Apresentación do manifesto POR UN INTERIOR GALEGO VIVO

 

Desde Por Chantada temos o pracer de convidarvos a este acto que celebramos mañá sábado en Belesar, ás 17 horas. Dez candidaturas que imos xuntar forzas para loitar por servizos e oportunidades dignas para o interior galego.

 

Por Chantada informa: axuda económica para o pago da factura eléctrica e solicitudes de exención no canon da auga

 

Por Chantada - Participación Democrática Directa

Desde Por Chantada CUP informamos que a Xunta de Galiza ten aberto o prazo para solicitar unha nova axuda económica para o pago da factura eléctrica a través do tícket eléctrico social de Galiza. Este consiste nunha candidade fixa semestral de 90€ para unidades de convivencia que se axusten aos requisitos e de 150€ no caso das familias numerosas.

O prazo de presentación das solicitudes conclúe o 15 de setembro de 2015 e débense cumprir, entre outros, os seguintes requerimentos:

  • Ter fillos menores de 18 anos a cargo.
  • Estar aboando a factura eléctrica.
  • Que os ingresos totais da unidade familiar non superen a cifra de 9.585,19€ no ano 2013, ou sexa, 798,76€ ao mes.

A maiores, informamos tamén da existencia da exención no canon da auga e no coeficiente de vertedura por estar en situación de exclusión social, para o que se deben cumprir os seguintes requisitos:

  • Os ingresos totais da unidade de convivencia non superarán a cantidade de 6.390,13€, quere dicir 532,51€ ao mes.
  • O titular do contrato debe estar empadroado no enderezo para o que solicita a bonificación (o certificado de empadroamento solítase no concello e é de balde).

Por Chantada – CUP lamenta que o goberno de INTA non empregue a páxina do concello para informar puntualmente destas liñas de axuda e espera que poña a disposición dos veciños mecanismos para axudarlles a tramitar estas axudas.

 

Por Chantada CUP. Grupo de traballo de acción social