Resumo pleno ordinario 1 de decembro de 2023 [audio e vídeo]

Asistiron os 13 concelleiros, a interventora e o secretario accidentais e o conserxe. Só unha persoa asistiu como público comezando ás 20:05 horas.

AUDIO DO PLENO COMPLETO: https://drive.google.com/file/d/1jmiIMkAsrdeq1MLe-fbxk19cl6vUnNEr/view?usp=share_link

Acta oficial do pleno en PDF: Acta_pleno_011222

DOCUMENTACIÓN E POSICIÓNS DE POR CHANTADA – INTERIOR GALEGO VIVO NO PLENO

1.- Aprobación da acta da sesión anterior

Acta pleno_061022

Cuestión de orde: se unha moción é ditaminada favorabelmente pola comisión ten que incluírse na orde do día. Debería ser o ponto 7º de acordo co ROF (art. 93 ROF e 97 e 126; entre outros supletorios coma o 135, 136 e 137).

Art. 93.

La consideración de cada punto incluido en el orden del día comenzará con la lectura, íntegra o en extracto, por el Secretario, del dictamen formulado por la Comisión Informativa correspondiente o, si se trata de un asunto urgente, no dictaminado por la misma, de la proposición que se somete al Pleno. A solicitud de cualquier grupo deberá darse lectura íntegra a aquellas partes del expediente o del informe o dictamen de la Comisión que se considere conveniente para mejor comprensión.

Si nadie solicitare la palabra tras la lectura, el asunto se someterá directamente a votación.

Artigo 97

1. Dictamen, es la propuesta sometida al Pleno tras el estudio del expediente por la Comisión Informativa. Contiene una parte expositiva y un acuerdo a adoptar.

Art. 126.

1. Los dictámenes de las Comisiones informativas tienen carácter preceptivo y no vinculante.

2. En supuestos de urgencia, el Pleno o la Comisión de Gobierno, podrá adoptar acuerdos sobre asuntos no dictaminados por la correspondiente Comisión informativa, pero, en estos casos, del acuerdo adoptado deberá darse cuenta a la Comisión informativa en la primera sesión que se celebre. A propuesta de cualquiera de los miembros de la Comisión informativa, el asunto deberá ser incluido en el orden del día del siguiente Pleno con objeto de que éste delibere sobre la urgencia acordada, en ejercicio de sus atribuciones de control y fiscalización.

APROBADA POR UNANIMIDADE.

2. Modificación Ordenanza Fiscal da Taxa pola Rede de Sumidoiros e a Taxa pola Subministración de auga. Actualización de tarifas. Exte.: G1206/2022

21.- PROPOSTA IPC REDE SUMIDOIROS-SUBMINISTRACION AUGA 2023

22.- Informe_ INTERVENCION 2022-0024

23.- Comunicación_2022-S-866

No 2022 Viaqua vai recadar en Chantada, segundo os padróns bimestrais publicados polo Concello, 785.000 euros. Coa suba do 8,9% do IPC do desastroso contrato, que vostede (lembremos) ampliou ao máximo legal permitido, Viaqua vai embolsar 70.000 euros máis en 2023, é dicir, para o ano esta empresa extraerá de Chantada 853.910 euros.

No entanto, temos os sumidoiros atascados, rede aínda de fibrocemento, falta de separación de pluviais e fecais e unha depuradora insuficiente. Negocio redondo a privatización da auga: socialización dos problemas, ausencia de investimentos e privatización dos gaños.

Non mencionemos as parroquias sen abastecemento nen saneamento, a ausencia dun plan de seca… Non esquecemos tampouco a venda de auga ilegal e de custas ao Concello. Tivo consecuencias? Nen un expediente se abriu. Igualmente, non hai cláusulas sociais para aplicar a quen máis sofre con esta crise e a crecente desigualdade que vostedes tamén levaron ás ordenanzas da auga: rebaixa para grandes consumidores, suba do 8.9% para todos os demais e 853.910 euros en 2023 para unha empresa que non deixa nada en Chantada e que se demostrou que fomentou, cando se chamaba Aquagest, a corrupción.

Coas privatizacións fixo vostede un pan coma unha bica.

APROBADO cos votos a favor do PP (7), os votos en contra de Por Chantada (2) e a abstención do PSOE (4).

3. Acordo Regulador do Prezo Público pola prestación do servizo: Madrugadores.-Exte: G1171/2022.

1.- Resolución_ACORDO REGULADOR_PREZO PUBLICO Madrugadores

2.- Informe_INTERVENCION 2022-0025

3.- Informe_ECONOMICO-FINANCEIRO SERVIZO MAGRUGADOES

Vaia por diante que esta medida é unha medida incluída no noso programa e que, portanto, apoiamos en canto servizo e mesmo celebramos que, finalmente, se faga nos dous colexios e non só nun. No entanto, hai que sinalar que a competencia é da Xunta da Galiza. A mostra é que tiveron que pedir autorización para poder exercer unha competencia impropria. Aquí a Xunta fala de conciliar da boca para fóra, poden consultar en Castela e León, onde goberna o mesmo partido, e si que oferta a CA o servizo por 16 euros ao mes e 3 euros ao día os esporádicos. Na Galiza, outros concellos coma Cambados teñen un prezo, para o servizo mensual (sen almorzo), de 4 euros ao mes desde 2015.

Neste sentido, achamos que podería reducirse a contía do servizo asumindo maior carga o Concello, xa que, segundo o informe de intervención, coas cotas actuais o Concello só asumiría 9.000 euros como custe do servizo (diferenza ingresos – gasto). Aínda que neses cálculos para bonificacións por exclusión social e familias numerosas aínda non se descontan 1000 euros e os dados de partido tiveron pouca participación e non son reais (pouca participación nos Inquéritos feitos nos CEIP)…

Sexa como for, tamén é máis xusto demandar a declaración da renda a ter que pedir informes nos servizos sociais e recoller dalgún xeito os criterios de renda e que só atende a situacións de exclusión social sen progresividade e alimentando unha visión de inxustiza nas políticas sociais en determinadas faixas da poboación, que, con recursos xustos aínda que traballan duro, vense excluídas sempre das bonificacións porque estas só atenden a casos extremos.

Como remarcamos na comisión informativa, desexamos tamén que o servizo sexa de xestión directa e non privatizado.

Entrando xa prorpiamente no texto da ordenanza, cómpre comezar unha reflexión, xa que a calidade das leis, dos decretos e das normativas configura un chanzo fundamental da seguranza xurídica e da calidade democrática dun estado de direito. No entanto, semella que este criterio non é todo o observado que se debera no marco das institucións do Reino de España. En particular, as ordenanzas do Concello de Chantada, ora por antigüidade, ora por redaccións feitas ás présas ou copiando por outras, merecerían unha revisión en conxunto para a súa mellora co que gañariamos todos. Non é unha cuestión esta necesariamente de cores políticas, aínda que si recollen decisións políticas, senón que refiro fundamentalmente a que sexan precisas, claras e sobretudo coherentes.

Para comezar, unha ordenanza que se fundamenta na corresponsabilidade e no III Plano de igualdade do Concello de Chaantada (PIOM) debería empregar a linguaxe inclusiva. Porén, o artigo 3º fala de pais e de titores, mais non de mais e tiroras, e fala de nenos, mais non de nenas. Son cousiñas, mais están aí e aínda no anterior pleno se lles advertiu que hai que mellorar no uso da linguaxe.

Como defendemos nas comisións informativas debería haber unha única ordenanza para o servizo, que se expuxese ao público como determina a lei, e non un regulamento que, amais, colide con aspectos da ordenanza. Por exemplo, a ordenanza regula as baixas, mais non as altas no servizo. O regulamento recolle as altas mais non o anexo co documento normalizado que cita. Fálase de expulsar a quen non pague dous meses do servizo, mais os recibos serán na modalidade permanente trimestrais o que é totalmente incongruente. Amais, recibos trimestrais supoñen unha contía importante para moitas familias, pois semella que sempre lexislamos desde unha posición pouco consciente da situación económica de moitas familias.

De por parte, se hai almorzo hai que regular a dieta. Debemos pór por escrito a aposta por produtos de proximidade e de temporada sempre que for posíbel mais por unha dieta elaborada por unha especialista en nutrición infantil que haberá que programar cunha temporalidade transparente.

En definitiva, un servizo necesario, mais ímonos ver na obriga de apresentar alegacións para mellorar a ordenanza, tanto na súa congruencia interna, canto na mellora do servizo que regula.

APROBADO cos votos a favor do PP (7) e a abstención do PSOE (4) e Por Chantada (2).

4. Regulamento Organizativo do Servizo de Madrugadores do Concello de Chantada.- Aprobación Inicial.-G1171/2022

1.- Resolución_REGULAMENTO DO SERVIZO DE MADRUGADORES

2.- Informe_SECRETARIA 2022-0032 [REGULAMENTO SERVIZO MADRUGADORES]

3.- REGULAMENTO SERVIZO MADRUGADORES

En primeiro lugar, atendendo aos dramáticos dados de emprego da lingua galega entre a mocidade, deberíase estabelecer como lingua vehicular do servizo a lingua galega. Tampouco hai referencia á formación ou perfil que terán os adultos do servizo, así como ás súas funcións.

Do mesmo xeito, non vimos por nengunha parte mención aos cocientes do servizo, esta cuestión importante deberíase regular. Hoxe os textos legais que regulan os servizos sociais tenden a incluír esta cuestión. Segundo o Decreto 329/2005, de 28 de xullo, polo que se regulan os centros de menores e os centros de atención á infancia recóllese entendemos que procedería aplicar un cociente 1/20.

Mención á parte merecen os criterios de admisión que deben asociarse a puntuacións para seren obxectivos podendo reunir varios algunhas familias demandantes. Propomos asociar unha pontuación a cada criterio:

CRITERIO DE ADMISIÓN

VALORES

Familias en situación de exclusión social

40

Familias monomarentais e monoparentais cando aquela que ostente a garda e custodia e acredita estar traballando / estudando

35

Familias en que traballan / estudan os dous proxenitores ou persoas tiroras

30

Familias con crianzas que teñan recoñecido grao de discapacidade igual ou superior ao 33%

25

Familias numerosas

20

Familias onde cada proxenitor percibe 110% ou menos do SMI e acrediten traballar / estudar

15

Todas estas achegas que facemos agora na comisión e no pleno poderíanse en parte corrixir habendo vontade de diálogo previo, mais non se fixo ben coas AMPAS, que nalgúns concellos xestionan o servizo (Coles) como para facelo coa oposición…

Como xa dixemos débese refundir ordenanza e regulamento expóndose ao público durante 30 días un único documento.

APROBADO cos votos a favor do PP (7) e do PSOE (4) e a abstención de Por Chantada (2).

5. Moción do Grupo Municipal Por Chantada-CUP para inclusión prioritaria no mapa de axudas rexionais da UE das provincias de Lugo, Ourense e Zamora, atendendo ao elevado índice de avellentamento, a dispersión poboacional e á demotanasia.

MociónPCh_TFUE_demotanasia

Esta semana o Ministerio aceitou compensar a Aragón pola súa elevada produción de enerxía renovábel. Chantada e o interior galego seguen sen seren compensadas, talvez porque non temos peso político e forza para impor o que é xusto.

Non pode ser que Madrid sen nengún parque eólico e sendo o principal consumidor reciba de premio a sede fiscal das grandes corporacións. Non só iso, o modelo de Ayuso e Esperanza Aguirre foi o do dumping fiscal cunha deslealdade absoluta que lembra aquel Castelao que lle indicaba aos españolistas que «os verdadeiros separatistas sodes vós». Abofé que si, hai poucas capitais, por non dicir nengunha, que sexa tan insolidarias e nocivas para o resto do territorio. Hai que desmadrilizar a política para darlle futuro á Iberia baleirada, que non baleira, polas políticas que por acción e omisión alimentan a demotanasia.

APROBADA POR UNANIMIDADE.

6.- Moción do Grupo Municipal Socialista do Concello de Chantada para a ampliación do Polígono Industrial de “Os Acivros”.

Moción PSOE polígono

Como xa indicamos na comisión informativa parécenos unha moción ben elaborada e cuxos acordos nos semellan moi necesarios, de feito, agardamos que o ponto primeiro xa se estea dalgunha forma cumprindo. Amais, o terceiro acordo incide na necesidade de que a Xunta aposte en serio por Chantada, xa que non ten feito investimentos coa mesma intensidade ca noutras comarcas desde unha perspectiva diacrónica e sincrónica.

De feito, a Lei 3/2022, de 18 de outubro, de áreas empresariais da Galiza dispón o procedemento e a normativa para o desenvolvemento de equipamentos, aínda que o PP fíxoa non pensando en Chantada mais en como furtar a participación cidadá e tentar acurtar prazos de exposición das DIA dos macroparques eólicos, para favorecer a grandes corporacións que levan o beneficio dos nosos recursos en troca de nada.

A moción é oportuna, que non oportunista como dixo o alcalde na comisión, e agardamos que saia de aquí un acordo dos tres grupos a prol da ampliación dos Acivros.

APROBADA POR UNANIMIDADE.

7.- Moción do Grupo Municipal Por Chantada-CUP con motivo do 25N, Día Internacional pola eliminación das violencias contra as mulleres.

Moción_PCh_25N_signed

APROBADA POR UNANIMIDADE.

8.- Mocións e asuntos de Urxencia

B) Actividade de control

9.- Dación en conta de decretos da Alcaldía. Números 788 a 988

10.- Dación en conta en materia económica.

C) Rogos e preguntas de POR CHANTADA

I.- Axudas e subvencións.

1.1.- Renuncia subvención e obra de rehabilitación do edificio nº 8 da rúa Manuel Formoso Lamas para uso sociocultural (exp. 1095/2022).

Poden explicar por que deixaron perder máis de 66.000 euros dunha subvención (regulada por Orde do 17 de xaneiro de 2022) para facer a moi necesaria nova biblioteca que se comprometeron a ter nesta lexislatura?

Que alternativas barallan? Demandamos que se orzamente e execute con fundos proprios en 2023.

Resposta do alcalde: a subvención eran só 20.000 euros e van falar co GDR para facelo através dese organismo.

II.- Saúde pública e seguranza cidadá.

2.1.- Fontes Lama das Quendas.

É necesario proceder á limpeza das dúas fontes da praza da Lama das Quendas, xa que hai presenza de lixo e cristais escachados. Rogamos que o fagan coa maior brevidade.

Resposta do alcalde: xa tiveron peticións nese sentido.

2.2.- Fonte Tarrío en San Fiz.

Un particular (Construcciones Voces) apropriouse dela e privatizouna, a pesar de que a viciñanza comunicoulle mediante burofax a súa oposición. O alcalde tamén foi informado do asunto, mais pasan os meses e non temos coñecemento de que se incoase nengún expediente ou se adoptase algunha medida.

Que pensa facer a alcaldía sobre este asunto? Resposta do alcalde: non sabe nada e fala dunha traída.

2.3.- Lavadeiro de Santo Estevo cara ás Córneas.

O lavadoiro ten auga todo o ano e estase perdendo a auga ao levar roto máis de dez anos. Rogamos que interveñan para solucionar isto. Está en Santo Estevo cara ás Córneas.

Resposta do alcalde: xa foron ver.

2.4.- Rúa Benigno Ledo.

Cando e como van solventar a chapuza de aparcadoiros en batería que fixeron e que non permiten entrar e saír das garaxes á viciñanza?

Resposta do alcalde: xa avisaron á empresa.

III.- Deportes.

IV.- SERVIZOS PÚBLICOS e INSTRUCIÓN PÚBLICA.

4.1.- Servizo de atención temperá.

No pasado pleno xa formulamos algunhas cuestións sobre este servizo, nomeadamente sobre as deficiencias que detectamos no espazo que non se axustan á orde reguladora. Agora vimos que se vai facer un salva-chanzos na rúa que limita con Avelino Gómez Ledo, mais non lle vemos a utilidade se o ascensor funciona moi mal.

Cando contemplan reparar un ascensor que se estraga día si e día tamén practicamente?

Resposta do alcalde: xa pediron todo á Xunta, que di que non se use mentres non se arranxe. Cándida Carnero di que se está usando. O alcalde di que confianza absoluta até agosto en estar alí, despois parasarían ao edificio da policía local.

V.- MEDIO RURAL E MEDIO AMBIENTE.

5.1.- Arranxo de pistas.

A viciñanza, para alén das pistas que xa lle temos indicado noutros plenos, tamén nos fixo chegar as seguintes demandas:

  • Ponte Barxela – Pedrafita. Vén desde a Santa Rosa a Mosteiro vai a Pedrafita e a ponte da Barxela e vai dar ao límite de Sobrecedo (Taboada). 

  • Ponte Barxela – San Roque. Zahorra e é do Concello.

  • Cardavós – Pesqueiras

Sen resposta do alcalde.

5.2.- Carros abandonados.

Ao longo de dúas lexislaturas trouxemos en numerosas ocasións a problemática dos carros abandonados, mais continuamos sen ver resultados.

Lembramos que abandonar un vehículo na vía pública está considerado unha falta grave que debe ser sancionada conforme o artigo 106 de la Lei de Seguridade Vial e a autoridade competente de tráfico poderá ordenar a destrución e descontaminación do vehículo, trasladándoo a un Centro Autorizado de Tratamento (CAT). Todos os vehículos que sinalamos cumpren todos os requisitos: levar abandonado máis de dous meses sen que ninguén alegue nada; ter signos claros de deterioro e abandono ou levar máis dun mes estacionado (con ou sen placa de matrícula).

A Concellaría de Medio Ambiente do Concello debe adoptar medidas ao ser un residuo nocivo para a saúde e o medio ambiente podendo ser sancionado (até 30.000 euros) e todos os gastos que orixine a retirada do vehículo erán por conta do condutor infractor, ou na súa falta, polo condutor habitual, arrendatario ou o titular, como último responsábel.

  • Na Rúa da Barxela, no “aparcadoiro municipal” hai varios vehículos abandonados que levan desde antes do verao.

  • Nas inmediacións do pavillón, na rúa Poeta Añón, hai un vehículo destrozado que leva así moitos meses.

  • Tres abandonados na rúa Taboada, fronte á Fisioterapia Queitano.

  • Na Avenida de Ourense hai outros 2 aproximadamente á altura dos Recambios.

  • Na Costaña.

Rogamos que se adopten medidas xa.

Resposta do alcalde: a policía local tomou nota.

VI.- CULTURA E PATRIMONIO.

4.1.- Auditorio.

É necesario proceder a arranxar asentos no auditorio, xa que se afunden.

Sen resposta do alcalde.

VII.- ADMINISTRACIÓN E ASUNTOS XURÍDICOS.

7.1.- Plano estratéxico de subvencións.

Lembrámoslle máis unha vez a obriga legal que ten este Concello de dotarse dun plano estratéxico de subvencións, así como da necesidade de facer unha memoria anual das concedidas desde a alcaldía con arranxo ao disposto na lei.

Queremos que conste en acta que o principio de planificación, contemplado na Lei 40/2015 do Réxime Xurídico do Sector Público, foi reforzado en sentenza do TS (Sala do Contencioso-Administrativo), ao ditar que é requisito esencial e previo á concesión de calquera subvención o comprimento do Plano estratéxico de subvencións, contemplado no artigo 8.1 da Lei Xeral de Subvencións, polo que Chantada estaría concedendo as subvencións en nulidade o que xera unha manifesta inseguranza xurídica para as asociacións e entidades benefactoras. Seguindo a doutrina da Sentenza de 26/06/2012 a concesión dunha subvención sen o devandito plano é un vicio substancial e non formal, entrando xa que logo na nulidade do artigo 47 da LPAC.

Sen resposta do alcalde.

7.2.- Contratos limpeza.

Queremos que conste en acta que nos parece unha chapuza todo o procedemento e que condenamos a falta de transparencia e información cara ás traballadoras. Tamén nos opomos a que se subroguen cando figuran na estabilización de emprego.

Sen resposta do alcalde.

7.3.- Falta de entrega de documentación.

Xa llo dixemos no anterior pleno e reiterámolo niste. Temos pendente que se nos entreguen varios expedientes, queremos que conste en acta que levamos meses agardando documentación e isto imposibilita que exerzamos o noso labor de fiscalización do Goberno local.

Sen resposta do alcalde.

_______________________________________________________

Resumo das axudas supramunicipais ás que vos podedes acolller [COVID-19]

Na nosa vontade de achegar ideas e información útil e de continuarmos o noso labor, agora toca desde a casa, deixámosvos un resumo 𝗱𝗲 𝗮𝘅𝘂𝗱𝗮𝘀 𝘀𝘂𝗽𝗿𝗮𝗺𝘂𝗻𝗶𝗰𝗶𝗽𝗮𝗶𝘀 𝗾𝘂𝗲 𝗶𝗺𝗼𝘀 𝗶𝗿 𝗮𝗰𝘁𝘂𝗮𝗹𝗶𝘇𝗮𝗻𝗱𝗼. Trátase de informar de medidas ás que vos podedes acoller. Toda a información foi sacada dos Reais Decretos, do DOG e, en definitiva, de fontes contrastadas. Xa que non podemos caer nos titulares que poñen moitos xornais e paxinas webs, que tratan de confundir e dividir ou transmiten informacións que non se corresponden co contido real dos documentos lexislativos. Nestes días tan complexos para todas e todos é tempo de arremangarse a arrimarmos o ombreiro, cadaquén co que poida. A comisión política de Por Chantada – Candidatura de Unidade Popular quere agradecer a colaboración das entidades integrantes da plataforma Por un Interior Galego Vivo (IGV) para elaborar este documento, nomeadamente aos compañeiros de Courel Vivo.

Grazas de corazón a todas e todos os que estades contribuíndo, na primeira liña ou ficando na casa, que hoxe fique un día menos ca onte!

 

Última actualización: 12/06/2020.

 

Índice de contidos:

1.- Ingreso Mínimo Vital (IMV).

2.- Apoio de suprimentos básicos e aprazamentos de luz.

3.- Moratoria de hipotecas para xente que estexa desempregada ou reducise os ingresos.

4.- Axuda  a autonomos, por cesamento de actividade por Coronavirus.

5.- Adiamento de Impostos por Coronavirus para autónomos.

6.- Moratoria da Cota de Autónomos por Coronavirus.

7.- Creditos para autónomos no sector turístico ou hosteleiro polo Coronavirus.

8.- Préstamos IGAPE E ICO con motivo da COVID 19

9.- Bono social eléctrico para autónomos pola crise da COVID-19.

10.- Reparto de mascarillas FFP2 co obxecto da súa posterior distribución no ámbito do sector do transporte (listaxe da provincia de Lugo)

11.- Listado de hoteis a disposición de sanitarios.

12.- Adiamento e axudas ao alugeiro.

13.- Emprego agrario e deducións IRPF para o sector agrario (módulos).

14.- Adinato ERTEs da Xunta da Galiza.

15.- Subsidio extraordinario para persoas empregadas no fogar polo cese ou redución de actividade.

16.- Anteparos para taxis.

17.- Axudas para proprietarias e proprietarios de abellas.

18.- Plano de dixitalización para empresas (páxinas web, posicionamento, mercadotecnia…).

19.- Conciliación da vida laboral e familiar.

20.- Antecipo PAC e axudas comisión de apertura.

 

1.- Ingreso mínimo vital (IMV).

2.- Apoio de suprimentos básicos e aprazamentos de luz.

Ninguén sen luz nen auga: un mes sen cortes de servizos de enerxía eléctrica, Internet, telefone, nen auga para as familias máis vulnerábeis. Implementaron un mes de moratoria para evitar a interrupción da subministración de servizos ás familias máis vulnerábeis. Durante ese mes os subministradores de enerxía, gas natural e auga non poderán suspender a subministración a aqueles consumidores vulnerábeis ou en risco de exclusión social. Quedarse  sen traballo ou ingresar menos pola crise, durante o estado de alarma, ningunha compañía poderá cortarche as subministracións.

Segundo o RDL 11/2020 di no Art. 44. Suspensión de facturas de electricidade, gas natural e produtos derivados do petróleo:

Excepcionalmente e mentres estea en vigor o estado de alarma, os puntos de subministración de enerxía eléctrica, gas natural, gases manufacturados, titularidade de autónomos e PEMES, poderán solicitar, por medios que non supoñan desprazamento físico, ao seu comercializador ou, no seu caso, ao seu distribuidor, a suspensión do pago das facturas que correspondan a períodos de facturación que conteñan días integrados no estado de alarma.
Unha vez finalizado devandito estado de alarma, as cantidades debidas regularizaranse a partes iguais nas facturas emitidas polas comercializadoras de electricidade e gas natural e as distribuidoras de gases manufacturados e gases licuados do petróleo por canalización, correspondentes aos períodos de facturación nos que se integren o seguintes seis meses.

O novo paquete de medidas trata de garantir as subministracións básicas a máis fogares. Así, amplíase o colectivo de potenciais perceptores do bono social eléctrico, como os autónomos que cesen a súa actividade ou vexan reducidos os seus ingresos en máis dun 75%. Ademais, nun contexto no que, por unha maior permanencia no fogar derivada das medidas de contención e polo desenvolvemento no mesmo de actividades profesionais que, normalmente, se realizan fóra da vivenda habitual, estabelécense medidas para garantir a continuidade das subministracións enerxéticas e de auga no fogar, prohibíndose a súa suspensión por motivos distintos á seguridade da subministración. Ademais, o período durante o que estexa en vigor o estado de alarma non computará a efectos dos prazos dos procedementos de suspensión da subministración iniciados con anterioridade.

3.- Moratoria de hipotecas para xente que estexa desempregada ou reducise os ingresos.

Calquera persoa que se atope nunha situación de vulnerabilidade, calquera cidadán que debido á crise do coronavirus se vexa en situación de non poder pagar a súa hipoteca, terá este direito asegurado. Así pois, ponse en marcha unha moratoria do pago durante a cal a entidade acredora non poderá esixir o pago da cota hipotecaria nin de ningún dos conceptos que a integran (amortización de capital, pago de xuros, etc.), sen incrementar a débeda con máis xuros e recargas.

Cando será posíbel solicitar a moratoria das hipotecas?
Desde o momento en que o debedor pase a atoparse nos supostos de vulnerabilidade económica até 15 días despois da vixencia do Real Decreto Lei, que é dun mes prorrogábel segundo as circunstancias. Para pór en marcha o proceso deberá presentar unha solicitude á entidade financeira que concedese o préstamo, acompañándoa cos documentos que acreditan a súa situación de vulnerabilidade.Supostos de vulnerabilidade:

  1. Que o debedor hipotecario pase a estar en situación de desemprego ou, en caso de ser empresario ou profesional, sufra unha perda substancial dos seus ingresos ou unha caída substancial das súas vendas.
  2.  Que o conxunto dos ingresos dos membros da unidade familiar non supere, con carácter xeral, o límite de tres veces o IPREM (Indicador Público de Renda de Efectos Múltiples), con incrementos por fillos a cargo ou familiares con discapacidade ou en situación de dependencia.
  3.  Que a cota hipotecaria máis os gastos e subministracións básicas resulte superior a 35 % dos ingresos netos que perciba o conxunto dos membros da unidade familiar.
  4.  Que, a consecuencia da emerxencia sanitaria, a unidade familiar sufrira unha alteración significativa das súas circunstancias económicas.

Entenderase que se produciu unha alteración significativa das circunstancias económicas cando o esforzo que represente a carga hipotecaria sobre a renda familiar se multiplicou por polo menos 1,3. E que se produciu unha caída substancial das vendas cando esta caída sexa polo menos de 40%. 

4.- Axuda  a autonomos, por cesamento de actividade por Coronavirus.

Esta medida foi aprobada co Real Decreto-lei 8/2020, de 17 de marzo e será aplicábel a todos os autónomos que teñan perdas severas polo Coronavirus . Decreta que polo cesamento de actividade quedarán  exentos de pagar as súas cotas á Seguridade Social durante un mes prorrogábel até o último día do mes en que finalice devandito estado de alarma. Tamén se decreta unha axuda para estes autónomos, que se calculará con 70 % da base reguladora ou con 70 % da base mínima de cotización cando non se dispoña do tempo mínimo cotizado para optar a ela. Os beneficiarios serán os afectados cuxa actividade sexa suspensa debido ao anuncio do estado de alarma ou cuxa facturación se reducise polo menos en 75% en relación coa facturación media do período anterior de seis meses.  En caso de que se alargue, esta sería a duración da prestación.
desempleo autonomos coronavirus

5.- Adiamento de Impostos por Coronavirus para autónomos.

Coa aprobación do Real Decreto  Lei 7/2020, os impostos que un autónomo pode pospor até os 6 meses á hora de realizar o pago son tanto o IVE (Modelo 303) como o IRPF (tanto en estimación directa co Modelo 130 como en estimación obxectiva coModelo 131) para contribuír á súa liquidez nestes momentos. Debemos ter en conta que é unha moratoria e non unha exención co que, tarde ou cedo, teremos que pagalos. Tendes máis dados na páxina da Axencia Tributaria de como proceder con este trámite.
O adiamento destas cotas para os autónomos polo Coronavirus está suxeito aos seguintes puntos:
  1. A data de aplicación desta medida vai desde a aprobación do decreto ata o 30 de maio de 2020.
  2. Poderanse aprazar os pagos como máximo 6 meses.
  3. Durante os 3 primeiros meses de demora non haberá xuros de ningún tipo.
  4. O máximo permitido nesta débeda co Estado é de 30.000 euros.
  5. Só se poderán acoller as empresas con volume de facturación non superior a 6.010.121,04 euros no ano 2019.
Tamén se poderan aprazar as debedes con Facenda. Mira como facelo neste enlace.

6.- Moratoria da Cota de Autónomos por Coronavirus.

Esta medida foi moi demandada por todo o colectivo e, por fin a día 31 de marzo, decretouse unha moratoria sen xuros para todo o colectivo. Poderán solicitala até o 30 de xuño de 2020, aquelas cuxo prazo regulamentario de ingreso teña lugar entre os meses de abril, maio e xuño de 2020. Só será aplicada a todos os autónomos que non se acolleron á axuda por cesamento de actividade, xa que nesta contémplase que os pagos á Seguridade Social están suspensos. As solicitudes de moratoria deberán comunicarse á TGSS dentro dos 10 primeiros días naturais dos prazos regulamentarios de ingreso. Amais, poderase solicitar unha moratoria sen xuros no pago da cota do mes de marzo ou dos días traballados. Devolveríase de oficio a cotización desde o 14 de marzo, día no que se decretou o Estado de Alarma.
Coa aplicación GOHU (baixar nos dispostivos móbiles desde Google Play Store e Apple Store) tendes acceso á información da Xunta para empresas e autónomos. A Resolución do 31 de marzo (DOG nº 64) permite solicitar préstamos para pago de salarios, facturas, alugueiro e impostos. Entre 3000 e 200.000€ por beneficiario con 1.5% de xuro amortizábeis até 4 anos e cun ano de carencia. Máis información accedendo á Oficina do autónomo.

7.- Creditos para autónomos no sector turístico ou hosteleiro polo Coronavirus.

O estado decretou axudas mediante créditos ICO, tanto para empresas como para autónomos, sempre que a súa actividade estexa encadrada dentro do sector turístico. Desta forma calquera autónomo que a súa actividade teña relación co turismo, a hostalaría ou o transporte poderá optar a esta axuda.
Os destinatarios non poderán estar en ningún rexistro de morosidade nin insolvencia.
  • Non poderá usar este crédito para refinanciar outros pasados ou futuros.
  • O importe máximo por autónomo e ano é de 500.000 euros.
  • O financiamento formalizarase baixo a modalidade de préstamo coas entidades acreditadas (BBVA, Santader e Cajamar).
  • Prazo de amortización de 4 anos cun máximo de 1 ano de carencia.
  • Taxa de Interese Fixo até un máximo do 1,5% (incluídas comisións).
  • Cos créditos ICO que se pon a disposición dos autónomos quérese axudar a que estes conten con máis liquidez, para poder paliar a falta de traballo nestes momentos de crises ou cumprir coas súas obrigacións económicas.

 

8.- Préstamos IGAPE e ICO con motivo da COVID 19.
Nos dous (ICO e IGAPE) están limitadas as contías máximas: 25% do volume de negocio de 2019 ou o duplo dos custes salariais de 2019. Ao seren os xuros moi baixos cómpre ver que é o que interesa máis, xa que no ICO non se subvencionan os xuros, mais si o aval. Cada un ten que ver cal se axusta mellor ás súas necesidades. No caso do ICO o banco xere todos os trámites (hai máis papeleo ca nun préstamo normal). No caso do IGAPE hai que solicitalo a este organismo (non o fai o banco, que só presta en calquera caso os cartos). Os bancos non poden aproveitar para vender seguros ou outros produtos financeiros.
  • No caso do ICO

• avalan 80% do principal (ese aval non ten custe);
• o préstamo ten un tipo de xuro que varía en función do perfil de risco da persoa e/ou empresa solicitante e de se é fixo ou variábel: entre 1,5% a  4%;
• un máximo de 5 anos e máximo 1 ano inicial de carencia (páganse os xuros e non se devolve nada do principal);
• é para as necesidades de liquidez inmediata: pagos aos que haxa que facer fronte entre os próximos 3 – 6 meses;
• é para atender as necesidades de financiamento de: pagos de salarios, facturas provedores, alugueiros, subministros, circulante, pagos a facenda e xuros;
• non pode dedicarse a cancelación de débedas preexistentes;
• o abono e os pagos fanse desde unha conta aparte. O ICO pode reclamar a xustificación de que o destino do préstamos foi realmente para o que se pediu;
• a tramitación faina toda a entidade bancaria;
• pode solicitarse para préstamos tramitados entre o 18 de marzo e o 30 de setembro.

 

  • No caso do IGAPE.

• Avala o 100% a SGR (sociedade de Garantía Recíproca: AFIGAL E SOGARPO). A SGR pode cobrar ate o 0,50% en concepto de comisión do aval e o 4% en concepto de achega ao capital social da SGR (pódese solicitar o reembolso unha vez remate a súa relación coa SGR). Estes dous importes poden formar parte do préstamo avalado.
• Reavala o IGAPE 25% do risco.
• O tipo de xuro é de 1,5%, que será subvencionado polo IGAPE e pagarase dunha soa vez.
• Un máximo de 4 anos e máximo de 1 de carencia.
• Un 35% mínimo do préstamo ten que dedicarse a pagar a: provedores, aprovisionamentos, prestación de servizos, alugueiros, nóminas, seguros sociais, gastos financeiros, impostos, seguros.
• Un máximo do 65% pode ser aplicado a cancelación de débedas bancarias e outros conceptos
• A tramitación é electrónica a través da páxina do IGAPE e preséntase con certificado dixital (vid. infra).
• Unha vez rexistrada a solicitude, o IGAPE remitiralla é entidade de crédito e á SGR. En calquera caso, é mellor ir polo banco.
• Prazo: até o 30 de setembro.

Para a tramitación do IGAPE, as instrucións están aquí: (é preciso certificado dixital)

http://www.igape.es/gl/base-xeral-de-axudas/pdf/4095/raw

Hai que enviar a seguinte documentación ao IGAPE: (a entidade bancaria pedirá outra):

  • Persoas xurídicas: escritura de constitución e dos estatutos , poder do representante que presenta a solicitude, contas anuais depositadas.
  • Persoas físicas e comunidades de bens: copias da declaracións do IVE, resumo do IVE exercicio anterior. Para as comunidades de bens: Anexo III da orde de comprobación de datos de terceiras persoas interesadas.
  • Para a xustificación: 15 días hábiles seguintes ao da última utilización do préstamo para as finalidades previstas.

Se o importe é de menos de 30.000 euros pode chegar coa conta xustificativa simplificada do artigo 51 do Decreto 11/2009 ou poden pedir tamén, como as de máis de 30.000, a seguinte documentación dixitalizada:

1. Extracto da conta bancaria na que se abonou o préstamo
2. Facturas que se pagaron co préstamos
3. Nóminas, retencións e Seguridade Social que se pagaron co préstamo
4. Xustificantes bancarios de todos os gastos pagados co préstamo.

 

9.- Bono social eléctrico para autónomos pola crise da COVID-19

Esta é unha medida extraordinaria aprobada polo goberno para todos aqueles autónomos que cesasen a súa actividade pola crise ou ben visen reducida a súa facturación nun 75%. Débese achegar toda a información acreditada pola Axencia Tributaria á eléctrica, así como os dados persoais e familiares da vivenda. O desconto roldará 25%, mais pode ser maior se a autónomo conta con discapacitados na súa familia, membro dependente ou se é familia numerosa.
Documentación a achegar:
  • Copia do DNI ou *NIF
  • Certificado de empadroamento
  • O libro de familia
  • Certificado expedido pola Axencia Tributaria de cesamento

Se a empresa enerxética detecta algún problema na solicitude dispón de 5 días para comunicarllo ao afectado para que emende o erro ou achegue a información necesaria. Empezarase a contar este desconto no ciclo onde fose achegada toda a documentación e a empresa a aceitase como válida.

Para solicitalo hai que rechear o ANEXO lV que podes ver aquí
​​​​

10.- Reparto de mascarillas FFP2 co obxecto da súa posterior distribución no ámbito do sector do transporte (listaxe da provincia de Lugo)

Na  Orde TMA/263/2020, di:  “Artigo 2. Destinatarios finais da devandita adquisición”: as máscaras serán adquiridas para a súa posterior distribución ao persoal que presta os seus servizos no sector do transporte en áreas de risco, segundo os criterios indicados con carácter xeral polo Ministerio de Sanidade, distribuíndose aos traballadores relacionados co servizo de transporte público de competencia estatal, autonómica e local, así como aos traballadores do ámbito privado relacionados co transporte de viaxeiros e de mercadorías en todo o territorio nacional. Sae a listaxe  dos transportistas que teñen direito a elas , preme aquí.

 

11.- Listado de hoteis a disposición de sanitarios.

Os sanitarios, forzas de seguranza e outros profesionais cuxo labor é fundamental no estado de alarme e que teñan problemas á hora de estar en corentena, por exemplo familias cun só cuarto de baño na casa, poden pernoctar nos seguintes hoteis.

 

12.- Adiamento das rendas e axudas de alugueiro.

No site de FACUA (https://www.facua.org/alquilerescovid) tendes un simulador para acceder aos adiamentos, quitas e axudas no alugueiro de vivenda. A ferramenta solicita aos consumidores información sobre a súa situación económica e verifica se cumpren os dous supostos de vulnerabilidade económica estabelecidos na normativa que regula ambas moratorias. No caso de que cumpran os requerimentos, poden solicitar ao arrendador o aprazamento temporal no pago da renda se é unha empresa ou unha entidade pública e tamén se se trata dun particular propietario de máis de dez inmóbeis urbanos (excluíndo as garaxes e trasteiros) ou dunha superficie construída de máis de 1.500 m². Con todo, o RD non indica como o arrendador pode ter acceso a esta información… De non aceitar a solicitude, no prazo de sete días laborábeis, terá que oferecer ao inquilino como alternativas a recución de 50% da renda ou unha moratoria no seu pago durante até catro meses. Se o arrendador é un particular proprietario de máis de dez vivendas (ou dun número de vivendas que somen máis de 1.500 m²), o inquilino que cumpra conxuntamente os supostos de vulnerabilidade económica terá direito a solicitar unha axuda pública de até 900 euros ao mes e de até 100% da renda arrendaticia mediante un préstamo ICO até un máximo de 6 meses (“Programa de axudas transitorias”, art. 9 RDL 11/2020).

Se non aceita a petición, no prazo de sete días laborábeis terá que oferecer ao inquilino como alternativas a redución de 50% da renda ou unha moratoria no seu pago de até catro meses. No DOG nº 77 de 22 de abril de 2020 publícase a Orde do 17 de abril de 2020 pola que se modifica a Orde do 2 de agosto de 2019 pola que se estabelecen as bases reguladoras para as axudas ao alugamento de vivenda do Plano estatal de vivenda 2018-2021, e se procede á súa convocatoria para o ano 2019, con carácter plurianual.

 

 

13.- Emprego agrario e deducións IRPF para o sector agrario (módulos).

O Real Decreto-lei 13/2020, de 7 de abril, polo que se adoptan determinadas medidas urxentes en materia de emprego agrario (BOE 08/04/2020, nº 98) ten por obxecto favorecer a contratación temporal de traballadores no sector agrario mediante o estabelecemento de medidas extraordinarias de “flexibilización” do emprego, de carácter social e laboral durante a vixencia do estado de alarme, sendo aplicábel até 30/06/2020. Os contratos laborais atinxidos serán todos aqueles de carácter temporal para desenvolver actividades en réxime alleo e dependencia en exploracións agrarias comprendidas en calquera dos códigos de CNAE proprios da actividade agraria.

Por outro lado, a Orde HAC/329/2020, de 6 de abril, pola que se reducen para o período impositivo 2019 os índices de rendemento neto aplicçaneis no método de estimación obxectiva do Imposto sobre a Renda das Persoas Físicas para as actividades agrícolas e gandeiras afectadas por diversas circunstancias excepcionais, suporá que se pagará menos na declaración da renda de 2019, dado que o Goberno publicou no BOE unha rebaixa dos módulos do IRPF no agro para aqueles profesionais que tributen no que popularmente se coñecen como “módulos” (1.000.000 de declarantes no sector). Inclúese o vacún de leite, a gandeiría extensiva de carne e a apicultura. A medida busca paliar crises de mercado e os efeitos das inclemencias metereolóxicas en diferentes territorios.

 

14.- Adianto ERTEs Xunta da Galiza.

 

 

15.- Subsidio extraordinario para persoas empregadas no fogar.

 

Segundo o Real decreto-lei 11/2020, do 31 de marzo, polo que se adoptan medidas urxentes complementarias no ámbito social e económico para facer fronte á COVID-19 as persoas que estexan rexistradas como traballadoras do fogar antes da entrada en vigor do estado de alarma, que deixaron de prestar servizos nunha ou varias moradas, total ou parcialmente, terán direito a esta nova prestación, para reducir o risco de transmisión debido á crise sanitaria Covid-19. Tamén as persoas traballadoras do fogar que foron sometidas a despedimento ou finalización de contrato durante a crise sanitaria.
Para solicitar o subsídio será necesario acreditar a perda total ou parcial da actividade cunha declaración responsábel asinada pola persoa empregadora, a carta de despedimento, a comunicación de despedimento ou a retirada do Sistema especial de empregados domésticos do Réxime Xeral de Seguridade Social.
As empregadas do fogar terán dereito a un subsidio equivalente ao 70% da súa base reguladora no caso de que a perda de actividade sexa total. Se a empregada reduce a súa xornada laboral, percibirá a parte proporcional correspondente a esa redución de xornada. O novo subsídio é compatíbel con outros ingresos por conta propia ou por conta allea, sempre que non superen, en xeral, o SMI. No entanto, será incompatíbel co subsídio por incapacidade temporal ou co cobro do Permiso Retribuído Recuperábel. Este subsídio extraordinario por falta de actividade percibirase por períodos mensuais desde a data do nacemento do direito.

A disposición transitoria terceira estabelece que o Servizo Público de Emprego do Estado fixará no prazo dun mes, a partir da entrada en vigor deste Real decreto lei, o procedemento para a tramitación das solicitudes, que determinará as formas e o sistema de tramitación (presencial ou telemática) e os prazos de presentación.

16.- Anteparos para taxis.

Regúlanse este tipo de axudas (300.000€) para a adquisición e instalación de anteparos mediante orde do 2 de xuño publicada no DOG nº113 de 11 de xuño (consultar aquí).

Poderán ser obxecto de subvención os anteparos adquiridos e instalados entre o 1 de marzo de 2020 e o 31 de xullo de 2020 como un elemento de protección fronte á COVID-19, debendo consistir nun elemento non permanente e que resulte doado desmontar, de carácter transparente, e que permitirá separar a fila de prazas dianteiras, en que se sitúa a persoa condutora, do resto de filas de asentos do vehículo.

A contía que se subvencionará será a correspondente ao importe, excluído o imposto sobre o valor engadido (IVE), que conste na factura presentada pola persoa titular da licenza xunto coa solicitude e cun importe máximo de setenta e cinco (75) euros por anteparo e vehículo.

 

17.- Axudas para proprietarias e proprietarios de abellas.

Prazo: até o 28 de xuño.

Reguladas mediante Orde do 20 de maio de 2020 pola que se estabelece o réxime de axudas á apicultura e se convocan para o ano 2020 (consultar aquí o DOG).

 

18.- Plano de dixitalización para empresas (páxinas web, posicionamento, mercadotecnia…).

Prazo: até o 2 de xullo.

Reguladas mediante Resolución conxunta do 18 de maio de 2020 pola que se dá publicidade ao Acordo da Axencia para a Modernización Tecnolóxica de Galicia (Amtega) e do Consello de Dirección do Instituto Galego de Promoción Económica (Igape) que aproba as bases reguladoras das axudas aos servizos de desenvolvemento estratéxico, profesionalización, innovación e adopción de solucións de dixitalización para a súa realización en empresas galegas (programa Re-acciona), cofinanciados polo Fondo Europeo de Desenvolvemento Rexional con cargo ao programa operativo Feder Galicia 2014-2020, e se procede á súa convocatoria en réxime de concorrencia competitiva (consultar aquí o DOG).

 

19.- Conciliación da vida laboral e familiar.

Prazo: até 12 de xullo.

Reguladas estas axudas mediante Resolución do 5 de xuño de 2020, da Secretaría Xeral da Igualdade, pola que se estabelecen as bases reguladoras que rexerán as axudas á conciliación da vida familiar e laboral, por redución da xornada de traballo, como medida de fomento da conciliación e corresponsabilidade, cofinanciadas polo Fondo Social Europeo (FSE) con cargo ao programa operativo FSE Galicia 2014-2020, e se convocan para o ano 2020 (consultar DOG aquí). Finánciase nun 80% polo FSE.

Destinadas a proxenitores que, entre o 1 de xullo de 2019 e o 30 de xuño de 2020 (período máximo subvencionábel de 8 meses), ambos os dous inclusive, teñan unha situación de redución da súa xornada de traballo (mínimo 12,5 % da xornada ou porcentaxe equivalente para o caso de que a xornada sexa a tempo parcial) para o coidado de fillos e fillas menores de 3 anos (ou menor de 12 anos no suposto de que padeza unha discapacidade recoñecida de porcentaxe igual ou superior ao 33 %). Os ingresos da unidade familiar non poderán ser superiores a 7 veces o indicador público de renda de efectos múltiples (IPREM) para o ano 2019.

 

20.- Antecipo PAC e axudas comisión de apertura.

Prazo: até 30 de xullo.

 

 

 

Para calquera outra cuestión podes contactarnos. Saúde!

 

Comisión Política de Por Chantada-CUP.