimoniais e dos Cachóns do Asma, que deben conservarse e darse a coñecer. Diversificar e mudar o enfoque de promoción turística, Chantada non só son as riberias e como porta da Ribeira Sacra debemos reter máis os visitantes e non ser lugar de paso mediante a difusión dos nosos valores. Atraer un turismo sustentábel e de calidade para preservar aqueles elementos que nos fan merecedores de atención desde toda Europa para que o turismo redunde positivamente e non deteriorando os elementos que nos fan merecedores de atención.

Difícil equilibrio entre contorna, territorio e economía. A sobrevivencia da viciñanza e o turismo. Os Cachóns do Asma paraxe privilexiada. A pergunta que se fai o PSOE é que protección achega o ENIL. Como reclamo e preferencia nas subvencións o único. Celebran que se mudara na moción a mención a unha lei derogada. Cuestionan as alegacións ao POMF, pois non está apresentado. Serían alegacións á avaliación ambiental estratéxica. Din que o artigo 29.6 requeriría a conformidade expresa dos proprietarios afectados. Cuestionan que Por Chantada coñeza a súa opinión. Solicitan que retiren a moción, pois estes procesos son complexos e habería que coñecer primeiro a opinión dos proprietarios.

Habería que falar coa Confederación Hidrográfica. Vai bastante por San Fiz e ve que as Ouvenzas fican abandonadas. Hai 20 anos todas traballadas e hoxe un manto verde. Defende as adegas contra o criterio da APLU. Van facer a rota por Vía Romana e  Nogueira, conservar e rozar ese vieiro. O futuro é complexo se a mocidade non se agarra ao medio rural e con gañas de traballar. Pídelle a Antom que dea exemplo que ten ribeira na casa. Están pondo cerdeiras. Conchi aclara que son decorativas e que van pór máis árbores froiteiras. Se retira a moción ben e se non votarán en contra.

No inicio do procedemento falaríase cos proprietarios, loxicamente. Habería que perguntarse, en todo caso, se as diferentes administracións cando aprobaron a declaración BIC ou a Reservade Biosfera para a Ribeira Sacra falaron con todos os proprietarios ou se fixeron unha exposición pública duns documentos que moitas veces a xente descoñece na súa forma e no seu contido. Varela interrompe para dicir que están traballando na parroqua de San Fiz e que se vai ben seguirán pola marxe direita do Asma, en San Pedro de Líncora. Pode ser un exemplo para toda a Ribeira Sacra o que fai a Xunta e o Concello de Chantada, un exemplo até coa cantidade de adegas que hai feitas, algunhas non van ter posibilidades de sobreviver que xa se falará no seu momento. Tamén cara Santiago da riba. Hai que atraer inversores, como o xogador do Real Madrid que mercou a ribeira do Rato. Falarlles de ecoloxía e de produtos típicos e saudábeis. Senón o futuro é negro. A lei de mobilización de terras agrarias tampouco notifica moito… xa veremos o resultado de todo isto. Dá maior protección o ENIL? Deulle máis protección o BIC ao mosteiro de San Salvador? Se as leis están no papel e non se aplican na práctica non dan resultado. Entendemos que os proprietarios gañarían cunha actuación global neste espazo. Canto ás árbores facemos fincapé nas marxes do río AsmaInsiste o alcalde que no río hai que ter permisos da Confederación. Fente lémbralle o traballo desenvolvido a este respeito por concellos como Allariz, cómpre ter vontade e moverse. Están actuando nunha zona do río Asma, o que non se poden é facer cargo do río inteiro. A moción non dí iso, só fala do tramo urbano. O POMF alegouse, efectivametne e achegamos propostas. Eles conseguiron coa súa alegación algunhas cousas e algunhas cousas de Por Chantada tamén se aceitan. Entendemos que un bo momento para aprobar a inclusión dos Cachóns no POMF sería este. Ao alcalde parécelle extemporáneo total. Fente pergúntalle cando será entón o momento. Dille que cando se aprobe. Desde Por Chantada lémbranlle que as inversións van xa indicadas na proposta actual. Deixe que se aprobe como patrimonio da Humanidade e a partir de aí comezarán a traballar, mais vostede siga co seu. Que remedio. Segue coa moción para adiante? Si.

A FAVOR: 2 (Por Chantada)

EN CONTRA: 6 (PP)

ABSTENCIÓN: 4 (PSOE)

Rexeitada.

11.- MOCIÓN QUE PRESENTA O GRUPO MUNICPAL SOCIALISTA DO CONCELLO DE CHANTADA SOBRE MOBILIDADE URBANA E TRANSPORTE PÚBLICO.- (EXP. GESTIONA 276/2021). [minuto 1:47:08]

Moción PSOE sobre mobilidade urbana e transporte público

Daniel, do grupo socialista, defende que hai un interese crecente da sociedade por máis e mellores espazos públicos, o que reforzou a pandemía da COVID-19. As carencias de Chantada teñen orixe na ausencia total de política urbanística: rúas sen solo para equipamentos públicos… se actuamos melloramos a vila para o futuro. Defenden unha senda peonil e ciclista na LU-533 e que pode facerse co Plano Move da Xunta. Tamén ampliar o paseo fluvial cara o mercado gandeiro, defendendo que é unha obra sinxela e arraxando luminarias, pavimento e mobiliario urbano. Xa viron que se acolleron ao Fondo de compensación ambiental para arranxar as luminarias e parécelles ben. Xa no pasado mandato debateuse nesta corporación sobre as liñas de transporte [mocións de Por Chantada que podedes consultar aquí, aquí e alegacións no tocante á comarca de Chantada que podedes ler aquí]. Coa COVID reducíronse frecuencias. Trouxeron moción sobre o tránsito urbano antes de pasar os 100 días de goberno e agora sintentizan aquela proposta solicitando un estudo de mobilidade e a ordenanza de circulación.

Das liñas xa falamos da CI e dos problemas de transporte e se certos servizos deben antender só á rendibilidade. Lembramos a nosa proposta de transporte baixo demanda para as contornas rurais, coma en Suíza e Euskadi. Da análise desta moción partillamos o mantemento do paseo fluvial, que levamos reclamando en varios plenos; o itineriario ciclista do ponto primeiro, que nos parece razoábel como se fai en tantos outros lugares; tamén, efectivamente, é moi necesaria unha reconsideración da mobilidade en toda a vila de Chantada, especialmente nas rúas Xoán XXIII e contiguas e Santa Ana. Eis o núcleo onde cómpre actuar coa maior celeridade. Porén non nos convence no primeiro ponto a referencia á senda peonil na LU-533 convécenos moito menos. Imos tentar explicar o porqué.

Habilitar un paseo a carón da estrada LU-533 entre o cemiterio e o cruce da estrada que sube a Adaúlfe ten varios inconvenientes:

  • É un traxecto en que os vehículos circulan a grande velocidade, pois non está limitada a velocidade a 50 km/h. por non ser núcleo urbano.

  • O tránsito inclúe todo tipo de vehículos, incluído os pesados, sendo habituais os camións que circulan por esta vía.

  • Nese traxecto encóntrase unha saída de camións dunha planta de formigón que, por certo, foi feita como foi feita.

  • Nunha parte dese traxecto está permitido a manobra de adiantamento, polo que o risco para os peóns vese incrementado.

Para alén do indicado habería que ir a un proceso longo dadas as competencias da Xunta para poder intervir nela e ter o visto bon dos enxeñeiros de estradas da Xunta e da Xefatura de Tráfico. Por iso, existen alternativas para que os veciños poidan ir camiñar sen pór en risco a súa saúde transitando por esta vía LU-533. O Concello podería incentivalas revisando e mantendo os camiños de ser necesario:

  • Pola parte de Merlán e San Fiz hai varios camiños paralelos a esta estrada que se poden transitar dende Chantada: dende Marín, subindo pola canteira do Carneiro cara Lamamarín ou ben cara Basán ou Pousada; desde Lamamarín pódese ir por Meixide Pequeno cara Meixide Grande e volver pola Cancela… ben directamente outra vez cara Lamamarín ou transitando a pista que leva até Fontes, para regresar por Lamamarín ou por Rolle, ou incluso directamente de Fontes a Basán.

  • Pola parte de San Pedro de Líncora hai alternativas tamén suficientes, sen necesidade de utilizar a LU-533 para camiñar. Neste caso habería que comezar a pensar en dar servizo aos veciños do Convento que carecen de beirarrúa desde A Ponte, tal e como leva exixindo a viciñanza. Sería mais lóxico habilitar un paso para peóns entre a Ponte e A Portada, tamén perigoso para os peóns, que daría servizo para os veciños ademais de dar tamén ás persoas que camiñan por ese lugar.

EMENDA in voce: suprimir “peonil” no ponto 1.

Esa zona non é perigosa. En 2001 a Consellaría de Política Territorial puña como inconveniente os enlaces. Chegar ás ribeiras é inviábel, habería que facer pasarelas sobre o Asma. Ao pasar o cemiterio non hai espazo até pasar a curva e a fábrica de formigón… habería que expropriar na estrada de Adaúlfe… Para ampliar até o mercado gandeiro dependemos da Confederación e habería que expropriar o chalé da familia de Madrid, pois esa zona é estreita e perigosa [non contemplan peonalizar o bairro da Ponte e pular por unha nova ponte como presionou Por Chantada e numerosas asociacións na lexislatura pasada]. Non se compromete a iso. As obras de mantemento non as comparte. Pode haber cousas pontoais, mais reparan o máis rápido posíbel. Canto ao tema de trasnportes houbo alegacións e está o transporte escolar. Para o interurbano difícil que se manteñan as liñas anteriores. As familias do estudantado quéixanse, mais logo non usan o servizo. Habería que xuntar 40 persoas, que o fagan os pais ou fágano desde a oposición. Non se compromete a iso. No tránsito agora hai que limitar a 30 a velocidade até 2024 e pedíronlle estudo á local. Cando se entregue pintarán as zonas. Rexeitan a moción porque xa están traballando nela.

Agradece o PSOE as achegas. Partilla con Antom o conceito de servizo público e que haberá que ir ao servizo baixo demanda. A respeito da LU-533 as que se fan co Plano Move van en plataforma diferenciada e nas zonas perigosas sempre protexidas. Ese camiño úsase máis que as alternativas formuladas desde Por Chantada porque é máis chairo para as persoas maiores.

[Abandona o pleno a interventora]

Continúa Daniel que hai solucións técnicas para o tema dos enlaces e podería entroncar cos Cachóns do Asma dos que falaba Antom. Jisi intervén para indicar que hai un camiño público ao pasar FP, dando a volta por baixo da ponte do río. Daniel di tamén que hai solucións técnicas para o mercado gandeiro e que non pode haber 9 expedientes de responsabilidade patrimonial por caídas. Varela di que hai quen se quere aproveitar das caídas. No transporte os lotes garanten a rendibilidade e o alcalde di que como debe ser. O estudo da policía local non é o mesmo que un estudo de mobilidade de verdade e serio. Cada vez imos a pior na vila e isto non é algo partidista.

O alcalde retruca que non fala cos viciños e cos turistas, pois alucinan con Chantada e marchan case chorando. Está fachendoso do seu concello e de Centulle. Se van falando así de Chantada é mellor que fiquen na casa. Daniel di que non tersiverxe as palabras, que está namorado do seu concello. Leve a xente á Alameda, a San Fiz… que lle leven a el aos visitantes que xa lles vende a moto.

A FAVOR: 4 (PSOE)

EN CONTRA: 6 (PP)

ABSTENCIÓN: 2  (Por Chantada)

Rexeitada.

12.- MOCIÓN DO GRUPO MUNICIPAL DO PARTIDO POPULAR A PROL DE PARALIZAR E DEIXAR SEN EFECTO A OPE APROBADA POLA XUNTA DE GALICIA NO QUE SE REFIRE AOS POSTOS DE TRABALLO DO CENTRO DE DÍA E A ESCOLA INFANTIL DO NOSO CONCELLO. (EXP. GESTIONA 276/2021). [minuto 2:14:00]

 Moción PP

Emenda PSOE á moción do PP

A cousa está clara é xa o debatimos na moción do… e nós imos apoiar isto con todo o empeño. Daranlle leña á propria Consellaría e son centros que non dan problema nengún. Queren somar esforzos desde Chantada con esta “declaración” e é un drama cambiarlle as coidadoras aos maiores. Estarían encantados de que se poda consolidar a maioría dos postos de traballo, mais complicado.

Falou coa concelleira afectada sobre a moción e a emenda desde o PSOE. Invoca o réxime incompatibilidades por interese persoal no asunto de dúas concelleiras, de acordo cos artigos 76 da LBRL, do 21 do ROF e . Pede que o aclare o secretario.

Cándida Carnero di que son dúas concelleiras, mais que só ela traballa en Chantada. O secretario accidental entende que só debería ausentarse a concelleira Cándida Carnero que é a que traballa en Chantada.

Entende a preocupación das concelleiras polo seu futuro laboral e lembra que 57 dos traballadores do Concello de Chantada son indefinidos e temporais. A Xunta tivo moitos anos para solucionar este ano através de oposicións libres e en igualdade de oportunidades. Por Chantad falaba na páxina 6 da súa moción de persoal a extinguir, mais ela acredita que fai referencia só a axencias públicas do Estado. Fala da viciada orixe da consecución dos postos e subliña que son as mulleres as máis castigadas polos problemas laborais. Defende que a moción puido vir redactada conxuntamente por PP e PSOE.

Con nós non houbo nengún diálogo previo sobre esta moción que non entemos a súa xustificación, pois non achega solucións [rexistramos o día 8 a nosa moción e o 13 esta]. Paralizar a OPE non é factíbel sen unha alternativa. Sobre a cuestión que invoca Raquel do persoal a extinguir entende Fente que co marco actual éo, mais en todo caso non é xurista. É unha vía a explorar e outra é defender unha OPE con máis prazas porque é unha forma de garantir que a maioría do persoal poida ter o seu posto. O principal é que non fique xente na rúa. Falouse antes de sindicatos, a CNT (precisamente unha das máis atinxidas polas expropriacións) está ao pé do canón. Por que non fala tamén do CSIC di o alcalde, só fala dos de esquerda. A moción busca quedar ben e non gardar un peso, mais non achega solucións. Como dixemos, no rascuño de convocatoria que vimos irase a unha oposición e logo concurso.aberá que ter aprobado 50% de cada parte (xeral e específica) e, amais, superarían o proceso unha cantidade de persoas bastante inferior ás traballadoras e traballadores en activo. Apenas as persoas aprobadas pasarían á fase de concurso e non se lle tería en conta a experiencia, xa que logo non é un proceso de consolidación o que vende a Xunta. Na nosa moción si que dabamos alternativas, como persoal a extinguir ou ampliar prazas na OPE sen deixar a ninguén atrás. Sobre o vicio de orixe nos postos de traballo, tan común nas administracións, a culpa non pode recaír en quen se presenta coas regras que as AAPP lle poñen en cada momento, mais sobre quen permite e incentiva esas prácticas, os responsábeis políticos. É a administración quen comete a fraude de lei.

Ten razón Antom, di Cándida Carnero. O de persoal a extinguir é unha das solucións e proceso de consolidación real e non esta oposición. Recoñece que non vén na moción. Non piden ser fixas pola cara e no 2007 o 90% aprobou un preoceso selectivo e contratáronas por obra e servizo e prolongouse 14 anos. Recoñece que a CNT está co picachón e conseguiu xa varias sentenzas en primeira instancia. Varela di que no 2007 houbo xente que quedou fixa, que foi o 10 ou o 15%. Non entende por que o resto non. Os 57 que dicía Raquel do Concello vén agora a relación de postos de traballo (RPT) ao mellor non somos capaces de asumilos.

Votación EMENDA PSOE:

A FAVOR: 9 (PP e PSOE)

ABSTENCIÓN: 2 (Por Chantada)

VOTACIÓN ASUNTO:

A FAVOR: 9 (PP e PSOE)

ABSTENCIÓN: 2 (Por Chantada)

Aprobada coa emenda do PSOE.

13.- MOCIÓNS E ASUNTOS DE URXENCIA. [minuto 2:30:15]

Manuel Varela defende que a acta da sesión plenaria do 30/7/2020 debe aprobarse porque non veu por un erro ao coincidir coa incorporación do novo secretario, Fernando, acumulado en Carballedo.

Fente di que se remitiu no día de hoxe polo que non puideron lela e debería deixarse para o seguinte pleno, pois non van votar algo que non puideron ler. Varela di que a van aprobar e se algúen ten algunha cousa que a diga despois [despois de aprobada non pode modificarse].

Votación da urxencia:

NON SE VOTOU A URXENCIA!

Votación acta:

A FAVOR: 10 (PP e PSOE)

EN CONTRA: 2 Por Chantada.

PARTE DE CONTROL DA XESTIÓN:

14.- DACIÓN DE CONTA DE RESOLUCIÓNS DA ALCALDÍA (DECRETOS 31/2021 A 206/2021).

15.- ROGOS E PREGUNTAS.

15.1.- Rogos e perguntas do grupo socialista. [minuto 2:31:30]

15.2.- ROGOS E PERGUNTAS DO GRUPO MUNICIPAL POR CHANTADA – CANDIDATURA DE UNIDADE POPULAR [minuto 3:21:27]

I.- Saúde pública e seguranza cidadá.
1.- Baños públicos Sangoñedo.
Por que se manteñen abertos ao público cando levan meses sen limpar e cal é a razón de que non se licite a súa limpeza se seguen abertos ao público nun estado de insalubridade total?
Asdeme e os rapaces do campo de fútbol encargábanse da limpeza e agora xa non poden facer iso. Vaia cidadáns temos tamén. Xa se están limpando agora novamente.
2.- Produtos químicos na rúa Xoán XXIII.
O 10 de marzo a empresa Viaqua desenvolveu unha limpeza na rúa Xoán XXIII.  Poden especificarnos que produto se empregou nesta limpeza e por que nos carteis que se puxeron na rúa non se especificou e se advertiu do seu uso, tal e como debe facerse cando se empregan produtos desta natureza? Non sabe, auga a presión con algo.
3.- Rogamos que o polbeiro que se sitúa por volta de Tras dos Fornos se reubique na zona peonil (Rúa do Comercio) por seguranza e para favorecer o tránsito.
4.- Escrito da Comunidade de Propietarios do edificio nº 115 da Avda. De Monforte reiterando solicitude de reparación de danos producidos por mor da caída dunha parede no baixo da citada edificación que atribúen a bolsas de auga procedentes do regato de Castropousada.
    • Emitiuse xa informe da Policia Local con reportaxe fotográfica e informe do arquitecto do servizo de urbanismo? Non sabe. Viu unha reportaxe da Comunidade. O técnico de urbanismo debería ter feito tamén o seu.
    • Que contemplan facer? ​O Concello non ten a culpa.
    • Contemplan algunha actuación en relación coas bolsas de auga procedentes do regato de Castropousada? ​Está na mao da Confederación Hidrográfica.
5.- Beirarrúas Avenida de Monforte.
Arraxáronse e deixáronse uns saíntes metálicos para colocar unha varanda que xa propiciaron varias caídas. Nen se sinalizou correctamente nen se tomaron as medidas oportunas. O valo fecha a finca contigua ou que obxecto ten? Co alumeado vese ben como se fose día non hai perigo.
6.- Sumidoiros.
É a enésima vez que formulamos o rogo para a limpeza dos sumidoiros na vila de Chantada. No anterior pleno díxosenos que estaban comezando e que ían vixiar, pois ben a vixilancia foi escasa porque fóra nunha rúa ou dúas segue todo igual. ​Pola Avenida de Lugo, Santa Ana e Ourense andiveron. Ensonoulle el mesmo fotos ao responsábel de Viaqua e se seguen así retiraránselle os 3.000€ que cobra a empresa por este servizo.
7.- Limpeza bairro Santa Mariña.
Rogamos novamente, coma no pleno pasado, que o servizo de limpeza chegue ao bairro da Santa Mariña ao ser igualmente núcleo urbano.
8.- Limpeza solares.
Moitos solares están sen limpar e o prazo para facelo aproxímase. Estase notificando axeitadamente? Emitiuse bandoCores informa de que se está notificando.
Na rúa do Parque existe un solar cheo de maleza, demandando a viciñanza xa por dúas veces a súa limpeza e segue sen limpar. Van adoptar medidas? (Cores) Hai dous, un limpo e o outro regular e pendente de notificar.
9.- Praza Santa Ana.
O firme está cada vez máis deteriorado ao ser unha actuación pensada para un espazo peonil que non suporta o tránsito de vehículos. Achamos que esta praza que progresivamente se destrouzou, aínda por riba a un elevado custo, require solucións e unha actuación que debe contemplarse no conxunto da reorganización do tránsito e humanización da nosa vila. Rogamos que arranxen o firme de Santa Ana e pensen nun proxecto e mostramos a nosa colaboración a tal efeito. Váiselle dar unha volta para que tire outro ano e logo aplicarlle formigón ou aglomerado en quente.
10.- Parque do mercado gandeiro.
Leva meses con cristais rotos e é un perigo para calquera neno polo deterioro dos seus elementos. A ubicación non se axeita nada para un parque e dado que non reúne as condicións mínimas de seguranza debería sinalizarse e fecharse ao público. (Conchi) Vaillo dicir ao servizo de limpeza e queren arranxar alí outra zona. Indica que os elementos do parque infantil están en perfeito estado e que non hai perigo.
II.- IGUALDADE.
11.- Por que non se nos convidou ao acto institucional do 8M desde o Goberno municipal? Non sabe, non leva isoRaquel aclara que ao PSOE si que lle chegou o convite.
12.- Polamiúda.
 O 8M a asociación local Polamiúda organizou unha manifestación que foi comunicada, en tempo e forma, á Subdelegación do Goberno e tamén ao Concello de Chantada, a pesar de non existir a obriga, especificando o percorrido exacto e detallado para desenvolvela en tres columnas e garantir a distancia de seguranza. O proprio 8M a asociación púxose en contacto coa Policía Local e co alcalde, informándoselle de que non previran nada e que cortarían o tránsito nun só carril, obrigando a desenvolver o acto en dúas columnas. Que explicación dan ao ocorrido? Chegou comunicación, mais se non metes antes de 24 horas escrito dáse por bo o comunicado… A policía local, por seguranza, aplicou un mellor criterio e a rapaza que falou comigo entendeuno. Logo, outra non. Hai xente que non entende nen quere entender e busca o conflito onde non o hai.
13.- Terceiro sector e Servizos Sociais.
Entidades como Caritas e O Recuncho Solidario están recebendo un volume crecente de persoas con necesidades, moitas derivadas desde os Servizos Sociais do proprio Concello. Rogamos, como xa lle transmitimos no documento de proposta para o Orzamento 2021, que reforcen as axudas ao terceiro sector. Hai que contrastar versións, hai cousas sen pés nen cabeza [en referencia a que o Concello deriva persoas a Caritas ou ao Recuncho, extremo negado pola concelleira de Servizos Sociais, Cándida Carnero, nunha pergunta anterior do grupo socialista sobre Caritas]. ​Aquí non é o lugar de dar nomes e apelidos, contesta Fente, mais está suficientemente contrastado.
III.- Medio ambiente.
14.- Rede Natura.
Por que non solicitaron as axudas a investimentos non produtivos vinculados á realización de obxectivos agroambientais e climáticos para concellos incluídos na Rede Natura 2000 (fondos FEADER)3? Por exemplo, o concello viciño de Sober recibirá 20.000€ para eliminar especies invasoras. Diso que se encarguen Medio Rural e o Xaquín.
15.- SOGAMA.
Acolleuse o Concello de Chantada á bonificación no canon unitario para o tratamento de refugallos domésticos en 2021? O prazo remataba o 1/03/2021 e pagaríase 6,98€ menos por cada tonelada. NonCores intervén para indicar que existe acordo plenario de hai dous anos, mais que non é tan rendíbel como parece.
IV.- SUBVENCIÓNS.
16.- Perda de 20.000€ no Plano Único 2017.
O 26 de xaneiro celebrouse un pleno da Deputación de Lugo onde se deu a coñecer que o Concello de Chantada perdeu o direito ao cobro de 20.000€ do Plano Único 2017 [Ponte de Vilameá en Argozón]. Deixando de parte o lamentábel feito de que a Deputación pague os fondos aos concellos con tanto atraso, poden dar a súa versión sobre este feito? Foi unha obra para a que non chegou a tempo o informe sectoria da Confederación Hidrográfica, que agora si que xa está. ​Fente retruca se se pediu coa debida antelación ou a última hora.  (Diego Otero) Pedírono no 2018 e chegou no 2019.
17.- Acolléronse as subvencións destinadas a criazón ou mellora de infraestruturas da Xunta? [Orde do 5 de marzo, DOG 8/3/2021, (código de procedemento MT300A)Plano Marco, xa están previstas a de Bermún e a de Río Pedroso ao Romeo, ambas con aglomerado.
V.- MEDIO RURAL.
18.- A Sariña.
Rexistramos solicitude nos pasados días sobre o afundimento de parte da estrada que une Soutariz con Pincelo na parroquia da Sariña. Rogamos que se arranxe inmediatamente ou se corte ao tránsito, pois, como lle fixemos chegar por rexistro, representa un perigo serio ao descoñecerse a solidez do firme restante. É da Deputación. A eles díxollo un viciño de Portotide e chamou o capataz da Deputación.
VI.- SENTENZAS E CUESTIÓNS XURÍDICAS.
19.- Responsabilidade patrimonial.
No Decreto 175/2021, de 17 de marzo, figura o pago da sentenza  do procedemento abreviado 93/2020 do Xulgado Contencioso Administrativo N. 1 de Lugo de data 4 de febreiro de 2.021 que falla estimar a solicitude de María Reyes Blanco Calvo fronte ao Concello de Chantada e condena a este ao pago dunha indemnización por responsabilidade patrimonial por importe de 4.582,86 € mais os xuros legais devengados desde o 3/05/2019. Poden explicar isto? Foi por unha caída [por non tramitarse o expediente de responsabilidade patrimonial o que trouxo consigo que agora se tramitaran varios pendentes].
VII.- Administración.
20.- Tratamento de dados.
O Decreto 119/2021 de 23 de febreiro formaliza un contrato menor de case 18.000 euros para o tratamento arquivístico dos dados municipais (arquivo municipal). Entendemos que o procedente sería integrar no Gestiona o arquivo da información en formato dixital.
Cores entende que ao ser unha base de dados é viábel.
21.- PERGUNTA ESCRITA SANTA MARIÑA
Os postes son de Naturgy. (Diego) Son de Fenosa. (Varela) Non, de Telefónica e de Naturgy e deben retiralos. Os bordes aínda levarán aglomerado en quente. El non é arquitecto, encarga os proxectos e se hai dúbidas pergunta.  A oposición debería agardar a que rematen as obras e se hai defeitos indicalo, pois aínda faltan 5 centímetros de algomerado en quente.

Resumo do Pleno extraordinario urxente do 6 de novembro de 2020

 

A décima sesión plenaria deste 2020 foi extraordinaria urxente, é dicir, convocada con menos de 48 horas de antelación. A “urxencia” xustificouse por mor da necesidade de acometer actuacións e dotalas de crédito.  Asistiron 13 concelleiros e 3 persoas como público, para alén do secretario accidental, a interventora e un funcionario.

Antes de comezar o secretario indicou que a orde do día era incorrecta, xa que o primeiro ponto debería ser a ratificación da urxencia, polo que se modificou a mesma.

1.- Ratificación da urxencia.

Desde Por Chantada demandamos que se explique a urxencia antes de votala, como é preceptivo.

Manuel Varela di que é para darlle cumprimento a partidas sobredotadas no Orzamento 2020, que non pasen a 2021 como remanente, senón que permita facer xa obras ou, polo menos, deixalas adxudicadas. A transferencia de crédito é do capítulo 2 para o capítulo 6, é dicir, de persoal a investimentos.

Raquel di que o seu grupo mantén o seu parecer habitual que é aprobar todas as urxencias.

VOTACIÓN: aprobada a urxencia por UNANIMIDADE.

 

2.- Toma de posesión no cargo de concelleira de María Argiz Ledo.

A concelleira María Argiz Ledo tomou posesión do cargo en substitución de María Varela polo grupo municipal socialista.

Varela intervén para darlle a benvida e indícalle á nova concelleira que os plenos de Chantada non se parecen en nada aos de outros concellos, segundo lle din os funcionarios de habilitación estatal. Aquí non hai problemas dentro das discrepancias. Apostar por traballar conxuntamente desde o goberno e a oposición e agarda que contribúa no eido da educación, onde fixo un bon labor, aínda que non sexa competencia municipal.

3.- Modificación orzamentaria 35/2020, Transferencia de crédito 17/2020 por importe de 216.402,09€.

PROPOSTA AO PLENO TRANSFERENCIA DE CREDITO 172020

MODIFICACIONS ORZAMENTARIAS 2020-0035 [INFORME INTERVENCION]

MEMORIA MP 352020 TC 17 CAMIÑOS E ACCESOS

Desde o grupo municipal popular defenden que é para evitar recoñecemento extraxudicial de crédito (REC) en 2021. Como quedou unha praza libre por xubilación e o capítulo 2 [gastos de persoal] está ben dotado permite facer a TC, xa que quedou remanente do SAF, que se sobreorzamentara. Destinarase ao pago de facturas, obras e a compra de grava e betún se o tempo axuda e senón ficarían sobre 15.000€ sen gastar.

O grupo municipal socialista afea que isto se faga por urxencia, non o entenden ben porque chegaba con que a sesión plenaria fose extraordinaria. Critican a mala previsión do Orzamento 2020, que aínda se aprobou en xuño e vén pouca profundidade nese proxecto, polo que agardan que o novo orzamento veña mellor. As candidades que se transfiren son do SAF, cando en xuño xa estaba a privatización en marcha. Por último solicitan que aclaren as partidas. 

152.2-632.00 “Edificios e outras construcións” por importe de 10.116,85€. Varela di que non sabe exactamente a que corresponde esta partida.

153.2-609.00 “Pavimentación de vías públicas” por importe de 7.000€. Para o muro das Córneas.

153.1-610.00 “Pavimentación 2020” (AO criada mediante SC 1/2020) por importe de 33.0002,15€. Destinarase a actuacións nas rúas Antonio Lorenzana, Ramón y Cajal e García Árias.

150-202.00  “Aluguer edificios” por importe de 6.592,40€. Existían impagos e atrasos na renda do Telecentro e agora saldaríase desde maio e poríanse ao día no pago.

150-221.99 “Outros fornecementos” por importe de 24.946,30€. Para áridos e betún que permitan arranxar pistas.

454-610.00 “Camiños veciñais” por importe de 134.736,94€. Para as pistas de Nande e Bermún.

Raquel di que agardan que o fagan ben, xa que son gastos imprescindíbeis. Por iso, votarán a favor.

 

Desde Por Chantada incídese en que non era necesaria unha sesión extraordinaria urxente, podendo facerse simplemente extraordinaria ou, con maior previsión até evitándoa. Lembran que se opuxeron á privatización do SAF, que é de onde proceden a maioría destes fundos e que a agora vai saír máis caro para o peto de todos e todas. Sobre o Telecentro lémbranlle ao alcalde que non existe contrato formalizado e que é un gasto reiterado anualmente, que xa ten xerado reparos de intervención ao incumprir a Lei de contratos do sector público (LCSP), polo que instamos ao Goberno a regularizar esta situación. Como xesto de boa vontade, na secuencia do debate do Orzamento 2021, votaremos a favor, xa que as actuacións en infraestruturas son precisas, mais agardamos que atendan a parte das demandas que lle apresentamos para o novo orzamento através do documento Mellorar Chantada: Propostas Por Chantada-CUP para o orzamento 2021 Volvemos recapitular o destino das partidas para ter coñecemento exacto do que votamos e esperamos que logo non haxa sorpresas.

Varela di que se destinarán a iso e agradece a posición dos grupos da oposición. Sobre o Telecentro recoñece que fora mellor comprar un solar e facer a nave visto o que se leva gasto. De feito, están pensando en facerse cun solar para armacén municipal e Telecentro con investimento directo ou mediante unha operación de tesouraría. Sobre as demandas de Por Chantada e do PSOE di brincando que cos fundos europeus poderían facerlle fronte, mais dos 5.000 millóns de euros prometidos polo Goberno para os concellos aínda non saben nada. O pleno ordinario será o 26 de novembro e, seguramente, sexa telemático ou no auditorio dasdas as circunstancias. Manuel Diéguez di que está todo pronto para que sexa telemático.

VOTACIÓN: aprobada a TC  por UNANIMIDADE.

 

E non habendo máis asuntos que tratar érguese a sesión ás 20:30 horas do 6 de novembro de 2020.

Resumo do Pleno ordinario de Chantada correspondente ao 24 de setembro de 2020.

 

Asisten 13 concelleiras e concelleiros (todos os integrantes da Corporación), o secretario accidental, a interventora, un funcionario e un viciño.

 

Accede ao audio íntegro da sesión plenaria premendo aquí.

 

1.- ACTAS ANTERIORES, CORRESPONDENTES ÁS SESIÓNS: EXTRAORDINARIA 09/03/2020.

ACTA DO PLENO MESAS ELECTORAIS ELECCIÓNS AUTONÓMICAS 09-03-2020

Apróbase por UNANIMIDADE. A acta da sesión ordinaria de 30 de xuño aínda non está feita, segundo explicou o alcalde por ferias do secretario titular.

2.- APROBACIÓN CONTA XERAL 2019. EXP. G-286/2020.

Documentación da Conta Xeral 2019.

1.-PROPOSTA APROBACION CONTA XERAL 2019

Comeza intervindo o grupo municipal socialista por medio da súa voceira Raquel López. Expón que a conta xeral reflecte uns orzamentos desvirtuados cun 15% de inexecución e que espella improvisación e falla de previsión, aínda que non todo se pode prever. Se se volve a vista a 2012 seguen os mesmos problemas: reparos de intervención, omisións de fiscalización, pagos atrasados, contratos menores, planos que non se cumpren e outros problemas endémicos do Concello de Chantada que dificultan ter información. Esperan que en 2021 o Orzamento modifique algúns destes aspectos para podelos apoiar.

Como xa dixemos na CI correspondente a liquidación do Orzamento 2019 aprobouse por Decreto da alcaldía 168/2020, do 27 de abril, polo que debera darse conta dela na sesión extraordinaria do Pleno de xuño e non se fixo.

O primeiro que cómpre destacar é que a execución orzamentar bateu un récorde. 15,96% do orzamento ficou sen executar, a pesar do estado da infraestrutura, da listaxe de agarda no SAF e as problemáticas noutros servizos, das eivas da limpeza ou da necesidade de novas políticas. Non é de recibo ter 1.627.234,25€ de remanente de créditos nun orzamento de 6.489.949,56€, cando a estabilidade orzamentar e o teito de gasto permitían aínda gastar 1 millón máis. Este altísimo volume de inexecución fala dunha má planificación, xestión e concreción do orzamento e explica o aforro neto de 829.606,57€, en todo caso bastante inferior ao que debería dada a execución deficiente do orzamento, mais que se explica polo elevado volume de facturas de exercicios anteriores que se pagaron no 2019 e as que aínda se están pagando neste 2020, como demostran os 11 recoñecementos extraxudiciais de crédito (REC) que levamos en 2020, moitas facturas son de 2019 e 2020.

Dentro da xestión deficiente atópase o uso e abuso do contrato menor, contornando a LCSP. Tamén con eivas na contratación do persoal entre outras innúmeras cuestións que fomos asilanando no seu momento. Así as cousas, o 2019 fechou con 65 Reparos de intervención e 41 Omisións de fiscalización por parte da intervención municipal.

A consecuencia deste tipo de procedemento é que se fecha o exercicio con 68.778,38€ en facturas pendentes de pago e un RTGX de 672.701,42€, mais a 24 de setembro de 2020 levamos 547.588,84€ en pagos pendentes de 2019.

Relación de pagos do ano 2019 abonados en 2020

Recoñecementos extraxudiciais de crédito 1, 23 e 28/2020

74.378,83€

Suplemento de crédito 1/2020 con cargo ao RTGX

125.486,77€

Transferencia de crédito no orzamento prorrogado de 2019 para abono de xuros de demora a Fevisa (obras ilegais adxudicadas a dedo, sen contrato e sen crédito dispoñíbel en maio de 2015)

120.140,43€

REC 11/2020

227.582,85€

TOTAL pagos 2019 (e 2018) abonados en 2020

547.588,84€

Por outras palabras, desvirtúase totalmente a contabilidade por abusar do contrato menor e non licitar os principais servizos e fornecementos aos que recorre dun xeito reiterado o Goberno local, así como obras e outras actuacións nas que non se licita por xunto senón que se fraccionan como contratos menores, por exemplo numerosas actuacións feitas durante os meses de abril e maio de 2019. O RTGX real se non se producise este desfase sería, xa que logo, de 227.582,85, menos da metade. Cómpre engadir que se gastou 1.008.518,82 do RTGX durante 2019.

Polo lados dos ingresos, a previsión definitiva de ingresos era de 8.117.183,81€, mais o defeito de previsión é moi elevado, de 1.614,649,05€, o que, de persistir, pode ocasionar tensión de caixa e afectar ao período medio de pago a provedores.

Canto ao gasto,prodúcense moitas modificacións de crédito (MC) e, nomeadamente, transferencias de crédito (TC) e, por veces, fanse posteriormente ao gasto. Atinxiron en 2019 un volume desmesurado: 1.744.068,93€.

Aínda que na campaña eleitoral defenderon que o Concello estaba en “débeda 0” o certo é que en 2019 destináronse 436.245,39€ para amortizar débeda e a área de gasto 011 ascendeu a 441.498,19€, que se ben é menos que outras anualidades onde o servizo da débeda superaba o millón de euros, segue sendo considerábel.

O gasto en persoal, capítulo 1, situouse en 2.672.919,80€ superando os 2.625.594,24€ dos capítulos 1 e 2 de ingresos. Por outras palabras, todos os impostos directos e indirectos –a pesar da suba substancial dalgúns como o IBI ou o ICIO– non abondaron para abonar os custes de persoal.

No capítulo 4, de transferencias correntes, destacar a baixa execución nas Axudas de emerxencia social (48904), xa que se gastaron 6.994,62€ e ficaron sen executar 2.005,38€. Por pedir unha ordenanza axeitada non foi. E a bolsa de transportes (48906), sobre a que demandamos mudar as bases para aproveitar o orzamentado, tamén ficou cun remanente de 8.600€ moi superior aos 3.400€ repartidos. Dixeron que o ían estudar e resulta que en 2020 desaparecen.

No capítulo 6, inversións reais, pasa o mesmo que en 2018, un grao de execución baixísimo. Do 1.211.246,43€ de créditos definitivos só se executaron 653.799,63€ ficando un remanente de 557.446,80€. É dicir, o 47% das inversións comprometidas non se executou a pesar do estado calamitoso de moitas infraestruturas en Vías públicas (157) foi máis o non executado (90.472,45€) có executado (67.256,14€), o que ten difícil explicación.

Canto ao pendente de cobro e de pago de exercicios anteriores:

  • 2.032.413,78€, dos que 1.196.926,48 pertencen aos anos 1991-2012 e, xa que logo, son de dubidoso cobro.

  • 293.208,33€ pendentes de pago, dos que 290.667,42€ son de 1991-2012.

É necesario adoptar medidas para evitar a prescrición dos direitos pendentes de cobro e unha depuración dos pagos, analizando cales son lexítimos e procedendo, en consecuencia, á súa liquidación. Persistir nesta situación adultera as contas e afecta á exactitude coa que se pode configurar o RTGX, polo que redunda en prexuízo da administración local.

En conclusión:

  • 1.627.234,25€ de remanente de créditos nun orzamento de 6.489.949,56€ (15.96%) sen executar, especialmente sangrante no capítulo 6 de inversións reais ou en emerxencia social.

  • 68.778,38€ en facturas pendentes de pago e un RTGX de 672.701,42€, mais a 30 de xullo de 2020 levamos 320.005,99€ en pagos pendentes de 2019, que se incrementarán hoxe co REC 11/2020 (125.112,58€). Portanto, o RTGX “real” sería menos da metade de pagarse en tempo e forma: 227.582,85.

  • Moitas MC e TC por importe de 1.744.068,93€ o que, unido ao defeito de previsión de ingresos moi elevado, de 1.614,649,05€ pode ocasionar tensión de caixa e afectar ao período medio de pago a provedores.

  • É necesario adoptar medidas para evitar a prescrición dos direitos pendentes de cobro e unha depuración dos pagos, analizando cales son lexítimos e procedendo, en consecuencia, á súa liquidación.

 

Intervén polo grupo municipal popular o alcalde Manuel Varela. Todo o que dixo a oposición recoñece que pode estar ben, aínda que hai cousas coas que non coincide. Ora ben, a conta xeral ou se aproba ou nbon se aproba e a baixa execución orzamentar págase agora, por exemplo coas facturas de FENOSA. A ver se entran na central de contratacións da FEMP e licitan a electricidade antes de rematar o ano. Defende que todos os parámetros da Conta Xeral dan ben e son correctos e que o Consello de Contas, ou ben nunca le as de Chantada, ou están ben porque nunca lles turraron das orellas. Segundo a oposición todo vai mal, cando todo vai á perfección, segundo o alcalde.

 

Votos a favor: 7 (PP) En contra: 6 (Por Chantada e PSOE). Apróbase.

3.-RECOÑECEMENTO EXTRAXUDICIAL DE CRÉDITO (REC) Nº 11/2020 por importe de 125.112,58€. EXP. G-822/2020.

1.-PROPOSTA AO PLENO APROBACION REC 11-2020

2.-REPAROS 2020-0028 [FISCALIZACION INTERVENCION]

Raquel López lembra que os REC son un ponto fixo da orde do día. Caos no Concello pagando aínda facturas de 2018 e 2019. Non poden votar a favor cun reparo da intervención. Celebran que queiran solventar o da electricidade antes de rematar o ano, mais hai outra factura reparada por contratar cunha comunidade bens, o cal é ilegal que facturen cunha administración.

Este é xa o enésimo REC que vén este ano. Levamos 11. Desta volta facturas de 2018 e 2019 que se abonarán aínda en finais de 2020 e por importe total de 125.112,58€. Como sinalabamos anteriormente desvirtúan por completo a contabilidade anual e os recursos reais do Concello, por un lado, e incúmprese a LCSP polo outro.

Xa fai anos que lles demandamos limitar o abuso do contrato menor e licitar a luz, estudando alternativas ás grandes eléctricas, como as cooperativas enerxéticas galegas. Fai uns anos a Deputación de Ourense licitou a luz, poden pedirlle os pregos a Baltar.

Portanto, isto era evitábel e trátase dun problema recorrente por non ter o servizo licitado, o cal non podemos partillar nen apoiar.

A maior abastanza, o informe da intervención sinala que procedería facer primeiro a revisión de oficio que declarase a nulidade de pleno direito e despois proceder a facer o REC. Así llo temos pedido xa en varios recursos apresentados, mais eluden calquera responsabilidade e seguir os procedementos legalmente estabelecidos.

Manuel Lorenzo di que están na boa liña e antes de comprometer gasto é certo que teñen que comprobar que exista crédito. No entanto, onte visitouno Luís Aragunde [ex-alcalde do PP de Cambados, até 2015] e contoulle que deixou a alcaldía con 35 reparos e a actual rexedora [PSOE] ten 78. Ou se levantan reparos ou se paraliza todo. O Concello de Lugo [PSOE e BNG] vén de aprobar un REC por importe de 28 millóns de euros. Agradece en todo caso o ton das intervencións e dálle pena que haxa xente sen cobrar por estas cousas. Hai cousas que non se poden prever, deben deixar unha partida de imprevistos, mais é difícil calcular e hai urxencias [manipula porque estamos falando da luz que non é nengunha urxencia, senón un gasto elevadísimo e recorrente todos os meses polo que non pode seguir como contrato menor]. Agora teñen que facer un muro no camiño das Córneas e non teñen financiamento (8-10.000€) polo que terán que buscar outras partidas.

Votos a favor: 7 (PP) En contra: 6 (Por Chantada e PSOE). Apróbase.

4.- MOCIÓN DO GRUPO MUNICIPAL SOCIALISTA SOBRE MEDIDAS PARA A VOLTA ÁS AULAS. EXP. G-835/2020.

Moción do grupo socialista sobre medidas para a volta ás aulas.

Expón a moción Raquel López, conforme a exposición de motivos e os acordos da moción.

No pleno do 29 de xullo xa transmitimos un rogo e varias perguntas sobre esta cuestión, en concreto rogabamos que o Goberno municipal estudara as nosas propostas para chegar a setembro coas tarefas feitas. Infelizmente, coidamos que non foi así.

Queremos, pois, lembrar as alternativas que propomos, algunhas xa contidas na moción:

  • No acceso e na saída dos centros sempre se producen aglomeracións, pola COVID-19 cómpre adoptar medidas decididas. Débese falar coas direccións dos CEIP para optimizar as entradas e saídas1. Asemade, cómpre incrementar o espazo de acceso aos colexios para as crianzas e acompañantes, estudando a nosa proposta de camiño escolar enunciada no seu momento.

  • Para a conciliación é o momento de estudar tamén implementar o Plano madruga, vendo o número de solicitudes e contratando ao persoal necesario. Desde Por Chantada mostramos a nosa disposición para apoiar o cambio orzamentar que se requira para pór en marcha este programa, así como a participar da elaboración dos seus protocolos.

  • Limpeza e desinfección do centro. Contratouse moi pouco persoal para todo o que demandan dos protocolos. Entendemos que o Concello seguirá a asumir a limpeza e desinfección dos centros de primaria – de xeito impropio, pois debería estar coberto por Educación – e que precisa un reforzo orzamentar nesta partida. Un informe xurídico da Deputación de Pontevedra e outro da Deputación da Cruña asinalan que os custes extraordinarios de desinfección e limpeza xerados pola COVID-19 «non son competencia propria dos concellos e supoñen unha ampliación das mesmas». O Concello debe asumir, pois, esta necesidade polo ben da comunidade educativa local, mais logo repercutir os gastos á Xunta da Galiza, que recebeu 92,9 millóns de euros de fundos extraordinarios do Estado para educación.

  • A situación sanitaria vaise manter, previsibelmente, máis aló deste curso, co cal, os nenos e nenas de Chantada vanse ver privadas de facer moitas actividades dentro e fóra da aula que habitualmente facían en conxunto, como poden ser os festivais de Nadal e fin de curso, excursións pola zona ou, simplemente, xogar no parque en conxunto de xeito habitual. Entendemos que dende o Concello se pode contribuír a manter a conexión do alumnado dos CEIPS mediante o recurso a actividades en liña. Por iso, consideramos que se debe reforzar esta área de animación sociocultural e dotala dos recursos necesarios para que durante todo este ano se fomente a conexión dos nenos e nenas con actividades lúdicas e educativas.

  • O PP votou no parlamento galego contra o sufraxio das máscaras que pasarán ao cativo orzamento escolar. Ante a obrigatoriedade do uso de máscaras na aula e dado o custe que vai supor para as familias, uníndose ao custos habituais do inicio de curso, entendemos que é o

    momento de que o Concello realice unha nova dotación de máscaras dirixida á poboación escolar, tanto de Primaria como de ESO, FP e Bacharelato. Aínda que o Concello xa dotou aos nenos e nenas de máscaras estas vanse deteriorando co uso, polo que entendemos que sería importante comezar o curso cunha nova doazón de máscaras á poboación escolar, toda vez que, neste momento, xa se dispón de máis modelos homologados no mercado, tanto reutilizábeis como cirúrxicas dun só uso.

  • Partillamos dos acordos da moción tamén que a pandemía fai necesario impulsar o Consello escolar municipal, con reunións periódicas para o seguimento da situación sanitaria e das necesidades dos centros e da comunidade educativa.

1 O CEIP Eloísa Ribadulla abre portas ás 9:00 horas e o Xoán de Requeixo ás 9:30 horas e no primeiro saen ás 14:00 e no segundo ás 16 horas. No Eloísa Ribadulla á hora de entrada e saída hai aglomeracións no exterior, conflúen as crianzas e acompañantes que chegan a pé cos que chegan de carro (o transporte escolar accede ao recinto polo que non afecta ao exterior).

No Xoán de Requeixo á hora de entrada e de saída conflúen no exterior todos e hai aglomeracións no espazo habilitado de agarda (rúa poeta Añón) e diante da cancela de entrada. Para maior agravante o tránsito non se interrompe aumentando a conxestión e a beirarrúa onde baixan as crianzas do transporte escolar é moi estreita e coinciden coas que acceden a pé.

O alcalde di que non está disposto a darlle unha patada ao presidente da Xunta ou ao Conselleiro aprobando esta moción. O PP obtivo maioría absoluta. Se son incompetentes, como defende o PSOE, que nas próximas eleccións os cidadáns tomen nota e os boten fóra. Non concorda co que di a oposición. Con maior previsión recoñece que poderían derivarse alumnos a Carballedo ou Taboda ou mesmo usar escolas rurais, mais pensa que en Chantada non hai problemas de lotación de alumnado. Reforzouse a limpeza dúas horas ás mañás e están facendo bolsa de traballadores. Prorrogáronlle a empresa o contrato até setembro de 2021 e a partir de aí licitarán mellor a limpeza. No Xoán de Requeixo xa hai área habilitada e acceso desde o pavillón e mais desde García Árias. Os pais deberían ter maior conciencia e no IES non é posíbel seguramente que se poña a policía local por mor do horario. Canto ao consello escolar asisten aos de cada centro e están contentes coas actuacións do Concello [non é o que nos consta desde Por Chantada como temos demostrado nalgún pleno]. O diñeiro para medios dixitais pode estudarse cando se estuden os orzamentos para 2021. Hai pontos da moción que van tentar cumprir de aquí a finais de ano e debater o orzamento antes de rematar o ano, mais non se van dirixir á Xunta cando xa comezou o curso e defende que o Goberno galego funciona á perfección. Ao mellor o PSOE debería preocuparse máis polo ingreso mínimo vital, que só entregaron 10%, ou os ERTEs. O Concello axudará ás familias con necesidades e ás persoas maiores.

Raquel lamenta como profesional e como viciña que o PP vote en contra e di que eles critican calquera administración da cor que sexa. Preocupante a defensa fechada da Xunta. Varela retruca que iso dio ela. Raquel di que ten a mesa do primeiro alumno pegada a dela. Varela dille que en que Concello é iso, que apresenten alí a moción. Raquel retrúcalle que onde están os cartos do Goberno central entregados á Xunta para educación. Varela dille que xa dixo Antón que ían en parte para computadores. Eles cumpren cos cidadáns de Chantada e cada catro anos hai oposicións nas urnas e a Xunta revalidou unha maioría aplastante.

Votos a favor: 6 (Por Chantada e PSOE). Votos en contra: 7 (PP). Rexeitada.

5.- MOCIÓN DO GRUPO MUNICIPAL POR CHANTADA-CUP A PROL DUNHA PAC AXEITADA PARA O INTERIOR GALEGO. EXP. G-835/2020.

Mocion Por Chantada PAC

Expón a moción o voceiro de Por Chantada, Antom Fente, sintetizando a exposición de motivos.

Desde o PSOE, Raquel López, di que é unha moción densa, aínda que entenden que o tema é complexo. O PSdG leva décadas traballando no tema da PAC e seguirá facéndoo. Coinciden nalgúns aspectos da moción: paisaxe, relevo xeracional, mudanza climática, calidade alimentar etc. Neste momento non tiveron en conta a situación da COVID-19, que é unha variábel a ter en conta. Tomara teñan en conta a moción os grupos do parlamento galego.

O PP di que non teñen inconveniente en apoiar a moción. Gobernando o PP en Madrid pasaban en gobernar en Europa sen reunións coas CCAA e sería bon que as fixesen. Ve ben pasarlle esta exposición de motivos á Xunta, ao Ministerio e aos grupos políticos e agarda que a teñan en conta. O Ministerio de Agricultura do Goberno estatal ten un ministro que é competente e cumpre chegar a Europa con unidade e sen confrontación.

Aprobada por unanimidade, Por Chantada (2), PP (7) e PSOE (4).

6.- RENUNCIA CONDICIÓN DE CONCELLEIRA DE DONA MARÍA VARELA RODRÍGUEZ (PSG-PSOE). DITAME DA COMISIÓN INFORMATIVA. EXP. G-834/2020.

1.-PROPOSTA DE ACORDO

2.-Informe de Secretaría

3.-LISTA PS de G-PSOE

4.-Providencia de Alcaldía solicitando Informe

5.-Renuncia María Varela

Só interviu o alcalde agradecendo a presenza e o labor da concelleira do PSOE, a pesar de pertencer á Corporación apenas un ano. Desexoulle sorte no plano profesional e laboral e lamentou que se fose unha das “caras máis amábeis do Pleno”. Non se abriu rolda de intervención para os voceiros do grupo socialista e de Por Chantada.

7.- MOCIÓNS E ASUNTOS DE URXENCIA.

Non se produciron.

8.- DACIÓN DE CONTA DE RESOLUCIÓNS DA ALCALDÍA (DECRETOS 400/2020 A 495/2020).

9.- ROGOS E PREGUNTAS.

9.1.- Ornato público e lixo.

9.1.1.- Actividades insalubres en Vista Alegre.

En Vista Alegre recebemos queixas viciñais polo botellón, prohibido pola lexislación actual da COVID-19, e o denominado popularmente como mirador ten cada vez máis lixo. Rogamos que se execute a correspondente limpeza e se incremente a vixilancia, tamén no parque da feira vello, pois recebemos queixas de actividades ilícitas.

Contesta o alcalde, que tamén hai que reforzar a vixilancia nas escolas rurais, que son do Concello e mesmo algunha alugouse. Vaise arranxar a rúa Vista Alegre.

9.1.2.- Sumidoiros atascados.

Rogamos que antes da temporada de choivas máis fortes se proceda a revisar os sumidoiros, xa que existen varios que están totalmente atascados, por exemplos, na rúa de Portomarín e no mercado gandeiro, até con terróns de herba.

Concordan que é necesario, que normalmente se fai en outubro.

9.1.3.- Colectores.

Moitos colectores da vila precisan de ser reubicados e, en todo caso, deben estar limpos. Os amarelos e os de vidro son os que pior están e non se limpa debaixo deles. A imaxe de moitos deles dista moito do desexábel e máxime nesta situación de pandemía. No rural hai varios totalmente rotos. O horario de tirar o lixo só ten sentido se coincide co de recollida inmediatamente despois e hai que mellorar a distribución dos colectores en varios pontos. Os colectores están mellor nun solar sen edificar, pois repartidos quitan prazas de aparcamento. Cada tonelada de cascallos son 80€ van ter que revisar a ordenanza.

9.1.4.- Limpeza rúas.

Nas inmediacións da praza de abastos ou na rúa da Flora, por pór só algúns exemplos.

9.1.5.- Praza Santa Ana.

Rogamos novamente que se arranxen os elementos do pavimento que o precisan con urxencia, así como vernizar os bancos e limpalos por baixo. Debe vixiarse que se aparque mellor.

Van arranxar os bancos en breve.

9.1.6.- Camión abandonado.

Hai un camión abandonado nun solar fronte ás piscinas e está criando maleza polo que rogamos que se actúe.

Hai outro nun solar alugado polo Concello. Toman nota.

9.2.- Peonalización Cantón.

Rogamos que se vixíe o mal uso dos aparcadoiros existentes na nova zona peonil a horas en que non está xustificado o seu uso.

Negan que haxa problemas.

9.3.- Xardín da infancia (Galiña Azul).

Para alén de que coa escusa da COVID-19 se impuxo o mesmo catering que opera no centro de día, tanto en Chantada canto en Taboada, Antas e Pantón, a escola infantil segue sen pintar. Coidamos que este ano disporíase de fundos suficientes para facelo, xa que non comprometería unha contía moi elevada. Rogamos, pois, que se pinte a escola infantil.

Toman nota e verán se se pode facer xa neste 2020.

9.4.- Piscinas municipais.

Cando contemplan abrilas?

Se poden o 2 de outubro.

9.5.- Rozado na parroquia de Arcos.

Desbrozaron mal en Arcos e non volveron a pasar a pesar das queixas viciñais. Por exemplo, o camiño da parte de arriba de Souto non se desbrozou e en Gomesende. Rogamos se solucione.

Están rematando coas ribeiras e empezarán outra vez que cumpre en San Vicente etc. Este ano houbo tres meses perdidos pola pandemía.

9.6.- Pistas.

9.6.1.- Arcos.

Aínda que xa trouxemos unha relación na moción que veu ao pasado Pleno e que está a comisión de seguemento das infraestruturas por constituírse, transmitíronnos que urxe o arranxo das seguintes pistas:

  • A pisa que sai da Cruz de Outeiro até Casteda.

  • Pedrafita a Casteda.

  • Arsilleiros desde Casteda á cima da Cruz.

  • Igrexa – Arcos, o firme está moi deteriorado.

  • Vilanova (estrada a Antas), a pista non se anda.

  • Rogamos que se faga, como solicitamos, unha relación polo nível de deterioro e que se liciten conxuntamente, xa que se están contratando como contratos menores todas con FEVISA Vías e obras, empresa á que aínda recentemente se lle abonaron 120.143,43€ en xuros de demora (Decreto 446/2020 de 12 de agosto).

  • Cando se prevé criar a comisión de infraestruturas? Facer unha ou dúas e na dos orzamentos facer estudo das que fican sen arranxar.

9.6.2.- Devolución AGADER.

Mediante Decreto 405/2020 de 24 de xullo acordouse devolver á Consellaría de Medio Rural os fondos non xustificados AGADER 2019 por importe de 39.431€. Estes fondos correspondían ao expediente PM19-291 Mellora de camiños municipais da Consellaría de Medio Rural da Xunta da Galiza. Poden explicarnos isto? Provabelmente naquele intre o Concello non lle podía facer fronte ou ben incumpriron o prazo da xustificación.

9.7.- Sentenzas (Decreto 430/2020 de 4 de agosto).

Abonáronse 11.087,1€ a varias persoas en conceito de expropriación e xuros pola Sentenza 86/2020 do Xulgado do Contencioso Administrativo nº 1 de Lugo do 12 de xuño de 2020. Pódennos explicar isto? Non se concreta na resposta nada.

9.8.- Guía de linguaxe inclusiva (Decreto 426/2020 de 3 de agosto).

Contratouse con Coeduca Consultora de Coeducación por importe de 2.194,78€.

  • A quen se vai dirixir? Primeiro aos funcionarios e logo a outros colectivos pouco a pouco, como asociacións.

  • Cantos exemplares en papel se van facer? A subvención inclúe a impresión de 20 exemplares.

  • Disponibilizarase na web para baixar libremente? Rogamos que así se faga. Din que se fará.

10.- Muradelle. Cruceiro e patrimonio.

Propomos como rogo que o Concello de Chantada se dote dunha Guía de restauración, conservación e xestión do patrimonio. Están de acordo.

Resumo do Pleno extraordinario de 18 de xuño [audio]

A sesión extraordinaria do Pleno da Corporación non contou coa asistencia de público e comezou pasadas as 20 horas, rematando ás 23 horas aproximadamente. Asistiron 11 concelleiros, ao faltaren Cruz Fernández Rodríguez (Por Chantada) e José Luís Vázquez (PSOE) por motivos persoais ineludíbeis. Tamén estaban presentes o novo secretario (Fernando, acumulado e titular en Carballedo) e a interventora (María, até o de agora secretaria).

 

Audio da sesión aquí: https://drive.google.com/file/d/1KBHHHn9AiXjQOtC2JLxNaG7w1vUTBcr0/view?usp=sharing

 

1.- Acta anterior sesión ordinaria 30/01/2020.

Rascuño da acta do PLENO ordinario 30.01.2020.

Comeza falando o alcalde que dá a benvida ao novo secretario e felicítase de que Chantada só sufrise 25 casos de COVID-19, ficando 1 confinado e rexistrándose apenas un óbito. Manuel Diéguez tiña todo pronto para facer o pleno telemático, mais por falta da Liquidación de 2019 e ausencia de grandes asuntos non se realizou. Continúa Manuel Varela indicando que deixaron de convocar a Comisión de seguimento porque tiveron un traballo excesivo e hai moito apuro no Concello, por exemplo cos movementos do padrón e danlle saída a proxectos que estaban pendentes en urbanismo. Aínda lles levará 3-4 meses, mais ao final de ano contan ter todo ao día.

Raquel di que todos estamos ben e a pandemía evolui de xeito favorábel. Excusa a Jisi. Invoca cuestión de orde, que non se avisa a pesar de non ser o Pleno na data esperada.

Desde Por Chantada lémbrase que a moción da emerxencia climática aprobouse, ao votarse en contra da orixinal (primeira votación) e a favor da moción coa emenda por unanimidade (2ª votación). Sempre funcionamos así nesta Corporación. A antiga secretaria di que hai que revisar esa cuestión. Varela di que se aprobou a emenda e non a moción [posteriormente neste mesmo Pleno votarán contra emendas e dan a razón a que sempre se procedeu como indicamos e que, por tanto, a moción foi aprobada e estanse facendo manobras a posteriori para que non sexa así porque se equivocaron votando. Sexa como for, o que está clara é a falta de vontade para executala…]. Fente lembra que rexistraron escrito días antes para que se incorporen as súas propostas ao PACES en tramitación [o documento pode consultarse aquí: Solicitude de Por Chantada-CUP en relación co PACES]

Coas salvedades indicadas APRÓBASE A ACTA POR UNANIMIDADE.

2.- Moción Por Chantada-CUP en relación á proliferación de edificacións ruinosas (exp. G-401/2020).

Moción do grupo municipal Por Chantada-CUP en relación á proliferación de edificacións ruinosas

Fente defende a moción explicando os acordos e sucintamente o desenvolvido na exposición de motivos, con especial referencia ao Programa de vivendas baleiras do IGVS. 

No PSOE din que non entenden a orde do día. Tradicionalmente situábase primeiro os pontos propostos pola equipa de goberno e logo as mocións dos grupos.

Varela di que tamén lle extrañou. O secretario di que non houbo calquera intencionalidade e que a próxima vez farase ao revés. Asinou a convocatoria desde Carballedo e quen a fixo seguiría o expediente montado para o Pleno desde as CCII sen decatarse. Canto á legalidade non apresenta problemas. A interventora acrecenta que se faría por orde de data, ao rexistrarse as mocións con moita antelación e non haber até agora plenos.

Intervén Daniel para indicar que, pola súa parte, o asunto da moción é preocupante e na exposición de motivos xa se fala do rogo do PSOE sobre edificacións ruinosas. Abandono do rural e demanda de vivenda. Hai unha frase na moción que di “xente sen vivendas e vivendas sen xente”. Non só é a vivenda, tamén servizos e situación socioeconómica boa, co Concello debendo mellorar a vida das persoas con postos de traballo e mellorando servizo, nomeadamente no rural. Ve ben o que se fala sobre o IGVS e facer o censo de edificacións ruinosas que propón Por Chantada, mais para iso o principal instrumento é o PXOM. Precisamente, na CI perguntaron pola tramitación deste, en aprobación inicial desde 2016 e se contemplan incluír políticas de rehabilitación.

Varela explica que está en marcha un plano especial para ordenar a parroquia de San Fiz e axudas para darlle unha volta e regular os desmáns que se cometeron. Falaron co responsábel deste proxecto e estudan contratar outro arquitecto para pórse con isto. Neste intre teñen dúas edificacións sobre as que actuar de emerxencia, unha en Río (Requeixo) e outra en Sobreira. En moitos casos vai ter que asumir o Concello os gastos ao descoñecerse proprietario e, noutros casos, si que se sabe a propriedade e cobraríaselle. O PP, por un lado, aceita todos os pontos da moción, xa que gostan dela, mais propoñen unha emenda in voce para suprimir os pontos 4º e 5º do acordo e inserir um novo ponto 4º. A interventora di que non se pode adoptar un acordo coa palabra “contratar”. Sobre o ponto 5º o alcalde confunde obradoiros de emprego cos obradoiros formativos propostos e di que hai que incidir na obriga de boa conservación as propriedades. Daniel di que no mes de marzo houbo xornadas da Fundación Juana de Vega sobre paisaxismo. O PXOM fai incidencia nos núcleos rurais e nas ampliacións e neste intre atópase paralizado, mais tenlles présa se ben non é fácil seguir cos ex-EPTISA [Alfonso Botana] e pode ser necesario facer unha nova contratación. Esta situación está creando prexuízos para construír novas vivenda unifamiliares pola falta de solares [non cita o problema da ilegalidade das oficinas non solucionado aínda por este Goberno ao non impulsar a modificación pontoal, como Por Chantada lle indicou no seu día].

Fente agradece a boa vontade dos grupos e propón a seguinte redacción para a emenda do PP, que Por Chantada aceita para conseguir a UNANIMIDADE:

Realizar os trámites necesarios para reforzar o servizo de urbanismo e desenvolver os acordos da moción durante 2-3 anos, a poder ser con axudas doutras AA.PP., como a Dirección Xeral de Urbanismo.

Votación emenda: UNANIMIDADE (11 a favor)

Votación moción: UNANIMIDADE (11 a favor)

APROBADA A MOCIÓN DE POR CHANTADA, coa emenda do PP, POR UNANIMIDADE.

 

3.- Moción Por Chantada-CUP en relación á inclusión de Chantada e outros territorios na DO Aceite da Galiza (exp. G-401/2020).

Moción do grupo municipal Por Chantada-CUP en relación á inclusión de Chantada e outros territorios na denominación de orixe do aceite da Galiza

Emenda do PSOE á moción de Por Chantada sobre DO aceita da Galiza

Fente explica os acordos e defende a moción, remitindo tamén a partes da exposición de motivos. Lamenta que a Xunta só se circuscriba a Quiroga e lembra os testemuños históricos da produción de aceite na Galiza existindo mesmo restos de almazaras en Chantada.

Raquel di que, en termos xerais, concordan coa moción. Hai unha produción incipiente que agarda se consolide. Rexistrar a marca, como propón a moción, pode ser adiantarse, primeiro ter produción e logo comercializala. En Quiroga hoxe hai oito castes, non só a brava e a mansa e este concello ten unha entidade propria. Aquí deberíase partir da brava e da mansa e consultar especialistas sobre as potencialiades tal e como propoñen na emenda. Tamén considera o PSOE que debe mudarse a DO por unha IXP, porque sa só se acada con aceite extra virxe e deixa fóra outro tipo de produtos. A IXP defenden que é máis efectiva para producións de pequeno tamaño. Tamén cren que debe promoverse conxuntamente aceite e viño, poñendo en valor Chantada através da promoción dos seus recursos. O aceite pode ser un valor engadido.

Varela di que con esta moción está en desacordo e que non apoian nen a moción nen a proposta de acordo. Chamou ao alcalde de Quiroga e a Xunta quere cerrar xa a DO polo que hai que deixalos traballar e non molestar desde Chantada. Se sae ampliala como se fixo coa RS. Aceites Abril é quen está traballando por aquí. 

Fente agradece as achegas dos grupos á moción de Por Chantada, aínda que non partilla rebaixar a DO a IXP nen os argumentos do PP, aceita a emenda para tentar sacar un acordo de mínimos para todos. O aceite galego é un produto de excelente calidade o galego e que merece un impulso aínda que fose por reparar a doma y castración da que falou Castelao e, sobretodo, porque temos xa produtores na nosa zona e non adoptar un marco amplo redundará en que fiquen nunha posición subalterna ou envasando en Quiroga o producido realmente aquí, eivando de desenvolver procesos de transformación e procesado da oliva na nosa comarca.

Votación emenda: a favor 4 (Por Chantada e PSOE) en contra 7 (PP)
Votación moción: a favor 4 (Por Chantada e PSOE) en contra 7 (PP)

REXEITADA a moción e a emenda.

 

4.- Moción PSOE medidas fiscais e económicas de axuda contra a crise derivada da COVID-19 (exp. G-401/2020).

Moción para a adopción de medidas fiscais e económicas de axuda contra a crise derivada da covid-19.

Emenda do grupo municipal Por Chantada ao ponto 4º da orde do día 18 de xuño de 2020

Raquel explica os termos xerais do acordo e defende que a moción é moi xeral para avaliar as posibilidades. Adiar o cobro de impostos non tería consecuencias para as arcas municipais, xa que a Deputación de Lugo seguiría facendo os ingresos. Pergunta polo orzamento para 2020.

Fente defende a emenda do seu grupo e comeza cuestionando se a crise é imputábel por inteiro á COVID-19 ou se existían dinámicas subxacentes, apontadas por diversos economistas, estando o pior por chegar. A moción achega acordos moi xenéricos, por exemplo non vemos garantido ter orzamento en 2020. Por iso inserimos unha emenda para garantir que 20% do RTGX se destine ao gasto social neste ano, aspecto en que debería coincidir o goberno e que visa concretarmos algo neste acordo, xa que o máximo que permite a lexislación vicente aprobada na secuencia da crise da COVID-19. Propomos ao goberno facer unha comisión para estudar medidas económicas no eido local, como xa explicamos na comisión informativa. O dado de remanente que se dá na moción tampouco é veraz.

Varela di que tentarán modificalo e traelo ao Pleno ordinario de xullo e antes de rematar este ano sacar xa o de 2021 [xa o de 2020 ía vir en decembro de 2019, segundo afirmara nun Pleno e seguimos en xuño sen orzamento… A lei fixa outubro como data para sacar o orzamento do seguinte ano, prazo que nunca se cumpriu na pasada lexislatura nen nesta]. Bastante a favor da moción e critica que nas reunións da comisión de seguimento se aprobeitase o falado para saír nos medios e que apareceron cousas no Facebook das que non gostaron. O adiadamento de impostos foi unha das primeiras cousas que adoptaron, aínda que aprazar para outubro ou novembro é unha navalla de dous gumes. Non se está cobrando lixo aos comercios locais que fecharon e se alguén recebeu o recibo que os contacte para non pagalo. [Poucos días despois chegou o cobro do imposto sobre vehículos, o IVTM]. Hai que estudar que facer e hai axudas do Goberno central e da Xunta. Estudar caso por caso porque os cartos saen do mesmo sitio. Evitar redudancias e usara ben os recursos públicos, pois á xente hai que ensinarlle a pescar. Van ir aldea por aldea para censar as persoas que vivan soas ou con necesidades, xa que se decataron de que é necesario. Tamén das fincas que non se limpan. Desde Servizos Sociais están facendo todo o posíbel para reparto de alimentos etc. mais en Chantada non hai tanta necesidade como nas cidades, tampouco é para alarmarse. Si hai casos extremos e non todo o mundo se deixa axudar, mais están traballando en varios casos preocupantes. Faltan centros específicos para persoas con problemas psíquicos e as grandes AA.PP. desentendéronse, polo que o Concello non lles dá dado cobertura. o RTGX é ficticio, os 2.000.000€ que se indican na moción. É irreal polos recibos incobrábeis, se ben xa se depurou bastante. A empresa que leva a executiva das multas e a Deputación axudoulles e dálles entre 350 e 400.000€ máis cada ano. Se é necesario dedicarán os 672.000€ do remanente real para gasto social e non o 20% ou máis se é necesario. Barallan desde o Goberno axudar a comercios e bares, algúns concelleiros do seu grupo propoñen vales para mercar en Chantada. Tamén é necesario arranxar pistas e en 2 anos ter as vías de comunicación decentes e con aglomerado en quente, que a Deputación vai deixar de usar porque non dan atendido a tapar buracos nas estradas provinciais. Chantada apostará polo aglomerado en quente. Pide que o PSOE retire a moción, xa que vai vir o orzamento novo.

Daniel di que non retiran a moción. 

Votación emenda: a favor 4 (Por Chantada e PSOE), en contra 7 (PP)

Votación moción: a favor 4 (Por Chantada e PSOE), en contra 7 (PP)

REXEITADA a moción e a emenda.

 

5.- Delegación de competencias do Pleno da XGL (exp. G-431/2020).

PROVIDENCIA DE ALCALDÍA

INFORME SECRETARIA 2020-0027 [INFORME SECRETARIA]

PROPOSTA DE ACORDO

O PP di que tivo que traballar arreo para facer a plataforma de contratos, que facilitará as cousas cando estexa pronta, pois facilitará contratacións e é máis doado ter apoios e non convocar plenos cada 2-3 semanas [segue sen atender a demanda de Por Chantada dunha central de contratación local. En Chantada nunca se convocan Plenos con esa periodicidade]. Defenden que é algo que se fai en todos os concellos, pois precisan axilidade para gobernar e facilitar á cidadanía as cousas. Así evitan reclamacións.

Como oposición os argumentos son outros, defende o PSOE, e teñen unhas obrigas que cumprir. O informe de secretaría non deixa constancia para procesos xa en marcha.  O secretario acumulado, Fernando, non ve inconveniente xurídico en principio. Raquel afirma que non ve necesidade de delegar na XGL os contratos, xa que nunca houbo problemas para celebrar plenos e até, coma hoxe, con pontos fora da orde do día ou documentación que chega tarde. Non aceitan os argumentos do PP, que usa a maioría absoluta para evitar que veñan asuntos ao pleno e así non hai transparencia. Este acordo implicaría que non veña a Pleno a contratación do SAF, aínda superando 10% do orzamento. O Goberno non lles informou de nada e tiveron que buscar en plataformas estatais. Lembra que o Concello foi condenado por unha sentenza polos servizos mínimos abusivos.

Desde Por Chantada non vemos a necesidade de retirar máis competencias ao Pleno e, moito menos, que todos os contratos se furten ao escrutinio do público, até aqueles que superen 10% dos recursos ordinarios. Ao noso entender, isto é unha barbaridade e como dicía Manuel Diéguez na CI faise cando hai maioría absoluta, portanto leva implícito que non existindo tal condición non se realiza porque non é o ideal e a competencia é do Pleno, que se a ten asignada é por algo. De por parte, tendo en conta as dietas das XGL de 250€ por asistente e sesión tampouco se pode falar de que exista calquera aforro. A tendencia a esvaciar o Pleno de competencias, de traer ao mesmo os mínimos asuntos posíbeis ou de levarmos sen rogos e perguntas desde xaneiro tradúcese en degradar o que debería ser o centro da política institucional local: o Pleno da Corporación.

Varela di que en gobernos de coalición estas cousas tamén se fan e que a oposición pode ir ao Concello e ver os acordos da XGL. Poden solicitalos e velos. Se visen que non é necesario isto poderían mudar de criterio, mais fano por axilidade. Tomara teñan moitos grandes contratos.

Raquel lémbralle que a solicitude dos reparos da intervención e mais os decretos da alcaldía xa a fixeron hai mes e medio e aínda non os receberan.

O alcalde retruca que iso non depende del.

Votación: a favor 7 (PP) en contra 4 (Por Chantada e PSOE).

Apróbase a transferencia da competencia para contratos do Pleno na XGL.

 

6.- Derogación Ordenanza fiscal reguladora da taxa de ocupación de terreos de uso público con cadeiras, mesas etc. con finalidade lucrativa (exp. G-369/2020).

01.- Providencia alcaldia

02.-modificacion ordenanza taxa OVP mesas 2004

03.- Informe de Secretaría

04.- INFORMES DE INTERVENCION 2020-0001

05.-PROPOSTA AO PLENO DA CORPORACIÓN

Emenda do grupo municipal socialista

Comeza defendendo a proposta de acordo o alcalde, recoñecendo que habería que facelo antes, que é un complemento de que permitiran instalar mesas e cadeiras. Cómpre ordenanza porque recoñece que hai un desbaraxuste e, aínda que favorecería a recadación a intención non é esa. Di que Chantada está preciosa, mais isto aféaa. A maioría son axeitadas, mais non poden estar así toda a vida.

Raquel di que cada no se racada menos e as terrazas son de maior tamaño e máis. Varela di que así se lles mete diñeiro no peto. Cobramos impostos ou facilitamos? Raquel di que son pouco máis de 2.000€. O Concello está moi saneado e sen cobrar polas terrazas. Di que a nova ordenanza debería estar antes de fin de ano ou de marzo ou abril, antes de cobrar 2021. A interventora aclara que depende do período de devengo. A emenda coa data non a aceitan. Manuel Diéguez di que hai dous temas, o económico e a ordenación. Non queren queimar a hostalaría como fai o concello de Lugo, que cobran cada mes. Varela fala tamén da limpeza, pois deixan o solo sen varrer e cheo de cabichas. Deben desinfectar e limpar á noite e o Concello xa as desinfectou dúas veces. Raquel di que é insuficiente. 

Na CI perguntamos polo PEF e polo Plano de axuste non sabemos se agora se podería aclarar a situación en que nos encontramos neste eido. A interventora di que falemos con ela e que nos aclara o que sexa, mais non dá o dado no Pleno. En 2019 recaudouse 2.346,74€ nesta taxa, un valor ínfimo e desaxustado ao que ocorre na maioría dos Concellos, ao tempo que proliferaron problemas sobre regulación, material e extensión do mobiliario para uso lucrativo no espazo público. Urxe pois traballar, como demandamos en reiteradas ocasións en criar ordenanzas reguladora e fiscal axeitadas. A emenda non debería apresentar problemas para o Goberno se se indica que sexa antes de rematar o ano. De por parte, que esta sexa a única medida aprobada polo goberno até o momento no plano económico para confrontar a depresión económica en que estamos comezando a submerxirnos parécenos dunha pobreza absoluta. Varela di que non sexamos alarmistas. Retrúcaselle que non é unha opinión de nos, mais a análise de diferentes economistas de renome. Parécenos ben a emenda apresentada polo Grupo socialista e estas novas ordenanzas xunto a un pacote de medidas real e ben fundamentado para confrontar a crise deberían ser obxecto da comisión que propuxemos anteriormente. Manuel Diéguez lembra que é obrigatorio recoller as terrazas polas noites, case nengún local o fai. Varela di que teme a merma das transferencias directas do Estado e da Xunta para vindeiros anos. A xestión dos impostos pode redundar ou non na hostelaría, se o que se recauda se destina a orquestras non se lles axuda, se callar, mais se se destina a axudas para harmonizar terrazas e coidar o impacto visual estarase facendo ben, polo que non é só o que se cobra senón que se fai cos impostos.

 

Votación emenda: UNANIMIDADE.

Votación acordo: UNANIMIDADE.

Apróbase a supresión do imposto para 2020 e acórdase facer unha nova ordenanza por UNANIMIDADE.

 

7.- Modificación Ordenanza IAE (exp. G-368/2020).

01.-PROVIDENCIA DE ALCALDÍA

02.-INFORMES DE INTERVENCION 2020-0003 [INFORME DE SECRETARIA E INTERVENCION]

03.- PROPOSTA AO PLENO DA CORPORACIÓN

04.-TEXTO REFUNDIDO ORDENANZA FISCAL IAE

Daniel di que faltaba unha ordenanza na documentación. Defende que este traballo técnico mellora o que había, mais é unha mágoa que tivese que ser a Deputación quen avisara disto. Falta Sabadelle nas parroquias. Varela interrompe para dicir que a estrada quedou ben. Raquel retruca que aínda vai estar mellor. Continúa Daniel que, entrando nas cifras, non hai mudanzas e non hai informe de intervención. No orzamento para 2021, en tempo e forma, debería o Goberno revisar as ordenanzas e aprobar reformas fiscais como a do IBI. Hai moita normativa pendente de facer por parte do Goberno: terrazas, axudas de emerxencia social, tránsito, animais domésticos ou transparencia. Lembra o Informe de controlo financeiro da anterior interventora, que indicaba que faltaban ordenanzas e outras estaban desfasadas, por exemplo a de voos, augas etc.

Non vemos coherente, nen se nos explicou na CI, por que no rural se tributa con 1 e con 0.7 na vila e no polígonoVarela di que o das parroquias é para a presa de Belesar e os eólicos e que o índice de situación podería ser até dun 3 e pico. Polas parroquias adiante ninguén cotiza polo índice de situación ao non superaren o millón de euros de facturación. A Deputación pedía un índice único para o IAE e eles non quren. Como xa dixemos na CI é unha chapuza ter dúas ordenanzas fiscais para un mesmo imposto e que isto se arrastre desde 2001 e 2003 fala da desidia do Goberno. Como sinalamos ese día deberíase tirar ao comezo de cada ano unha revisión das ordenanzas fiscais e demais normativa municipal e pendurala no site do Concello, como se fai onde a administración local funciona con eficiencia e transparencia. Isto xa se tería que ter corrixido hai moito tempo. Hai unha parte técnica en calquera ordenanza, mais tamén política, como demostra o debate do anterior ponto. Difícil neste caso facerse idea clara das magnitudes, porén son decisións que se deben adoptar a quen e canto se lle cobra e a que destinamos os recursos que temosA interventora di que Susana foi quen a redactou e está disposta a aclarar en calquera momento o detalle do texto.

Varela di que en Chantada houbo un goberno progresista durante catro anos e que non as tocou. Eles tamén son moi progresistas en todo o bon sentido da palabra. Raquel retruca que ele tamén. Fente dille que puideron facer un goberno de concentración e progreso. Para Progreso chega o de Lugo di Varela. Daniel defende que estas modificacións tributarias deberían vir co novo orzamento, en tempo e forma, para debater sobre o réxime fiscal que queremos. Varela di que comezarán en outubro. A interventora di se iso vai constar en acta. Fente di que xa constaba o ano pasado, que as actas terman do que lles poñan.

Votación texto refundido ordenanza IAE: a favor 10 (PP e PSOE) Abstención: 1 (Por Chantada).

Apróbase o texto refundido da ordenanza do IAE.

 

8.- Modificación orzamentar 14/2020, Transferencia de crédito 8/2020. Importe 120.140,43€ (exp. G-357/2020).

01 PROVIDENCIA

02 MEMORIA MP 142020 TC 08-2020 INTERESES SENTENZA

03.- RC PARA TRANSFERENCIA INTERESES

04.- MODIFICACIONS ORZAMENTARIAS 2020-0014 [INFORME DE INTERVENCIÓN MP 142020 TC 082020]

05.-PROPOSTA MP142020 TC 082020 INTERESES SENTENZA

Informe de Por Chantada sobre o desfalco de Manuel Varela coas obras ilegais de maio 2015 (xuño 2020)

Varela di que xa é un tema do que se falou suficiente. Raquel indica que o triste é ter que pagar todos estes xuros por facer as cousas mal. O alcalde di que cando se ía ao confesionario, hai tempo que non vai, se lle dicía “anda hijo, vete y no peques más”. Non o volverán facer. Esta cantidade evitaríase pagando antes, mais houbo quen os aconsellou ir ao xulgado. O Consello consultivo dixo que se podía pagar sen problema ningún e agora toca pagar os xuros da sentenza e máis a demora. Se esa obra se contratase con custo, IVE e 16% de beneficio industrial e 13% de gastos xerais por aí andaría a cousa [como se demostra no noso informe isto é rotundamente falso e existe informe da intervención municipal que o desmente rotunda e categoricamente]. 

Desde Por Chantada lémbrase que falamos de 120.140,43€ para abonar unha sentenza 254/2019 a Fevisa, que segue contratando co concello e aínda figura nas facturas reparadas que veñen hoxe no seguinte ponto da orde do día, por importe de 36.143,58€. Por certo, non houbo tanta celeridade para abonar outras sentenzas pendentes de execución. Vese que hai sentenzas de primeira e de segunda para o Goberno. Varela interrompe a exposición para indicar que habería que coller todo o RTGX [o que ía ir para gasto social hai un anaco?] e o Plano Único e destinar un millón de euros a arranxar pistas, mais, para facelo ben, non volver repetir os erros daquela, fixérono así para aforrar e non estivo ben. Os pagos a Fevisa son para 3 rúas con aglomerado en quente, xa que era a mellor oferta. Iso si, o detalle de levalos ao xulgado non lles gostou nada. 

A raíz do problema está en obras desenvolvidas no período eleitoral de 2015 por valor de 631.486,97€ contratadas de palabra e sen crédito que o Consello Consultivo da Galiza ratificou como nulas de pleno direito en novembro de 2016. Imputábanse unha serie de actuacións en camiños, contratadas contratadas de palabra e sen crédito, ao remanente de tesouraría sen telo aprobado a través da conta xeral e tendo só no orzamento de 2015 unha dotación orzamentar de 120.840,40€ para tal fin. Isto nun contexto onde o concello de Chantada se encontraba nun plano de axuste tendo que amortizar importantes cantidades de débeda. Indicaba o Consello Consultivo que «debe aboarse ás empresas contratistas os traballos que efectivamente fosen realizados e recibidos de conformidade pola Administración, previa a súa valoración polos servizos técnicos do Concello» e b) «o artigo 35.1 contempla do mesmo xeito a obriga que corresponde á parte culpábel de indemnizar á contraria os danos e perdas que esta tivese sufrido, en consonancia co disposto no artigo 102.4 da LRXPAC». Por último, salientaban desde o organismo consultivo que «na proposta remitida o Concello recoñece que se procederá ao pagamento aos contratistas remitindo a “un trámite posterior” deste xeito, tal como consta, tal cuestión será resolta nun expediente instruído para tal efecto».
O expediente en cuestión, polo que se aprobou o pago, fíxose polo valor íntegro e non por algo máis de 400.000€ como indicaba a intervención municipal, cómpre lembrar que a xurisprudencia considera que na factura directa se inclúe un evidente beneficio industrial que debe calcularse e subtraerse das mesmas no caso de declarárense nulas de pleno direito. A diversa xurisprudencia parecer situar por volta dun mínimo de 10% ese lucro que habería que extraer e sobre o que calcular os xuros de demora.
Contra todas estas prácticas intermediamos diferentes recursos sen que se chegase en nengún momento a adoptar responsabilidades por parte de ninguén e o resultado é que imos pagar sobre 800.000€, ou sexa o duplo do que se debería e segue sen aparecer responsabilidade por parte de ningúen, a pesar de que todo gasto sen consignación orzamentar vicia de nulidade e existe responsabilidade por parte de quen permite estas práctica.
Os xuros de demora, os 120.140,43€, deberían pagalos os que cometeron, sendo totalmente conscientes do que facían, as irregularidades, a comezar polo alcalde, e non o conxunto da cidadanía de Chantada. Este é, sen dúbida, un dos episodios máis lamentábeis aos que asistimos.

Solicitamos votación nominal: artigo 102 do ROF.

 

Votación nominal: a favor 4 (Por Chantada e PSOE); en contra 7 (PP).

Rexeitada a votación nominal.

Votación pago 120.140,43€ da sentenza a FEVISA: a favor 7 (PP); en contra 4 (Por Chantada e PSOE).

Aprobado o ponto.

 

9.- Recoñecemento extraxudicial de crédito 23/2020 e 28/2020. Importe 267.465,79€ (exp. G-352/2020).

1.-PROVIDENCIA APROBACION FACTURAS

2.- 20200610_F_2020_23

3.- REPAROS 2020-0017 [FISCALIZACION REC INTERVENCIÓN]

4.-PROVIDENCIA APROBACION FACTURAS F202028

5.- 20200611_F_2020_28

6.-REPAROS 2020-0019 [FISCALIZACION INTERVENCION]

7.- PROPOSTA AO PLENO

8.-PROPUESTA APROB FACTS PLENO

 

O grupo socialista lembra que chegan REC pleno após pleno xunto a reparos da intervención. Hai máis facturas deste tipo? A interventora di que fican polo menos as da luz. Varela di que queren outra comercializadora. No ano eleitoral 6 millóns de orzamento e máis dun millón sen executar e iso vailles repercutir na regra de gasto. Non entende como veñen facturas de 2018 (luz), que xunto as de 2019 que xa deberían estar pagas conforman estes REC. Neste 2020 pensan que a situación será diferente, van deixar partida de 200.000€ para imprevistos. Aínda agora teñen que erguer tres muros, un de 18.000€ indo para as Córneas, que é urxente porque hai perigo. Outros dous de emerxencia nas ribeiras. Van facer orzamentos máis sinxelos e flexíbeis. Raquel di que se lle ocorren solucións para o que lle convén. Varela di que queren facelo así… os funcionarios cobran para traballar. Diñeiro para isto e sen tocar os 600.000€ do RTGX e, se a oposición o merce, consultaráselle. Raquel di que sigan os consellos e eviten máis reparos de intervención. 

Fente di que o valor das facturas é de 267.465,79€. Entendemos que deberían votarse por separdo os dous REC e non viren nun único ponto da orde do día, ou así fixemos sempre até o de agora. Non se remitiron as facturas orixinais e só unha relación, polo que non puidemos cotexar no expediente a conformidade das mesmas e a natureza do concepto, algo elemental. Figuran algunhas, como unha de SOGAMA, sen importe na proposta de acordo polo que non sabemos se é erro e habería que corrixir ou a que responde, porque tampouco se explicou na CI a pesar de chegar a documentación fóra de prazo e non no momento da convocatoria. Estas deficiencias aconsellarían retirar o ponto da orde do día e traelo ao pleno ordinario de xullo coas debidas garantías. A interventora di que se hai un erro van revisar, que será erro de transcrición porque primeiro reteñen crédito. A partir de agora poden solicitar e daranse as facturas.

A intervención, a pesar de que pola incorporación recente, non pode comprobar os eventuais fraccionamentos dos contratos e se existía crédito para os memos do 2019, efectúa reparos por omisión de requisitos e trámites esenciais e por omisión de fiscalización das fases A e D de varios contratos menores, para alén de aconsellar a inmediata licitación dos servizos e subministros. Esta é unha longa batalla que levamos aquí reclamando, mesmo propondo unha central de contratación local, para que se cumpra a LCSP e se deixe de usar como regra xeral o contrato menor e contravindo a lei. O REC é un mecanismo excepcional que, á luz dos que desenvolvemos neste Concello anualmente, fica ás claras que se converteu nun método sistemático para realizar gastos sen a suficiente consignación orzamentar e sen atender ao procedemento legalmente estabelecido.

O alcalde deféndese dicindo que había chamadas para cobrar en 2011 e 2012 e que agora non chama ninguén. Raquel di que en 2007 a xente tamén chamaba. Varela di que se responsabiliza de 400.000€ dos 6.000.000 de débeda. Non hai por onde collelo. [Sobre o tema das débedas do Concello na primeira etapa de Manuel Varela no PP e a posterior débeda viva no goberno PSOE-BNG pódese consultar o seguinte informe de Por Chantada que desmente os dados do alcalde e tamén estoutro]

10.- Modificación pontoal do PXOU da delimitación do núcleo rural de Alemparte, parroquia de Mariz (exp. G-310/2017).

A documentación entregouse fóra de prazo. Este asunto xa veu ao pleno con anterioridade. Dado o volume da documentación non se sobe a este resumo.

Varela lembra que xa viñera doutra vez e que faltaban 2-3 informes sectoriais. Non ía na CI mais ten urxencia… A viciñanza ten que comezar a facer ben as cousas. Agora saír desta situación e ser máis vixiantes co cumprimento das licenzas.

Raquel di que un posíbel derrube conmove a calquera, mais edificaron fóra de proxecto e non se comprende a falta de advertencia do Concello. O informe da secretaría advertía da irregularidade da ampliación e falaba de “desvío de poder”. Non poden obviar a traxedia da familia, mais non poden tapar os ollos a ese informe xurídico.

Varela di que contemplan áreas de expansión, que a xente as demanda aínda que así pagarán máis IBI, ao pagar urbano e non rústico. Para o Concello mellor.

No seu día existía un informe de secretaría que falaba de desviación de poder, por iso no Pleno ordinario de 12 de marzo de 2018 votamos en contra. Cando volveu en 2019 cos informes favorábeis votamos a favor e agora, sendo estes favorábeis mantemos o criterio, se ben estas prácticas urbanísticas deberiamos desterralas e comezar a traballar nun horizonte de urbanismo que conserve o patrimonio e ordene axeitadamente o territorio cousa que o PXOM en tramitación tampouco persegue.

Votación MP Alemparte: a favor 8 (Por Chantada e PP), abstención 3 (PSOE).

Apróbase a MP de Alemparte.

 

ROGOS E PERGUNTAS

Ao ser extraordinaria non hai rogos e perguntas, mais na CI desde Por Chantada demandamos que houbese e Manuel Diéguez, de acordo cos voceiros da oposición, fixou que se puidesen realizar 5 perguntas por grupo.

Rogos e perguntas PSOE.

1.- Marquesiñas. A Deputación volve facer petición e reiteran a solicitude de Santa Rosa en Sabadelle, xa que hai rapaces. Diéguez di que iso xa está na acta do pleno anterior. A Xunta tamén dá.

2.- Verquidos Sangoñedo. Hai problemas na rede de saneamento? Varela di que se vai corrixir cando se poña en marcha o saneamento. O problema é que alí baixa o de Asdeme, Ponto Limpo e Machado e sempre dá problemas. A bomba está funcionando, mais veñen cousas que non deberían vir. O tubo é de 75 e debía ser de 125 ou 140. Aí o bombeo ten que seguir polo campo de futebol e Viaqua di que é imposíbel de destupir. A rede de saneamento non funciona por falta de fornecemento eléctrico.

3.- Perguntas COVID-19. Desinfección terrazas: varios hostaleiros comunicaron ausencia de desinfección, imos ben mais non baixar a garda. Entrega máscaras: xa se poden facer máis entregas. Pamela di que de momento aos negocios e facer compra para distribuír en setembro e outubro (colexios etc.) pola gripe. Vixilancia: polas mañás a xente non obra ben. O anterior fin de semana a policía local tivo que ir fechar e na zona de antiga xente de máis nun local e chamaron os viciños. Limpeza polígono: todas as vías é un perigo. O alcalde recoñece que só está un tractor, hai que contratar outro para mediados de xullo. Empezaron desde Vilaúxe e logo Adá e Quinzán. Xa hai que volver… estes días nas parroquias de San Fiz. A Deputación xa comezou tamén, antes viña pasando en xuño e xa veremos se non hai que volver en outubro. O idóneo é ter dous tractores e andar todo o ano. Agora xardíns anda limpando campos das festas, como estas non se celebraron. En Penasillás e Muradelle fíxoo a viciñanza. En Rabelas non e en Sabadelle limpou o Julio. Concepción di que polas eleicións do día 12 tamén teñen que limpar os locais. Varela di que o de Adá está perdido. Xaquín di que ao de Axulfe tamén lle chega ben.

4.- Casa escola Vilaúxe. Varela aclara que faltaba informe da Confederación Hidrográfica para pasar a de Mondín, non entende como é necesario para isto para unha obra nunha casa da escola. Agora tocaralle a Mondín o investimento do Plano único. Lémbralle ao PSOE que o polígono tamén o ten que limpar a Deputación, a súa parte.

5.- Brigada incendios. Sairá publicada convocatoria na segunda feira.

 

Rogos e perguntas Por Chantada.

Rúa do Mesó Mogay. Comunicáronse obras no mes de setembro, en que van consistir?

Pendente terreo do Chamari e do Delgado para adecentalo, será iso. Facer aparcadoiro con saída á Santa Mariña e que desaparezan os carros do parque Eloísa Ribadulla.

• Escola Moredo. Cando estiman comezar as obras? Esta a AO do Concello xa reservada e dispoñíbel?

Plano único 2019. En canto cheguen os permisos comezan as obras. Diego di que para o Entroido de 2021 estará listo.

• Rogamos que se nos envíen os decretos da alcaldía desde xaneiro e os reparos de intervención desde maio de 2019, xa que aínda non recibimos nada e é un volume de información dificilmente manexábel se se remite 2 días antes da sesión plenaria ordinaria.

Que vaiamos polo Concello.

Pista Aspai. Xa durante a campaña de 2015 a viciñanza de Aspai se queixaba do abandono da pista que dá acceso ao lugar e comunicaba que existía compromiso incumprido por parte do Goberno de Manuel Varela de arranxo desde había anos. Cinco anos despois a situación é calamitosa e nos días de auga é totalmente intransitábel, mesmo supondo unha eiva seria para o transporte escolar. Rogamos o seu arranxo inmediato, ao menos as fochancas actualmente existentes, como previo paso á rexeneración total dos accesos a Aspai desde a pista do Alto de Ramos (a LU-P-1817), que por certo tamén precisa arranxo. Tamén precisa arranxo urxente a de Sandiás a Nogueira.

No 2015 arranxouse a que vén de Quintá do Monte. Para a semana arranxan con aglomerado en quente a de Fornas da Cruz.

• Rozado gabias.
Tendo en conta o alto crecemento da maleza nas gabias polas condicións metereolóxicas que comprometen seriamente a visibilidade.
Tendo en conta o seu compromiso no pasado ano de mellorar a eficiencia e adiantar o comezo do rozado.
Tendo en conta que existen dous tractores municipais para tal efeito e que están parados.
Cando teñen previsto comezar co rozado mecánico das gabias e que criterios seguen para priorizar unhas áreas sobre outras? Por onde comezarán e cando?

Contan ter brigada de 6-8 persoas máis 7-8 do plano único sería o ideal. Xente preparada. Até agora non podían facelo. A RPT vanse pór a tope con ela par tela en setembro.

Peonalización casco antigo.

Están xa os sinais para peonalizar a rúa do Comercio e o Cantón en principio, con acceso para o Concello.

Moción do grupo municipal Por Chantada-CUP en relación á inclusión de Chantada e outros territorios na denominación de orixe do aceite da Galiza.

Como non todo pode ser COVID-19 desde Por Chantada seguimos artellando respostas para #construírfuturo no interior galego. Por iso, rexistramos unha moción (en anexo) demandando unha DO para o aceite galego.
imaxe.png
Como tantas outras veces é a sociedade civil quen vai por diante dos lexisladores e das AA.PP. Por exemplo, os produtores de Quiroga levan nunha longa loita por unha DO para o aceite ou a Asociación de Produtores de Aceite e Aceituna da Galiza (APAAG) impulsou un selo que garante a produción de aceite con olivas procedentes en exclusiva do territorio galego. Tamén Chantada conta cun crecente número de oliveiras, mais os produtores que están recuperando este cultivo non encontran amparo na administración.

A diversificación na produción, a consecución de produtos de calidade e a transformación alimentar deben ser os piares en que orientemos a base económica de Chantada na secuencia du nsistema-mundo caótico con recorrentes crises cíclicas que acentuarán a dependencia e carácter periférico de territorios coma o noso, debendo procurar unha especificidade multifuncional que nos permita termos hipóteses de concorrer e sobreviver nas mellores condicións.

Na mostra de FITUR o alcalde de Chantada participou con outros cargos do seu partido na vindicación da DO, mais entendemos que é insuficiente e lesivo restrinxila apenas a Quiroga, cando pode impulsarse unha DO galega para a área luco-auriense que diferencie no seu interior entre as subzonas de produción histórica (oliveiras de máis de 100 anos) e as subzonas de nova produción. É urxente, daquela, que o Concello se comprometa e tome consciencia da importancia de non ficarmos para atrás nesta altura e a aposta de Por Chantada-CUP, neste sentido, é brindar todo o apoio e colaboración ao Goberno local neste combate tan necesario, de adoptarse esta moción.

PROPOMOS:

👉  Rexistrar a marca ACEITE DAS TERRAS DE ASMA, que ampare a produción dos concellos de Chantada, Carballedo e Taboada.

👉  Trasladar á Xunta da Galiza e á Consellaría de Medio Rural a exixencia de criar unha DO de ACEITE DA GALIZA en que se inclúa a nosa comarca e que ampare a produción de aceite galego, diferenciando no seu interior a produción entre a área histórica (Quiroga ou Seixalbo en Ourense) para as oliveiras de máis dun século e as novas áreas con oliveiras através de subzonas.

👉  Trasladar este acordo aos concellos de Carballedo e Taboada instándoos a facer unha fronte común para a integración da nosa comarca na futura DO de Aceite da Galiza.

Podes ler a moción íntegra en formato PDF aquí: Moción do grupo municipal Por Chantada-CUP DO azeite da Galiza

Chantada, 11 de maio do 2020.

Resumo Pleno ordinario correspondente ao 30 de xaneiro 2020 [audio]

O Pleno comezou ás 20:05 horas coa presenza dos 13 concelleiros e concelleiras da Corporación, a interventora e a secretaria municipais e 3 funcionarios (un administrativo e dous policias locais). Como público asistiron sobre 20 persoas, a maioría delas ligadas co Servizo de axuda no fogar (SAF). Confire o audio do Pleno aquí: https://drive.google.com/file/d/1kTk9IHLAOy-26ch7fS3ZyqSSPlfX796O/view?usp=sharing

 

Antes de comezar a concelleira do PSOE, Raquel, invoca unha cuestión de orde para queixarse pola mudanza da data do Pleno sen avisar á oposición, do retraso no envío da documentación, non se receben as actas das Xuntas de Goberno Locais en tempo e forma, métense continuamente cousas por urxencia etc. En definitiva, estase a dificultar o labor da oposición. Manuel Varela retruca que se mudou porque tivo que asistir a Fitur e que non oculta nada. Mesmo afirma que había compañeiros do PSOE que preferían a mudanza de data. Daniel do PSOE nega que dixera iso.

1.- Actas anteriores, correspondentes ás sesións: Ordinaria do día 28/11/2019.

Rascuño acta Pleno 28/11/2019

Desde o PSOE din que no ponto do horario dos Plenos se abstiveron e que no ponto 8º na intervención non se indica.

Por parte de Por Chantada, indícase que as actas deberían paxinarse para podermos indicar as deficiencias detectadas con maior axilidade. Na quenda de debate da epígrafe 3ª (p. 9) contestouse polo noso grupo que é falso que se emitira recurso no último día do prazo, senón que se fixo ao comezo do mesmo. Isto non se recolle na acta. Na páxina 21, quenda de debate da epígrafe 8ª, propuxemos exixir á Deputación e á Xunta o arranxo das deficiencias do Polígono (fronte as discrepancias entre PP e PSOE) e tampouco se recolle na acta. Na páxina 24, rogos e perguntas do noso grupo, indícase nunha cuestión que nos contesta o señor Manuel Diéguez Carballo, algo bastante improbábel tendo en conta que non asistiu ao Pleno. Na seguinte pergunta non se recolle que a concelleira Cruz Fernández Rodríguez desmentiu que só se queixase unha persoa do asunto da rúa do Parque ao existir escrito da Comunidade Viciñal rexistrado no Concello no seu día.

Con estas modificacións, apróbase a acta por unanimidade.

2.- Inadmisión Recurso Potestativo de reposición de Por Chantada-CUP. Expediente Suplemento de Crédito 05/2019 (G-1021/2019).

Recurso de reposición de Por Chantada-CUP ao SC 5/2019

Informe resurso Suplemento de crédito 5/2019

PROPOSTA DE ACORDO AO PLENO

  • Desde o PSOE din que é a terceira vez que este asunto vén ao Pleno e reiteran os seus argumentos. É algo grave, obras en período eleitoral que se queren blanquear co SC 5/2019. Cando se inadmitira a reclamación de Por Chantada xa dixeron que faltaba ir ao fondo da cuestión e agora reiterase o mesmo. Agora arguméntase que non cabe apresentalo e desde o grupo municipal socialista son respeituosos co informe xurídico. O triste son as actuacións e revisión de fondo.

Desde Por Chantada explícase que este asunto xa foi debatido anteriormente, ou máis ben a oposición fixo un monólogo e o Goberno obviou calquera resposta e explicación ao caso, algo ao que nos ten acostumados. Como na medicina premoderna ou na economía ordoliberal contemporánea, para calquera doenza a receita sempre é a mesma: aplicar máis unha sangría ao paciente aínda que se vexa que iso só fai piorar o seu estado.

Novamente non se nos contesta a nada do fundo do asunto, obviando que se incumpriu a LCSP, que se abusou do fraccionamento e do contrato menor, ou que foron obras desenvolvidas en pleno período eleitoral e polos motivos expostos nos diferentes recursos apresentados susceptíbeis de seren declaradas nulas de pleno de direito e dar lugar a un expediente de oficio de depuración de responsabilidades.

Esta forma de xerir os asuntos públicos, tapar as irregularidades que son continuadas e sistemáticas, e negar calquera diálogo ou revisión para solucionar deficiencias é irresponsábel e contribúe a xudicializar a política e non a mellorar a xestión.

Solicitamos a votación nominal (art. 102 do ROF) e en contra de desestimar o noso recurso potestativo de reposición.

 

Votación nominal: a favor Por Chantada e PSOE (6); en contra PP (7).

Votación inadmisión recurso potestativo de reposición de Por Chantada-CUP: a favor PP (7); en contra Por Chantada (2); abstencións PSOE (4).

 

3.- Aprobación expediente contratación SAF, expediente G-37/2020.

01 PROVIDENCIA DE MODIFICACIÓN DO INFORME

02 FISCALIZACION DE INTERVENCION 2020-0009 [INFORME ECONOMICO-FINANCIERO SAF

03 INFORME TRABALLADOR SOCIAL

04 RESUMEN PPTO PRORROGADO 2020

05 FISCALIZACION DE INTERVENCION 2020-0011 [RECURSOS ORDINARIOS DO ORZAMENTO

06 ESTUDO ECONÓMICO SAF CHANTADA FINAL

07 memoria xustificativa

08 informe insuficiencia medios saf

09 informe non división lotes saf

10 PCAP SAF

11 PPT SAF

12 RC CONTRATO SERVIZOS SAF

13 LIBRO INFORMES SECRETARIA 2020-0005 [INFORME DE SECRETARIA]

14 FISCALIZACION DE INTERVENCION 2020-0012 [FASE A CONTRATO SAF CONFORME ARTI

15 FISCALIZACION DE INTERVENCION 2020-0013 [FASE A FISCALIZACION PLIEGOS SAF]

16 PROPOSTA DE ACORDO AO PLENO DA CORPORACIÓN

Desde o PSOE cualifican este ponto como outro capítulo da agonía e morte do SAF de Chantada. Abraiados perante esta licitación sen o orzamento para 2020. Trangallada con Modificación de crédito e Transferencia de crédito. Só con o SAF o 8% do orzamento non nato xa comprometido e a isto engadirlle o ponto de urxencia sen informar nen falar. Raquel acusa de incompetencia e comodidade ao PP. Comprometen xa entre 15-20% do orzamento sen sequera debatelo. Externalizan un servizo facéndoo un 10% máis caro do que supuña a xestión pública, só en IVE 36.000€, ao que cómpre engadir un coordinador do servizo e 5% de beneficio industrial.

Os pregos provocan dúbidas na bancada socialista, polas súas ambigüidades. A cláusula 27ª debería ser máis concreta nos limites da subcontratación. A situación das traballadoras non se sabe ben como fica <<tenas aquí>>. Raquel acusa ao PP de dicir que non mudaría a situación, mais non ve que se manteña o convenio actual con 6-7 días de LD, asistencia a familiares no médico, trienios… iso recóllese no convenio colectivo.

Faltan medidas claras no controlo do servizo e sobre a empresa. A mesa de contratación non a debe presidir o alcalde, só debería estar integrada por técnicos e non a concelleira 4 anos como responsábel.

Unha chapuza con aleivosía de quen espera a pasar as eleicións para externalizar, cun orzamento hipotecado e mostrando incompetencia para favorecer o lucro empresarial. Un ataque á xestión pública. Conflito laboral desde outubro e cercenando o direito á greve con servizos mínimos abusivos de máis de 90% e denegando todas as licenzas sen piedade e solventando os continuos reparos de intervención. O único responsábelk é a equipa de goberno e o alcalde.

Desde Por Chantada-CUP comézase con retranca, dicindo que as bases son bastantes rigorosas, vindo de vostedes, vese que renderon os 1.800€ do bufete de avogados que contrataron. En todo caso, nen se pode ocultar a privatización até, cando menos, 2024, nen a mingua de direitos laborais, nen moito menos que imos pagar moito máis que coa xestión directa e pública 100% do servizo. Isto sen contarmos que se negaron a calquera diálogo ou consulta coa oposición e desouviron estudar a criazón dunha empresa pública, que mesmo podería ser mancomunada con concellos limítrofes.
No prego de cláusulas administrativas particulares na cláusula 1 pon moi claro que «O Servizo de Axuda no Fogar é un servizo público de carácter local consistente en oferecer un conxunto de atencións ás persoas ou unidades de convivencia (…)» co cal están dicindo que é un servizo público e a súa vez estano privatizando, isto é unha contradición moi clara.
É curioso ver que para ceder parcelas do público ao privado a lexislación é ben flexíbel e pouco importa que se incremente o gasto e que nos vaia saír máis caro. Iso si, para reverter privatizacións os concellos teñen que facer pinchacarneiros e xustificar moi ben a poupanza económica. A súa aposta estratéxica sempre foi favorecer o privado en detrimento do público, aínda que funcionase pior (lémbrese o caso das piscinas, por exemplo) e saíse en condicións ruinosas para o conxunto dos contribuíntes. Daquela, non partillamos os fracos argumentos da motivación da necesidade (Memoria, 9.c e Informe insuficiencia de medios), cando existen numerosas alternativas, que nen foron valoradas: estudar a criazón dunha empresa pública, racionalizar a distribución dos fogares e do servizo, impulsar cadrantes anuais das traballadoras e unha bolsa de reserva horas para cobrir eventualidades (baixas, imprevistos, asuntos proprios…), máis traballadores mediante RTP etc.

No Prego de cláusulas administrativas particulares do contrato do SAF do Concello de Chantada (PCAP), na cláusula 21ª indícase que o local da empresa podería estar en Chantada ou nos Concellos limítrofes. Entendemos que debería estar si ou si na vila do Asma, xa que estamos falando dun desembolso económico moi importante por parte da cidadanía.
Canto ao custo, estipúlase un custo de 3.639.571,36€ para o período 2020-2024, que achamos, no entanto, insuficiente e irreal (AO 231.227.99.04). A comezar porque nen contempla o IPC nem as subas salariais. Non obstante, se imos ao Anexo I do mesmo documento xa se fala de 4.199.505,41€ atendendo ao 20% das modificacións (909.892,84€ por ano con IVE incluído do 4% + 20% das modificacións). Por outras palabras, o lucro mínimo da empresa vai ser de 209.976€ durante a vixencia do contrato, aínda coas contas que se aquí se nos presentan. Unha aposta segura.
Porén, na CI díxoselle á miña irmá Cruz que as 66 persoas en listaxe de agarda entraban no cómputo actual e non no 20% das modificacións contempadas no PCAP, porén iso contradise coas traballadoras calculadas, xa que por cada traballador do SAF hai entre 1 e 4 utentes dependendo das horas estipuladas. Á parte habería que computar os quilómetros polo que incrementaría o prezo que se nos trae hoxe aquí.

SUPOSTO DE CÁCULO
Supoñendo que os utentes da listaxe de agarda son dependentes de grao 2 corresponderíalles 2horas diarias, isto suporía 10 horas a semana , 40 ao mes, 480 o ano e por 66 usuarios farían un total de 31.680 horas. Se multiplicamos as horas, sen contar feriados nen fins de semana, obtemos un custo de 551.232€ (31680×17,40= 551.232€) ao que habería que engadirlle os quilómetros a percorrer para atender a estes dependentes a maiores (unha media de 15km diarios x 5 días=75; semanais x4=300; mensualesx12=3.600 anuais x 66 usuarios=237.600×0,19km=45.144€): 45.144€. Falamos entón de 596.376€ anuais que non se están computando neste momento. Por outras palabras, mais 2.385.504€ no período de vixencia do contrato que, sen o 20% de modificacións, ascendería a 6.025.075,36€ e co 20% a 6.585.009,41‬ no total.

Estas discrepancias, falamos de máis de dous millóns de euros o cal non é peccata minuta, moito me temo que vai ser como o que falamos das horas. Nós indicabámoslle que andarían sobre 18€ e vostedes falaban de 14 ou 15. Resulta que aproximamos moito mellor. Claro que admitir un custo de 1.646.253€ suporía deitar por terra a suficiencia dos medios financeiros e imposibilitaría a privatización nestes termos.

De por parte, contémplase nos pregos que se debería cobrir o servizo de 8:00 a 22:00, cando o mesmo traballador social estima que a maioría dos fogares só queren o servizo de 9:00 a 14:00 e de 16:00 a 18:00, entón cal sería o motivo da ampliación do horario se xa se contemplaba por necesidades do servizo en casos específicos?

Na memoria xustificativa fálase da adecuación á normativa laboral do convenio sectorial de aplicación dos contratos do persoal traballador do servizo. Por unha banda, dise que teñen que pasar coas mesmas condicións que teñen no Concello e, pola outra, dise que se lles ten que aplicar o convenio estatal de axuda no fogar prexudicando as traballadoras, xa que perderían dereitos pasando do convenio de persoal laboral a outro inferior. Nos pregos non observamos que se especifique o convenio de aplicación, que defendemos debe ser o galego, tal e como reclamou a delegada sindical das traballadoras. Só se recolle na epígrafe 7ª da Memoria (p. 9) que debe ser o Convenio Colectivo laboral do sector da axuda no fogar na Galiza, mais ponse entre parénteses.

Igualemente, quero salientar que existe solicitude de días por lactancia (13, RE 4779) dunha traballadora, da que tomou razón a XGL do 9/1/2020- No entanto, cal foi a nosa surpresa ao comprobarmos que non aparece na subrogación, a pesar de levar prestando os seus servizos no concello de Chantada dende o ano 2017. Pouco importa editar o III PIOM se logo actuamos deste xeito e non respeitamos unha baixa por maternidade de alguén que aprobou o exame da bolsa e solicitou a licenza por lactancia á que, evidentemente, ten direito. Esta é a conciliación e a igualdade que vostedes queren promover? Pola contra, outra traballadora que se apresenta por vez primeira á bolsa e, aínda negándose 3 veces a traballar alegando motivos persoais, nen se bota fóra da bolsa e resulta que si figura na subrogación. Isto non é para nada coherente. En todo caso, recapaciten en inclúan as dúas.

Tampouco o é nomear responsábel do contrato a concelleira de Servizos Sociais e que logo sexa suplente na mesa de contratación, cando ao noso xuízo, ambas figuras (a presidencia da mesa e o responsábel deberían coincidir).

Como lle dixemos no seu día, saía máis barato privatizar o Goberno, incapaz de xerir o servizo, do que o proprio servizo… claro que este Goberno se callar xa é máis privado e privativo do que un conxunto de servidores públicos ligados polo compromiso de fideicomiso cos seus cidadáns. Ou por que non levaron isto no programa e incumpren todo o que levaron nel?

Mantemos o voto en contra xa emitido na CI.

 

Por parte do PP dise que se se vai á CI será para vir informados e non con retaílas para estar en contra do que se fai en Monforte, Saviñao, Sarria ou Ribadeo. O PSOE debería usar outro tipo de adxectivos e non insultar, Varela acúsaos de na CI afirmaren que é o que queren as traballadoras. Raquel tenta contestar. Varela dille que non o interrompa. Están aquí as traballadoras e van mellorar e é falso que non se reuniran con elas, tal e como recolleu a imprensa. Non van dar máis explicacións, traballan para os cidadáns. Manteñen o voto da CI.

Raquel intervén para acusar a Varela de terxiversar as súas palabras, na CI a pergunta era se todo ficaba como estaba como é que segue a greve das traballadoras do SAF. Varela aféalle que siga insultando, que por ese camiño o PSOE de Chantada vai moi ben.

A favor: PP (7).   En contra: Por Chantada e PSOE (6).

Neste momento sae a maior parte do público e comeza a manifestación do SAF nas rúas contiguas á sala de Plenos.

4.- Aprobación de facturas mediante recoñecemento extraxudicial de crédito (REC 01/2020) por importe de 74.378,83 69.978.63€. Expediente 42/2020.

Informe de fiscalización_OMISION DE FISCALIZACION 2020-0001 [OMISION FISCALIZACION FACTURAS REC 01-2020 OF 01-2020]

01 PROVIDENCIA APROBACION FACTURA

02 PROPUESTA RESOLUCION APROB FACT PLENO A FISCALIZAR

03 MEMORIA XUSTIFICATIVA

04 PROPUESTA APROB FACT PLENO

Raquel acusa a Varela de mentir na CI ao dicir que eran sancións da CH e resulta que son facturas. Varela deféndese dicindo que non dixo iso, entendería mal.

Prosegue o PSOE dicindo que son 70.000€ de gastos que non se planificaron. Constantemente ocorre isto e o Concello está submido nun caos absoluto. Reparos por fraccionamento de contratos supón estar no fío do arame con adxudicación continuas ás mesmas empresas.

Desde Por Chantada dise que non podía faltar á cita un REC, que totaliza desta volta 74.378,83€ (69.978,63€ en facturas mais 4.400,20€ en sancións da Confederación Hidrográfica, outro clásico). Veñen acompañadas dunha Omisión de fiscalización 1/2020, de 24 de xaneiro, da intervención municipal, para comezarmos ben o ano. Dinos ese documento que non existía crédito axeitado e suficiente para esas facturas e que se incumpriron varias disposicións da lexislación, como o RDL 2/2004, do 5 de marzo, polo que se aproba o Texto Refundido da Lei Reguladora das Facendas Locais, a Lei 19/2013, do 9 de decembro, de transparencia, acceso á información pública e bo goberno ou a LCSP. Existen mesmo 3 facturas emitidas por comunidades de bens que non poden contratar con entes públicos e outras que fan referencia a gastos recorrentes e que superaron o ano polo que se incumpre o deber de licitación con transparencia, igualdade e publicidade. Tamén nos di que existen facturas pendentes de tramitar que son anteriores ás que imos aprobar, incumpríndose a prelación de pagos.

Non sería especialmente grave se acontecese unha vez, mais esquecéronse de dicir na Memoria xustificativa REC 01/2020, de 24 de xaneiro, asinada polo alcalde, que isto non é excepción senón norma. E que o uso e abuso do contrato menor é un procedemento sui generis da súa xestión, a pesar dalgunha moción que lle temos traído, como a de febreiro de 2016, Moción para a adopción de protocolos de transparencia e eficiencia nos servizos económicos do Concello de Chantada, nomeadamente no relativo á contratación e seguimento dos contratos menores. Folga dicer que se negaron a aprobala, como desouviron a nosa proposta máis recente, en 2019, de impulsar unha Central de Contratación Local.

Deberían lembrar tamén que a axilidade e eficiencia que invocan non pode contradicir as leis, pois vostede non é Luís XIV para dicer «L’Etat ce moi». Por exemplo, teñen a empresa que xere as RRSS 6 meses sen cobrar (parte vén agora a este REC 1/2020) e resulta que xa cando se contratou lle advertimos que era necesario facer unha licitación. Se iso é “eficiencia”… máis ben son probas continuadas e palpábeis da súa deficiente xestión.

Pola súa banda, o PP recoñece na figura de Manuel Varela que a oposición ten parte de razón. Porén, xa verán que difícil é gobernar cando lles toque. A plataforma de contratación do Estado mirárona, mais saia máis caro. En todo caso, eles están alegres porque aínda facendo REC non teñen que ir a operacións de crédito como en 2011. Non hai un millón de euros de débeda, iso era en 2018, agora case non hai a imprensa non pode mentir así. Sempre miran as melloras ofertas e peden 3 prezos para poupar aí cartos. Todos os subministradores baixaron os prezos porque pagamos máis ou menos ao día. Nas facturas do REC anterior había cousas do obradoiro de emprego e van solicitar outro e se houbese orzamento non o poderían contemplar aínda e terían que ir a unha modificación de crédito.

A favor: PP (7) En contra: Por Chantada e PSOE (6).

5.- Moción do grupo municipal socialista sobre servizos no rural. Expediente G-36/2020.

MOCION DO GRUPO MUNICIPAL SOCIALISTA SOBRE SERVIZOS NO RURAL

Defende a moción do PSOE Raquel. Di que visa mellorar o rural. A primeira parte céntrase nos servizos básicos e urxentes (traídas de auga e saneamento). Case todo o rural sen elas. Problemas na época de seca.

Interrompe Varela (PP) para indicar que as traballadoras do SAF perderon a razón pola manifestación vergoñenta que están facendo. Outros sindicatos non defenden isto e dálle pena, vaia país que estamos criando. Acusa á oposición de alentar estas actitudes coas súas intervencións.

Continua Raquel. Non foron capaces de escoller unha parroquia, daí a súa proposta de comisión para facer baremos e reflectir nos orzamentos as máis urxentes. Os pontos 3º e 4º son menos urxentes. Trátase do convenio da FEGAMP e envexan a Sober polo proxecto de fibra óptica en todas as súas parroquias. Isto require anos, trataríase de sentar as bases.

Desde Por Chantada ven a moción interesante. No tema da auga existen numerosas problemáticas en diferentes lugares. Podemos cáseque dicer que non hai parroquia sen conflitos ou deficiencias na auga, porque cada vez fican menos viciños, a auga non se “busca” e o mantemento das traídas é insuficiente (ao tempo que aumentan as necesidades). Todo o noso apoio á creación desa comisión para o estudo das necesidades de cada parroquia en saneamento e auga. Cómpre lembrar que concellos con 500 ou 600 habitantes da provincia de Ourense levan 20 anos con saneamento integral e Chantada con máis de 8.000 habitantes ten o 90% do rural sen el, sen colectores do lixo para reciclar e con moitos lugares que no verao fican sen auga.

Tamén apoiamos a demanda de fibra óptica ao Goberno do Estado e á Xunta da Galiza, outro campo onde se manifesta a desigualdade e o abandono que padece o interior galego e que é fundamental para moitas empresas e explotacións, cada vez máis. O problema é que a fibra óptica para os lugares do noso Concello sería unha millonada e temémonos que o rural ficaría novamente cun servizo de terceira ou cuarta categoría. En Laponia foi a propria comunidade a que puxo a fibra óptica con fondos europeos.

O máis factíbel é estudar fórmulas para que o Concello poida ter unha conexión óptima e de balde e que a espalle ao rural, mais para iso é necesario dotármonos de nodos e infraestrutura. Este debería ser o camiño e a dirección na que traballar. Poden consultar con Xinzo de Limia, que puxo tiradas de fibra óptica municipal.

A Mancomunidade de Santa Águeda (San Amaro, Coles, Vilamarín etc.) ten pontos de graza e de balde nos concellos. No Macizo Central, dez concellos, van pór a Internet de balde por apenas 3.000€ cada un, para un proxecto semellante que financia 90% o GDR. Aquí, en Chantada, levamos anos sen ver un peso do GDR porque este rexeita proxectos deficientes e pouco interesantes.

No que discordamos, pois, desta moción é no convenio entre AMTEGA e a FEGAMP. En primeiro lugar, porque existen outras alternativas a estudar. Por exemplo, o Proxecto Guifi.net, que surxiu en Catalunya e outorga banda ancha a prezos irrisorios con nodos funcionando no Courel ou en Sarria xa (o custe por utente e ano é sobre 70-90€) e máis de 100.000 utentes no Estado. É unha rede libre e aberta toda vez nos dotemos da infraestrutura. En Euskadi, concellos de Bildu, contan con rede de balde para todos os empadronados e un informático que xestiona a rede e nas horas que lle sobran traballa para o Concello. O prezo son 10€ por utente. Aquí, neste Concello, temos un informático e facemos contratacións externas para calquera reparación e mantemento de computadores. Algo falla… mais para chegar a iso primeiro traballaron, insisto, en dotarse da infraestrutura certa para a súa orografía e necesidades reais.

O convenio da FEGAMP é unha chapuza porque non ten en conta a cobertura, por non falar que o prazo remata esta semana e se atenderán as demandas por orde de chegada (coma sempre imos tarde). Exixiríannos dúas cousas para que sexa a rede de balde para o Concello: informar dalgunha aldea sen cobertura de nengún tipo na actualidade e ceder 10 m2 de finca para a torre de celosía, que instala RTGAL, empresa pública. Onde temos esa finca en tan pouco tempo e ben ubicada? A Xunta dá, como máximo, 30.000€ para a acometida eléctrica, xa que os emprazamentos ideais distan normalmente do subministro.

Tampouco indican que compañía vai dar o servizo, xa que sae a concurso a posteriori. Pode resultar enton que a empresa X teña pouca rede de cobertura no noso ámbito e non solvente para nada as nosas necesidades.

É máis, vendo o convenio temos claro que isto non vai solucionar nada e temos que buscarnos a vida con iniciativas e medidas máis audaces. Claro que nengunha delas está na axenda deste goberno… De todas formas a torre de celosía si sería una boa adquisición que permitiría, ao ser do Concello, impulsar unha radio local e outros usos, aínda que non nos solventase a problemática da Internet.

O PP di que lle parece ben a moción e que na CI de urbanismo poden estudar isto conxuntamente cos orzamentos. O 50% do canon enerxético estaba previsto para saneamento e o resto para outras cousas necesarias no Concello, mais non se fixo así. O GDR investiu no centro de día máis de 200.000€ e este ano 180.000€ en Palas, non todos os anos vai levar Chantada partidas, sobretudo lévaas para servizos sociais. Insta a reunirse antes dos orzamentos e estudar as cantidades a destinar. Tamén fala de traer a auga desde o Faro, que sería un investimento importante e necesario, ora é inviábel atender 300 núcleos sen saneamento habitados. Rexeitan a moción, mais estudarán as necesidades.

A favor: Por Chantada e PSOE (6). En contra: PP (7).

6.- Moción de Por Chantada-CUP por uns servizos sanitarios dignos para o interior galego. Expediente G-36/2020.

Moción do grupo municipal Por Chantada-CUP por uns servizos sanitarios dignos para o interior galego.

Defende a moción de Por Chantada Antom Fente que le os acordos e fai unha síntese da exposición de motivos e as iniciativas que leva desenvolvendo Por Chantada neste eido.

Raquel (PSOE) di que nos últimos anos o PP leva atacando moito a sanidade pública, que se está desmantelando e o tema da pediatría tócalle a Chantada en primeira liña. A política debe buscar solucións: ambulancias, listaxes de agarda etc. Monforte pode ser o seguinte, como xa se indicou na defensa da moción. En Verín rectificouse pola presión popular, mais lamentábel ouvir que <<un parto non é un infarto>>. Apoian a moción na defensa da sanidade pública e as manifestacións.

O PP, por medio de Varela, di que receben mocións do PP e que non as traen ao Pleno. A moción anterior atinxe a Chantada, esta non. Sobre as transferencias de capital aos concellos a infección vén de atrás, xa que o Goberno central non financia ben as CCAA e a Deputación de Lugo está discriminada pola extensión, 92.000 millóns fronte os 160 millóns da Cruña. Lévano defendendo na FEGAMP, mais non os atenden. A ver se o defende tamén no Senado. O tema de Verín correxirase e espera que non volva ocorrer. Non hai cartos. Que loite o PSOE agora que está en Madrid. O tema da dependencia non se dotou de forma suficiente. A CCAA paga 9’70€, o utente 2€ e até os 17-18 hora ten que pagalo o Concello sen receber máis do 13% dos fondos do Estado. Que suban até o 25%. Lamenta moito e na situación que está agora terá que berrar con estas cuestións, mais vir ao Concello dicir que hai que facer cousas cando pagamos impostos coma todos e logo pagamos máis pola porta de atrás, pagamos duplamente. Sobre Portugal e o hospital privado de Chaves tiñan que ir a Porto ou a Verín por cobertura europea. En Portugal fano ben actualmente, mais o norte está abandonado.

A favor: Por Chantada e PSOE (6). En contra: PP (7).

7.- Moción de Por Chantada-CUP para declarar a emerxencia climática no Concello de Chantada e sobre adopción de medidas no eido local para un horizonte sen carbono. Expediente G-36/2020.

Moción de Por Chantada-CUP para declarar a emerxencia climática no Concello de Chantada e sobre adopción de medidas no eido local para un horizonte sen carbono

Por parte de Por Chantada defende a moción Antom Fente expondo os acordos e sintetizando a exposición de motivos. Acéitase a emenda do PSOE.

Desde o PSOE intervén Daniel. En primeiro lugar para indicar que as traballadoras do SAF están defendendo os seus direitos. Vostedes que son tan constitucionalistas respeiten ese direito, espétalle ao PP.

Varela (PP) indica que teñen direito da subdelegación do goberno, mais xa pasan da hora e non lle vai dar leicións de ética e respeito o PSOE. Pédelle a Daniel que se limite ao ponto a tratar.

Volve intervir o PSOE. A moción parécelles oportuna polo momento en que vivemos. Cada día que pasa é unha batalla perdida e condenan as voces negacionistas da ultradireita e a direita dócil como Rajoy que mencionaba un curmán seu.  O novo Goberno estatal do PSOE ten como ponto nuclear a loita contra a mudanza climática na figura da vicepresidencia de transición ecolóxica e aprobouse a declaración de emerxencia climática e púxose enriba da mesa facer unha lei de mudanza climática en 100 días. Desde o PSOE están de acordo coa moción: emerxencia climática, fixación de carbono, medicións e debe ser tamén autonómico ao ter a Xunta as competencias exclusivas en ordenación do territorio, mais ao PP dálle igual isto, polo que agarda que se produza o cambio na Xunta. As ECV provocan sombras e mais humidade e deterioros, xiadas, caída da folla, raíces… problemas que cumpre ter en conta na elaboración do protocolo. Ofrece colaboración para facelo. O PSOE apresenta unha emenda de engádega que pasaría ao ponto 4º sobre eficiencia enerxética nos edificios públicos e para novos edificios. A construción ten unha grande pegada de carbono e espallalo a outras administracións veno ben.

O PP di que rexeita a moción. Participou como alcalde das xornadas sobre mudanza climática na Consellaría de Medio Ambiente até 2030. Desde Chantada non lle imos dirixirnos a todas as administracións. Teñen axudas de 200.000€ do Ministerio para substitución de luminarias na Avenida de Monforte con 55% de poupanza; en Uxío Novoneyra tamén novo alumeado con 75% de poupanza… Traballar todo o que pede a moción requeriría destinar todo o persoal do Concello a isto e teñen outras prioridades. Ir facendo na medida do posíbel.

A pesar do anterior, na votación – imaxinamos que por erro- a moción apróbase:

Votación moción con emenda: unanimidade.

Votación moción sen emenda: a favor Por Chantada e PSOE (6) e en contra PP (7).

8.- Mocións e asuntos de urxencia.

8.1.- Modificación orzamentar 03/2020 mediante crédito extraordinario 01/2020 de 550.000€.

Intervén Fente (Por Chantada) para pedir a explicación da urxencia, xa que é algo que <<non decidirían hoxe pola mañá ao levantarse estupendos>>.

O PP explica que a urxencia é porque aínda hoxe receberan unha das dúas ofertas dos dous edificios que se queren mercar. Defende Varela que é un tema sinxelo e tiñan intención de mercar estas casas na zona antiga desde hai tempo. A antiga Academia queren comunicala co actual Concello cun corredor e a outra para albergar biblioteca e arquivo como é debido, que o actual está nunha situación perigosísima cada vez que hai que ir buscar algo. Facer un estudo para albergar todos os servizos do Concello. Amais, hai departamentos da Xunta esperanto por estudos detallados para investir, xa que en Chantada hai moito que non se investe en edificios desta índole e están na mellor disposición de acceder a isto.

Fente pregunta que edificios son e Manuel Diéguez di que son a antiga Academia e o inmóbel onde estaba o antigo Pub Boys, o nº6 da Rúa Formoso Lamas.

Votación da urxencia: a favor: Por Chantada e PP (9). Abstención: 4 PSOE.

Varela (PP) indica que este diñeiro que se pede se o RTGX axuda xa se solventaría en 2020 e se non en 5 anos, a razón de 50.000 anos cada 6 meses e cun ano de carencia.

O PSOE critica novamente que a documentación sexa insuficiente e se remitira o mesmo día do Pleno. Xa na CI meteron ponto por urxencia e non mandaron a documentación. Tampouco receberan as XGL.

A secretaria di que pensa que se mandaron. Fente di que de novembro non teñen e Daniel di que están na sede electrónica. A secretaria di que pediu expresamente que se eneviaran, que a ela é imposíbel.

Varela (PP) di que eles non se meten niso, que é cousa de Secretaría, que chamen desde o PSOE por telefone ao Concello e se informen. Que se alguén lles nega información que llo digan.

Raquel (PSOE) defende que para operacións desta índole o orzamento debería estar aprobado e sería bon telo para isto.

Varela explica que é compromiso, polo que 2020 sería o ano de carencia e, ao mellor, ao rematar o ano de carencia xa se amortiza; non afecta ao orzamento, nen este é a panacea. O orzamento de 2019 que teñen prorrogado non é tan desastroso e Pedro Sánchez aínda traballa con orzamento de Mariano Rajoy e o deste ano a ver se ben para xuño, que é difícil, canto mellor o fagan mellor para todos.

Raquel di que compadece a Sánchez por seguir cun orzamento do PP, mais el non ten maioría absoluta como o PP en Chantada. O PSOE di que é boa idea a compra, mais non viron a documentación en tempo ao remitírselle na mesma mañá do Pleno en horario laboral.

Varela di que houbo reunión no Concello e que a da Academia chegou antonte e a outra xa a tiñan e prepararon expediente Secretaría e Intervención, que el até non estaba. Gostaríalle facere isto por unanimidade, xa que é algo para todos os cidadáns e para as sucesivas corporacións que veñan. Poden dar ideas desde a oposición. O Concello está nunha situación que podería pedir 2-3 millóns de euros de crédito, xa que a capacidade do Concello é absoluta.

Raquel insiste en que lles parece ben a compra, como sempre dixeron, mais precísase ver a documentación e non tiveron tempo material. Abstención, aínda que segura de que a compra sexa boa deben ler os informes.

Varela di que leu a documentación hoxe pola tarde, que é un expediente fácil de ler.

Fente (Por Chantada) parécenlle ben os edificos. Certa incidencia non ter o orzamento. Contraditorio dicir que non hai débeda e remanente e logo ir a crédito. A urxencia polas eleicións autonómicas para receber axudas.

Varela di que hai boa predisposición da Xunta, por aí vai ben non é por votos. Diéguez que había predentes.

Fente indica que van dar un voto de confianza polo tema da biblioteca e da accesibilidade. Non gostaron das formas, que leva a receos e a desconfianzas.

Hai que pensar en ubicar aí os sindicatos e tirar o edificio da Praza da Galiza. Vaian pensando niso, gostaríalles ver tirada aquela casa.

Fente recalca que un dos edificios en todo caso vai ser para biblioteca e arquivos.

Varela di que si, que son sobre 680 m2 en total. O do Boys 280.000€ o resto para a Academia.

A favor: Por Chantada e PP (9). Abstención: 4 PSOE.

Sobre este ponto queremos lembrar o ponto 15.7 do noso programa, do seguinte teor: <<Adquisición de edificios contiguos á Casa Consistorial para mellorar a accesibilidade e construír unha nova biblioteca>>.

PARTE DE CONTROLO DA XESTIÓN.

9.- Dación de conta de resolucións da alcaldía (Decretos 544/2019 a 47/2020).

10.- Rogos e pergunta.

10.1.- Rogos e perguntas PSOE.

(vid. audio)

10.2.- Rogos e perguntas Por Chantada.

I.- Indicacións a cuestións formuladas con anterioridade.

1.1.- Axudas ao transporte. Rogo para incrementar contías caso haxa poucas solicitudes e evitar os excesivos remanentes que están ficando nesta partida. A concelleira Concepción indica que así farán na seguinte anualidade, mais que non lle deu tempo aínda ao acabara de incorporarse en maio.

1.2.- Lama das Quendas. Pontoalízase que, tendo falado coa asociación, o que pede esta é insonorizar os locais. Contesta Manuel Varela que se vai adquirir un aparato para realizar as medicións de ruídos.

II.- Subvencións.

2.1- Resolución do 19 de novembro de 2019 pola que se estabelecen as bases reguladoras para a concesión, en réxime de concorrencia competitiva, de subvencións a entidades locais para actuacións de mellora das infraestruturas turísticas no medio rural e se anuncia a súa convocatoria para o ano 2020 (código de procedemento TU501B).

Acolleuse o goberno a esta resolución? Con que proxecto? Pamela contesta que si, que van facer máis un mirador, neste caso en Tarrio. Fente retruca que máis un mirador… que logo hai que mantelos.

2.2.- Para actuacións de mellora paisaxística e de mellora de bens e recursos que se encontren no Camiño de Santiago (DOG, nº 229, terza feira 2 de decembro do 2019). Acolleuse o Concello a esta liña de axudas (remataba o prazo o 2/01/2020) de até 15.000€ para Concellos e 10.000€ pra persoas físicas ou xurídicas privadas (75%)? Diego Otero indica que se gastará no Casco antigo para substituír placas co nome das rúas que aínda non están en galego e unhas letras de “Chantada” para que os visitantes podan fotografarse diante da Casa da cultura. Están estudando a peonalización.

2.3.- Para rehabilitar e reformar mercados municipais e prazas de abastos (DOG, 21/01/2020, 45 días para facer a solicitude e fondos FEADER, PDR). Acolleuse o goberno a esta resolución? Con que proxecto? A concelleira Pamela non ve a idoneidade de acollerse a esta resolución. Queren reorganizar a praza e apagar barreiras arquitectónicas. Pór queixos, viños e produtos locais para dinamizala. Porén, este ano correspondería facer a ordenación e logo pedir subvencións.

III.- Medio rural.

3.1- Rexistros e canalización de auga no lugar de Uriz.

Xa trouxemos hai medio ano aquí a cuestión da canalización de Uriz, producíndose inundacións pola falta de limpeza dos rexistros dadas as abundantes choivas. Rogámoslle novamente que o goberno teña en conta a situación e proceda a súa limpeza, que debería incluír a limpeza desde o manancial para asegurar tamén a existencia de auga no verao.

3.2.- Sinalización estrada San Lucas-Limiñón.

Colocáronse algúns indicadores recentemente, foi o Concello ou son privados? Manuel Varela indica que son de natureza privada.

IV.- Seguranza vial e infraestruturas.

4.1.- Fochancas na Cruz en Barrio.

Rogamos o arranxo de fochancas de dimensións considerábeis na cruz , no acceso a Barrio (parroquia de Muradelle).

4.2.- Pista de Pesqueiras-Airoá-Soilán.

Rogamos o arranxo da mesma dado o seu estado.

4.3.- Camporramiro-Polígono (a que pasa por Señorín).

Rogamos o arranxo da mesma dado o seu estado.

4.4.- Pista Río Pedroso até O Romeo.

Arranxada hai pouco xa volve ter fochancas, polo que rogamos se tomen medidas. Manuel Varela di que no cruce, polo peso do tránsito é incorrexíbel.

4.5.- Pistas da Deputación LU-P-1807 na parroquia de Brigos (Congostra Fonda e entrada a Eiriz) e LU-P-1805 (entre o Solar e Vilar de Eiriz).

Rogamos se demande á Deputación o seu arranxo, xa que hai fochancas considerábeis neses trechos da estrada e mesmo se produciron pinchazos en rodas. O PP non contesta. Os concelleiros do PSOE toman nota.

4.6.- N-540.

Apresenta importantes fochancas xa, precisamente na zona do Polígono. Rogamos que se actúe e non se volva a agardar a que estexa intransitábel para reaxir.

4.7.- Talude en Doutor Fleming.

Rogamos a rehabilitación do mesmo.

4.8.- Canto da rúa dos Pilos coa Alameda.

Non hai paseo (beirarrúa) e a vexetación da sebe entra na rúa. Rogamos que se actúe. O proprietario ten algún ao cargo do mantemento, mais deixou a poda ciscada.

4.9.- Pista de Fornas.

Comezaron os arranxos da pista de Fornas para a que se recebeu unha subvención da Xunta da Galiza segundo informou o alcalde nunha CI? Varela contesta que falou con Infraestruturas nesta semana e que, cando o tempo o permita, comezarán as obras con aglomerado en quente.

4.10.- Pista Surribas- Quinzán da Vila até o rego do Caño do muíño.

Solicítase o seu arranxo encontrándose nun estado de deterioro total.

V.- Educación.

5.1- Prescolar na casa.

Durante a pasada lexislatura, tanto sendo concelleiro educación Castor Novoa canto sendo Diego Otero, desenvolveuse o programa de Prescolar na casa. Para o mesmo o Concello outorgaba apenas unha achega de 1.300€ e a cesión dun local. No entanto, este curso aínda non se encontra operativo e, desde a asociación Antonio Gandoy, confirmáronnos que a nova concelleira non está polo labor de facer unha achega económica, aínda cando existen numerosas familias interesadas na súa existencia. Contestouse á solicitude de local formulada en 27/12/2020 en sentido negativo e sen dar alternativas e aínda o día 21/01/2020 receberan a notificación de cesión de local para xuntanza… celebrada en decembro!

  • Por que, de repente, se segue o mesmo goberno se están pondo tantos problemas con este servizo que contribúe á crianza e á conciliación e ten demanda por parte das familias?

  • Van ceder o local para que podamos ter no Concello de Chantada este servizo que contribúe para a crianza activa e a conciliación?

  • Que día e en que horario?

A concelleira Concepción di que a estas perguntas contestará noutro momento, que apostan polo público. Fente lémbralle a moción do pasado Pleno sobre a escola infantil que rexeitaron. Ao rematar o Pleno explícasenos que se quere implementar o Plano madruga e que, portanto, non acreditan que o axeitado sexa prescolar na casa e que o Telecentro tampouco é axeitado.

VI.- Patrimonio e cultura.

6.1.- Entroido ribeirao.

Declarado o Entroido Ribeirao BIC, resiste no Moredo e en Santiago de Riba, cando non fai tanto que se espallaba por Líncora, Vilauxe, A Sariña ou Nogueira. A asociación está facendo un traballo inxente e o día 9 de febreiro numerosos entroidos da Galiza visitarán a vila de Chantada. Coidamos desde o noso grupo que xa non sabemos como rogarlles que arranxen a casa escola do Moredo e o campo, así como incremente a subvención nominativa ao noso maior elemento elemento do patrimonio inmaterial xunto coa lingua e o Folión de carros.

Indícase que neste ano se vai substituír a varanda e Manuel Diéguez di que teñen compromiso de corrixir a situación e incrementar o apoio á Asociación do Entroido Ribeirao.

VII.- Medio ambiente.

7.1.- Colectores soterrados da rúa Nova.

O seu estado é deplorábel e dá má sensación nunha das entradas ao casco antigo e nunha das principais rúas da vila. Cando menos, rogamos que se baleiren.

7.2.- Decreto 615/2019 de 31 de decembro, devolución 9.971.72€ da anualidade 2018 por importe non xustificado da Rede Natura.

Os fondos da Rede Natura, outorgados pola Consellaría de Medio Ambiente, territorio e vivenda, non son suficientes para a xerir correctamente estes espazos e involucrar as poboacións locais. No entanto, sorprende que o Concello de Chantada perdese case 10.000€ por non xustificar o importe. Poden explicar isto? Varela indica que a tardanza dalgúns informes necesarios dalgúns departamentos atrasa todo e xa se queixaron na Xunta de Cultura, Patrimonio e da Confederación Hidrográfica. É imposíbel cumprir así os prazos e, para o rexedor, eran mellor transferencias directas aos concellos. Varela contesta que tiveron que readaptar cartos do Plano Único de Mondín porque a Confederación Hidrográfica exixe abastecemento de auga e complica todo para o arranxo da casa da escola. Acreditan pozo de 50 anos, mais non lles vale, e a concesión tarda un ano.

VIII.- Urbanismo.

8.1.- Decreto 578/2019, do 4 de decembro.

Polo mesmo, déixase sen efeito a encomenda fixada na resolución da alcaldía 509/2019, de 7 de novembro, e efectuase unha nova encomenda da defensa e representación do Concello de Chantada no Procedemento abreviado 331/2019 do Contencioso-administrativo, nº2 de Lugo a instancias de PRONOR Chantada S.L., a favor dos letrados da Asesoría Xurídica da Deputación Provincial. Non pasaba nada por darnos a razón no pasado Pleno de novembro cando lle advertimos que estaban cometendo unha ilegalidade e lembrámoslle que a lexislación non permite que cargos eleitos contraten a familiares directos en nengunha modalidadeNon se contesta.

8.2.- MP con ordenación detallada do PXOU en Pousada (Convenio urbanístico de planeamento coa mercantil Mirta Properties S.L.U.).

Mediante Decreto 639/2019 de 20 de decembro dáse trámite de audiencia aos titulares cadastrais afectados, total ou parcialmente, pola área de afección da MP en cumprimento do artigo 401 do Regulamento da Lei do Solo da Galiza (Decreto 143/206, de 22 de setembro, polo que se aproba o Regulamento da Lei 2/2016, do 10 de febreiro, do solo da Galiza). No entanto o prazo fixado para alegacións ou adhesións ao convenio, 15 días, e a circunstancia de que rematase o mesmo día da reunión informativa (10 de xaneiro) invalidan o procedemento, xa que primeiro debe informarse axeitadamente e logo dar o prazo para formular alegación, se for o caso.

  • Vai o Goberno municipal convocar un novo prazo de alegacións, xa que mesmo a empresa redactora da MP recoñeceu que este procedemento era irregular? Varela di que as alegacións son despois e que só son 3 os afectados. Pode alegar calquera cidadán de Chantada.

  • Non debería na reunión informativa informar sobre Plano de como fica cada parcela e se hai mudanza do solo, posibilidade de expropriación etc.?

  • Rogamos que se poña solución a estas deficiencias e se abra un novo período de alegacións e información que siga os procedementos legais estabelecidos.

Varela di que só houbo perguntas dos concelleiros do PSOE e que noutros sitios non se informa os viciños. Neste momento sen coñecemento que se vai alegar?