[OIP] Subvencións concedidas en concorrencia competitiva a entidades deportivas pola Deputación de Lugo para 2017

#Transparencia

Listaxe de subvencións concedidas na anualidade 2017, en réxime de concorrencia competitiva, a entidades e clubes desportivos da comarca de Chantada por acordo da Xunta de Goberno da Deputación de Lugo, en sesión celebrada o 29 de decembro de 2017, de “Conceder as subvencións individualizadas que se mencionan nas listaxes que se anexan así como a desestimación das subvencións que así mesmo figuran nas respectivas listaxes.” (BOP nº 10 do 13/01/2018). Esta liña de axudas totalizou, para toda a provincia 485.000€.

Cónstanos tamén que hai entidades culturais que aínda non perceberon a subveción de cultura da anualidade 2016, após numerosos requerimentos de documentación. Algo grave é que fala por si mesmo do funcionamento do ente púbico.

Entidade	Nome da actividade	Subvención	Concello
Escolas Deportivas de Chantada	Fútbol Sala	3.684,00	Chantada
Escolas Deportivas de Chantada	Fútbol	1.269,00	Chantada
Clube Billar Círculo Chantada	BILLAR	4.000,00	Chantada
Círculo Recreativo de Xadrez	Xadrez	3.000,00	Chantada
Círculo Recreativo de Xadrez	Torneo Internacional de xadrez memorial Dragan Paunovic	916	Chantada
Club SD Chantada	Fútbol	2.599,00	Chantada
Club Tenis Chantada	Tenis	1.852,00	Chantada
Club Xadrez de Chantada	Campionato xadres de colexicos	539	Chantada
TOTAL CHANTADA		17.859	3,68%
Taboada Club de Fútbol	FÚTBOL	2.087,00	Taboada
Club Ciclista Túzaros	CICLISMO	1.885,00	Taboada
CD Atlético Taboada	Fútbol	1.795,00	Taboada
TOTAL TABOADA		5.767	1,18%
Club Natación Escualos	Natación	1.275,00	Carballedo
Club Natación Escualos	Travesía a nado desafío encoro de Peares	916	Carballedo
TOTAL CARBALLEDO		2.191	0,45%
TOTAL COMARCA		25.817	5,32%

Notas:

• As Escolas Deportivas de Chantada recebían tamén subvención nominativa do Concello para contratacións externas a pesar de que os salarios, instalación, etc. eran, a todos os efeitos, suportados polo ente local. A fórmula defendíase para ter capacidade de federarse e competir. No entanto, nos últimos orzamentos, e por presións da intervención municipal perante a irregularidade do sistema, optouse por asumir directamente toda a xestión a partir de setembro de 2018. Resta por ver se isto se consolida ou non. Portanto, a estes 4.953€ cómpre engadir unha contía moitísimo máis elevada da achega ou gasto que lle supón ao Concello.

  No Orzamento para 2017 a área 340 “Administración xeral de deportes” representaba o 8’02% do total do gasto, ou sexa, 51’66€/hab. En total, falamos de 441.920,68€, que representa un aumento de 62.248’32€ a respeito do Orzamento de 2016 (hai que ver logo a execución real na liquidación orzamentar do 2017 que adoita diferir sensibelmente do orzamentado, por exemplo no Orzamento de 2016 ficou máis dun millón de euros sen executar). O gasto da área 340 repártase no Orzamento 2017 do seguinte xeito:

  • • • • • • • • Salarios e complementos: 251.242,53

                • Aluguer edificios e maquinaria: 15.000€

                • Transporte e carburante: 51.000€

                • Enerxía eléctrica: 30.000€

                • Material e gastos varios: 4.650€

                • Actividades culturais e deportivas: 1.500€

                • Limpeza: 10.528’15€

                • Cloro piscinas: 2.500€

                • Vestiario: 16.400€

                • Subcontratas: 1.000€

                • A institucións sen ánimo de lucro: 57.600€

  A maiores existen outras partidas doutras áreas que tamén se destinan a unha finalidade deportiva e que, por falta de vagar, non podemos agora rastrexar e cuantificar. No entanto, fica a presente achega como unha aproximación bastante real do gasto público local en actividade desportiva.

• A SD Chantada recebe tamén 15.000€ do concello mediante subvención nominativa, o que totaliza 17.599€ en 2017.

• O Círculo Recreativo de Xadrez contou cunha subvención nominativa do Concello por valor de 2.500€ en 2017, o que totaliza 6.416€ públicos.

• O Club Tenis Chantada recebeu en 2017 tamén 1.000€ (subvención nominativa) do Concello de Chantada o que soma 2.852€ de fondos públicos de entes locais (as Deputacións computan como administración local).

 

[+ Información]

As contas do Concello VII: Subvencións nominativas concedidas polo Concello de Chantada en 2017.

OIP: subvencións en concorrencia competitiva entidades deportivas en 2016.

Europa non ten constancia da existencia do vertido ao Enviande e responsabiliza á Xunta

A eurodeputada Lídia Senra remitiu a Por Chantada-CUP, ao SLG e a Asociación de viciños Torre de Arcos a pergunta formulada no parlamento europeu así como o escrito de resposta.

 

Imaxe tomada no exterior do muíño da Alameda o 20 de xaneiro de 2017 nun acto impulsado desde Por Chantada-CUP para informar aos medios e á viciñanza sobre o impacto do proxecto de vertidos ao río Enviande. O acto celebrouse nas inmediacións do muíño debido a que  o Goberno de Manuel Lorenzo Varela negouse a ceder o interior das instalacións. De esquerda a direita: Paula Verao, deputada de En Marea no parlamento galego; Antom Fente, voceiro da CUP; Lídia Senra, eurodeputada de AGEE; e Olga Otero, da Asociación de Viciños Torre de Arcos.

 

A eurodeputada Lídia Senra perguntou á Comisión europea se o vertido que se contempla no río Enviande por parte dunha empresa, que xa foi condenada por contaminación e agresións ao medio ambiente, debería ter avaliación de impacto ambiental de acordo coa Directiva 2011/92/UE, así como os requisitos que debería cumprir un proxecto tan agresivo e poluente para ter unha hipotética avaliación positiva.

A ex-secretaria xeral do Sindicato Labrego Galego, cuxa representante local Belén Conde tamén participou da loita veciñal por deter os vertidos, alertou en Bruxelas de que a queixaría podería danar zonas naturais protexidas e tamén a auga de granxas e traídas veciñais, como a Comunidade de regantes de Casteda. Natural de Brollón, Lidia tamén cuestionou se a CE pensa que dita empresa pode compaxinar a súa actividade e este novo vertido ao río co respecto as áreas protexidas pola Directiva de Hábitats.

Pois ben, a resposta chegou da man do Comisario europeo de Medio Ambiente, asuntos marítimos e pesca, Karmenu Vella e é do seguinte teor:

En virtude da Directiva de Hábitats é responsabilidade das autoridades competentes dos Estados membros asegurarse, por medio dunha avaliación axeitada, de que calquera plano ou proxecto que poda afectar de forma apreciábel un lugar Natura 2000 non cause perxuízo á integridade dese lugar.

De por parte, a fabricación de produtos lácteos é unha das actividades enumeradas no anexo II da Directiva de avaliación de impacto ambiental. Por conseguinte, antes de autorizar un proxecto, as autoridades competentes deben determinar se este debe someterse a unha avaliación de impacto.

A Comisión non ten coñecemento do proxecto a que se refire a súa señoría e, á luz da información facilitada, non está en condicións de determinar se esas obrigas se cumpriron no presente caso.

 

Por máis abastamento, o exposto vén coincidir en boa medida coas teses expostas desde Por Chantada-CUP. O noso grupo non só constatou a pasividade do goberno municipal, senón que rexistrou en parcería coa Asociación de viciños Torre de Arcos no seu día unhas alegacións perante a Confederación hidrográfica que seguen, a día de hoxe, sen seren contestadas nas que solitabamos precisamente o informe de impacto ambiental.

Agora, á luz da resposta do maltés Karmenu Vella, consideramos que este informe de impacto ambiental é totalmete necesario e de obrigado esixencia nun proxecto destas características e dimensións. Igualmente, é extremadamente preocupante como continúa sen realizarse un axeitado tratamento dos vertidos e persiste con total impunidade a contaminación dos nosos ríos entre a dilación inexplicábel da Confederación e a pasividade da Xunta. A auga e a calidade da mesma vai ser un ben cada vez máis escaso nun cadro de mudanza climática, sendo a Península o territorio europeo que máis vai sofrer o seu impacto.

Pola súa banda, a deputada  soberina de En Marea, Paula Vázquez Verao, tamén redactou unha pregunta, para resposta oral no pleno e na Comisión do Parlamento Galego, en que lle reclama á Consellería de Medio Ambiente e Ordenación do Territorio que explique se vai esixir o sometemento do proxecto de vertido ao río Enviande a estudo de impacto ambiental e que nel se contemplen as alternativas posíbeis, informando cumpridamente á cidadanía. Cando se resolva daremos cumprida información.

 

#SomosAlternativa #CUPChantada

 

Por Chantada-CUP apresentará 3 mocións no pleno ordinario de xaneiro (23/01/2017)

ORDE DO DÍA DEFINITIVA: convocatoria-orde-do-dia-definitiva

O vindeiro 23 de xaneiro celébrase a sesión ordinaria do pleno de Chantada, atrasada a petición de Inta xa que debera celebrarse o día 9 de xaneiro, mais alegaban certar coas vacacións. A pesar do notábel atraso na convocatoria das comisións informativas, que se mudaron de día sen previo aviso, o Goberno non trasladou ningún asunto para ser tratado e continúa a procurar subterfuxios de diversa índole para dificultar o labor de oposición de Por Chantada-CUP, cuxo voceiro está actualmente traballando no estranxeiro ao igual que moita da nosa mocidade emigrada que pouco lle importa ao indolente Desgoberno municipal.

Desde Por Chantada-CUP trasladamos 3 mocións ao vindeiro pleno que explicamos suscintamente e que poden consultarse en PDF nesta mesma entrada. Para comezar dicir que están pensadas tamén no marco da aprobación do novo marco orzamentar para este 2017 que, como é habitual, chegará tamén con notábel atraso e fóra de prazo.

1.- Moción de Por Chantada-CUP para a mellora e ampliación da biblioteca municipal. Con esta moción, que recolle peticións que nos trasladaron usuarios e mocidade organizada do noso concello, queremos sentar as bases para a construción dun espazo digno para a consulta e o estudo, a recuperación do arquivo municipal e a reorganización e racionalización da Casa da Cultura, etc.

2.- Moción para impulsar a creacion dunha mesa local de coordinacion interinstitucional fronte a violencia de xenero . Con esta moción tentamos achegar unha proposta concreta, xa en andamento nalgunha comarca galega, para o combate da violencia doméstica e da lacra da violencia de xénero xa que ano a ano vemos que os minutos de silencio e as declaracións institucionais de pouco serven sen medios e disposicións concretas.

3.- Moción de Por Chantada-CUP para a restitución do acceso universal ao sistema estatal de saude e plano de choque contra a exclusion no concello de Chantada. Con esta proposta visamos defender a universalidade dos servizos públicos, nomeadamente da sanidade, trasladando a nosa visión local a outras instancias e, ao tempo, comprometéndonos cun humilde e perfectamente asumíbel plano de choque local contra a crecente exclusión social (o Reino de España é o estado europeu onde máis inzou a desigualdade desde 2008 e o sul de Lugo é o territorio coas taxas de exclusión social máis elevadas da Galiza).

A orde do día foi modificada grazas a nosa petición de que inclúa a rendición de contas da suposta “urxencia” do pleno extraordinario de decembro que, finalmente, ficou en nada.

Tamén trasladaremos numerosas cuestións, preguntas e rogos como vén sendo habitual e ficamos á vosa disposición para calquera suxerencia, pois entre tod@s construímos Chantada.

#SomosAlternativa #CUPChantada

https://www.facebook.com/PorChantada/?fref=ts  

Concello de Chantada: dous soldos ningunha dedicación

A realidade, teimuda, volve demostrar que de pouco serven dúas dedicacións en Chantada cando non se vela e se loita por cousas elementais. O enésimo exemplo é o relacionado co anuncio do BOP nº 247 do día 27 de novembro de 2016 (páxinas 11-12). No mesmo anúnciase a creación dunha EDAR que vai verter 20.183 metros cúbicos de “augas residuais industriais e de escorrentía” por parte da empresa Lácteos Casa Macán S.L.

Vaia por diante que o desenvolvemento no rural é vital para fixarmos poboación e tamén a súa transformación, xerando valor engadido dos nosos excelentes produtos algo que debería guiar  a acción das políticas públicas, aínda que estea lonxe de ser así na actualidade. Ora, estas grandes liñas que deben fomentar as institucións deben facerse de acordo coa legalidade e os concellos deben velar por un desenvolvemento harmonioso onde se teñan todas as garantías de que o futuro, a calidade ambiental e os dereitos de todas as persoas se respectan. Como é público a empresa no seu día foi condenada por vertidos ilegais que mataron vacas e árbores e produciron transtornos á viciñanza polo que, pese a mudar de propietario agora, as institucións deberían estar se cabe máis vixilantes (La Voz de Galicia 26/04/2014).

Aínda que as instalacións do vertido se ubican en Taboada, o vertido ao Ponte Enviande (no BOP hai un erro) prodúcese xa en Chantada e, a pesar disto, o proxecto non se encontra para a súa consulta e alegacións no concello de Chantada. Inta non elevou ningunha queixa ou informe estudando o proxecto, malia que vai afectar a parrroquias do noso concello ao producirse en límite de finca do concello de Taboada (polígono 109, parcela 88)  cunha parcela do concello de Chantada (polígono 11, parcela 12) ao outro lado do río e afectando de cheo a parroquias do termo municipal chantadino (véxase o punteiro do rato):

O alcalde de Taboada tranquilizou aos seus viciños en Televinte, do concello de Chantada nada se sabe nin se molestaron a pedir e consultar o proxecto como si fixemos desde Por Chantada-CUP. O 25 de novembro, a requerimento deste grupo, enviáronnos desde o concello de Chantada a única documentación que teñen sobre este expediente e que debe exporse no taboleiro de anuncios non contemplando adoptar ningunha medida (documentacion-expediente-chantada), extremos que agardamos se corrixan toda vez que o prazo foi aumentado (polo erro de contido no BOP que xa citamos antes).

O Enviande nace na Serra do Faro, na Rede Natura, e desemboca no anegado Castro Candaz, cun alto valor paisaxístico e ecológico dada a súa biodiversidade e riqueza piscícola: oucas, árbores, troitas… O inventario de humidais da Galiza identifica 5 humidais de interese só no concello de Chantada figurando no mapa dos humidais da Galiza o alto de San Roque que atinxe ao río Enviande co código 11201351. Estamos falando, pois, dunha área de altísimo valor ambiental, paisaxístico e ecolóxico que merece todo o rigor e atención, tamén porque é unha área prioritaria de reprodución, alimentación, dispersión e concentración local de especies de aves e como área de distribución potencial do sapoconcho común (Emys orbicularis L.) e considerarase tamén en casos como o que nos ocupa  o disposto no artigo 6.2 do Decreto 70/2013, do 25 de abril, polo que se aproba o Plano de recuperación do sapoconcho común na Galiza, as masas de auga lénticas e zonas húmidas do concellos, así como as súas correspondentes zonas de policía, fican dentro das áreas de distribución potencial desta especie. Ao anterior cómpre engadir a captación e augas que poderían verse afectadas doutras captacións para granxas, exploracións gandeiras e mesmo traídas viciñais.

O presente expediente interpretamos que sería viábel e responsábel expolo en Chantada e que sexa informado tamén polos técnicos municipais correspondentes do concello de Chantada: viabilidade técnica, suficiencia da EDAR, distancia ás vivendas, garantías medioambientais, alternativas para o percorrido e para o vertido, vertido único ou vertido deseminado para unha maior disolución… Porque se leva desde Santa María de Piñeira ao límite con Chantada? Que garantías temos de que non se supere o límite de metros cúbicos contemplados? Quen vai facer controis e con que periocidade da calidade das augas? Que sedimentos e componentes químicos poden deitarse ao río e que impacto poden ter por acumulación no río ou no encoro? Que impacto no ecosistema e na fauna e na flora van ter estas augas residuais? Que alternativas poderían estudarse e barallarse? Vaise esixir estudo de impacto ambiental o cal obrigatoriamente recollería alternativas que podería estudar o concello de Chantada? Preguntas de sentido común que calquera cidadán pode facerse e que un concello competente e responsábel debería ter estudado e demandado as pertinentes aclaracións na defensa dos intereses dos seus representados. Nada se fixo.

Na imaxe, en vermello, o longo percorrido entre as instalacións da EDAR e o ponto de vertido xa en Chantada.

En definitiva, con moitas máis dificuldades e menos medios temos que ser os cidadáns organizados os que, coma sempre, velemos polo benestar e os direitos colectivos. Desde Por Chantada-CUP imos seguir exercendo o noso cometido responsabelmente polo que imos estudar o expediente e, se procede, apresentar alegacións  mesmo cos medios dos que dispomos, pois o goberno é como quen non o ten: dous soldos, ningunha dedicación.

Vídeos de Televinte sobre o pleno ordinario de marzo

3.- Resolución de reclamación e aprobación definitiva do orzamento 2016

A FAVOR: 7 (INTA)  EN CONTRA: 4 (Por Chantada-CUP e PSOE) ABSTENCIÓN: 2 (PP)

 

Nas seguintes ligazóns deixamos información relativa ao orzamento, tamén as “alegacións de pouca importancia”:

ALEGACIÓN ao orzamento

Orzamento 2016, DOCUMENTACIÓN

As INTERVENCIÓNS de Por Chantada sobre o orzamento no pleno ordinario de xaneiro:

 

https://porchantada.files.wordpress.com/2016/01/o-orzamento-da-resaca-da-borracheira-electoral.pdf

 

https://porchantada.wordpress.com/2016/01/22/resumo-do-pleno-do-dia-18-de-xaneiro/o-orzamento-da-resaca-da-borracheira-electoral/

4.- Resolucion de reclamacións e aprobación definitiva do expediente de modificación de créditos suplemento de crédito 1/2016

Doc.: INFORME SOBRE ALEGACIONES AL SC -ok 26 feb viernes e RESOLUCIÓN RECLAMACIÓN SUPLMENTO DE CREDITOS 12016

5.- Resolución de recurso de reposición contra o recoñecemento extraxudicial de créditos 1/2016

Doc.: RECURSO DE REPOSICIÓN RECOÑECEMENTO EXTRADUDICIAL 12016 INFORME RECURSO RECOÑECEMENTO 01-2016

6.- Plano económico-financeiro

Doc.: PEF DEFINITIVO

8.- Aprobación definitiva de desafectación do camiño da finca “Os Cipreses”, en expediente de permuta

A favor: 7 (Inta) En contra: 4 (Por Chantada-CUP e PSOE) Abstención: 2 PP

9.- Aprobación definitiva de desafectación de camiño en Zaquín, expediente de permuta

A favor: 7 (Inta) Abstención: 2 (PP) En contra: 3 (Por Chantada-CUP e PSOE. Deste grupo non vota Héctor por encontrarse nun caso de abstención forzosa por parentesco).

10.- Aprobación definitiva de desafectación de camiño en Centulle, en expediente de permuta

Neste caso non se apresentaron alegacións veciñais e segundo o alcalde hai unanimidade dos veciños. Desde o PSOE dise que non sobraba a relación de consentimento. Varela retruca que non lle corresponde ao Goberno facer ese labor.

A favor: 9 (Inta e PP) Abstención: 4 (Por Chantada-CUP e PSOE)

11.- Resolución de recurso de reposición en expediente de investigación dun camiño sito no lugar de Mundín, parroquia de Vilauxe

A favor: 7 (Inta) Abstención: 6 (Por Chantada-CUP, PSOE e PP).

13.- Moción do Grupo Municipal Por Chantada-CUP para o cumprimento real e efectivo da carta europea das linguas rexionais e minorizadas

Moción Por Chantada-CUP para o cumprimento real e efectivo da Carta Europea das Linguas

A favor: 11 (Inta, PSOE e Por Chantada-CUP) Abstención: 2 (PP)

14.- Moción do Grupo municipal Por Chantada-CUP para impulsar un proceso de fusión entre as entidades locais de Chantada, Carballedo e Taboada

Moción para impulsar un proceso de fusión entre as entidades locais de Chantada

15.- Moción do grupo municipal socialista sobre o apoio á vivenda como ben social

A favor: 11 (PSOE, Inta e Por Chantada) Abstención: 2 (PP)

16.- Proposta do grupo municipal socialista de moción promovida pola Asociación de escritoras e escritores en lingua galega para os concellos

Moción PSOE asociación escritoras-es en lingua galega

UNANIMIDADE

Moción para impulsar un proceso de fusión entre as entidades locais de Chantada, Carballedo e Taboada

Consulta en pdf a nosa Moción para impulsar un proceso de fusión entre as entidades locais de Chantada

 

@CUPChantada #SomosAlternativa

Por Chantada avoga pola fusión dos concellos de Chantada, Carballedo e Taboada

 

Por Chantada-CUP ten falado en reiteradas ocasións do país do Faro e mesmo solicitado ao Goberno de Inta en sesión plenaria que se informase sobre os beneficios da mancomunidade e das fusións. Medio ano máis tarde non se fixo nada a este respecto, até informarse sobre algo que pode redundar no beneficio das veciñas e dos veciños lles dá nugalla.

Aínda sabedores de que o impulso das fusións se fai baixo a héxira ultraliberal do adelgazamento das administracións públicas e non para redundar en servizo dos cidadáns, o certo é que non se pode desbotar que se rematen por impor desde arriba nun lapso non demasiado grande de tempo tal e como aconteceu en Grecia. Así pois, a Lei de racionalización e sostibilidade da administración local, que consagra ante todo o principio ultraliberal da “estabilidade orzamentar”, reforma o artigo 13 da Lei de Bases do réxime local para incorporar medidas tendentes á fusión de concellos.

De feito, a grande novidade da Lei 27/2013, de racionalización e sostibilidade da administración son precisamente os convenios de fusión entre concellos, aspecto que demandamos que se estude para aplicar aos concellos de Chantada, Carballedo e Taboada mediante referendum, tal e como se recolle no artigo 5º da Carta europea da autonomía local e de acordo co espírito do artigo 11 da Lei 7/1985 que esixe, como non podía ser doutro xeito, unha ligazón estreita entre o autogoberno democrático municipal e a colectividade que serve de sustento do concello.