Por Chantada denuncia os recortes da Xunta no IES Lama das Quendas

Captura de pantalla 2019-04-21 a las 10.27.36

A Xunta pon en risco a saúde da comunidade educativa, mingua a calidade e a oferta educativas e deixaría sen educación para adultos a toda a comarca.

Exiximos que a Consellaría reverta estes brutais e irracionais recortes sen parangón nos 50 anos de historia do centro e que os alcaldes do PP de Chantada, Taboada e Carballedo fagan unha fronte común para manter a calidade educativa e servizos esenciais para a comarca.

Por Chantada xa puxo en coñecemento do Valedor do pobo estes graves feitos para que medie na procura dunha solución.

Foto Roi Fernández 2018

Foto: Roi Fernández para La Voz de Galicia edición Lemos. Imaxe de 2018 cando a comunidade educativa se tivo que mobilizar perante a perda de itinerarios no bacharelato e da cafetaría do centro. A Corporación naquela altura aprobara por unanimidade a Moción de Por Chantada-CUP a prol dunha educación pública, galega e de calidade para o rural galego.

 

Chantada, 6 de agosto de 2021.

 

A candidatura viciñal de Por Chantada reuniuse coa equipa directiva do IES Lama das Quendas, que amosou un profundo malestar pola redución inxustificada do cupo de profesorado para o curso 2021/2022. O centro perde 7.5 docentes a respeito do curso pasado e, o que é máis sorprendente é que perde 3 docentes en relación ao cupo de 2012-2020 sen calquera xustificación. A pesar de ter o aval da Inspección educativa desde Santiago aplícase un brutal recorte en plena pandemía, que non ten parangón nen coa época da Grande Recesión (2011).

As consecuencias deste recorte porán en risco a saúde da comunidade educativa, xa que será imposíbel manter as gardas fixadas no Protocolo COVID do centro, sobretodo ao comezo da xornada e dos recreos, e que foron un éxito no curso pasado. Cun recorte tan acusado do profesorado auméntase o risco de que o alumnado non respeite as normas e que poda darse transmisión na comunidade educativa. Tamén os recortes afectarían de cheo á equipa COVID do centro, que precisa moitas horas de dedicación.

De por parte, van supor unha forte mingua na calidade educativa en contra do espírito da LOMLOE e da propria retórica da Consellaría. Non se poderá formar grupo de PMAR co que sofre a atención á diversidade, que é un principio fundamental da LOE; periga a educación secundaria de adultos (ESA), que só se oferta neste centro en toda a comarca; reducirase moito a oferta de optativas, terase que suprimir o programa CUALE que leva máis de 20 anos impartíndose; pon en perigo os programas PLAMBE (Plano de Mellora da Biblioteca Escolar) ou o Clube de leitura, que tamén suporía detraer recursos económicos; e obrigará a dar as denominadas “afíns”, que ao non seren impartidas por especialistas minguan tamén a calidade educativa.

A Por Chantada parécelle especialmente negativo a perda da ESA, pois é un servizo educativo esencial xa non só para toda a comarca, senón para todo o partido xudicial. As persoas adultas sen a ESO terían que desprazarse até Monforte ou Lalín cando moitas veces o perfil do alumnado é migrante ou persoas con baixos recursos e dificuldades para se desprazaren, máxime coa oferta de transporte realmente existente hoxe por hoxe. Novamente, a obsesión do PP polos recortes mostra a falta de sensibilidade coas persoas e cos servizos para o medio rural.

Por Chantada condena enérxicamente estes recortes feitos con aleivosía no período estival e que se soman á amortización dunha praza de administrativo mais unha praza de limpeza que non se repón e que poderían obrigar a fechar o centro en agosto, algo que non acontecía tampouco durante todos estes anos. Non se pode facer política desde un despacho de Santiago ignorando a a realidade do rural e os dados e a información que dan os centros. O PP debe abandonar a súa economía planificada de recortes draconianos a base de planos quinquenais que baleiran o rural.

Demandamos que os alcaldes da comarca fagan unha fronte común para garantiren a saúde da comunidade educativa e unha atención educativa de calidade que atenda á diversidade e ao sentido común.

 

Por Chantada – Candidatura de Unidade Popular

 

Por Chantada decide impulsar unha candidatura centrada en alternativas para os problemas de Chantada

O pasado sábado 16 de febreiro celebrouse a asembleaanual ordinaria de Por Chantada-CUP, dándonos cita máis de 20 chantadeses para aprobar varios dos puntos que contiña a orde do día, entre estes as contas e modificacións do regulamento. Isto dá conta do noso constante exercicio de transparencia e participación.

De por parte, as participantes decidimos impulsar unha candidatura plural e centrada no país do Faro, de acordo coa nosa crenza na unidade popular e a suma de forzas para resolver os nosos problemas desde aquí, coa forza de alternativas realistas pensadas desde e para o noso territorio e a nosa xente, como continuación dun proxecto centrado na constante formulación de propostas desde o rigor. Un proxecto aberto a todas as persoas sen máis subordinacións que a defensa dos intereses da maioría social.

Antes de falarmos de nomes  afondamos no proxecto e nas causas que consideramos fan necesaria esta candidatura, de medidas programáticas para tirar o noso Concello da apatía e do piloto automático co que goberna, e xa van alá máis alá de 20 anos, a equipa de Manuel Varela. Chantada afronta problemáticas profundas, como a crise demográfica, a precariedade e o desemprego, a necesidade de mantemento de infraestruturas e a urxencia de ter unha administración local eficaz, moderna e ao servizo dos colectivos sociais. Algo que viñemos observando e demostrando ao longo da lexislatura con traballo humilde, mais constante. En resumo, Chantada precisa de futuro e non camiñar cara o deserto verde que é onde conduce a parálise e a improvisación do Goberno local.

Finalmente, lembrar que as nosas xuntanzas son abertas á participación de todas aquelas persoas que estimen que é necesario transformar este Concello e facelo sen deixar a ninguén atrás.

 #SomosAlternativa #CUPChantada 

Por Chantada-CUP non fica impasíbel perante á agresión perpetrada ao Patrimonio.

 

Este domingo 18 de novembro, centenario da I Asemblea nacionalista de Lugo, Por Chantada-CUP dirixiu senllos escritos de queixa á Valedora do Pobo, de comunicación e denuncia á Dirección Xeral de Patrimonio e solicitude ao Concello de Chantada para a reposición da legalidade urbanística e a adopción de medidas en relación á demolición dun hórreo, tal e como se fixo eco a imprensa o día 17. Sobre este asunto xa formulamos tamén pergunta no Pleno ordinario do día 12 (min. 1:41:20) contestándosenos que non constaba ningunha comunicación previa ou solicitude de licenza municipal para as obras que conduciron á demolición do último hórreo da vila, sito na Alameda ao pé do Casco histórico.

Tamén a deputada de Em Marea, Paula Vázquez Verao, anunciou que levará esta grave agresión ao Patrimonio material ao Parlamento galego.

 

Se queremos legar ás vindeiras xeracións un país con identidade e Patrimonio é obriga colectiva proceder enérxicamente á súa defensa e demandar que as administracións públicas fagan cumprir as leis vixentes en materia de Patrimonio e urbanismo. #STOPimpunidade

 

Disponiblizamos en PDF escrito remitido ao Concello: Escrito de denuncia de Por Chantada-CUP por incumprimento da legalidade urbanística e demolición de hórreo no casco urbano.

 

Foto cortesía de Iago Lestegás Tizón

 

 

 

 #SomosAlternativa #CUPChantada 

[Audio] Acto formativo de Por Chantada-CUP sobre a PAC

O sábado 10 de novembro celebramos un acto no Casino de Chantada sobre as futuras mudanzas que vai sofrer a PAC. Deixamos aquí a apresentación que empregou Ana María Rodríguez, imaxes do acto e o audio íntegro da palestra coas intervencións de Lidia Senra, Ana María Rodríguez e o público asistente.

 

Que preste.

 

Audio íntegro do acto dispoñíbel na seguinte ligazón: https://drive.google.com/open?id=1zJ0wj0nAhWkNPHhl-jrr7uXTt5qbnV8c

Apresentación de Ana María Rodríguez: https://drive.google.com/open?id=1w-gAsv8lrRdEuPkYkhN1JQlCpBEU3K1K

 

 

O pase de diapositivas require JavaScript.

 

 

 

 

 

 

Resumo pleno ordinario de maio 2018

 

Com algo de atraso subimos o áudio do pleno ordinario de maio de 2018, a modo de resumo, co resultado das votacións. Asistiron a secretaria, a interventora accidental, 12 concelleiros (todos agás Héctor do PSOE) e 4 persoas como público xunto a dous xornalistas de Televinte. Eis, pois, a ligazón para acceder ao áudio do Pleno:

https://www.dropbox.com/s/quhb4wddheeurrj/Pleno%20ordin%C3%A1rio%20maio%202018.WAV?dl=0

 

1.- Aprobación da acta da sesión anterior: extraordinaria de data 10 de abril de 2018Aprobada

A favor: 11 (Inta, PSOE e PP)

En contra: 1 (CUP)

 

ACTA PLENO EXTRAORDINARIO 10-04-2018

 

2.- Recoñecemento extraxudicial de crédito 3/2018 (EXP. G-507/2018). Aprobado.

A favor: 7 Inta

Abstención: 2 PP

En contra: 3 CUP e PSOE

 

Proposta aprobación Facturas REC 3/2018

Proposta aprobación facturas REC 03-2018

 

3.- Modificación Plano estratéxico subvencións 2017-2019 (EXP. 506/2018). Aprobado.

 

A favor: 9 Inta e PP

En contra: 3 CUP e PSOE

 

4.- Aprobación inicial do orzamento do Concello de Chantada exercicio 2018 (EXP 8/2018). Aprobado.

A favor: 7 Inta

Abstencións: 2 PP

En contra: 3 CUP e PSOE.

 

Documentación Orzamento 2018.

Alegacións apresentadas por Por Chantada-CUP após o pleno.

 

 

5.- Adhesión xenérica do Concello de Chantada á central de contratación do Estado (EXP. G-520/2018). Aprobado.

A favor: 9 Inta e PP

En contra: 3 CUP e PSOE

 

6.- Adhesión do Concello de Chantada á central de contratación da FEMP (EXP. G-519/2018). Aprobado.

A favor: 9 Inta e PP

En contra: 3 CUP e PSOE

 

7.- Ratificación Decreto 172/2018 de solicitude de subvención para a promoción do uso da lingua galegaAprobado por UNANIMIDADE.

 

8.- Moción de Por Chantada-CUP para a adopción de medidas en apoio do sector da castaña. Aprobada cunha pequena emenda do PP por UNANIMIDADE.

Moción de Por Chantada-CUP para a adopción de medidas en apoio do sector da castanha.

 

 

9.- Mocións e asuntos de urxencia.

Non se contemplan.

 

PARTE DE CONTROLO DA XESTIÓN

10.- Dación de conta de resolucións da alcaldía.

 

11.- Dación de conta de reparos de intervención 6 a 14 de 2018.

A Fiscalización da Intervención (FI) 32/2018 e RI 7/2018 volven incidir no fraccionamento e no incumprimento do TRLCSP, facturas por importen de 152.037.15€, podendo estarmos perante actos nulos de pleno direito (artigo 47.1e da Lei 39/2015 de 1 de outubro e 32 TRLCSP.

 

12.- Dación de conta Plano de axuste 1º Trimestre de 2018.

FISCALIZACION DE INTERVENCION 2018-0048 [INFORME INTERVENCION SEGUEMENTO PLANO AXUSTE 1T 2018]

 

13.- Dación de conta Período Medio de Pago 1º Trimestre de 2018.

PERIODO MEDIO PAGO 1T2018

 

14.- Dación de conta Informe Morosidade 1º Trimestre de 2018.

Informe morosidad 1T-2018

 

15.- Dación de conta execución trimestral 1º Trimestre de 2018.

 

16.- Rogos e perguntas.

 

 

Lídia Senra denuncia na CE a falta de participación das comunidades afectadas no BIC Ribeira Sacra

 

 

 

En días pasados, a eurodeputada Lidia Senra e a deputada Paula Verao apresentaron en Arcos un interesante libro a prol da igualdade entre mulleres e homes. Aquela ocasión aprobeitámola para facerlle chegar a Lidia Senra as nosas inquedanzas sobre a opacidade e a falta de transparencia na xestión da declaración BIC da Ribeira Sacra. Desta arte, Lídia Senra denunciou na Comisión Europea a falta de participación das comunidades afectadas no BIC Ribeira Sacra, en consonancia co que xa expuxemos desde a CUP nas nosas alegacións.

A eurodeputada entende que é censurábel que a Xunta da Galiza non estexa a informar sobre o procedimento e consecuencias de declarar a área Ben de Interese Cultural precisamente aos habitantes dos territorios atinxidos. A este respeito, Senra lembrou que as conclusións europeas de gobernanza participativa no patrimonio cultural son inequívocas e inclúen que se promova a participación das partes interesadas nas decisións.

 

Pódese acceder a unha copia da pregunta rexistrada na Comisión Europea por Lídia Senra aquí: PE-BIC-Ribeira-Sacra-040518

Para aceder ao documento de Conclusións aquíOJ_C_2014_463_FULL_PT_TXT

 

#SomosAlternativa #CUPChantada

O acto que impulsamos desde Por Chantada-CUP sobre a declaración BIC e o seu impacto no territorio contou cunha nutrida asistencia, demostrando o interesese e as inquedanzas que este suscita na poboación.

Por Chantada-CUP apresenta reclamacións ao SC 2/2017

 

Desde Por Chantada-CUP rexistramos no día 7 de outubro de 2017 alegacións ao Suplemento de crédito 2017 por entermos que, novamente, se vulnera a lexislación e se gasta sen consignación orzamentar e sen cumprir coa Lei de Contratos do Sector Público e, portanto, estamos perante un uso discrecional dos fondos públicos e que vulnera a boa xestión, a transparencia e o uso racional e eficaz dos fondos públicos, ou sexa, daquelas cartos cos que os cidadáns sustentamos o Concello.

Reclamacións CUP Suplemento de Crédito 02_2017 (pdf)

#SomosAlternativa #CUPChantada

Moción de POR CHANTADA-CUP para a incorporación do Pazo de Meirás ao patrimonio público e a salvagarda da memoria histórica

 

No día de hoxe, sábado do folión de carros, impulsamos desde Por Chantada-CUP unha moción para que se incorpore o Pazo de Meirás ao patrimonio público e se garde a memoria histórica. A tal efeito respaldamos o acordo adotado polo Pleno da Corporación do Concello de Sada que foi tamén asumido pola Deputación da Cruña e outros consistorios.

Consulta aquí a moción en pdf: Moción de Por Chantada-CUP para a incorporación do Pazo de Meirás ao patrimonio público e a salvagarda da memoria histórica

 

#SomosAlternativa #CUPChantada

Moción de Por Chantada-CUP para impulsar a adquisición e xestión públicas do mosteiro de San Salvador de Asma

O 4 de agosto a CUP publicou a súa Moción para impulsar a adquisición e xestión públicas do mosteiro de San Salvador de Asma que se debaterá no pleno ordinario de setembro e que deixamos na nosa bitácora para xeral coñecemento:

Moción de Por Chantada-CUP para impulsar a adquisición e xestión públicas do mosteiro de San Salvador de Asma

Nova en Televinte sobre o acordo do pleno en 2015 e onde fica claro que o alcaide mentiu:

Declaracións a Televinte do voceiro de Por Chantada-CUP:

#SomosAlternativa #CUPChantada