Rendición de contas das actuacións de Por Chantada durante a crise do COVID-19 [última actualización 07/06/2020]

 

 

 

Na presente entrada da nosa bitácora iremos rendendo contas das principais actuacións desenvolvidas desde o noso grupo municipal en relación coa crise sanitaria derivada do COVID-19. Neste sentido, a nosa actuación caracterízase por brindar a nosa total disposición a colaborar co Goberno municipal para a mellor resolución da crise mediante a achega de propostas.

  1. Propostas de Interior Galego Vivo ante a crise do coronavirus (13/03/2020).
  2. Interior Galego Vivo: FAQ Ninguén é unha illa. Preguntas e respostas para o mundo rural perante a crise do coronavirus (15/03/2020).
  3. Propostas de Por Chantada-CUP para actuación desde o Goberno municipal perante a emerxencia sanitaria derivada do COVID-19. (21/03/2020)
  4. Proposta de protocolo para o SAF no Concello de Chantada a aplicar durante a crise do COVID-19. (22/03/2020)
  5. Documento achegas Por Chantada comisión seguimento 24 de marzo de 2020 (24 de marzo de 2020)
  6. Proposta de protocolo para a limpeza viaria no Concello de Chantada a aplicar durante a crise do COVID-19 (27/03/2020)
  7.  “Estamos mellor no rural na crise do coronavirus?“, artigo en Nós Diario de Paula Verao (Agroma Sober) e Antom Fente (Por Chantada) sobre a crise e a situación no rural (30/03/2020).
  8. Parte diario da situación sanitaria en Chantada a partir do 1 de abril de 2020 nas nosas RRSS e até que o Concello de Chantada dea conta da mesma nas canles oficiais, así como información variada de utilidade á cidadanía.
  9. Comunicado de imprensa sobre a residencia de Chantada (02/04/2020, publicado o día 4).
  10. Resumo das axudas supramunicipais ás que vos podedes acolller [COVID-19] (07/04/2020).
  11. Proposta de protocolo para reparto de máscaras no Concello de Chantada a aplicar durante a crise do COVID-19 (18/04/2020).
  12. Consideracións ante a emerxencia sanitaria e a crise social e económica pola COVID19 da plataforma Por un Interior Galego Vivo (IGV) (19/04/2020).
  13. Decálogo de propostas urxentes perante a evolución da crise da COVID-19 e o novo cenario de confinamento. (22/04/2020).
  14. Propostas derivadas da Comisión de seguimento da crise da COVID-19 do día 24 de abril. (25/04/2020)
  15. FAQ #fase1: perguntas e respostas frecuentes sobre a Fase 1 do desconfinamento progresivo. (09/05/2020).
  16. Por Chantada denuncia a privatización do SAF en plena pandemía (2/06/2020).
  17. Solicitude de Por Chantada-CUP en relación co PACES (07/06/2020).

Estamos tamén en permanente contacto coas candidaturas e entidades da plataforma Por un Interior Galego Vivo para partillarmos propostas e informacións.

 

Consideramos tamén interesante a seguinte información, que sintetiza cuestións, do ámbito sanitario (consulta máis información básica para a cidadanía aquí: https://porchantada.wordpress.com/2020/04/11/blindar-o-rural-covid-19-recomendacions/):

 

 

 

 

 

 

Queremos, por último, reiterar os chamamentos á calma e a importancia de guiarnos por informacións contrastadas e facer caso das disposicións das autoridades sanitarias. Para calquera cuestión que nos queirades facer chegar podedes contactarnos ben através do formulario de contacto da nosa bitácora ou ben nas redes sociais.

 

#ficanacasa #apoiomutuo #solidariedade

Propostas de mellora de Por Chantada-CUP ao anteproxecto de decreto polo que se crea a Comisión Interdepartamental da Ribeira Sacra.

 

No día de onte (11/02/2020) rexistramos as nosas Propostas de mellora de Por Chantada-CUP ao anteproxecto de decreto polo que se crea a Comisión Intedepartamental da Ribeira Sacra. O documento foi elaborado desde o Grupo de traballo para o Rural de Por Chantada, dependente da Comisión política.

Este novo ente, impulsado pola Xunta, visa, en teoría coordinar as políticas das diferentes administracións que se apliquen na Ribeira Sacra que, para o efecto se constitúe por concellos que ocupan máis de 10% da superficie da Galiza. Fronte ao BIC Ribeira Sacra, á declaración de Reservade Biosfera e á candidatura de Patrimonio da Humanidade preténdese harmonizar e elevar informes e demandas por parte das AA.PP.  Podemos sintetizar o documento das nosas achegas nos seguintes piares básicos que demandamos: pular por unha participación real da sociedade civil dos territorios implicados fronte ao actual modelo vertical, que exclúe e desouve sistematicamente aos “indíxenas”, polo que dificilmente a comisión pode atinxir os alvos fixados; e mellorar a eficiencia, a transparencia e o funcionamento democrático da Comisión.

 

Documentación (PDF):

Alegacións Por Chantada-CUP ao decreto de criación da Comisión interdepartamental da Ribeira Sacra

CT-decreto-comision-RibeiraSacra-gal

 

#ConstruírFuturo #PorUnInteriorGalegoVivo

Resumo do Pleno ordinario de novembro de 2019 [Audio]

 

 

Asistiron 11 concelleiros, ausentándose Manuel Diéguez do PP e María Varela do PSOE. Tamén asistiron a secretaria, a interventora e un funcionario. O Pleno comezou ás 9:35 horas e finalizou ás 12:36 horas. Como público, só asistiron dúas persoas e non houbo presenza da imprensa.

 

Audio do Pleno: https://drive.google.com/open?id=1nts08qOgZ1Ee5yRLHGh7i-5K3Xm_OAVI

 

1.- Actas anteriores, correspondentes ás sesións: Ordinaria do día 03/10/2019, extraordinario de 17/10/2019, extraordinarias urxentes dos días 21/10/2019, 29/10/2019 e 04/11/2019 (sorteo mesas). [Audio min. 0-3]

Acta PLENO ordinario 3_10_2019

O resumo da sesión do 3/10/2019 pode escoitarse premendo na seguinte ligazón: resumo pleno ordinario outubro 2019.

 

Neste ponto, desde Por Chantada salientamos que nos parecía excesivo e, sen correspondencia noutros concellos, celebrar 3 plenos polo sorteo das mesas eleitorais. O noso voceiro propuxo que non se cobrasen os plenos dos sorteos eleitorais e, após un pequeno debate, decidiuse que non se cobrarían os dous extraordinarios urxentes convocados por este motivo.

 

 

2.- Modificación ordenanza fiscal da taxa pola rede de sumidoiros e a taxa pola subministración de auga (G-1123/2019). [Audio min. 3-14:04]

PROPOSTA IPC  REDE SUMIDOIROS-SUBMINISTRACIÓN AUGA

FISCALIZACION DE INTERVENCION 2019-0117 [INFORME ACTUALIZACION IPC

Informe_INFORME XURÍDICO

Escrito Viaqua

 

Subirá, portanto, 0.5 conforme ao IPC. Contrasta que esta ordenanza sempre se actualice co desleixo que se ten coas demais. A empresa, que vendeu auga ilegalmente e sen contador, segue facendo o que quere e a intervención municipal xa solicitou dúas veces por escrito unha auditoría externa que o alcalde segue sen facer.

 

A favor: 6 (PP). En contra: 0. Abstencións: 5 (CUP e PSOE).

 

3.- Suplemento de crédito 05/2019 por importe de 80.719,97€ (expediente G.-1021/2019). [Audio min. 14:20-21:53]

Reclamación Por Chantada-CUP SC 5_2019

INFORME ALEGACIÓNS AO SUPLEMENTO CREDITO 05/2019

PROPOSTA ALEGACIÓN DO SUPLEMENTO CREDITO 05/2019

O 29/11/2019 xa se publicou no BOP a aprobación defintiva. Son múltiplas actuacións feitas en período eleitoral, sen dispor de crédito e contravindo tamén a LCSP no tocante aos contratos menores. Os argumentos do alcalde merecen ser escoitados, esta convencidísimo de quen non hai quen lles gañe e se gastando isto conseguen nas próximas a maioría estaría orgulloso e son uns “fenómenos”.

Un proceder que xa se desenvolveu en 2015, daquela con máis de 650.000€, aos que cómpre somar agora por volta de 150.000€ dunha sentenza xudicial en conceito de xuros de demora cando, de facerlle caso á interventora, terían que ter abonado 400.000 e non 600.000€. Claro que son cartos de todos e así paga calquera.

 

(Votábase rexeitar a alegación de Por Chantada-CUP ao Suplemento 5/2019): a favor 6 (PP). En contra: 5 (CUP e PSOE). Abstencións: 0.

 

 

4.- Modificación horarios sesións plenarias. [Audio min. 22:03-31:10]

PROPOSTA ALCALDÍA MODIFICACIÓN HORARIOS CONVOCATORIA PLENO.doc

DECRETO 2019-0541 [DECRETO modificación horario Xunta de Goberno Local.doc]

Emendas de Por Chantada ao ponto 2 da Comisión Informativa de Réxime Interior de 25 de novembro

 

O PSOE tamén apresentou unha emenda antes xusto de iniciar o Pleno, que non podemos pór ao entregársenos en papel. En todo caso tampouco foi aceite. Por Chantada demandaba que os plenos fosen o venres ás 20 horas. O alcalde dixo que a súa proposta era innegociábel e que se facía para atender a dous compañeiros seus que traballan na empresa privada e non na pública, que eses non teñen problema (en alusións a algúns integrantes da oposición).

 

Votación emenda Por Chantada-CUP (mudanza día Pleno de xoves a venres): a favor 2 (CUP), abstención 2 (PSOE) e en contra 6 (PP).

Votación emenda PSOE (mudanza comisións informativas para a tarde): a favor 5 (PSOE e CUP), abtencións 0 e en contra: 6 (PP).

Votación proposta PP (mudanza horario Pleno das 9:30 para as 20:00 horas): a favor 6 (PP), abstención: 3 (PSOE) e en contra 2 (CUP).

 

 

5- Moción grupo municipal Por Chantada-CUP para a adopción de medidas a prol da igualdade. [Audio min. 31:39-44:03]

Moción do grupo municipal Por Chantada-CUP para a adopción de medidas a prol da igualdade_signed

A favor: 5 (CUP e PSOE). En contra: 6 (PP).

6.- Moción de Por Chantada-CUP sobre a adopción de medidas necesarias na escola infantil e para ampliación das prazas públicas. [Audio min. 44:10-1:04:4]

Moción de Por Chantada-CUP sobre adopción de medidas necesarias na Escola Infantil e para ampliación das prazas públicas

A favor: 5 (CUP e PSOE). En contra: 6 (PP).

7.- Moción que apresenta do grupo municipal socialista do Concello de Chantada sobre transparencia e bo goberno. [Audio min. 1:04:12-1:27:27]

Moción PSG-PSOE sobre transparencia e bo goberno.

A favor: 5 (CUP e PSOE). En contra: 6 (PP).

 

 

8.- Moción do grupo municipal socialista do Concello de Chantada sobre o subministro eléctrico no polígono dos Acivros. [Audio min. 1:28:00-1:49:30]

Moción PSG-PSOE sobre o subministro eléctrico no polígono industrial dos acivros.

O PP culpa á Deputación e o PSOE á Consellaría de Industria, centrando nisto o debate. Sae tamén a problemática dun gandeiro de Camporramiro. Por Chantada propón que se mude o acordo para exixir á Xunta e á Deputación á resolución do problema. Non se acepta.

A favor: 5 (CUP e PSOE). En contra: 6 (PP).

9.- Mocións e asuntos de urxencia.

Non se produciron.

10.- Dación de conta de resolucións da alcaldía.

11.- Dación de conta do acordo de incorporación en conxunto dos funcionarios que perciben asistencia sanitaria por ADESLAS ao Réxime Xeral da Seguridade Social.

Este asunto non debería figurar na orde do día do Pleno, si na comisión informativa. O que debería figurar é a mudanza de horario das Xuntas de Goberno Local (XGL).

12.- Dación de conta de informe de control financeiro de acordo co Plan anual financeiro para o exercicio 2018. [2:20:25-2:22:00]

FISCALIZACION DE INTERVENCION 2019-0089 [CONTROL FINANCIERO PROVISIONAL 2018]

Precioso o documento. Non deixa títere con cabeza e revela máis unha vez a súa deficiente xestión, con aspectos gravísimos. Paga a pena lelo. Aclarámoslle ao alcalde que a interventora xa pediu auditoria externa sobre a empresa dúas veces. Tamén que moitas ordenanzas actuais, que xa están feitas, non se actualizan nen se aplican.

13.- Dación de conta da resolución da alcaldía pola que se aproba o Plano de Igualdade entre Mulleres e homes do Concello de Chantada. Expediente 1132/2019. [2:22:00-2:23:22]

III PIan Igualdade_Concello de Chantada

Valoración e emendas de Por Chantada-CUP ao III PIOM

II Plan_Igualdade_de_Oportunidades_Chantada

Propostas Actividades Plan de Igualdade de Chantada

Por Decreto 515/2019 de 8 de novembro (exp. 1145/2019) aprobaron F/2019/33, correspondente á elaboración do III PIOM por importe de 4.495,15€. O compromiso de ingreso efectuado polo Instituto da Muller e para a igualdade de oportunidades e a FEMP, para o Plan de Igualdade ten un por importe de 3.703,00 €. Puxo o Concello os 792,15€ de diferenza? Si. Cuestionamos tamén que se afirme que se cumpriu 70% do II PIOM.

14.- ROGOS E PREGUNTAS.

14.1.- Preguntas PSOE. [Audio min. 1:50:00-2:20:26]

14.2.- Rogos e perguntas Por Chantada-CUP.

0.- Perguntas por escrito Pleno outubro. [2:23:23-2:24:00 + 2:52:56-3:01:06]

PREGUNTAS DE POR CHANTADA-CUP por escrito para o Pleno ordinario de setembro 2019_signed Foron presentadas conforme ao ROF e deberían terse respondido xa no outro Pleno.

1.- Decreto 119/2019, do 19 de setembro, polo que se regulan os criterios hixiénico-sanitarios das piscinas da Galiza. [2:24:00-2:24:50]

Analizaron o novo Decreto da Xunta e como pode impactar na xestión da piscina? Responde Diego Otero (PP) indicando que está en estudo e que no site de Sanidade hai novos protocolos. Xa está feito o das piscinas interiores e con revisión da inspección de sanidade.

2.-Consello escolar CEIP de Requeixo. [2:24:50-2:28:25]

A quinta-feira 7 de novembro celebrouse Consello escolar no CEIP Xoán de Requeixo, para aprobar o seu Plano Xeral Anual (PXA). Novamente, ninguén do Goberno se dignou en aparecer e iso, que no pasado Pleno ordinario, trouxemos a cuestión do IES Lama das Quendas, onde levan anos sen aparecer. [Panela indica que se disculpou]

Na páxina 55 do devandito documento hai unha referencia a unha obra de accesibilidade na escola non desenvolvida polo Concello. Concretamente dise:

Neste curso, creouse unha unidade específica de educación especial, resaltar que aínda que contamos con todos os recursos, tanto humanos como materiais, a aula non está funcionado, debido a que non hai acceso a ela debido ás barreiras arquitectónicas existentes. Era un compromiso do Concello eliminalas durante este verán, pero seguimos á espera. A dirección do centro fixo todas as xestións que estaban na súa man, pero non se conseguiu nada ata o momento. A Xefatura Territorial é coñecedora deste problema, xunto con Inspección e unidade técnica (enviouse un escrito solicitando se solventase o problema con data 1 de outubro de 2019).

Poden explicar por que é que non se desenvolveu esta actuación e cando teñen pensado pórlle remedio a esta deficiencia? [Varela di que non é competencia municipal e que o farán, en todo caso no Nadal]

Agora, o Consello Escolar, por unanimidade, aprobou unha queixa ao Concello dado o incumprimento continuado de diferentes intervencións de mantemento e outras de accesibilidade (RE-08/11/2019). Xa o 19/04/2019 remitiuse desde a Dirección escrito ao Concello solicitando unha rampla que dese acceso ao edificio antigo do colexio, onde se localiza a xa mencionada unidade de educación especial, para pícaros con NEAE, algúns deles con mobilidade reducida. Deron compromiso verbal, como fan sempre, mais aínda non fixeron nada e a aula está inutilizada por este motivo.

As demandas urxentes do CEIP son:

  • Rampla de acceso para a unidade de educación especial coa que se comprometeron, mais segue sen facerse.

  • Inspección das instalacións eléctricas, pois o inspector da Consellaría de Industria dixo que tiñan que ser feitas inminentemente, xa que caducou a data límite para facer a revisión por parte do Concello e segue a velas vir. [Varela di que xa está pedida]

  • Limpeza das baixantes dos diferentes edificios, pois está entrando auga no comedor. [Varela di que iso é da Consellaría e que parece que as direccións teñen medo a chama á Delegación e que procuran aforrarlle os cartos]

  • Solventar as deficiencias na limpeza dos patios, nomeadamente a segunda-feira polos restos que fican da fin de semana. Este ano, na véspera de comezar o curso aínda estaba o patio sen limpar, con árbores caídas e o céspede sen rematar de cortar. [Varela nega a maior e nega isto]

  • Reposición de azulexos caídos e mantemento variado.

  • Retirada de pintadas existentes nos diferentes edificios.

  • Modificación no muro situado entre o edificio principal e o comedor.

En definitiva, que o Concello deixe a un lado o seu proverbial desleixo e o abandono total das súas responsabilidades e atenda ás necesidades dos cidadáns e do ensino público.

 

3.- Fosa séptica en Nogueira. [2:28:26-2:28:44]

Hai meses solicitamos mediante un rogo que se baleirase a fosa séptica de Nogueira, o cal se fixo, mais esta apresenta importantes fugas polos laños e fisuras coas que conta, expondo a cheiros e vertidos incontrolados as inmediacións.

Rogamos máis unha vez que se proceda, o antes posíbel, á súa reparación.

 

4.- Robaliza comunicación. [2:28:44-2:28:57]

Desde a pasada lexislatura as RRSS do Concello de Chantada están xestionadas por Robaliza Comunicación. Segundo este grupo ten entendido, a empresa acumula impagos nos últimos seis meses. Que explicación dan desde o Goberno a este atraso? [Pamela di que non é certo. Ao rematar o Pleno Pamela acláranos que había unha factura mal por parte da empresa e que xa foron abonadas algunhas delas.]

 

5.- Pista Pincelo. [2:29:03-2:29:13]

A pista de Pincelo indicámoslle no pasado Pleno que estaba con madeira caída e comunicóusenos que fora retirada. Para a nosa sorpresa comprobamos aínda o 19 de novembro, que isto non é así, e que os problemas sinalados persisten dous meses despois. Rogamos novamente que o Concello actúe.

 

6.- Pistas Caíbe e Vilardamos. [2:29:14-2:30:00]

Esta pista precisa ser arranxada con urxencia. Rogamos se faga canto for posíbel.

Tamén vimos que a pavimentación do núcleo de Vilardamos foi adxudicado a Construcións Voces por importe de 25.410€. Cando van comezar estas obras que xa se contemplaban no Plano Único da Deputación e que parte achega o Concello? [Varela indica que a Deputación achega o 100% do financiamento e que ao Concello non lle custa nada e que, canto ao inicio da obra que depende agora da empresa]

 

7.- Rúa do parque. [2:30:00-2:32:39]

Transmitimos queixa viciñal para a mellora da Rúa do parque, entre Santa Ana e o Campo da Feira Vello, que eviten o aparcamento indebido e en relación cos bolardos.

En xeral, a ordenación do tránsito urbano, primeiro ponto do programa eleitoral do PP nas pasadas municipais, segue igual que estaba. Que accións contemplan neste eido? [Varela nega que haxa problemas e que só se queixa unha viciña. Cruz lémbralle escritos da comunidade de viciños á que pertence, xa hai tres anos. Varela di que se chame á policia local]

 

8.- Biblioteca. [2:32:40-2:33:12]

Rogamos, desde este grupo municipal, que se recupere o horario de apertura en fin de semana da Biblioteca. Por que se suprimiu? [Falta de persoal, indica o alcalde]

Que xestións se fixeron para a consecución da nova biblioteca desde o Goberno? [Non hai novidades, pendentes da compra duns edificios]

9.- Alumeado público. [2:33:15-2:35:08]

Temos reiterado en varias ocasións que o alumeado público precisa dunha revisión e optimización, para alén de apostar polas lámpadas de poupanza enerxética e de mellora da eficiencia. Rogamos o arranxo do alumeado nocturno do paseo fluvial, concretamente no treito que vai dende a Ponte Peonil (altura da piscina municipal) ata a Alameda, que neste momento é inexistente e xa se acumulan varias caídas pola falta de visibilidade. [Varela di que está reposto agora. Falta unha marxe por arranxar, a direita. Di que se van gastar 198.000€ para aforro enerxético e que son independentes dos 46.000€ que se investiron en Uxío Novoneyra coa empresa Rabelas e que suporán 70% de aforro, financiándose co fondo de compensación]

 

10.- Casa da música. [2:35:08-2:35:46]

Recentemente, como consecuencia dunha caída dado o esvaradío da superficie, tivo que ser trasladada unha persoa en ambulancia. É un tema que traemos todos os invernos e segue sen solventarse. O Goberno apenas colocou un balado de obra que non solventa ren. Rogamos se feche con garantías o teito da Casa da música entre os meses de outubro e abril.

 

11.- Pista de padel. [2:35:47-2:37:17]

Falando de teitos, a coberta da pista de padel que custou 41.932€ (dos cales o Concello achegou 2.046,64€ e o resto a Deputación através do Plano Único 2018) e leva pouco feita semella que non está cumprindo axeitadamente a súa función e a auga segue penetrando.

  • Contemplan solucións? [Varela di que de momento non. Diego di que é eficiente e que non hai problemas. Diego di que o proxecto foi feito polo arquitecto e o técnico deportivo. Algo sempre entra cando fai vento. Varela di que non xoguen cando fai mal tempo, que aínda quererán ar acondicionado no verao. Hai necesidades máis urxentes]

 

12.- Rúa Rosalía de Castro. [2:37:18-2:38:26]

Cimentouse a parte da beirarrúa que caiu, mais deixáronse os balados de obras do Concello que están ciscados e dan unha imaxe lamentábel. Rogamos a súa retirada e que, no sucesivo, se fagan mellor estas actuacións. [Foi unha rotura. Vaise arranxar cando non chova con formigón impreso]

 

13.- Piscinas. [2:38:27-2:41:36]

Hai lixo e neveiras fóra e dentro do cuarto das piscinas de fóra, xunto aos baños, comida apodrecendo que ficou da Wolf race, cando temos un banco de alimentos e xa pasou o mesmo no pasado ano. Nas duchas ficou todo cheo de bulleiro, tendo que limpar o servizo municipal. Xunto ao río ficaron garrafas de auga de plástico, que remataron no curso fluvial. Desa mesma carreira ficaron varios outros elementos sen retirar. Cal é o motivo deste proceder? [Varela di que haberá que darlle un tirón de orellas á asociación e retirarlle a axuda se volven reincidir]

Na beira de fóra afundírase o terreo e non funciona a depuradora, mais aí colocouse unha lanzadeira que pesa e segue sen recoller. Rogamos que se recolla. [Diego que ficará aí para o ano pasado. Indica que as garrafas de auga se recolleron ao día seguinte]

Nas piscinas de dentro a ventilación non funciona e a condensación está derramando a madeira do vestíbulo. Rogamos que se arranxe. [Diego di que só leva 3 meses así e que se vai arranxar]

Cal é o motivo polo que a cafetaría leva meses fechada e non se licita? [Esta fechada, de momento non se vai licitar]

 

14.- Fincas expropiadas. [2:41:37-2:44:44]

Vemos que pagaron a expropiación dunha finca por tras do IES Val do Asma por valor de 89.657,38€. Que uso lle teñen contemplado dar? [Varela di que, se callar, para horta escolaar, como no grupo escolar de arriba]

Tamén na rúa Pardo Bazán, por importe de 28.411,27‬€, cal vai ser o seu destino? [Tratar comprar as fincas colindantes para facer un parque]

 

15.- Sentenza 254/2019 (120.140,43€ en xuros de demora). [2:44:45-2:46:10]

A sentenza estimatoria do xulgado Contencioso-administrativo nº1 de Lugo, de data 27/09/2019, con número 00254/2019, que ten o carácter de firme, dá dez días para a súa execución solicitando o Concello unha moratoria para facer o pago através do Orzamento de 2020. Trátase de 120.140,43€ en xuros de demora.

A que fai referencia exactamente a sentenza?

Cando teñen previsto traer a Pleno o Orzamento de 2020?

[Varela di que agora quere todo papeis, que non se fía das palabras. Que é para indemnizar a empresa FEVISA polas obras de 2015. Fente mostra a indignación que lle produce ter gasto en período eleitoral e sen crédito máis de 640.000€, a pesar de que a interventora defendía que eran pouco máis de 400.000€ o que lles correspondía a Fevisa e Oviga. Agora isto. O orzamento contemplan que veña xa en decembro se se poñen xa a traballar nel]

16.- Terrazas. [2:46:11-:2:47:14]

Volvemos facer o rogo para que se desenvolva unha ordenanza actualizada e axeitada ás nosas necesidades para as terrazas e a ocupación do espazo público. Vimos o Decreto 488/2019, de 29 de outubro polo que se dá a coñecer que no 2019 se recaudaron 5.335,60€ por este concepto, por volta de 2.000€ máis que na anualidade pasada. [Varela di que é urxente revisar o que se cobra, que é axudar demais]

17.- Reparos e omisións de fiscalización.

Non se están enviando. Lembramos un informe do anterior secretario, Baños, a instancias do noso grupo sobre este asunto. Se non se remite pedirémolos por escrito mes a mes, co cal é pior para todos e todas.

 

18.-Pronor Chantada S.L. [2:47:15-2:48:02]

Mediante Decreto 509/2019, de 7 de novembro de 2019 o Concello de Chantada encomenda a defesa xurídica do procedemento a José Antonio Carnero Blanco e non ao Servizo da Deputación de Lugo, como vén sendo habitual. Cal é o motivo? [A Deputación estalle perdendo todos os xuízos, non lles convence]

Coidamos que non é procedente que o Goberno contrate a persoas relacionadas por parentesco directo, xa que incumpre as disposicións legais. [O PP di que se consultaron e que non hai problema]

19.- Luces Nadal. [2:48:03-2:49:01]

Canto se vai gastar? [Varela di que coma o ano pasado, sobre 12.000€]

20.- Pregos privatización SAF. [2:49:02-2:50:10]

Aprobáronse? [Están niso, afirma o alcalde] Cando se van aprobar? [Virán a Pleno] Que vai pasar coas 15 traballadoras que rematarán contrato a 31/12/2019? [Indican que todas, que a ver se son capaces de anotarse á bolascurioso cando sacan unha bolsa de emprego e nen eles saben realmente que van facer-] Como se conxuga a privatización, cunha bolsa de emprego en marcha e cunha empresa externa funcionando? [O alcalde di que vai para largo, que se privatizará en maio ou máis adiante, non en xaneiro]

21.- Capela do Faro. [2:50:11-2:50:26]

Que xestións fixo o Concello perante a falla de licenza? [O presidente da Corporación unicamente sinala que se encamiñou un informe a Cultura, a petición desta Consellaría]

22.- Níveis elevadísimos de gas radon na casa do concello. [2:50:36-2:52:53]

Inquerimos se lembraban como se riran de nós cando apresentaramos a Moción de Por Chantada-CUP para impulsar un estudo sobre a incidencia do cancro no Concello de Chantada e a adopción de medidas preventivas fronte esta doenza. [Varela di que non é risa e que ninguén se riu da moción. Fente lémbralle a acta correspondente. Di que o van arranxar cuns ventiladores].

Sobre isto deixamos algúns materiais a maiores do exposto no seu día sobre a relación entre altas taxas de radon e o incremento exponencial do cancro, nomeadamente de pulmón:

4.6_WEB

ICRP_Publication_103-Annals_of_the_ICRP_37

Radon_gas_in_homes_increases_lung_cancer_risk

Subvencións nominativas concedidas polo Concello de Chantada en 2017 [as contas do Concello VII]

 

Dado que algunhas subvencións foron modificadas das previsións orzamentares iniciais, consideramos un exercicio de transparencia interesante informar sobre os montantes finais, subscritos mediante convenios. As subvencións nominativas, a diferenza das de concorrencia competitiva, concédense a dedo.

En negrito márcanse aquelas subvencións nominativas cuxo importe superou o orzamentado en 2017 e, xa que logo, fíxose unha modificación posterior ao aprobado plenariamente:

  • Asociación O Carme: 58.000€ (P.O.: 334.489.01)
  • Asociación Casa da Música: 40.000€ (P.O.: 334.489.01)
  • SD Chantada: 15.000 € (P.O.: 341.489.01)
  • Asociación Amigos do Folión: 10.500€ (P.O.: 334.489.01)
  • Escudaría Chantada: 8.000€ (P.O.: 341.489.01)
  • Asociación Amigos de Galicia: 6.000€ (P.O.: 231.489.01)
  • Asociación Coral Polifónica: 3.000€ (P.O.: 334.489.01)
  • Asociación Familiares enfermos de Alzeimer (AFA): 3.000€  (P.O.: 231.489.01)
  • Asociación Cultural O Castanhazo: 3.000€ (P.O.: 334.489.01)
  • Círculo Asociación Círculo Chantadés de Xadrez: 2.500€ (P.O.: 341.489.01)
  • Asociación El Enjambre: 2.500€ (P.O.: 231.489.01)
  • Asociación Clube Atlético Chantada: 2.500€ (P.O.: 341.489.01)
  • Asociación Empresarios (AECH): 2.000€ (P.O.: 334.489.01)
  • ASDEME: 2.000€ (P.O.: 231.489.01)
  • Asociación Amigos do Entroido Ribeirao: 1.800€ (P.O.: 334.489.01)
  • Convenio Asociación Conde Pallares: 1.500€ (P.O.: 334.489.01)
  • Asociación Chantada contra o cancro: 1.000€  (P.O.: 231.489.01)
  • Asociación ARCHA: 1.000€ (P.O.: 231.489.01)
  • Convenio Clube Tenis Chantada: 1.000€  (P.O.: 341.489.01)
  • Convenio Clube Ciclista Chantadés: 600€ (P.O.: 341.489.01)
  • Asociación Chantada Karate Club: 500€ (P.O.: 341.489.01)
  • Asociación Cruz Vermella: 500€  (P.O.: 231.489.01)

 

Esta información publícase dentro da serie  As contas do Concello, que fomos elaborando ao longo da lexislatura como parte do noso labor informativo dentro da fiscalización que facemos do gasto público e que se complementa tamén co asinalado no Observatorio Cidadán da Inversión Pública (OCIP). Outras entregas poden consultarse nas ligazóns seguintes:

As contas do concello VI: as Festas do Carme e o Folión de Carros en 2016.

As contas do concello V: a Feira do Viño de 2016.

As contas do concello IV: gastos repetitivos e periódicos.

As contas do concello (III): canto gasta o concello de Chantada en festas?

As contas do concello II: o gasto telefónico.

As contas do concello (I): o financiamento da prensa.

 

 

As contas do concello V: a Feira do Viño de 2016

feiravinho
Foto: web do concello de Chantada

Nota previa: esta é unha reconstrución aproximada a partir da relación de facturas que se nos remite para o control do Goberno local. Daquela, poden existir outras facturas que non explicitan ou que non é doado relacionar coa Feira do Viño stritu senso polo que esta relación será sempre inferior ao realmente dedicado á Feira do Viño de 2016 e, xa que logo, é orientativa e ten por obxecto a información da cidadanía e nunca debe considerarse como unha listaxe completa nin taxativa. De feito, seguramente aínda haxa facturas pendentes de aprobación e recoñecemento. Na pregunta que formulamos en pleno díxosenos que se barallaba un orzamento aproximado de 50.000€.

Lamentamos profundamente ter que facer nós este traballo e exercicio de transparencia que debería ser esixíbel a calquera goberno eleito democraticamente.

#SomosAlternativa #CUPChantada

Empresa e ou concepto Partida Orzamentar Cantidade € Data e órgano que aproba a factura Número da factura
Val do Asma 330.227.99 400 XGL 05/04/2016 792
Garrafon.com 338.226.09 750 XGL 05/04/2016 757
Coctel premios Feira 330.226.01 2.475 XGL 05/04/2016 771
Premios feira 330.226.01 605,59 XGL 05/04/2016 774
Sermos Galiza 330.226.02 605 XGL 05/04/2016 775
La Voz de Galicia 920.226.02 847 XGL 05/04/2016 738
Madeira para caseta 330.226.09 718,99 XGL 05/04/2016 776
Radio e aluguer vados publicitarios 330.226.02 4175,71 XGL 05/04/2016 778
Trebol Musical S.L. 338.226.02 8833 XGL 05/04/2016 782
Yucatan e carpa 338.226.09 7260 XGL 05/04/2016 783
El Correo Gallego 330.226.02 617,10 XGL 05/04/2016 784
Ineditors Grupo Towers 338.226.02 242 XGL 03/05/2016 797
El Progreso 330.226.09 299,99 XGL 03/05/2016 804
Radio Popular 338.226.02 1.210 XGL 03/05/2016 823
Charleston Big Band S.L. 338.226.09 4.658,50 XGL 03/05/2016 830
Asociación cultural DR. Anchoa 338.226.09 900 XGL 03/05/2016 831
Asociación cultural charanga N.B.A 338.226.09 1.500 XGL 03/05/2016 832
Campo Galego 338.226.02 133,10 XGL 03/05/2016 833
Radio Faro (SER) 338.226.02 1.107,15 XGL 03/05/2016 898
Galicia Confidencial 338.226.02 242 XGL 03/05/2016 901
Sociedad Española Radiodifusión S.l. 338.226.02 1.017,25 XGL 03/05/2016 906 e 907
Beta MLJ S.L. 338.227.99 1.222,10 XGL 03/05/2016 911
El Progreso 338.226.02 726 XGL 03/05/2016 912
Vicente Diéguez Simón 338.227.99 2.348,61 XGL 03/05/2016 914
La Voz de Galicia 338.226.02 556,6 XGL 03/05/2016 921 e 922
V Televisión 338.226.02 370,56 XGL 03/05/2016 923
La Voz de Galicia 338.226.02 1.681 XGL 03/05/2016 924
José Gallego Álvarez 338.226.09 6.751,80 XGL 03/05/2016 845
La Región 338.226.02 786,50 XGL 03/05/2016 867
Sagon S.L Publicidad 338.226.02 665,50 XGL 03/05/2016 884
UNIPREX S.A.U 338.226.02 338,80 XGL 03/05/2016 893
Tecniart Galicia S.L. 338.226.02 1.996’44 XGL 07/06/2016 927
Sar Comunicaciones XXI 338.226.02 363 XGL 07/06/2016 928
La Opinión Coruña S.L. 920.226.02 242,02 XGL 05/07/2016 956
Erp publicidad S.L. 338.226.02 235,95 XGL 06/09/2016 1376

Actualizado en 22/09/2016 ás 11:11.

TOTAL: 56.546,31€

Confira tamén outros artigos relacionados:

 

As contas do concello I: o financiamento da imprensa

As contas do concello II: o gasto telefónico

As contas do concello III: canto gasta o concello de Chantada en festas?

As contas do concello IV: gastos repetitivos e periódicos

Orzamento 2016: documentación

Resumo do pleno ordinario do 9 de maio de 2016

Por Chantada - Participación Democrática Directa

O pleno ordinario de maio comezou ás 20 horas coa presenza de 10 concelleiros. En total, finalmente, asistiron, 12 concelleiros ausentándose Cándida Carnero do grupo Inta e Goyanes do PP. Como público, alén de Televinte, só asistiu unha persoa.

A continuación facemos un detallado resumo do pleno.

Seguir lendo

Resumo do pleno ordinario do 7 de marzo de 2016

 

Por Chantada-CUP

 

O.- Orde do día

Para veres o resumo preme en ler máis. Seguir lendo

MOCIÓN PARA A ADOPCIÓN DE PROTOCOLOS DE TRANSPARENCIA NO RELATIVO Á CONTRATACIÓN E SEGUIMENTO DOS CONTRATOS MENORES

corrupción

Descarga aquí o contido íntegro da nosa Moción para a adopción de protocolos de transparencia e eficiencia nos servizos económicos. Curiosamente ao pleno ordinario de marzo tamén chegará un convenio entre a Deputación de Lugo e o concello de Chantada para cumprir coas novas disposicións legais sobre transparencia. A hipocrisía como bandeira, depois de rexeitar hai máis de medio ano a nosa Moción para a implantación de códigos de transparencia e Participación Cidadá na Administración Local. As tretas da vella política contan a cada paso cun recorrido menor.

Seguir lendo

As contas do concello (I): o financiamento da prensa

Por Chantada - Participación Democrática Directa

Última actualización: 14/o3/2017 (10:55 horas)

Coñecer as contas dos organismos públicos consideramos que é algo fundamental e, desde logo, coherente coa nosa aposta pola participación cidadá, a ética na política e a transparencia. Por iso, esta entrada inaugura unha nova sección na nosa páxina web destinada a dar a coñecer as contas do concello.

Nesta primeira aproximación imos detallar o que se leva gastado, desde a nosa entrada no concello, en diversos conceptos relacionados con medios de comunicación privados: publicidade, subscricións a xornais, axudas sen convenio ou mediante convenio se chegase a darse o caso, etc. O cómputo exténdese, neste caso, desde xuño de 2015.

EMPRESA

CONCEPTO

P.O.

Data emisión

SUBTOTAL

TOTAL

TELEVINTE

C. 3º trimestre

330.226.09

1/10/2015

3.630€

La Voz

Patronais 2015

330.226.02

31/08/2015

987’36€

El Progreso

Anuncio RS

330.226.02

30/06/2015

736€

El Progreso

Anuncio RS

330.226.02

30/06/2015

363€

El Progreso

Chantada verán

330.226.02

31/08/2015

605€

El Progreso

Anuncio festas

330.226.02

31/08/2015

665’50€

La Voz

Anuncios maio

920.226.02

31/08/2015

289’19€

El Progreso

Anuncio laboral

920.226.02

10/06/2015

212’96€

El Progreso

Anuncio PEP

920.226.02

31/05/2015

212’96€

La Voz

Subscrición

920.220.01

01/07/2015

189€

La Voz

Anuncio maio

920.226.02

31/05/2015

289.19€

La Voz

Anuncio Castañazo Rock

338.226.09

31/10/2015

130.68€

Editorial Compostela

2210 Conc. de Chantada (Gala Galegos)

430.226.02

31/10/2015

121€

El Progreso

Anuncios verán

430.226.02

30/09/2015

847

El Progreso

Subscr. Biblio.

330.220.01

11/11/2015

98’50

El Progreso

Anuncio

430.226.02

09/12/2015

363€

El Progreso

Prensa xaneiro

920.220.01

Sen factura

33’95€

TELEVINTE

4º trim.

430.226.02

21/12/2015

3.630

La Voz

Expo R. Figueira

920.226.02

31/12/2015

571,12

La Voz

Subscr. 01-06

920.220.01

01/01/2016

190

La Voz

Subs. Aso. Enjambre 01-06

920.220.01

01/01/2016

375

El Progreso

Biblio 01-03

920.220.01

31/01/2016

98’50

El Progreso

Anuncio extra fitur

920.226.02

31/01/2016

363

El Progreso

Anuncio conce

920.226.02

31/12/2015

363

El Progreso

Imprensa concello febreiro

920.22o.01

31/12/2015

33’95€

Editorial Compostela

3112 Fin de Ano

920.226.02

31/12/2015

121€

TELEVINTE

Promo. divulg. actividades do concello xaneiro-febreiro 2016

430.226.02

01/03/2016

2.420

 

LA VOZ DE GALICIA

bANNER 984X50 HIPERLOCAL CHANTADA 2016

920.226.02

15/03/2016

847

El Progreso de Lugo

Anuncio entroido

920.226.02

29/02/2016

605

Sermos Galiza

Banner capa

330.226.02

22/03/2016

605

605

Editorial Compostela

Promo Feira do Vinho El Correo

330.226.02

30/03/2016

617,10€

859,1

El Progreso

Feira do Viño

330.226.09

31/03/2016

299,99€

 Radio Popular S.A. Feira do viño 338.226.02 05/04/2016 1.210
Campo galego

Feira do Viño

338.226.02

05/04/2016

133,10

133,10
Radio Faro (SER) Feira do viño  338.226.02 11/04/2016 1.107,15

 Galicia Confidencial

Feira do Viño  338.226.02 12/04/2016 242 242 
Sociedade Española de Radiodifusión Feira do viño  338.226.02  12/04/2016  1.017’25€  1.017’25€

    

 El Progreso

Feira do Viño 338.226.02 13/04/2016 726
La Voz de Galicia Feira do viño  338.226.02 19/04/2016 2.238,5 6.963,82

V Televisión

Feira do Viño 338.226.02 19/04/2016 370,56 370,56
 La Región Feira do Viño 338.226.02  11/04/2016 786,50  786,50
 Televinte  Act. concello marzo-abril 16  430.226.02  03/05/2016  3.630  
El Progreso Imprensa concello 920.220.01 29/04/2016  33’95€  
El Progreso Imprensa concello 920.220.01 29/04/2016  33’95€  
El Progreso Subs. Biblioteca 920.220.01 30/04/2016 98’50€  
 El Progreso Anuncio PXOM  920.226.02 30/04/2016  638’88€
 La Voz de Galicia PXOU Chantada  920.226.00  30/04/2016  653,40€  
 Sar Comunicaciones XXI  Feira do Vinho  338.226.00  31/03/2016  363
LA Opinión A Coruña S.L. Publicidade feira do viño 2016 920.226.02 31/03/2016 955 242,02 
 Televinte Promoción, divulgación e cobertura informativa maio-xuño 330.226.02 19/07/2016  2.420  
El Progreso Anuncio Moito que ver 920.226.02 30/06/2016 363
 El Progreso Pago mes de xuño  920.220.01 29/07/2016  33,95
 La Voz de Galicia subscrición 920.220.01 01/08/2016  190
 La Voz de Galicia  anuncios PXOM 920.226.02  11/08/2016  423,50  
 El Progreso  subscrición biblioteca 920.220.01  05/08/2016  98,50
 El Progreso  anuncio PXOM 920.226.02  05/08/2016  212,96  
 El Progreso  anuncio subestación Vilela  920.226.02  05/08/2016  216,96
 El Progreso  verán turístico 920.226.02  05/08/2016 726  
 Televinte  promoción, divulgación e cobertura informativa xullo-agosto  330.226.02  31/08/2016  3.630
 Erp publicidad  publicidade feira do viño  338.226.02  01/08/2016  235,95€  235,95€
 Radio Faro-SER  anuncio patronais  330.226.02 31/08/2016  297,66 1.405,16
 SAR Comunicaciones XXI  publicidade Progreso verán  920.226.02  31/07/2016  484
Radio Popular anuncio patronais 330.226.02 05/09/2016 309,76  1.519,76
 UNIPREX SAU  anuncio patronais  330.226.02  31/08/2016  242 242
 El Progreso anuncios agosto  430.226.02  31/08/2016 1.815
Sar Comunicaciones XXI Publicidade El Progreso verán 2016 920.226.02 31/08/2016 484
 
El Progreso Imprensa concello 920.220.01 agosto 33,95
La Voz de Galicia Anuncio Carmen e Folión 2016 920.226.02 05/10/2016 822,80
El Progreso Verán turístico 920.226.02 10/10/2016 363
El Progreso Imprensa concello agosto 920.220.01 agosto 33,95
El Progreso Imprensa concello 920.220.01 setembro 33,95
Sar Comunicaciones XXI Publicidade Progreso verán 2016 920.226.02 30/09/2016 1452 2.783
 SAGON SL Publicidad Publicidade especial festas 2016  330.226.02 31/08/2016  665,50 665,50
 El Progreso  Subscrición biblioteca  330.220.01  31/10/2016  98,50  
El Progreso Imprensa concello 920.220.06 novembro 67,9  
Televinte Promoción e cobertura informativa actividade concello septembro e outubro 330.226.02 31/10/2016 3025  22.395
El Progreso Anuncio Ribeira Sacra 920.226.02 12/12/2016 363  
La Voz de Galicia Orde títulos desporto 920.226.02 31/10/2016 471,9  9.525,82
El Progreso Subscrición biblioteca 920.220.01 31/01/2017 98,50
El Progreso Facturación xaneiro 920.220.01 06/02/2017 33,95 11.977,21

 

TOTAL: 54.350,19 €


A isto cumpriria engadir outros pagos doutras partidas, como xa dixemos, que se fan a medios de comunicación, nomeadamente a televisión local Televinte polo que o gasto real é sensibelmente maior do recollido na devandita partida orzamentar.
Canto se preve gastar en 2016? Non é doado estabelecer unha cantidade fixa, xa que non todas as facturas con destino á imprensa se engloban na Partida Orzamentar de “Publicidade e propaganda” (226.02), senón que poden subsumirse noutras partidas. No entanto, podemos adiantar o que o Goberno contempla gastar en “Publicidade e propaganda” de acordo co rascuño dos orzamentos que nos foi transmitido:

Publicidade e propaganda (P.O. 226.02)
330.- Ad. Xeral cultura 5.000€
338.- Festas populares e festexos 2.000€
430.- Comercio, turismo e PEMEs 6.000€
920.- Ad. Xeral 9.952€
TOTAL 29.952€

Concretamente, no caso de Televinte, ten un convenio asinado cos diferentes concellos da comarca aínda que en Chantada este non está formalizado e págase irregularmente, polo que se está pagando un servizo ou unha subvención pasándoo por un contrato menor. Por exemplo coa partida 330.226.09 “Actividades culturais e deportivas” págaselles un trimestre e coa de “publicade e propaganda” de Turismo e Pemes (440.226.02) o 4º trimestre de 2015. Esta manifesta “anomalía” xa lla fixemos saber en varias ocasións a Manuel Varela.

No caso de Taboada e Carballedo outórganlle candanseus 8.000€ anuais, en canto no caso de Chantada son 12.000 €anuais. No entanto, tendo en conta que Carballedo ten un orzamento de 1.800.000 e Chantada de máis de 5.500.000€ parécenos que desde o concello se debería facer un esforzo maior para manter unha das poucas televisións locais que aínda subsiste na actualidade, máxime cando ten base en Chantada. Non é normal que Taboada e Carballedo destinen proporcionalmente máis fondos (0’44% fronte a 0’21%) a Televinte que o concello de Chantada. De feito, aínda achegando o duplo do actual (24.000€) Chantada só igualaría (0’43%) as achegas de Taboada de Carballedo.