Resumo pleno ordinario 1 de decembro de 2023 [audio e vídeo]

Asistiron os 13 concelleiros, a interventora e o secretario accidentais e o conserxe. Só unha persoa asistiu como público comezando ás 20:05 horas.

AUDIO DO PLENO COMPLETO: https://drive.google.com/file/d/1jmiIMkAsrdeq1MLe-fbxk19cl6vUnNEr/view?usp=share_link

Acta oficial do pleno en PDF: Acta_pleno_011222

DOCUMENTACIÓN E POSICIÓNS DE POR CHANTADA – INTERIOR GALEGO VIVO NO PLENO

1.- Aprobación da acta da sesión anterior

Acta pleno_061022

Cuestión de orde: se unha moción é ditaminada favorabelmente pola comisión ten que incluírse na orde do día. Debería ser o ponto 7º de acordo co ROF (art. 93 ROF e 97 e 126; entre outros supletorios coma o 135, 136 e 137).

Art. 93.

La consideración de cada punto incluido en el orden del día comenzará con la lectura, íntegra o en extracto, por el Secretario, del dictamen formulado por la Comisión Informativa correspondiente o, si se trata de un asunto urgente, no dictaminado por la misma, de la proposición que se somete al Pleno. A solicitud de cualquier grupo deberá darse lectura íntegra a aquellas partes del expediente o del informe o dictamen de la Comisión que se considere conveniente para mejor comprensión.

Si nadie solicitare la palabra tras la lectura, el asunto se someterá directamente a votación.

Artigo 97

1. Dictamen, es la propuesta sometida al Pleno tras el estudio del expediente por la Comisión Informativa. Contiene una parte expositiva y un acuerdo a adoptar.

Art. 126.

1. Los dictámenes de las Comisiones informativas tienen carácter preceptivo y no vinculante.

2. En supuestos de urgencia, el Pleno o la Comisión de Gobierno, podrá adoptar acuerdos sobre asuntos no dictaminados por la correspondiente Comisión informativa, pero, en estos casos, del acuerdo adoptado deberá darse cuenta a la Comisión informativa en la primera sesión que se celebre. A propuesta de cualquiera de los miembros de la Comisión informativa, el asunto deberá ser incluido en el orden del día del siguiente Pleno con objeto de que éste delibere sobre la urgencia acordada, en ejercicio de sus atribuciones de control y fiscalización.

APROBADA POR UNANIMIDADE.

2. Modificación Ordenanza Fiscal da Taxa pola Rede de Sumidoiros e a Taxa pola Subministración de auga. Actualización de tarifas. Exte.: G1206/2022

21.- PROPOSTA IPC REDE SUMIDOIROS-SUBMINISTRACION AUGA 2023

22.- Informe_ INTERVENCION 2022-0024

23.- Comunicación_2022-S-866

No 2022 Viaqua vai recadar en Chantada, segundo os padróns bimestrais publicados polo Concello, 785.000 euros. Coa suba do 8,9% do IPC do desastroso contrato, que vostede (lembremos) ampliou ao máximo legal permitido, Viaqua vai embolsar 70.000 euros máis en 2023, é dicir, para o ano esta empresa extraerá de Chantada 853.910 euros.

No entanto, temos os sumidoiros atascados, rede aínda de fibrocemento, falta de separación de pluviais e fecais e unha depuradora insuficiente. Negocio redondo a privatización da auga: socialización dos problemas, ausencia de investimentos e privatización dos gaños.

Non mencionemos as parroquias sen abastecemento nen saneamento, a ausencia dun plan de seca… Non esquecemos tampouco a venda de auga ilegal e de custas ao Concello. Tivo consecuencias? Nen un expediente se abriu. Igualmente, non hai cláusulas sociais para aplicar a quen máis sofre con esta crise e a crecente desigualdade que vostedes tamén levaron ás ordenanzas da auga: rebaixa para grandes consumidores, suba do 8.9% para todos os demais e 853.910 euros en 2023 para unha empresa que non deixa nada en Chantada e que se demostrou que fomentou, cando se chamaba Aquagest, a corrupción.

Coas privatizacións fixo vostede un pan coma unha bica.

APROBADO cos votos a favor do PP (7), os votos en contra de Por Chantada (2) e a abstención do PSOE (4).

3. Acordo Regulador do Prezo Público pola prestación do servizo: Madrugadores.-Exte: G1171/2022.

1.- Resolución_ACORDO REGULADOR_PREZO PUBLICO Madrugadores

2.- Informe_INTERVENCION 2022-0025

3.- Informe_ECONOMICO-FINANCEIRO SERVIZO MAGRUGADOES

Vaia por diante que esta medida é unha medida incluída no noso programa e que, portanto, apoiamos en canto servizo e mesmo celebramos que, finalmente, se faga nos dous colexios e non só nun. No entanto, hai que sinalar que a competencia é da Xunta da Galiza. A mostra é que tiveron que pedir autorización para poder exercer unha competencia impropria. Aquí a Xunta fala de conciliar da boca para fóra, poden consultar en Castela e León, onde goberna o mesmo partido, e si que oferta a CA o servizo por 16 euros ao mes e 3 euros ao día os esporádicos. Na Galiza, outros concellos coma Cambados teñen un prezo, para o servizo mensual (sen almorzo), de 4 euros ao mes desde 2015.

Neste sentido, achamos que podería reducirse a contía do servizo asumindo maior carga o Concello, xa que, segundo o informe de intervención, coas cotas actuais o Concello só asumiría 9.000 euros como custe do servizo (diferenza ingresos – gasto). Aínda que neses cálculos para bonificacións por exclusión social e familias numerosas aínda non se descontan 1000 euros e os dados de partido tiveron pouca participación e non son reais (pouca participación nos Inquéritos feitos nos CEIP)…

Sexa como for, tamén é máis xusto demandar a declaración da renda a ter que pedir informes nos servizos sociais e recoller dalgún xeito os criterios de renda e que só atende a situacións de exclusión social sen progresividade e alimentando unha visión de inxustiza nas políticas sociais en determinadas faixas da poboación, que, con recursos xustos aínda que traballan duro, vense excluídas sempre das bonificacións porque estas só atenden a casos extremos.

Como remarcamos na comisión informativa, desexamos tamén que o servizo sexa de xestión directa e non privatizado.

Entrando xa prorpiamente no texto da ordenanza, cómpre comezar unha reflexión, xa que a calidade das leis, dos decretos e das normativas configura un chanzo fundamental da seguranza xurídica e da calidade democrática dun estado de direito. No entanto, semella que este criterio non é todo o observado que se debera no marco das institucións do Reino de España. En particular, as ordenanzas do Concello de Chantada, ora por antigüidade, ora por redaccións feitas ás présas ou copiando por outras, merecerían unha revisión en conxunto para a súa mellora co que gañariamos todos. Non é unha cuestión esta necesariamente de cores políticas, aínda que si recollen decisións políticas, senón que refiro fundamentalmente a que sexan precisas, claras e sobretudo coherentes.

Para comezar, unha ordenanza que se fundamenta na corresponsabilidade e no III Plano de igualdade do Concello de Chaantada (PIOM) debería empregar a linguaxe inclusiva. Porén, o artigo 3º fala de pais e de titores, mais non de mais e tiroras, e fala de nenos, mais non de nenas. Son cousiñas, mais están aí e aínda no anterior pleno se lles advertiu que hai que mellorar no uso da linguaxe.

Como defendemos nas comisións informativas debería haber unha única ordenanza para o servizo, que se expuxese ao público como determina a lei, e non un regulamento que, amais, colide con aspectos da ordenanza. Por exemplo, a ordenanza regula as baixas, mais non as altas no servizo. O regulamento recolle as altas mais non o anexo co documento normalizado que cita. Fálase de expulsar a quen non pague dous meses do servizo, mais os recibos serán na modalidade permanente trimestrais o que é totalmente incongruente. Amais, recibos trimestrais supoñen unha contía importante para moitas familias, pois semella que sempre lexislamos desde unha posición pouco consciente da situación económica de moitas familias.

De por parte, se hai almorzo hai que regular a dieta. Debemos pór por escrito a aposta por produtos de proximidade e de temporada sempre que for posíbel mais por unha dieta elaborada por unha especialista en nutrición infantil que haberá que programar cunha temporalidade transparente.

En definitiva, un servizo necesario, mais ímonos ver na obriga de apresentar alegacións para mellorar a ordenanza, tanto na súa congruencia interna, canto na mellora do servizo que regula.

APROBADO cos votos a favor do PP (7) e a abstención do PSOE (4) e Por Chantada (2).

4. Regulamento Organizativo do Servizo de Madrugadores do Concello de Chantada.- Aprobación Inicial.-G1171/2022

1.- Resolución_REGULAMENTO DO SERVIZO DE MADRUGADORES

2.- Informe_SECRETARIA 2022-0032 [REGULAMENTO SERVIZO MADRUGADORES]

3.- REGULAMENTO SERVIZO MADRUGADORES

En primeiro lugar, atendendo aos dramáticos dados de emprego da lingua galega entre a mocidade, deberíase estabelecer como lingua vehicular do servizo a lingua galega. Tampouco hai referencia á formación ou perfil que terán os adultos do servizo, así como ás súas funcións.

Do mesmo xeito, non vimos por nengunha parte mención aos cocientes do servizo, esta cuestión importante deberíase regular. Hoxe os textos legais que regulan os servizos sociais tenden a incluír esta cuestión. Segundo o Decreto 329/2005, de 28 de xullo, polo que se regulan os centros de menores e os centros de atención á infancia recóllese entendemos que procedería aplicar un cociente 1/20.

Mención á parte merecen os criterios de admisión que deben asociarse a puntuacións para seren obxectivos podendo reunir varios algunhas familias demandantes. Propomos asociar unha pontuación a cada criterio:

CRITERIO DE ADMISIÓN	VALORES
Familias en situación de exclusión social	40
Familias monomarentais e monoparentais cando aquela que ostente a garda e custodia e acredita estar traballando / estudando	35
Familias en que traballan / estudan os dous proxenitores ou persoas tiroras	30
Familias con crianzas que teñan recoñecido grao de discapacidade igual ou superior ao 33%	25
Familias numerosas	20
Familias onde cada proxenitor percibe 110% ou menos do SMI e acrediten traballar / estudar	15

Todas estas achegas que facemos agora na comisión e no pleno poderíanse en parte corrixir habendo vontade de diálogo previo, mais non se fixo ben coas AMPAS, que nalgúns concellos xestionan o servizo (Coles) como para facelo coa oposición…

Como xa dixemos débese refundir ordenanza e regulamento expóndose ao público durante 30 días un único documento.

APROBADO cos votos a favor do PP (7) e do PSOE (4) e a abstención de Por Chantada (2).

5. Moción do Grupo Municipal Por Chantada-CUP para inclusión prioritaria no mapa de axudas rexionais da UE das provincias de Lugo, Ourense e Zamora, atendendo ao elevado índice de avellentamento, a dispersión poboacional e á demotanasia.

MociónPCh_TFUE_demotanasia

Esta semana o Ministerio aceitou compensar a Aragón pola súa elevada produción de enerxía renovábel. Chantada e o interior galego seguen sen seren compensadas, talvez porque non temos peso político e forza para impor o que é xusto.

Non pode ser que Madrid sen nengún parque eólico e sendo o principal consumidor reciba de premio a sede fiscal das grandes corporacións. Non só iso, o modelo de Ayuso e Esperanza Aguirre foi o do dumping fiscal cunha deslealdade absoluta que lembra aquel Castelao que lle indicaba aos españolistas que «os verdadeiros separatistas sodes vós». Abofé que si, hai poucas capitais, por non dicir nengunha, que sexa tan insolidarias e nocivas para o resto do territorio. Hai que desmadrilizar a política para darlle futuro á Iberia baleirada, que non baleira, polas políticas que por acción e omisión alimentan a demotanasia.

APROBADA POR UNANIMIDADE.

6.- Moción do Grupo Municipal Socialista do Concello de Chantada para a ampliación do Polígono Industrial de “Os Acivros”.

Moción PSOE polígono

Como xa indicamos na comisión informativa parécenos unha moción ben elaborada e cuxos acordos nos semellan moi necesarios, de feito, agardamos que o ponto primeiro xa se estea dalgunha forma cumprindo. Amais, o terceiro acordo incide na necesidade de que a Xunta aposte en serio por Chantada, xa que non ten feito investimentos coa mesma intensidade ca noutras comarcas desde unha perspectiva diacrónica e sincrónica.

De feito, a Lei 3/2022, de 18 de outubro, de áreas empresariais da Galiza dispón o procedemento e a normativa para o desenvolvemento de equipamentos, aínda que o PP fíxoa non pensando en Chantada mais en como furtar a participación cidadá e tentar acurtar prazos de exposición das DIA dos macroparques eólicos, para favorecer a grandes corporacións que levan o beneficio dos nosos recursos en troca de nada.

A moción é oportuna, que non oportunista como dixo o alcalde na comisión, e agardamos que saia de aquí un acordo dos tres grupos a prol da ampliación dos Acivros.

APROBADA POR UNANIMIDADE.

7.- Moción do Grupo Municipal Por Chantada-CUP con motivo do 25N, Día Internacional pola eliminación das violencias contra as mulleres.

Moción_PCh_25N_signed

APROBADA POR UNANIMIDADE.

8.- Mocións e asuntos de Urxencia

B) Actividade de control

9.- Dación en conta de decretos da Alcaldía. Números 788 a 988

10.- Dación en conta en materia económica.

C) Rogos e preguntas de POR CHANTADA

I.- Axudas e subvencións.

1.1.- Renuncia subvención e obra de rehabilitación do edificio nº 8 da rúa Manuel Formoso Lamas para uso sociocultural (exp. 1095/2022).

Poden explicar por que deixaron perder máis de 66.000 euros dunha subvención (regulada por Orde do 17 de xaneiro de 2022) para facer a moi necesaria nova biblioteca que se comprometeron a ter nesta lexislatura?

Que alternativas barallan? Demandamos que se orzamente e execute con fundos proprios en 2023.

Resposta do alcalde: a subvención eran só 20.000 euros e van falar co GDR para facelo através dese organismo.

II.- Saúde pública e seguranza cidadá.

2.1.- Fontes Lama das Quendas.

É necesario proceder á limpeza das dúas fontes da praza da Lama das Quendas, xa que hai presenza de lixo e cristais escachados. Rogamos que o fagan coa maior brevidade.

Resposta do alcalde: xa tiveron peticións nese sentido.

2.2.- Fonte Tarrío en San Fiz.

Un particular (Construcciones Voces) apropriouse dela e privatizouna, a pesar de que a viciñanza comunicoulle mediante burofax a súa oposición. O alcalde tamén foi informado do asunto, mais pasan os meses e non temos coñecemento de que se incoase nengún expediente ou se adoptase algunha medida.

Que pensa facer a alcaldía sobre este asunto? Resposta do alcalde: non sabe nada e fala dunha traída.

2.3.- Lavadeiro de Santo Estevo cara ás Córneas.

O lavadoiro ten auga todo o ano e estase perdendo a auga ao levar roto máis de dez anos. Rogamos que interveñan para solucionar isto. Está en Santo Estevo cara ás Córneas.

Resposta do alcalde: xa foron ver.

2.4.- Rúa Benigno Ledo.

Cando e como van solventar a chapuza de aparcadoiros en batería que fixeron e que non permiten entrar e saír das garaxes á viciñanza?

Resposta do alcalde: xa avisaron á empresa.

III.- Deportes.

IV.- SERVIZOS PÚBLICOS e INSTRUCIÓN PÚBLICA.

4.1.- Servizo de atención temperá.

No pasado pleno xa formulamos algunhas cuestións sobre este servizo, nomeadamente sobre as deficiencias que detectamos no espazo que non se axustan á orde reguladora. Agora vimos que se vai facer un salva-chanzos na rúa que limita con Avelino Gómez Ledo, mais non lle vemos a utilidade se o ascensor funciona moi mal.

Cando contemplan reparar un ascensor que se estraga día si e día tamén practicamente?

Resposta do alcalde: xa pediron todo á Xunta, que di que non se use mentres non se arranxe. Cándida Carnero di que se está usando. O alcalde di que confianza absoluta até agosto en estar alí, despois parasarían ao edificio da policía local.

V.- MEDIO RURAL E MEDIO AMBIENTE.

5.1.- Arranxo de pistas.

A viciñanza, para alén das pistas que xa lle temos indicado noutros plenos, tamén nos fixo chegar as seguintes demandas:

• Ponte Barxela – Pedrafita. Vén desde a Santa Rosa a Mosteiro vai a Pedrafita e a ponte da Barxela e vai dar ao límite de Sobrecedo (Taboada). 

• Ponte Barxela – San Roque. Zahorra e é do Concello.

• Cardavós – Pesqueiras

Sen resposta do alcalde.

5.2.- Carros abandonados.

Ao longo de dúas lexislaturas trouxemos en numerosas ocasións a problemática dos carros abandonados, mais continuamos sen ver resultados.

Lembramos que abandonar un vehículo na vía pública está considerado unha falta grave que debe ser sancionada conforme o artigo 106 de la Lei de Seguridade Vial e a autoridade competente de tráfico poderá ordenar a destrución e descontaminación do vehículo, trasladándoo a un Centro Autorizado de Tratamento (CAT). Todos os vehículos que sinalamos cumpren todos os requisitos: levar abandonado máis de dous meses sen que ninguén alegue nada; ter signos claros de deterioro e abandono ou levar máis dun mes estacionado (con ou sen placa de matrícula).

A Concellaría de Medio Ambiente do Concello debe adoptar medidas ao ser un residuo nocivo para a saúde e o medio ambiente podendo ser sancionado (até 30.000 euros) e todos os gastos que orixine a retirada do vehículo erán por conta do condutor infractor, ou na súa falta, polo condutor habitual, arrendatario ou o titular, como último responsábel.

• Na Rúa da Barxela, no “aparcadoiro municipal” hai varios vehículos abandonados que levan desde antes do verao.

• Nas inmediacións do pavillón, na rúa Poeta Añón, hai un vehículo destrozado que leva así moitos meses.

• Tres abandonados na rúa Taboada, fronte á Fisioterapia Queitano.

• Na Avenida de Ourense hai outros 2 aproximadamente á altura dos Recambios.

• Na Costaña.

Rogamos que se adopten medidas xa.

Resposta do alcalde: a policía local tomou nota.

VI.- CULTURA E PATRIMONIO.

4.1.- Auditorio.

É necesario proceder a arranxar asentos no auditorio, xa que se afunden.

Sen resposta do alcalde.

VII.- ADMINISTRACIÓN E ASUNTOS XURÍDICOS.

7.1.- Plano estratéxico de subvencións.

Lembrámoslle máis unha vez a obriga legal que ten este Concello de dotarse dun plano estratéxico de subvencións, así como da necesidade de facer unha memoria anual das concedidas desde a alcaldía con arranxo ao disposto na lei.

Queremos que conste en acta que o principio de planificación, contemplado na Lei 40/2015 do Réxime Xurídico do Sector Público, foi reforzado en sentenza do TS (Sala do Contencioso-Administrativo), ao ditar que é requisito esencial e previo á concesión de calquera subvención o comprimento do Plano estratéxico de subvencións, contemplado no artigo 8.1 da Lei Xeral de Subvencións, polo que Chantada estaría concedendo as subvencións en nulidade o que xera unha manifesta inseguranza xurídica para as asociacións e entidades benefactoras. Seguindo a doutrina da Sentenza de 26/06/2012 a concesión dunha subvención sen o devandito plano é un vicio substancial e non formal, entrando xa que logo na nulidade do artigo 47 da LPAC.

Sen resposta do alcalde.

7.2.- Contratos limpeza.

Queremos que conste en acta que nos parece unha chapuza todo o procedemento e que condenamos a falta de transparencia e información cara ás traballadoras. Tamén nos opomos a que se subroguen cando figuran na estabilización de emprego.

Sen resposta do alcalde.

7.3.- Falta de entrega de documentación.

Xa llo dixemos no anterior pleno e reiterámolo niste. Temos pendente que se nos entreguen varios expedientes, queremos que conste en acta que levamos meses agardando documentación e isto imposibilita que exerzamos o noso labor de fiscalización do Goberno local.

Sen resposta do alcalde.

_______________________________________________________

Resumo do pleno do 6 de outubro de 2022

Asistiron 12 dos 13 concelleiros e concelleiras, ausentándose Cándida Carnero (PP). Tamén asisten a interventora (María) e o secretario accidental (Cores). Canto ao público, asiste unha única viciña, e o pleno comezou ás 20:03 horas do día seis de outubro de 2022, sendo a convocatoria ordinaria.

Podes escoitar o audio do Pleno grabado polo noso grupo municipal na seguinte ligazón:

https://drive.google.com/file/d/1uxzRK8uIdYHVXTJtqZTlhNoR4jw5Pv1K/view?usp=sharing

A) Parte resolutiva

1.- Aprobación da acta da sesión anterior: ordinaria de 4/08/22.

DOCUMENTACIÓN: Acta pleno_040822

O grupo socialista quéixase de que continuamente se convocan os plenos fóra do prazo acordado ao comezo da lexislatura. Pide respeito á oposición, xa que o pleno tiña que ser o 22 de setembro. Tamén pide que se corrixa o ponto 6.1 da acta, xa que non perguntou pola carreira de obstáculos, mais pola Gold River Race de piragüismo.

Apróbase a acta anterior, coas correccións indicadas, por unanimidade.

2.- Baixa de Obrigas Pendentes de pagamento de exercizos pechados.-Periodo 2002-2016.-Exte. G434/2022. [Audio min. 3]

DOCUMENTACIÓN: 01.- PROPOSTA BAIXA OBRIGAS EX. PECHADOS

02.- INFORME-PROPOSTA TESOURERIA BAIXA OBRIGAS EXERCICIOS PECHADOS

03.- RELACION OBRIGAS PENDENTES PECHADOS

04.- INFORMES DE INTERVENCION 2022-0017

Raquel (PSOE) di que é algo que debía levar tempo feito e que a exposición pública en xullo non é a mellor altura para que as persoas afectadas se enteren. Alégranse de que se depuren e se camiñe a unha imaxe máis fiel. Falta o inventario municipal.

Desde Por Chantada http://minuto%205 reiteramos o xa explicado da comisión informativa (CI):  habitualmente estes expedientes acompáñanse tamén de baixas dos direitos pendentes de pagamento, mais valeunos a explicación que se nos deu desde Intervención: a necesidade de comezar por aquilo que desvirtúa máis a imaxe fiel e real da Facenda local e o feito de os direitos pendentes de cobro “oxídanse” ao 100% a partir do 5º ano. De por parte, hai partidas que revelan erros ou duplas contabilidades destacando varias que deberían tramitarse com subvencións. Imaxinamos que puido deberse aos sucesivos cambios que houbo na Intervención municipal ou, en xeral, a erros humanos.

En todo caso, o expedientes tramitouse conforme á legalidade e o tempo transcorrido –son facturas comprendidas entre 2022-2016– e expúxose en xullo polo que non observamos elementos anormais no procedemento. No entanto, si que é irregular que estas facturas, agás a de 2016, non entraran no mecanismo de pago a provedores do ano 2012, regulado mediante RD 4/2012, de 24 de febreiro e RDL 7/2012, do 9 de marzo, co cal se deberían ter liquidado todas as facturas pendentes de pagamento con cargo a un moi oneroso crédito co Banco Santander de funestas consecuencias para o Concello de Chantada.

Tendo en conta que o noso grupo municipal non tivo nengunha responsabilidade nesas facturas e tampouco no deseño e aprobación do plano de axuste optamos por non apoiar este asunto e absternos.

Manuel Varela di que ten no concello a oferta dunha empresa para facer as faixas de todas as parroquias de Chantada e se gostan de como traballan poderían tamén facer o inventario do patrimonio municipal e que xa teñen eles feitos uns disquetes (sic.) e sería só repasar. Van comezar en 2023 a licitar estes servizos.

VOTACIÓN: A FAVOR: PP e PSOE (10). ABSTENCIÓN: Por Chantada (2) EN CONTRA: 0.

3.- Fixación de dous días festivos locais para 2023. Ratificación se procede dos días festivos comunicados por mor da urxencia, á X.T. da Consellería de Emprego e Igualdade. [Audio minuto 9:17]

[Os días que se escolleron foron o día da Empanada e o Día do Faro (8 de setembro).]

Intervén Daniel (PSOE) para indicar que no expediente non consta nengunha decisión e, portanto, a legalidade non sería o que se di senón convalidar un acordo nulo ao ser adoptado por órgano incompetente, substraendo ao Pleno a súa compentencia (artigo 52.3 LPAC). Non serven escusas. A lei é así desde 1983 e o alcalde non é un recén chegado. Desleixo e improvisación. Enteráronse polas RRSS do Concello. A cortesía e o respeito pola oposición brilla pola súa ausencia e tampouco falaron cos axentes sociais antes de adoptar o acordo.

Manuel Varela intervén para incidir en que chamaron á Asociación de empresarios (AECh) e que vían lóxico o Faro ao ser venres o día 8. Di que é excesivo dicir que non respeita a oposición, que é moi educado e que iso sobra.

Desde Por Chantada [minuto 15:20] sinalamos que máis un ano que os feriados non veñen ao Pleno. Máis un ano que non existe diálogo entre os grupos e coa sociedade para estabelecer unha norma e uns días fixos. Que a Xunta non metera a demanda por rexistro non exime de sabermos que todos os anos debemos na mesma data límite indicar os feriados e tampouco que tivemos todo un ano desde o anterior para dialogar.
Pola nosa parte consideramos que é preciso falar e consensuar para adoptar acordos co máximo respaldo democrático. Amais, ao igual que se fai noutros concellos, por exemplo o de Pantón, deberían darse axudas municipais ás festas das parroquias, pois Chantada non é só a vila e os seus festexos. Faise unha reflexión sobre as romarías como patrimonio inmaterial e que, como outro patrimonio, deberiamos reflexionar quen o vai manter e coidar doravante, se o campo se baleira. Isto incide na necesidade de intervir para manter tradicións e festexos como a romaría do San Lucas, que sen feriado nen diálogo e axudas vai camiño do esmorecemento total.

Manuel Varela dio que no segundo pleno da vindeira lexislatura poderíase decidir o día e que no 2024 e 2025 podería ser o San Lucas, ao caír na fin de semana o Faro. Porén, di que o San Lucas debería pasarse á fin de semana, que ao santo pódeselle ter calquera día a festa e pergunta quen puxo o día do santo. O santo é todo o ano. Tamén os de Líncora reclaman a Saúde e Merlán as cabras.

Ledo Cores intervén para sinalar o primeiro pleno do ano como o ideal para adoptar o acordo.

VOTACIÓN: A FAVOR: PP (6). ABSTENCIÓN: PSOE (4). EN CONTRA: Por Chantada (2).

4.- Moción do Grupo Municipal de Por Chantada-CUP sobre da declaración de loito oficial nos accidentes laborais mortais, nomeadamente no agro. RE 909. [Audio min. 20:47]

DOCUMENTACIÓN: Moción Por Chantada loito accidentes tractores.

Intervén Antom Fente, voceiro de Por Chantada, para explicar a moción [Audio min. 21:40].

Raquel (PSOE) ve un número considerábel de mortes e o noso é un concello con moita xente traballando no agro. Parécelle ben a declaración de loito e o máis importante son as medidas de prevención, sendo isto o fundamental. Van votar a favor.

Varela (PP) di que vistas as circustancias a moción ten o seu interese, mais… [comeza a divagar con anécdotas persoas onde pasou apuros co tractor]. O mellor remedio con 70 ou 80 anos é non coller o tractor. Non van apoiar senón tamén tería que facerse coas vítimas de violencia de xénero. Non van apoiar a moción. Hai pouco que facer. Di que se morrese unha persoa relevante ou moza en Chantada farían a declaración de loito de un día ou tres. Non para accidentes laborais ou violencia de xénero.

Intervén Fente para interpelar á concelleira de Igualdade e ao alcalde de que, segundo o Plano de igualdade do Concello, habería que declarar loito en caso de vítimas de violencia de xénero.

Varela di que sáese 5 ou 10 minutos, a loita ten que vir por outras circunstancias, a educación desde o berce.

VOTACIÓN: A FAVOR: Por Chantada e PSOE  (6). ABSTENCIÓN: 0. EN CONTRA: PP (6). Rexeitada polo voto de calidade do alcalde.

5.- Moción do Grupo Municipal do PS de G-PSOE para un tránsito peonil seguro e accesíbel. RE 927. [Audio min. 29:30]

DOCUMENTACIÓN: Moción_PSOE_BEIRARRÚAS

Defende a  moción Daniel (PSOE).

Antom Fente [Audio min. 30] indica que a moción que se nos apresenta agora casa ben coa Moción de Por Chantada – Candidatura de Unidade Popular a prol de garantir un itinerario peonil accesíbel, que a pesar de demandar unicamente o cumprimento da lexislación vixente, a comezar polo texto constitucional e os direitos fundamentais nel recollidos, foi rexeitada polo voto de calidade do alcalde e do PP. Tememos, en consecuencia, que hoxe volva acontecer o mesmo.

Pola nosa banda, o cumprimento da legalidade non merece maior debate neste caso e, tamén pola complementariedade exposta, só podemos apoiar a proposta e incidir en que non nos deteremos até que se faga valer a IGUALDADE de direitos de todas as persoas, tamén daquelas con mobilidade reducida e cuxo direito á mobilidade se ve conculcado sistematicamente en Chantada.

Ven fantasmas onde non os hai e le está orgulloso da vila de Chantada. O formigón impreso en pendente dá mal resultado. A fisura da Avenida de Monforte está en garantía. Noutros temas haberá que volver á baldosa. Di que o lastro e as beirarrúas do Cantón non respeitan a mobilidade. Fixeron rebaixas e xa correxiron moitas cousas. Na rúa hai que atender ao que se vai e con un ollo no pé  e di que as reclamacións non van ir adiante, quen queira cartos que se poña a traballar. Tamén lle pide á oposición que lle pase a listaxe de onde hai que faver rebaixes. Van apoiar a moción, aínda que hai moito enxeñeiro e arquitecto.

VOTACIÓN: UNANIMIDADE.

6. Mocións e Asuntos de Urxencia. [Audio min. 40:47]

Raquel xustifica a urxencia en que é a primeira que traen no mandato e que non tería sentido traela no pleno de novembro.

VOTACIÓN DA URXENCIA: UNANIMIDADE.

DOCUMENTACIÓN: MOCIÓN RECLAMANDO A VACINACIÓN DAS PERSOAS MAIORES DE 80 ANOS NOS CENTROS DE SAÚDE OU PACS

Polo grupo municipal do PSOE defende Raquel [Audio min. 41:24].

Fente fai unha defensa cerrada dos servizos públicos para unha sociedade máis xusta e con menor desigualdade fronte ao criterio economicista do PP. Sinala a falta de empatía da Xunta exercendo a violencia, simbólica se queremos mais violencia, sobre unha faixa etaria, especialmente vulnerábel e penalizando as persoas do rural. Pagar taxis coas pensións máis baixas do Estado. Se se vai facer a repesca nos centros de primaria, habería que facer todo o proceso xa aí e corrixir as lagoas na atención primaria. Non se aprendeu nada da pandemía e a sanidade privada cada vez ten máis clientes.

Varela (PP) defende que hai que optimizar recursos e que logo haberá repesca nos PAC. El vai levar a mai a Monforte e a muller o pai a Ourense. Até lles irían á casa se quixesen. Queremos potenciar o hospital de Monforte hai que darlle traballo. Os da terceira idade xa están vacinados e defende que a vacinación na Galiza foi das mellores no conxunto de Europa. De momento hai que deixar seguir facendo e optimizar recursos. Refere un debate que se deu recentemente no senado.

Raquel (PSOE) dubida que a repesca sexa optimizar e que a cantidade de xente a vacinar xa se sabe.  Necesítanse máis recursos e para iso fan fallar impostos e que pague máis o que máis ten.

Varela (PP) concorda, mais tamén con deixarlle cartos no peto a quen ten pouco. No fondo teñen razón, mais optimizar recursos.

VOTACIÓN: A FAVOR: Por Chantada e PSOE  (6). ABSTENCIÓN: 0. EN CONTRA: PP (6). Rexeitada polo voto de calidade do alcalde.

B) Actividade de control

7.- Dación en conta de Resolucións da Alcaldía.

8.- Dación en conta en materia económica.

C) Rogos e preguntas [Audio min. 56]

8.1.- Rogos e perguntas PSOE.

8.1.2.- Biblioteca: horarios e nova biblioteca.

Varela di que van asinar estes días convenio coa Xunta. Pamela di que os sábados si que abre que quen se queixa nunca foi a ela. 

8.1.3.- Linguaxe sexista nos folletos das Escolas municipais de Chantada.

Diego Otero di que foi a área de Deportes  e que o fixo un técnico, que se debeu despistar, e que as Escolas son para todo o mundo. Preocúpalle o acoso e non unha palabra en feminino. Varela di que os xenéricos é retorcer e repite unha e outra vez que o PSOE goberna en Madrid con UnidAs Podemos, que debería ser Unidos e Unidas Podemos. 

8.1.4.- Baldeado das rúas.

Raquel lémbralle que no anterior pleno quedaran de facelo (rogo nese pleno de Por Chantada) mais que non se cumpriu. Veu aviso da Confederación, que falen da limpeza das festas, que foi moi boa. Jisi (PSOE) di que foi un desastre. Varela di que en Santa Ana non foi culpa diles. Haberá que facer cubeo coma en Monforte.

8.1.5.- Escola infantil Galiña azul.

Pergunta sobre a dotación de persoal. Varela responde que se trasladou doutros sitios onde baixou a matrícula. Dúas traballadoras máis. A ratio cúmprese. Penela di que hai 11 traballadores.

8.1.6.- Carreira de obstáculos.

Pergunta polo custe [no anterior pleno Por Chantada fixo pergunta sobre isto e díxose que organizaba o Concello]. A resposta de Diego Otero di que aínda non sabe. Raquel pergunta se as inscricións as cobrou o Concello. Diego revela que non.

8.1.7.- Autobús doazóns de sangue. Coches mal aparcados.

Haberá que multar. 

8.1.8.- Pasos de peóns antigos.

Xeran confusión. Varela di que debería desaparecer agora que lle van dar tratamento de cemento ou formigón ao centro da praza de Santa Ana. Raquel di que falta un sinal de 20 km/h aí e que na Avenida de Monforte seguen as carreiras. Varela di que hai un sinal de 50 que non ten sentido, que avisou a quen leva infraestruturas en Lugo. Tamén recoñece que os sinais de 30 case non se ven, que os haberá que pór máis grandes e que sancionar a quen non ten nada non serve, que como moito unha temporada en Monterroso e saen aínda pior.

8.1.9.- Cobertura das antenas de televisión na Sariña e nos Queixeiros (repetidor de Mourelos).

Raquel explica que a viciñanza ten moi poucas canles. Varela fía a solución á fibra óptica, que avanza a moi bon ritmo e que en 2023 estará xa todo o Concello coberto. Nogueira é o máis complicado.

/_______________________________________________________/

8.2.- Rogos e perguntas Por Chantada. [Audio min. 1:25:15]

8.2.1.- Valado de aparcamentos.O 18/09/2022 até as 20 horas non se colocaron as vallas para evitar aparcamentos a partir das 7 horas do día 19 na rúa Ribeira Sacra (en fronte do Telecentro). Esta falta de antelación foi sinalada por varios viciños como molesta e pouco considerada, coincidindo a nosa formación que se deben colocar os avisos con, cando menos, 24 horas de antelación.

Varela: o normal é poñelkas pola noite ou á última hora da tarde. Penela: normalmente faise pola mañá, que pola tarde non hai persoal. Foi unha excepción. 

8.2.2.- Varanda na rúa Muiñeira de Chantada. [Audio min. 1:27:00]
Na rúa Muñeira de Chantada hai unhas escadas que, por seguranza, debería colocarse unha varanda, actuación que rogamos que se faga coa máxima celeridade dado que unha caída desde esa altura podería ter consecuencias graves.

Varela: en Santa Ana tamén cómpre para onde se entra para onde estaban os Hermanos Sánchez. Canto perigoso.

8.2.3.- Parque das piscinas. [Audio min. 1:27:39]
Hai unha árbore no parque, detrás da fonte, que habería que tratar doutro xeito ou precintar, xa que actualmente os cativos desfixérona toda por dentro xogando e rompéndolle pólas. A xente chega a deixar aí deposicións e logo as crianzas xogar sendo un foco de incivismo e insalubridade. Outros tres que están a carón do paseo sofren o mesmo vandalismo en diferente medida. Non hai resposta concreta.

Rogamos adopten medidas.

8.2.4.- Parque da feira vello. [Audio min. 1:29:30]
Varios días no parque Eloísa Ribadulla con velutinas e só se precintou após picaren un pícaro mais a cidadanía chamar á Policía Local. Por que se tardou tanto e por que se suspendeu un concerto das festas cando xa se coñecía a existencia do niño con antelación? O domingo das festas cando se retirou non sabían nada Penela e Varela.

8.2.5.- Piscinas municipais. [Audio min. 1:30:00]
• Do 11 ao 19 de agosto a piscina exterior estivo fechada. Cal foi a causa e por que se tardou tanto en proceder á reapertura? Diego Otero: fallou a depuración e estaba a auga verde.
• Tivo algo que ver co exceso de cloro ou PH da auga e unha manipulación indebida dos produtos químicos? Diego Otero: hai que facer unha actuación porque o terreo cede e desnivela desde que se fixeron en 2009 as piscinas novas. Até agora conseguíase metendo máis auga todos os días pola noite. Iste ano evitouse facelo polas restricións da seca.
• Hai unha filtración. Diego Otero: van levantar o perímetro o ano que vén e por gravidade que asente durante meses, ao non poder meter máquinas alí. Veu Sanidade e deulles o aviso.

8.2.6.- Servizo de atención temperá (preveñen arranxar o edifico da policía local). [Audio min. 1:31:34]
Despois de inspeccionar a Casa da Xuventude en días pasados á ultima hora da tarde:
Por que se levou para a Casa da xuventude cando o Concello ten edificios e é un emprazamento que se axeita pouco? Manuel Varela: está falado coa Xunta e van tentar arranxar o edificio da policía local e levará un ano ou máis. O edificio da xuventude non vén que teña moito uso e todos os edificios públicos están para seren gastos.
Comprobamos que non está adaptado para persoas con mobilidade reducida. O ascensor está avariado desde abril xa e, desde que fixeron a solicitude, aínda teñen que agardar mes e medio, segundo o xefe territorial de Servizos Sociais. 
Hai entón agora en todos os andares servizos para persoas con mobilidade reducida? É para nenos e xente moza o servizo entraría a cadeira de rodas. Para xente maior hai un centro privado na Avenida de Monforte. Derivacións de pediatras e persoas especializadas para corrixir certas cuestións das rapazas e rapaces.

Cúmprese o Decreto que regula o Servizo de atención temperá tocante a obstáculos e elementos saíntes?
 Non sabe dicir se se cumpre o decreto, mais van facer o posíbel para prestar o servizo aos tres concellos da zona. Agora tempo limitado de dous meses e contan ampliar. Dificuldades para encontrar fisioterapeuta e díxolle a Xunta que metesen un diplomado en infantil, que tamén vale de momento.

8.2.7.- Auga. [Audio min. 1:34:59]
Por que no 4º bimestre houbo unha suba tan notábel do padrón a respeito do resto do ano (144.000 fronte 129.000)? Houbo venda a terceiros? A xente que veu de ferias en xullo e agosto duplica o consumo.

8.2.8.- Limpeza instalacións municipais. [Audio min. 1:35:51]
No anterior pleno perguntamos pola privatización do servizo de limpeza e non se recoñeceu a problemática existente e que agora, na CI, é xa pública, xa que se ben o lote 1 se licitou con Mantelnor Limpiezas SL no lote 2 un recurso de Faro foi acollido favorabelmente polo Tribunal de recursos contractuais da Galiza. Por que nos esconderon a situación? Están as traballadoras atinxidas pola privatización do servizos informadas desta circunstancia? O alcalde pergunta que traballadoras. As subrogadas dille Fente. Varela di que serano pola empresa concesionaria, non lles afecta. O tempo dilátase e ninguén as informa de nada, unha incertidume innecesaria e coida que habería que telas informado.

8.2.9.- Río Asma tramo urbano. [Audio min. 1:37:10]

Están facendo seguimento da actuación da CHMS e valoraron o proxecto? Estivo co presidente dúas ou tres veces [Quiroga] e pedíronlle que o limpase (sic.) hai dous anos. Eles saberán que teñen os seus técnicos, imaxina que ben el non é técnico. Fíxolles facer a solicitude a Aguas de Galicia polo tema medioambietnal e alégranse.

Quen se vai facer cargo do afundimento do firme xunto ao paseo da Alameda por parte dun camión da empresa concesionaria da actuación da CHMS? Tendo en conta o furado de notábeis dimensións e fundura e que nesa parte introdúcense vehículos con periodicidade elevada, non se deberían adoptar medidas por seguranza? Cun coche non se afunde aquilo e arranxouno a empresa que tamén afectou a un xardín e deben restituílo. 

8.2.10.- Liña de alta tensión do Maxal. [Audio min. 1:39:10]

Está en exposición. Como vai informar o Concello á viciñanza? Van formular alegacións? Manuel Varela: está no Concello o proxecto tamén. Desde antes do Pazo Piñeiro a Belesar sotérrana. É o que sabe el e parécelle ben. Do resto que se poñan de acordo e paguen ben á cidadanía as empresas e non ten nada máis que dicir. Todos istes proxectos teñen prevalencia e o que non concorde que se dirixa á Xunta. Fente di que o Concello tamén pode alegar. Que alegas? Que a luz está barata? Chantada sóbranlle LAT, iso está claro, e hai unha que vén do Faro que é só é dunha empresa (Enerfin). Partidario das enerxías limpas.

8.2.11.- Obras campo da feira vello. [Audio min. 1:41:20]

Están facendo outros baños no Campo da feira vello, os terceiros, e afectando ao muro da entrada. Poden explicar en que consiste este proxecto e por que ten que facerse aí, xa que non vimos nada entre as resolucións da alcaldía nen nas actas da XGL? Parecíalles a máis axeitada, di o alcalde, Está parado e van buscar outra porque o técnico informou mal e non se pode facer aí, segundo o PXOU de 1985 por unha circunvalción proxectada, que nunca se vai facer. Os baños son unha demadna da xente desde que non se empregan os dos Pendellos.

8.2.12.- Plano estratéxico de subvencións. [Audio min. 1:42:47]
Lembrámoslle máis unha vez a obriga legal que ten este Concello de dotarse dun plano estratéxico de subvencións, así como da necesidade de facer unha memoria anual das concedidas desde a alcaldía con arranxo ao disposto na lei.
A Sala do Contencioso-Administrativo do Tribunal Supremo reforzou o principio de planificación, contemplado na Lei 40/2015 do Réxime Xurídico do Sector Público, ao ditar que é requisito esencial e previo á concesión de calquera subvención o comprimento do Plano estratéxico de subvencións, contemplado no artigo 8.1 da Lei Xeral de Subvencións, polo que Chantada estaría concedendo as subvencións en nulidade o que xera unha manifesta inseguranza xurídica para as asociacións e entidades benefactoras. Seguindo a doutrina da Sentenza de 26/06/2012 a concesión dunha subvención sen o devandito plano é un vicio substancial e non formal, entrando xa que logo na nulidade do artigo 47 da LPAC.

[A interventora solicita que lle fagamos chegar esa sentenza.] Varela di que todo son facilidades, que o concellos dá poucas subvencións e que é moito papeleo. Fente lémbralle que máis burocracia teñen que facer as asociacións, que non teñen funcionarios, cando receben subencións das AAPP e que o plano estratéxico é case un copia e pega dun ano para outro, que non é traballo, e xa llo levamos lembrado varias anualidades.

8.2.13.- Rogo XGL: contratos SAF e limpeza. [Audio min. 1:45:25]
Ultimamente estanse celebrando máis XGL e algunhas, como a prórroga ao contrato do SAF, poderían perfeitamente terse planificado sen precisar dunha XGL só para iso. Amais, queremos que conste en acta a nosa oposición a esta prórroga, así como o descontento polo escaso seguimento das cuestións laborais.  [Audio min. ]

8.2.14.- Equipamento para emerxencias por desaparicións. [Audio min. 1:45:38]

Rogo para que se dote con focos potentes e material o Concello que permitan a búsqueda durante as primeiras 24 horas, que son vitais e sen medios é moi difícil. Non é o momento de tratar isto, mais si mellorar a coordinación e tomar nota do material preciso para cando saian as subvencións para equipamento de emerxencias. Varela di que cando situacións de emerxencia hai que avisar antes de que se dea o caso, que isto máis ou menos sabíase. Fente di que non lle faga falar e lémbralle que avisou xa en 2019, en pleno confinamento, á concelleira de Servizos Sociais, Cándida Carnero, e que desde iso a viciñanza tamén se dirixiu a eles en varias ocasións. Pamela discúlpase dicindo que ese caso en particular era algo que levaban os servizos sociais do centro de saúde. O día que faltou houbo outra notificación da viciñanza e xa tiñan visita proxectada para o luns. Varela di que miraron dunha residencia, mais que o señor non quere e que dúas fillas se fan cargo del. Houbo unha mudanza na lei. Pamela explica que lle porán xeolocalizador, SAF e limpeza de choque. As 24 horas do día non poden estar. Fente lembra que se poden facer informes e envialos a outras instancias para que actúen. Xa está agora mandado, di Pamela, ao xulgado.

8.2.15.- Documentación [Audio min. 1:49:23]

Seguimos sen receber numerosa documentación que demandamos ao Concello de Chantada. Varela diríxese ao secretario accidental. Fente dille que o interpela a el e non aos funcionarios, debendo as solicitudes dirixirse a el. Varela di que se lle dea trámite o funcionariado, sempre e cando poda, que teñen acceso a todo e el non impide nada. Que para faciliar traballos que se acheguen por alí, que os funcionarios son escasos. Teñen acceso a todo através do Gestiona. Xa pediron através do Gestiona. [A interventora di que tivo que haber descordinación e Cores que o papel ten que estar en contratación].

_______________________________________________________

Por Chantada reclama políticas preventivas inmediatas fronte á seca para mitigar as restricións que se van orixinar.

 

Desde Por Chantada demandamos ao Concello de Chantada, á Confederación Hidrográfica Miño-Sil e á Xunta que comecen xa a traballar nun plan de continxencia coordinado que mitigue os efeitos da pior seca en décadas, pois de non faceren nada as restricións poden atinxir a auga potábel e comprometer seriamente a vida da viciñanza.

 

O inverno e a primavera foron excepcionalmente pobres no tocante a precipitacións e, se o ano continúa por este camiño, no verao imos afrontar serias dificultades nas traídas viciñais. Amais, precisamos con urxencia antepor a calquera outra consideración a salvagarda da cada vez máis escasa auga potábel, xa que os nitratos e outras polucións comprometen seriamente que no país dos mil ríos haxa auga que poidamos beber sen risco para a saúde humana e animal.

O Goberno local debe comezar a facer política preventiva, por exemplo, aconsellando un uso racional da auga, dando pautas á viciñanza e predicando co exemplo, para o que cómpre vixiar que non se volvan producir vendas de augapor parte da concesionaria sen coñecemento, aparentemente, por parte do Goberno local. Neste sentido, debemos volver lamentar o uso de glifosato na vila de Chantada, aínda esta mesma semana; a crónica insuficiencia da depuradora, que non se atende desde as diferentes administracións; ou a ausencia de separativo de pluviais e fecais en amplas zonas da vila. Cando nos deamos de conta do mal que estamos tratando o medio e as reservas hídricas pode ser xa tarde demais.

Igualmente, facemos un chamado á Confederación Hidrográfica a vixiar o impacto ambiental e social dos pantaláns e embarcacións que está autorizando para o que se debería elaborar un estudo muldisciplinar.

Unhas institucións serias deberían actuar xa, pois a seca é evidente e fai prever unha época estival moi complicada en canto a fornecemento de augas, mais tamén para os incendios polo que demandamos á Xunta un reforzo dos servizos de extinción e aumentar as dotacións para rozado mecánico e manual de xeito preventivo, así como revisar as infraestruturas de fornecemento de auga en caso de lume.

Se non actuamos agora o cenario máis plausíbel será un verao con restricións no consumo con consecuencias para a hostelaría, as piscinas municipais ou mesmo as exploracións agrogandeiras.

Por Chantada lamenta a opacidade do goberno municipal e reitera a súa enérxica oposición ao uso de herbicidas para usos non agrarios.

O pasado 19 de decembro desde Por Chantada dirixímonos ao Concello de Chantada solicitando información sobre os produtos que se botaron en varias rúas e baixo que protocolos e condicións se fixo uso dos mesmos. Coma de costume, este grupo non obtivo resposta, unha tónica que vén sendo demasiado habitual, xa que tampouco se nos está dando en tempo e forma acceso a outra documentación que demandamos para poder exercer o noso labor de fiscalización da nefasta xestión municipal.

Lembramos que en 2015 aprobouse, por unanimidade de todos os grupos, a moción Moción de Por Chantada para prohibir o emprego de herbicidas para usos non agrarios no concello de Chantada. A pesar disto, o Goberno municipal segue a facer caso omiso dos acordos e actúa con total opacidade.

Xa en 2017 propuxemos un protocolo para o emprego correcto dos fitosanitarios no noso termo municipal, debendo sinalizarse e informar correctamente do seu uso, xa que afectan á saúde das persoas e ao Medio ambiente. Conseguiramos que aparecese sinalización por primeira vez, aínda que esta fose incorrecta e incompleta. No entanto, desde entón, coa mudanza de titular ca Consellaría de Medio Ambiente, retrocedemos.

De por parte, no noso escrito reiteramos a lexislación de aplicación e os condicionamentos específicos para os ámbitos non agrarios.

Anexamos a nosa solicitude de 19/12/2021 e imaxes das diferentes áreas do casco urbano que foron queimadas com herbicida nesa semana e que non se sinalizaron.

SOLICITUDE_PORCHANTADA_USO_HERBICIDA_CASCOURBANO

O pase de diapositivas require JavaScript.

Resumo pleno ordinario 14 de outubro [audio e acta]

Asistiron 12 concelleiros, ausentándose Manuel Diéguez.

Escoita aquí o audio íntegro do Pleno:

https://drive.google.com/file/d/1z19mOfTeQtPrKfhWrNm7cl37G7crOvV4/view?usp=sharing

Podes ler aquí a acta do pleno (PDF):

Acta_ pleno_141021

1.-Aprobación da Acta da sesión anterior.-Acta da sesión ordinaria de data 29/07/2021.

Acta pleno_290721

Intervén o Sr. Alcalde para sinalar que o concelleiro Sr. Diéguez Carballo non asiste e pide disculpas polo cambio de data do pleno.

Polo que respecta á acta anterior a voceira do Grupo do PSdG-PSOE manifesta que votará a favor pero quéixase do cambio de data e insiste en que habería que avisar.

Pola súa banda o Sr. Fente Parada quéixase tamén das datas do pleno e das comisión, ao que o Sr. Alcalde responde dicindo que o venres se celebraron as comisións polo festivo do día 12 de outubro e que ademais é a primeira vez.

 Aprobada por UNANIMIDADE dos membros presentes da corporación municipal (12)

 

2.-Modificación da Ordenanza Fiscal da Taxa pola Rede de Sumidoiros e a Tasa pola Subministración de auga.-Expediente G1100/2021. 

20211005_Informe_INFORMES DE INTERVENCION 2021-0019 [INFORME SECRETARIA E INTERVENCION]

Proposta de resolución_MOD TARIFA +60 M3 OF REDE SUMIDOIROS-SUBMINISTRACION AUGA

Toma a palabra o señor alcalde para explicar a proposta de modificación da ordenanza fiscal.
Finalizada a súa intervención toma a palabra a voceira do Grupo do PSdG-PSOE para expoñer a enmenda apresentada polo seu grupo dicindo que a proposta non representa unha gran modificación da existente. Solicita que se tomen medidas que aposten por enerxías limpas. Pide bonificar o 100 × 100 da taxa para situacións de emerxencia social, sinala que ás veces os gastos son asumidos por Cáritas; quéixase tamén da falta de servizos no rural e da pasividade da Xunta de Galicia. Pide o apoio das emendas presentadas que ten como finalidade mellorar o servizo.

De seguido toma a palabra o señor o voceiro do Grupo Municipal Por Chantada-CUP sinalando que non lle chegou a emenda.

Pola súa banda o Sr. Alcalde manifesta que se trata dun arranxo parcial para un gran consumidor que está no polígono e que paga máis mesmo que en grandes capitais de provincia. Finaliza dicindo que haberá que esperar a evolución do IPC.

A continuación toma a palabra o voceiro do Grupo Municipal Por Chantada-CUP para manifestar que advertiu no seu día das deficiencias do servizo. Quéixase de que non se aproveite a ocasión para rebaixar o custo de consumo a consumidores necesitados no medio dunha crise e co IPC por riba do 4%;  que respecto á modificación en concreto considera que pode resultar beneficiosa sempre que mellore a competitividade, pero insiste en que debería tamén afectar a rebaixa aos pequenos consumidores.

Finaliza as intervención o señor alcalde poñendo de manifesto que se trata dunha modificación puntual da ordenanza sempre que o informe sexa favorable; e que quizás sexa posible introducir a posible suba do IPC e sumala a esta modificación.

VOTACIÓNS:
1.-Emenda do PS de G.PSOE:
Procédese a votar a emenda resultando REXEITADA cos votos en contra do Partido Popular (6) dos votos a favor do PSdG-PSOE e a abstención do grupo Por Chantada-Cup (2)

Procédese a votar a proposta resultando aprobada por MAIORÍA, cos votos a favor do grupo do Partido Popular (6) os votos en contra do grupo do PSdG-PSOE (4) e dúas abstencións de Por Chantada-CUP.

3.-Modificación Subvencións Nominativas 2021.-Expediente G1063/2021.-

INFORME INTERVENCION MOD. SUBVENCIONS NOMINATIVAS 2021

MEMORIA APROBACION SUBVENCION NOMINATIVAS 2021

PROPOSTA AO PLENO MOD. SUBV. NOMINATIVAS 2021

Toma a palabra a voceira do Grupo do PSdG-PSOE para sinalar que a subvencións son inferiores ao habitual, lembra que houbo un compromiso de convocatoria da oposición para unha reunión que ao final non se celebrou, considera que se as actividades van mellorando coa mitigación da pandemia e pide que tal circunstancia se inclúa nos orzamentos; non quere que as anomalías causadas polo COVID vólvanse unha regra xeral.

Pola súa banda o voceiro do Grupo Municipal Por Chantada-CUP lembra a proposta de reunión para modificar o convenio da música e lograr así unha xestión diferenciada. Sinala que a reunión nunca chegou a celebrarse.

Responde o señor alcalde dicindo que a reunión coa escola de música é difícil porque os membros viven en lugares diferentes. Manifesta que no pleno seguinte traeranse tamén as axudas e que hai que felicitarse pola axilidade dos pagos das subvencións. Engade que todas as asociacións están a cobrar e ninguén se queixa aínda que é certo que houbo alguna reducción sempre consensuada e que, o que non se gasta destínase a outras partidas.

Continúa o voceiro do Grupo Municipal Por Chantada-CUP facendo fincapé no plan estratéxico de subvencións e a necesidade dun informe anual que nunca se acaba de facer; afirma que a pandemia afecta a entidades que están fóra das subvencións e que se reclamou a súa inclusión neste plan como por exemplo o “Recuncho Solidario”.

Responde o señor alcalde que esa asociación conta xa cun local propio municipal e que ademais se abona por parte do Concello a subministración de luz. Que tampouco teñen interese.

VOTACIÓN:
Procédese a votar sendo aprobada a proposta por UNANIMIDADE dos membros presentes da Corporación Municipal (12).

 

4.-Moción do Grupo Municipal do PS de G-PSOE sobre o servizo da ITV móbil para vehículos agrícolas.

Moción_MOCIÓN PS DE GA PSOE ITV MOBIL PARA VEHÍCULOS AGRÍCOLAS

Toma a palabra a voceira do Grupo do PSdG-PSOE para expoñer a moción presentada sinalando que afectou especialmente á vendimia e que ten plena vixencia.

Pola súa banda o voceiro do Grupo Municipal Por Chantada-CUP di que o problema se agrava coa dispersión; quéixase de que se trata dun servizo privatizado que busca o lucro; lembra que o Sindicato Labrego Galego interpelou á Conselleria de medio rural que á súa vez respondeu propoñendo unha solución consistente na apertura dun prazo extraordinario en 2021. Considera que debería reformar e reformularse a moción con datas concretas e preguntar por qué non contar cunha ITV fixa. Quere subliñar que o cambio de datas foi comunicado ao concello de CHANTADA e pregúntase por qué non se divulgou. Insiste en que o problema de comunicación estivo no Concello e que non se actuou correctamente.

Responde o señor alcalde manifestando que se contactou coa empresa cando chegou a comunicación da Xunta pero que por esixencias doutros Concellos que están en peor situación modificáronse os días previstos. Manifesta que xaneiro e xullo son as datas máis adecuadas e que se falou coa empresa para as ensilaxes. Engade que a ITV de coches vén catro veces ao ano e que o período extraordinario aberto pola Xunta será de tres días. Resalta que os veciños de Chantada están moi contentos coa empresa da ITV e que non veu a empresa a Chantada porque así o acordou a Conselleria dicíndolle que se desprazase a outros Concellos. Di que a moción non ten sentido.

Toma a palabra novamente a voceira do Grupo do PS de G-PSOE para insistir en que debería de estudarse o tempo que hai que estar en CHANTADA porque hai moitos vehículos.

Responde o Sr. Alcalde poñendo de manifesto que non é fácil, que hai quechamar por teléfono, e que ademais hai que facer tamén o resto de Galicia; que hai máis concellos.

Pola súa banda o voceiro do Grupo Municipal Por Chantada-CUP solicita un informe de viabilidade dunha ITV fixa.

Responde o Sr. Alcalde manifestando que oxalá fose así pero que se tentou e que non é viable.

Procédese a votar a moción resultando REXEITADA cos votos a favor do PSdG-PSOE (4) os votos en contra do grupo do PP (6) e dúas abstencións de Por Chantada-CUP.

 

5.-Moción do Grupo Municipal Por Chantada-CUP sobre trasladar á Xunta a oposición aos novos impostos sobre a auga.

Moción Por Chantada canon augas Galiza_signed

Toma a palabra o voceiro do Grupo Municipal Por Chantada-CUP para expoñer a moción. Sinala que a filosofía sobre o mercado da auga defendida polo Banco Mundial foi inserida na lei de augas de Galicia e afirma que a subida do IPC que afectará tamén o consumo de auga e gravarase máis ao pequeno consumidor.

Toma a palabra o concelleiro Sr. Gómez Fernández-Camiñas sinalando que se busca gravar un ben básico como é a auga prexudicando especialmente ao pequeno consumidor. Considera que non hai progresividade e que sae prexudicado proporcionalmente o pequeno consumidor de auga. Lembra que se trata dun ben escaso e critica que se tramitou a norma no verán. Refire a acta de xunta de goberno local do 5 de agosto na que se recolle a comunicación da Conselleria competente neste sentido, e que se acordou solicitar informe ao técnico municipal descoñecendo se foi emitido ou non. Afirma que CHANTADA foi castigada por augas de Galicia porque tampouco acomete as obras ás que está obrigada grazas á recadación do canon da auga. Finaliza mostrando a súa conformidade coa moción presentada.

 

Intervén o señor alcalde sinalando que se prima a unha empresa que dá para comer a 70 e pico familias e que permite manter o emprego sobre o canon da auga. Manifesta que tivo contactos e que do que se trata é de evitar a seca debido a que xa non chove coa intensidade que facía antes. Sinala que se quere facer un estudo sobre a posibilidade de fornecer auga a CHANTADA desde o faro. Encanto ao gravame descoñece a súa contía pero considera que se resulta necesario para fornecer auga ao Concello de CHANTADA. Indica que haberá que aceptalo aínda que tamén di que cando a Xunta O fága mal será o primeiro en contestar.

 

Procédese a votar a moción resultando REXEITADA cos votos a favor dos membros do PSOE (4) e de Por Chantada-CUP (2) e os votos en contra do partido popular (6) e o voto de calidade do presidente da corporación.

 

6.-Moción do Grupo Municipal de Por Chantada-CUP sobre da perda dos servizos bancarios nos concellos do interior galego.

Moción de Por Chantada perda de servizos bancarios interior galego_signed

Toma a palabra O voceiro do Grupo Municipal Por Chantada-CUP para expoñer a moción.

Intervén o señor alcalde manifestando que apoiará a moción.

O voceiro do Grupo Municipal Por Chantada-CUP pola súa banda considera que a Xunta está a premiar a entidades que están a pechar oficinas bancarias.

A voceira do Grupo do PSdG-PSOE quéixase do mediocre servizo que prestan os bancos no rural e considera que a falta dun trato personalizado aos maiores é unha forma de agravio; que é un escándalo que haxa diñeiro público para a instalación de caixeiros fixos, e invita á retirada de fondos daquelas entidades que pechen oficinas. En canto á Deputación lembra que non ten representación en Caixa Rural e considera que é a Xunta a entidade responsable e non a Deputación,e que non ve viable o punto terceiro. Pide que se cambie Deputación por Xunta e que o punto tres debe ser o punto catro.
Pola súa banda o Sr. Alcalde entende que é necesario solidarizarse cos concellos que quedan sen servizos bancarios e que tanto a Xunta como a Deputación deben facerse eco destas deficiencias.
O voceiro do Grupo Municipal Por Chantada-CUP manifesta que a Xunta optou por un modelo e que só queda a Deputación por iso é polo que se dirixe a moción a esta última. Lembra que houbo dúas preguntas de Vox e do Partido Popular respecto diso sinalando o goberno que son as comunidades autónomas as que deberán chegar a acordos.

O Sr. alcalde propón finalmente un punto único. Votada a proposta formulada polo Sr. Alcalde resulta aprobada pola UNANIMIDADE dos membros presentes da corporación municipal (12) e xa que logo acordouse:
UNICO.-Solidarízarse con aqueles concellos afectados polo peche de oficinas bancarias e instar ás Administracións Públicas (Deputación e á Xunta de Galicia) para que se instalen caixeiros multientidade neses concellos.

 

7.-Mocións e asuntos de urxencia.

Pola presidencia pregúntase sobre da introdución e tratamento por urxencia dalgún asunto non incluído na orde do día non propoñéndose ningún.

B) Actividade de control.
B1) Dación en conta de Resolucións da Alcaldía: deuse conta dos decretos 2021-593 a 2021-742, ambos inclusive.
B2) Dación de conta en materia económica.-Deuse conta.
Denantes de pasar a trata-lo seguinte punto da orde do día auséntase da sesión dona Cándida Carnero Blanco cando son as 21 horas e 13 minutos

C) Rogos e Preguntas.-Formuláronse os/as seguintes:
I.-Toma a palabra o señor alcalde para responder aquelas preguntas que non foron contestadas no pleno precedente:
En canto ás formuladas polo grupo Municipal Por Chantada-CUP:
1.- Sobre da Estrada de Bermún responde que está feita con aglomerado en quente. Intervén O voceiro do Grupo Municipal Por Chantada-CUP para manifestar que hai pistas nas que fai falla entubar os accesos ás leiras e que se podería estragar. Responde o Sr. Alcalde que é responsabilidade dos propietarios que terán que pagar.

2.- En canto á parroquia de Esmoriz sinala que se fresarán e aplicarase un pisón para que dure ata a primavera. Espera que se faga algo coas pistas da Deputación que as de esta titularidade están feitas un desastre.
3.- Á pregunta 2.2.3 sobre a estrada Ás Córneas manifesta que está arranxado.
4.- Á pregunta 2.2.6 di o Sr. Alcalde que se instalarán bandas rugosas.
5.-Á pregunta 2.2.8 responde o Sr. Alcalde que xa non se aparca na praza do Cantón aínda que hai algún descoidado. Insiste en que haberá que instalar un pivote na rúa do Comercio.
6.-Á Pregunta 2.4.1 sobre a superficie de inmobles de titularidade municipal sinala o Sr. Alcalde que hai 211 fincas urbanas e 4.190 rústicas; lembra que houbo un incremento do patrimonio do Concello grazas aos impostos dos cidadáns.
7.-Sobre a liña de alta tensión do Maxal a Belesar manifesta o Sr. Alcalde que nunca comeu con ninguén relacionado con empresas eólicas nin ningunha outra; manifesta que se se vai por aí é capaz de ir ao xulgado. Sinala que houbo un encontro e falouse sobre unha liña que baixará de Belesar que terá que ir soterrada dende o Pazo do Piñeiro; manifesta que serán alegacións.

En canto ás preguntas formuladas polo PS dG-PSOE:
1.-Pregunta A voceira do Grupo do PSdG-PSOE polo número de cans que abarca o convenio de recollida de animais
-Resposta do Alcalde: Son 40 pero que resulta insuficiente porque xa só en Gomesende se recolléron 21.
2.- Sobre o parque de Sangoñedo:
-Resposta do Alcalde: Que se esta mellorando.
3.- Sinala que o miradoiro da parroquia de San Fiz está sucio.
4.- Pregunta sobre a creación de viveiros.
-Resposta do Sr. Alcalde: Que se optou por outras solución.
5.- Sobre as obras de Viaqua:
-Resposta o concelleiro Sr. Otero Veiga: Que a empresa puxo o material e o resto o concello. A voceira do Grupo do PS de G-PSOE lembra que quedou fibrocemento debaixo e que a obra esta mal rematada

-Resposta o Sr. Alcalde: Que hai garantía, que se dará un repaso e que se verá en Nadal, e se entón non está ben se reclamará.
6.-Pregunta a voceira do Grupo do PSdG-PSOE polo Plan municipal de emerxencias.
-Resposta do Sr. Alcalde: Que está pendente da súa remisión por parte de Viaqua e comentarase entón.
7.- Pregunta a voceira do Grupo do PSdG-PSOE polas obras do polígono.
-Resposta do señor Alcalde: que se están rematando.
8.-Pregunta a voceira do Grupo do PSdG-PSOE por un decreto dun pago a Chantada Comunicación.
-Responde o Sr. Alcalde que se refire ás xornadas do Xacobeo.
9.-Pregunta a voceira do Grupo do PS d G-PSOE polo vídeo marcador e polas obras dos vestiarios no pavillón.
-Resposta do Sr. Alcalde: Que se están executando en prazo
10.- Pregunta a voceira do Grupo do PSdG-PSOE polo informe sobre o edificio da Praza de Santa Ana.
-Responde o Sr. alcalde que non lle consta.

-Responde a Concelleira Sra. Fernández Águila dicindo que xa está instalado dende finais de setembro.
12.-Refire a voceira do Grupo do PS d G-PSOE as queixas sobre un traballador do servizo axuda no fogar contratado sen a titulación pertinente.
-Responde o Sr. Alcalde que se está facendo o seguimento e que se presente escrito ante o traballador social.
13.- Pregunta a voceira do Grupo do PS d G-PSOE pola renuncia do plan urbe na rúa do comercio.
-Responde o Sr. Alcalde que se renunciou polas queixas que houbo; que o custo superaba os 200.000 €, e que está receptivo a propostas respecto diso.
14.-Pregunta a voceira do Grupo do PS d G-PSOE polo programa de emprego.
-Resposta do Sr. Alcalde: Que non hai nada pensado.

15.-Pregunta a voceira do Grupo do PS d G-PSOE pola solicitude de axudas a viticultores.
-Responde o Sr. Alcalde que se destinarán máis de 130.000 € para camiños deteriorados polas tormentas e que tamén haberá unha liña do remanente para axudar.

–Preguntas formuladas polo voceiro do Grupo Municipal de “Por Chantada-CUP”

1.-Pregunta sobre do Plan forestal de Galicia dicindo que CHANTADA debería estar incluída.
-Responde o Sr. Alcalde que se entrará o ano que ven.

2.- Rogo formulado polo voceiro do Grupo Municipal Por Chantada-CUP para que se revisen as bases que permitan que as axudas cheguen a entidades que non foron beneficiarias no pasado.

3.- Rogo formulado polo voceiro do Grupo Municipal Por Chantada-CUP para que se controle a poboación de pombas que se converteu nun auténtico problema.

4.-Queixa formulada polo voceiro do Grupo Municipal Por Chantada-CUP sobre a poboación de ratas; sinala que hai moitas e que a xente se queixa.

5.-Rogo formulado por o voceiro do Grupo Municipal Por Chantada-CUP para que se mude o paso de peóns xunto ao Gadis e se utilicen os semáforos que existen instalados xunto ao ambulatorio.

6.- Rogo formulado polo voceiro do Grupo Municipal Por Chantada-CUP para que se repare o lastro da igrexa,
-Responde o Sr. Alcalde que se estivo agardando.

7.-Rogo formulado polo voceiro do Grupo Municipal Por Chantada-CUP para que se revisen as placas de vaos e se pense tamén nun guindastre.
-Responde o Sr. Alcalde que é absolutamente inviable.

8.-Pregunta o voceiro do Grupo Municipal Por Chantada-CUP polos recortes que se produciron no ensino, concretamente no IES Lama das Quendas, e pola actuación do concello respecto diso.
-Responde o Sr. Alcalde que está equivocado e que se chamou para enviar a un profesor. [FALSO]

9.- Pregunta o voceiro do Grupo Municipal Por Chantada-CUP polo contrato concertado pola empresa de limpeza; sinala que finalizou e pregunta quen limpa agora.
-Responde o Sr. Alcalde que outra empresa mentres non se licite o contrato.

10.- Pregunta tamén pola factura de “Inicia Technology Systems”,

-Responde o Sr. Alcalde que a descoñece.

11.- Rogo do voceiro do Grupo Municipal Por Chantada-CUP que se publique un bando para evitar que a xente lave o vehículo nas rúas sinala que contamina a auga e que habería que facer algo.

12.- Rogo formulado polo voceiro do Grupo Municipal Por Chantada-CUP para que se controle a carga de cisternas de auga no polígono.
-Responde o Sr. Alcalde que non sabe nada respecto diso.

13.-Rogo formulado polo voceiro do Grupo Municipal Por Chantada-CUP para que se realicen analíticas das fontes de Chantada sinala que moitas non son potables e que ademais hai residuos.

14.- Pregunta o voceiro do Grupo Municipal Por Chantada-CUP por unha sanción de confederación en Nogueira.
-Responde o Sr. Alcalde que o descoñece

15.-Sinala o voceiro do Grupo Municipal Por Chantada-CUP que hai lixo fóra dos contedores.
-Responde o Sr. Alcalde que nese caso haberá que chamar á policía local, que é unha cuestión de educación.

16.-Sinala O voceiro do Grupo Municipal Por Chantada-CUP que hai contedores contiguos en rúas que xera problemas para o tránsito e solicita unha solución.

17.- Pide luz pública en Muradelle. Responde o Sr. Alcalde que haberá que chamar ao servizo correspondente do concello.

18.-Pregunta O voceiro do Grupo Municipal Por Chantada-CUP sobre o escrito presentado en relación ás esixencias da hostalería de CHANTADA, se se fixo algo.
-Responde o Sr. Alcalde que non.

19.- Pregunta pola falta de fiscalización das bases de hostelería.
-Responde o Sr. Alcalde que se entregaron coas bases da Xunta.

 

 

Por Chantada ve aberrantes os novos impostos á auga.

 

A Xunta da Galiza pretende aprobar dúas novas taxas que van disparar a factura da auga. Concretamente, trátase de dous canons de nova criazón para o consumidor doméstico e outro para os concellos, incluídos no Anteproxecto de lei para a xestión integral do ciclo da agua, xa en tramitación.

Estimacións de profesionais do sector sitúan a suba do recibo en 180% na auga dos fogares e 130% no caso das empresas. Un despropósito que, na Galiza, coincide no tempo coa suba interanual máis elevada da inflación rexistrada do Estado español (4%).

Trátase doutra volta de porca na política de mercantilización dun ben público e esencial que comezou coa Lei de augas da Galiza, que desde 2012 xa aplica un canon.

Por Chantada demanda a paralización inmediata da tramitación do anteproxecto e un plano de depuración e saneamento para as parroquias do rural galego.

 

​Ao seu paso polos Cachóns do Asma as augas do río teñen un fedor moitos días insoportábel consecuencia da deficente depuración de augas. O Concello leva anos cunha problemática á que as diferentes administracións non lle dan solución e que nen sequera se inclúe no PACES (Plano de acción para o clima e a enerxía sustentábel).

Chantada 20 de setembro de 2021.

En sintonía coas políticas ultraliberais e aporofóbicas do PP, a nova lexislación castigará máis aos consumidores domésticos e, nomeadamente, aos que teñen un consumo máis baixo que, polo xeral, son fogares máis humildes. Apenas contemplan bonificacións de 50% para familias numerosas e fogares en risco de exclusión social, mais deberían ser nestes casos do 100%.

 

Para o uso doméstico existe agora no trecho máis baixo de consumo unha tarifa de 0€ que pasaría cos novos impostos a 0.15€ por metro cúbico, avanzando no mercado e mercantilización da auga. Por exemplo, nun fogar onde vivan 3 persoas cun consumo de 25 m3 de auga cada trimestre pagaríase case o triplo: dos actuais 6.65€ a 18.7€. Para alén do consumo os novos canons incorporan unha parte fixa (1.54€ por persoa e mes) remedando a factura da luz. 

 

A auga vai ser un ben crecentemente escaso, por iso se debe instar ao seu uso racional por parte da poboación con taxas que penalicen os consumos elevados e a falla de eficiencia desde os principios de proporcionalidade e progresividade fiscais, é dicir, que pague máis quen máis consome. Amais, debe garantirse o seu fornecemento a todas as poboacións, así como o seu correcto tratamento e depuración.

 

Por Chantada demandará no vindeiro pleno ordinario que a Xunta paralice a tramitación do anteproxecto para desde o diálogo social incorporar os principios de proporcionalidade e progresividade fiscais. Amais, exiximos saneamento e deputación axeitadas para as parroquias do rural a comezara polas do interior galego e, nomeadamente, as atinxidas por figuras de protección como a de Reserva de Biosfera.

 

 

Para leres a nosa moción íntegra preme aquí (PDF): Moción Por Chantada canon augas Galiza_signed

 

AMPLIACIÓN 22/09/2021.

 

Alertados pola viciñanza denunciamos a recollida de dados que está desenvolvendo o Concello de Chantada nas parroquias sen dar calquera explicación oficial á viciñanza. É bochornoso que un alcalde dun concello non emita un bando nen dea calquera explicación pública á viciñanza cando se están recollendo dados para un uso e tratamento que os afectados descoñecen. 

 

 

Consultados varios xuristas e expertos relacionan este censo coa intención da Xunta de “municipalizar” as traída do rural, de momento “voluntariamente”,  para que se lles poda cobrar o canon da Xunta (Lei de augas) mais os novos impostos que prevé o Anteproxecto de lei de mellora do ciclo integral da auga, denunciados nunha moción rexistrada onte. Amais, unha vez exista rede municipal nun territorio xa non será posíbel desengancharse e criar unha autoxestionada entre a viciñanza, pois non o permite a normativa e a Confederación Hidrográfica denegaría a renovación até daquelas traídas debidamente legalizadas, que no noso termo municipal non chegan a 10%).

 

 

 

Lembrade que, co modelo actual de mercantilización dun ben esencial e público por parte de Feijoo en sucesivas reformas normativas:

 

1.- Pagamos por trechos e non por consumo real (empresas) pasando o trecho máis baixo para consumidores domésticos de 0 a 0.15€ por metro cúbico.

2.- Pagamos canon autonómico en base a ese importe (imposto Xunta).

3.- Pagamos coeficientes de verquido en base a unha estimación non real de convivintes por morada (imposto da Xunta).

4.- Pagamos IVE de 10% e non de 4% porque seica non é un ben de primeira necesidade cando é para consumo.

5.- Pagaremos dous canons de nova criazón (impostos Xunta) triplicando o que se paga agora e cunha cota fixa de 1.54€ por persoa ao mes (haxa ou non gasto), o que supón un “mínimo” de case 20€ ao ano.

 

 

Están criando as condicións para facer, paso a paso, outro mercado piramidal e espoliador como o da luz, agora coa auga, ao tempo que acaban coa sanidade, coa educación e presionan cada vez máis as pensións.

 

Na defensa do ben común e da maioría social nen un paso atrás.

 

O Miño ao seu paso por Cartemil (Santa María de Nogueira) estase vendo atinxido por unha falta de regulación das embarcacións a motor (perdas de aceite, combustíbel, ruídos…) e os verquidos son frecuentes ao careceren as parroquias de sistema de depuración. A Confederación Hidrográfica segue a ser moi pouco transparente e as diferentes administracións non se cordinan para solventar un problema que contradi na práctica a recente declaración de Reserva de Biosfera. Ríos cada vez con menos flora e fauna autóctona poden ser reserva de biosfera?

 

Resumo do pleno ordinario do 3 de xuño de 2021 [audio]

O Pleno comezou ás 20:05 horas coa asistencia de 12 concelleiros (non asistiu Manuel Diéguez), do secretario accidental, da interventora e dun funcionario municipal. O pleno remata ás 22:17 horas.

Accede ao audio da sesión plenaria aquí: https://drive.google.com/file/d/1JVenqG4snQZAA3IQrOXM2EuYxYN4Hr-M/view?usp=sharing

A) Parte resolutiva

1º.-Aprobación das actas das sesións anteriores. Ordinaria do día 8 de abril de 2021 e extraordinaria urxente do día 7 de maio de 2021.

Acta da sesión ordinaria do pleno correspondente ao 08 04 2021

Acta da sesión extraordinaria urxente do pleno correspondente ao 07 05 2021

Raquel pide que se corrixa o seu nome na páxina 9 e na páxina 16 na de 8 de abril.

Fente indica que na ordinaria de 8 de abril (p.1) dise que se alterou a orde do día con votación por unanimidade, mais dita votación non se produciu.

Procédese á aprobación por unanimidade.

 

2º.-Modificación orzamentaria 13/2021, mediante Crédito extraordinario 01/2021 por importe de 300.779,70€. Alegacións.-Exte. G301/2021. [min. 2]

Alegacións Por Chantada CE 1_2021

INFORMES DE INTERVENCION 2021-0011 [INFORME

PROPOSTA AO PLENO

Raquel di que lle sorprende que non se corroboraran os dados cando se informou do erro xa no proprio pleno e en canto admitir ou non as alegacións non lles queda outra que guiarse da intervención. Non se aclara o fundo da alegación e se as medicións están ben feitas. Non afectaría ao proceso e á operación non estaría en risco ao estaren as xestións rematadas co propietario. Insisten en que cando xurdan dúbidas deberían revisarse os expedientes e máis en casos coma este onde se advertiu dos erros.

Fente indicide en que en nengún momento se aclarou sobre o fundo das alegacións, tampouco na CI previa este pleno e só se escudaron nun acordo entre concello e proprietarios. Se o acordo existía para que se fai entón a taxación se se fai fal? Sobre a lexitimación activa fai unha detallada explicación con fundamentos xurídicos e sentenzas que podedes consultar aquí: Lexitimidade activa dos concelleiros. Fica claro entón que o informe non entre no fundo do asunto porque só está desenvolvido para desestimar a priori a alegación, non se explica en absoluto nada sobre o erro de medición sinalado que afectaría á contía e, portanto, ao expediente. A contestación posterior do alcalde é igualmente vacua. 

Manuel Varela di que os compañeiros do PSOE entendeu ben as cousas e que eses sentenzas tería que aclarar para que foron, que non foron para Chantada [sentenzas do Tribunal Constitucional e do Tribunal Supremo que sentan xurisprudencia para Manuel Varela non son para Chantada. Está tan afeito a tratar a viciñanza como parvos ou menores de idade políticos que todo lle vale]. Fente está para entorpecer e non para esclarecer o labor do goberno. Teñen acceso aos expedientes como todos os cidadáns. Que pregunten a quen fixo o informe, el non pode ir en contra do técnico e é indispensábel facer ese informe. Se vostede quere seguir xogando a xurista eu aconsellaríalle que fixese direito. Nós entendemos isto doutra maneira, traballando rápido e axilmente para os cidadaos.

A favor: 10 (PP e PSOE). En contra: 2 (CUP).

Desestímase a alegación e apróbase o crédito extraordinario 1/2021 por importe de 300.779,70€.

 

3º.-Modificación orzamentaria 19/2021, mediante Suplemento de Crédito 02/2021 por importe de 141.688,20€.-Exte. G553/2021. [min. 11:20]

PROPOSTA AO PLENO SUPLEMENTO 02/2021

Informe_MO 2021-0017 [MP 192020 SUPLEMENTO 022021]

MEMORIA-PROPUESTA SUPLEMENTO

PROVIDENCIA SUPLEMENTO 022021

Desde o grupo municipal socialista ven ben dedicar parte do RTGX a mellorar accesos e se é con aglomerado mellor, mais preocúpalles que non se concreten obras para alén do tramo Vista Alegre-Santa Mariña e lémbranlle ao alcalde que quedara en facer partícipe das obras á oposición, extremo que incumpre. Sobre o Consorcio (18.420€) preguntan polos convenios e canto pon cada administración e que obras se van facer. A priori a dinamización turística parécelle ben e votarán a favor porque non se poden opor a mellorar no concello, aínda que estarán vixiantes.

Fente di que este segundo suplemento do ano ascende a 141.688,20€. Na CI non se nos aclararon os núcleos de poboación, para alén do que trecho ao que xa fixo referencia Raquel de Vista Alegre – Santa Mariña (400-500 metros). Desde Por Chantada lembramos que, por iniciativa nosa, aprobárase por unanimidade unha comisión de infraestruturas, que nunca foi convocada, para clasificar e arranxar as estradas segundo o seu estado. En total, díxosenos que se farán 4 quilómetros de aglomerado en quente, que fan moita falla.

Canto ao Consorcio, para alén da cota anual que pagamos todos os anos de 12.000€, agora abonaranse dúas cotas especiais para dous planos especiais aos que os concellos achegan o 30% e a Xunta o 70%. Dous planos que non se sabe para que son aínda. Isto redunda en anuncios de planos sen fundos, coma o da paisaxe que se anunciou hai pouco. Cando un vai ao plano os investimentos son cativos, sendo xenerosos, e fomentando rotas en carro cando falamos de descarbonización. Cousas de difícil entendemento como que se convoque un consello de parroquias e se avise só aos da parroquia dun, na ronsel do pior neocaciquismo.

Todo isto acaba redundando nunha situación de opacidade que ao mellor explica porque hoxe houbo que recuar na declaración da Ribeira Sacra como patrimonio da Humanidade, que se daba como un feito consumado aínda hai uns días en Fitur. Estivemos ás portas de ser a primeira candidatura do Estado español que a UNESCO desbotou e por que? Porque non se tivo en conta as persoas que moramos no territorio e non se deixou que participásemos para ver se queriamos esas figuras de protección [véxase as alegacións de Por Chantada ao expediente BIC da Ribeira Sacra e tamén á Reserva de Biosfera]. As cousas débense facer participadamente e non desde un gabinete de Santiago e os “indíxenas” a calar e quen abre a boca semella que vai contra o progreso… pois non, a razón e a verdade rematan por aflorar. Figuras deste tipo afectan á vida das persoas que viven no territorio como para marxinalas. Se non se coñece o contido dos planos do Consorcio o Concello debe ser o primeiro en pedir que se coñezan e divulgalos entre a poboación e non pedir cheques en branco e autos de fe.

Manuel Varela xustifica as “intencións” de 38.000€ para dous anos anos na situación sanitaria, pois tamén o Xacobeo vai con atraso e son necesarios autos de fe. Ao mellor están equivocados 24 concellos e a Xunta [unha falacia argumentativa que a UNESCO deixou xa ben aclarada]. Saca peito da situación económica do Concello, pois, segundo o alcalde, agora pode contribuír a estas cousas e até hai pouco non [como se non gobernara entre 1995-2007 e 2011-2021, é dicir, 22 dous últimos 26 anos, sendo o responsábel directo da bancarrota que levou ao contrato de Viaqua e da débeda que tiña o Concello e que nos mantivo décadas na indixencia.] Van tirar para diante e a ver se lles gusta o que fai o Consorcio. 

 

Votación: 

A favor: 10 (PP e PSOE).

Abstención: 2 (POR CHANTADA).

Apróbase o suplemento de crédito 2/2021 por importe de 141.688,20€ para arranxos de camiños e achega ao Consorcio de Turismo da Ribeira Sacra.

 

4º.- Modificación orzamentaria 20/2021, mediante Crédito extraordinario 03/2021 por importe de 68.000€.-Exte. G554/2021. [min. 19:46]

Informe_MO 2021-0016 INFORME CREDITO EXTRA

PROPOSTA AO PLENO CREDITO EXTRAORDINARIO 032021

Segundo o PSOE estas axudas chegan tarde mais son benvidas. Para os de Pedro Sánchez outros concellos e a Deputación de Lugo que gobernan eles foron máis previsores. O sector viuse afectado pola pandemía e pediron axudas xa no debate do orzamento. Solicítanlle o convenio da Xunta ao alcalde. Este responde que o asinou hoxe. A voceira socialista insiste en que tamén deberían repartir xa as axudas orzamentadas para a COVID-19 no orzamento e transmite a inquedanza do sector pola falta de oredenanza para as terrazas que se contemplaba no plano normativo aprobado polo PP.

Xa cando fora o debate do orzamento de 2021, entre outras cousas, demandamos desde Por Chantada nun documento axudas para o comercio e a hostelaría. Entendemos que, segundo o falado na CI, o orzamentado para 2021 (50.00€) será para bonos para gastar na hostelaría e os 68.000€ de agora para hostelaría. Como non se nos facilitou o convenio consultamos con outros concellos e hai pros e contras. Os pros que se xestiona a Xunta tíralle carga de traballo ao Concello, os contras unha tarifa plana para todos por igual e uns requisitos que obrigan a recorrer a subterfuxios porque perdendo interanualmente 60-70% dos ingresos a empresa estaría quebrada. Tamén se pode dar o paradoxo que dous bares pegados mais de diferente concello poden receber cantidades bastante dispares.

Todos os sectores foron atinxidos, mais a hostalaría e a cultura, ou as orquestras, con especial dureza. Seguen en curso ERTEs e EREs, aínda que os dados da EPA convidan a agardar que comece o rebote en positivo. 

Malia as reservas expostas ( a.- que chega tarde; b.- que a tarifa plana non é xusta; e c.- que o Concello podería facer as súas proprias bases e mecanismos de acordo coa autonomía municipal) consideramos que estes 68.000€ son un recoñecemento simbólico á difícil situación que atravesa a hostelaría e, daquela, que saia o acordo por unanimidade é unha forma como Corporación de recoñecer simbolicamente as dificuldades do sector. A Xunta e o Goberno central debería axudar realmente a estes sectores duramente atinxidos como a hostalaría ou a cultura. 

Manuel Varela repete os argumentos que sempre saca a relocir e que non significan nada: di que pagan os paganinis de sempre, que o Concello agora pode achegar cartos e antes non. Tamén afirma que as bases da Xunta lle aforrran traballo. Os bonos están facendo as bases nos servizos sociais e agarda que axuden a 400 ou 500 familias e que sexamos solidarios para que ese diñeiro recaia en quen realmente o precisa. Din vostedes que chegan tarde, mais van chegar e doutra Administracións non chegou nada. O diñeiro é o que hai.

Votación:

Apróbanse as axudas para hostelaría por importe de 68.000€ por UNANIMIDADE, con cargo ao RTGX (crédito 3/2021).

 

5º.-Bonificación ICIO que solicita Don Iván Fernández Expósito en expediente de concesión de licenza de obras e actividades G450/2021 para Construción de Nave en Planta Baixa e Entreplanta na Parcela 13 da Ampliación do Polígono Industrial de Os Acivros. Exte. G450/2021. [min. 28:50]

6.1.- PROPOSTA BONIFICACIÓN ICIO IVAN FERNANDEZ EXP

6.2.- FISCALIZACION DE INTERVENCION 2021-0055 [FISCALIZACION]

6.3.- INFORME TECNICO

Os socialistas ven ben a bonificación do 95% do ICIO no Polígono e acusan ao PP de querer rematar con esta bonificación en xaneiro, que finalmente o PP retirou. Piden acelerar a modificación da ordenanza. Piden bonificacións para construcións agrícolas e rehabilitacións no rural. 

Antom Fente reitera tamén os argumentos xa expostos unha e outra vez desde o Grupo Municipal de Por Chantada, a última vez no Pleno de abril, cando viñeron 3 bonificacións desta natureza. Estamos a favor destas bonificacións do ICIO, se ben insistimos na nosa demanda de facela extensíbel ao sector primario, é dicir a agricultores e gandeiros, e outras industrias que se asentan no rural polas súas característica, e que, a pesar de non estaren no Polígono Industrial, contribúen para o mantemento do medio rural coa súa actividade e tamén crean emprego e fixan poboación. Para nós, o sector primario é aínda a base da estrutura económica local e de contribuír ao relevo, ou non, en moitas explotacións e de incentivar novas iniciativas no campo vai depender o noso futuro. De como actúen as administracións vai depender que haxa ou non relevo nas exploracións e vai determinar se fixamos ou non poboación no territorio, polo que cómpren facilidades para o sector primario no tocante a actuacións como construcións de naves e que crian riqueza polo elevado volume de facturación e iso significa que hai moitas persoas que directa e indirectamente se nutren e manteñen a súa actividade económica do leite, da carne e do viño… e outros que van despegar como o do aceite, do mel ou da cireixa. Fiar todo á terciarización e ao turismo é ser cegos perante a pandemía da COVID-19, os padróns que van mudar pola descarbonización ou, simplemente, porque fomos sempre unha comarca agro-gandeira. O monocultivo sempre é pernicioso e empobrece a medio-longo prazo. 

Entendemos que xa entraría no artigo 6 da ordenanza actual concederlle a bonificación, mais en todo caso se se revisa deberíase contemplar.

O alcalde pide que se pase á votación e di que están de acordo coa bonificación e que retiran o que dicían en xaneiro. Doutras cuestións xa se falará porque non se poden distorsionar os ingresos do Concello. Para o alcalde o agro galego, neste caso o de Chantada, como non lle engadan valor aos produtos mal imos por moito que se lles axude. Só o prezo lle mete diñeiro á xente, mais rebaixar nunha nave tres mil euros se logo non lle é rendíbel mal imos. Desde xeito o Concello e outras administracións teñen que engadirlle valor ao que producen.

 

Aprobáse a bonificación do ICIO que solicita Iván Fernández Expósito por UNANIMIDADE.

 

6º.- Moción que apresenta o grupo municipal socialista sobre recuperación e posta en valor do patrimonio das augas minero-medicinais do Concellos de Chantada. [min. 35:53]

MOCIÓN PSOE AUGAS MEDICINAIS ASINADA

O PSOE expón os argumentos cos que defende a moción após a leitura dos acordos polo secretario accidental [min. 37:05 – 38:50]. 

Falan de Ourense e de Ferreira e a páxina da Deputación de Lugo dentro da historia das augas da provincia cita a Mouriscados, que foi unha referencia, se ben lonxe da potencia en termalismo que ten Ourense. A moción parécenos correcta e poderiamos subscreber case palabra por palabra o seu contido, como en todas as iniciativas sobre o patrimonio que temos traído a esta cámara.

Chantada ten un patrimonio riquísimo e é unha arma de duplo fío, pois, por unha banda, temos moito que recoñecer e promover, para que nos visiten e marchen con moi bon sabor de boca desta terra; mais, por outra banda, cómpren moitos recursos para manter todo. Un pouco como esa xente a que se lle legan moitos bens, mais que se non producen non hai capacidade económica para mantelos. Habería que facer unha reflexión se callar: moitas leis para protexer o patrimonio, poucos fondos para rehabilitar e conservar o patrimonio.

Entendemos que desenvolver os pontos propostos non son Misión imposíbel, como aquel filme, mais dependen da vontade política e da capacidade de traballo dos concelleiros e concelleiras, nomeadamente os que teñen responsabilidades de Goberno. As xestións diante da Xunta para o recoñecemento dos mananciais e protexer o balneario de Mouriscados parécennos axeitadas e neste ponto a figura do ENIL que xa veu a pleno, sen suceso, para os Cachóns do Asma podería ser unha solución. En todo caso que se lle dea un marco de protección e se reverta o estado lamentábel co teito derrubado que ten actualmente.

Canto a accesos e sinalización sería un investimento ao alcance do Concello, ora mediante crédito extraordinario con cargo ao RTGX ou ben contemplándoo no capítulo VI de gastos do Orzamento de 2022. Podería tamén, facerse con cargo ao Plano único os accesos e a sinalización a cargo do Consorcio de Turismo, que entraría entendemos nese plano de dinamización que anuncian. Reiteramos, trátase de facer xestións e ter vontade política, pois ferramentas hai.

Para a divulgación podería solicitarse axuda aos centros educativos locais e mesmo criar unha bolsa de investigación local que anualmente se foque nun aspecto patrimonial ou cultural de interese e do desenvolvemento de unidades didácticas e materia para a súa promoción. Poderíase facer desde a concellaría de Cultura ou a de Patrimonio. De feito, esta era unha das proposta que estaba dentro da Estratexia local para o Patrimonio e o turismo 2020-2030, que non se aprobou mais as nosas ideas están aí para usarse polo ben da viciñanza.

Varela ve a moción interesante mais adoece de defeitos. Desde o Concello non van orientar a xente a esas augas. A farmacéutica Ana Méndez Rojo da rúa Xoán XXIII dixo que facía analítica, mais é mellor que a faga Esther Fernández de la Vega. Van comezar por aí e a ver que tipo de cuestións teñen esas augas. Acusa ao PSOE de non falar con Eduardo, un dos proprietarios, que pensaba que se lle ía expropriar. O alcalde explicoulle que en todo caso valoraríase e compraríase. Van facer analítica e ver se son aptas para o consumo. 

Para o alcalde o acceso actual a Mouriscado xa é extraordinario, pois o balneario é de risa ao lado de Pantón ou Ourense. Comprométese a traer analítica ao vindeiro pleno e a partir de aí pórse a traballar. O PP propón unha emenda in voce que é facer a analítica e dar conta no vindeiro pleno ordinario.

Raquel di que tamén tramitar ante a Xunta e que o Concello o que tería que falar co proprietario. Varela dille que é viciño de Raquel, que debería ter falado xa con el. Raquel aceita as boas intencións mais a moción debe votarse.

Votación:

A favor: 6 (POR CHANTADA e PSOE). 

En contra: 6 (PP).

Rexéitase a moción do PSOE polo voto de calidade do alcalde.

 

7º.- Moción do grupo municipal Por Chantada – Candidatura de Unidade Popular para favorecer a descarbonización mediante modificacións nas ordenanzas fiscais. [min. 48]

Moción do grupo municipal Por Chantada – Candidatura de Unidade Popular para favorecer a descarbonización mediante modificacións nas ordenanzas fiscais.

[min. 49:57 – 1:00:44] Antom Fente, após a leitura dos acordos que se propoñen na moción polo secretario accidental, explica a moción de Por Chantada e as razóns do seu grupo para defender esta moción recalcando a reforma que habería que facer das ordenanzas do ICIO e do IVTM para favorecer os vehículos híbridos e eléctricos, así como reformas de garaxes comunitarias para poder cargalos. Esta moción sería continuación dunha anterior xa debatida nesta Corporación en que pediamos ligazón territorial entre o caborno secuestrado e as cotas evitando que sexan un mercado especulador máis.

[1:00:46-1:02:38] Para o PSOE ninguén discute xa a mudanza climática hoxe. Nas nosas maos como cidadaos e mais como representantes políticos revertir esta realidade. O PSOE está contente coa Lei de mudanza climática e afean que un PACES irreal aprobado polo PP sexa papel mollado se non se aproban iniciativas como esta. A rebaixa é perfeitamente posíbel e só ten dúbidas sobre a bonificación do ICIO, mais para iso se piden os informes técnicos. Pídelle ao alcalde predicar co exemplo.

[1:02:40 até 1:05:08] Para o grupo popular na CI comentaron que lles gostaba a moción, mais non a ven ao nível de Chantada, senón de cidades como Barcelona ou a Cruña. Na FEGAMP ou na FEMP tense falado disto e van estar sempre dispostos a receber o apoio da FEGAMP e da FEMP para desenvolver na medida do posíbel o  PACES e xa se pasou de falar de 2030 a 2050… Aínda que el falaría de hoxe, de mañá e de pasado. Seguirán o que fagan eses organismos, mais negan que teña condicións económicas o Concello para modificar a ordenanza [totalmente falso o que non queren é traballar], pois non queren paralizar o Concello. Non se poden comprometer con isto, aínda así di que Chantada está na primeira liña contra a mudanza climática para o que están estudando aparcadoiro subterráneo en Chantada con 20-30 prazas bonificadas con enchufes para carros eléctricos [O que cómpre ouvir! na CI o alcalde confesou que quería facer o aparcadoiro subterráneo no Cantón! A empresa madrileña dille que mellor en Xoán XXIII. Para Por Chantada o gasto e impacto dun aparcamento subterráneo é un despropósito cando non se fai o máis mínimo en ordenanr o tránsito].

[1:05:10 até 1:06] Lamentamos que non apoien a moción, di Antom Fente. Falaron de Barcelona e da Cruña tamén, mais hai concellos sen esa dimensións que si fixeron as bonificacións que propomos aquí. Concellos coma Cambados, que non é unha urbe, e non paralizaron toda a administración. Varela di que a bonificación para Chantada sería para dous vehículos e non de persoas que precisen axuda [máis ao noso favor entón]. Entón é o momento para facelo e non agardar máis adiante, retruca Fente. Varela non permite continuar co debate e pide votar aos grupos.

 

Votación:

A favor: 6 (POR CHANTADA e PSOE). 

En contra: 6 (PP).

A moción de Por Chantada rexéitase polo voto de calidade do alcalde.

 

8º.-Mocións e asuntos de urxencia: subvención nominativa para a Escudaría de Chantada por importe de 11.000€. [min. 1:00:16]

PROPOSTA ABROBACION SUBVENCION NOMINATIVAS ESCUDARÍA 2021

FISCALIZACION DE INTERVENCION 2021-0068 [INFORME DE INTERVENCION]

O alcalde xustifica este ponto, que lle tivo que lembrar o secretrario accidental, o 30, 31 e 1 de agosto será a Subida se as condicións sanitarias o permiten. A subvención municipal, nominativa, será de 11.000€, mil máis que na anualidade anterior.

Votación da urxencia: UNANIMIDADE.

Para o PSOE a subida é para evitar facturas posteriores. O alcalde di que está no certo e que non se estaba facendo ben pagando facturas directas fóra da subvención. Agora xa se lles avisou. Dependendo como sexa a Subida este ano daranlle máis ou non, porque se é unha matraca os cidadaos de Chantada non están para tirar cos cartos. Hai que ser serios. Agora os 11.000€ e esquecerse de máis facturas, nen bocadillos nen trapalladas. Se este ano o evento é un éxito de ocupación hosteleira para o ano verán de subirlles. O PSOE lembra que hai outras entidades como a Irmandade Cultural País do Faro que precisan subvencións. O alcalde di que na medida que o vaian pedindo vanas ir outorgando coa partida que reservaron para iso, se a oposición sabe dalgunha que o diga tamén, sempre que as podan xustificar. Van estabelecer unha para axudar a parroquia de Santa Mariña, a Caritas, mais nega que os Servizos Sociais desviase xente para Caritas. O alcalde afirma que isto é mentira e que esa xente dálle pena, este Goberno non comunga con rodas de muíño [no entanto está demostrado que o alcalde mente]. Aínda a teñen sen determinar, a ver se poden dar 5-6.000€ para Caritas, que virá no próximo Pleno. Facer política coas necesidades da xente… ten adxectivos mais non os vai usar. Hai moito espabilado, que lle poñen os pelos de ponta. Raquel fai referencia ao informe de intervención e ao plano de subvencións caducado. Varela di que van contratar unha empresa para facer as ordenanzas para non paralizar a administración, como pasaría coa moción de Antom Fente Parada. Tamén o van facer así cos contratos menores. Os proprios servizos de intervención así llo pediron, se ben xa están pedindo tres orzamentos na maioría dos casos, aínda que non é a maneira de facelo polo visto. De todas formas, agora en Chantada xa se paga ao día e non se nos “cargan” as facturas ou chaman ao provedor por teléfono.

[1:16:18] Aínda solicitaron agora a axuda – cuestiona Fente- despois da CI? Non, díxollo hai días mais tiña que vir a Pleno [faise o parvo porque tería que ter vido á CI]. Entón por que vén por urxencia? Pasóuselles tramitar o expediente e lembráronllo desde a organización da Subida, calquera lle falla ao Alfonso que se non vén unha vez polo Concello ao día vén dúas. Normal, ten que defender o seu, que bastante traballo dá facer eventos, por experiencia. Sobre o Plano estratéxico e a ordenanza non imos insistir, mais había outro tema que é que as bases do orzamento só permiten adiantos do 50%, mais á Escudaría concedíaselle o 100%, que non sabemos se seguirá sendo así. Van intentar que non. É un tema que hai que intentar que sexa para todo o mundo igual se nas bases pon un 50%. Varela contradí o que eles mesmos aprobaron e di que a Escudaría é outro caso. Xustifícao polo seguro que teñen que pagar e non teñen remanente como a SD Chantada para as fichas. Ao mellor non fan as contas como é debido para ter remanente, mais a Escudaría ten a súa desculpa, por así dicilo. A interventora di que baixo nengún conceito se lle pode dar o 100% a ninguén, terán que ir a un banco e facer unha póliza de crédito de 15.000€, para o que recebe de Concello e Deputación. Andan escasos… Bon traballo fan para o que gañan, di Jisi. O alcalde di que hai máis xente interesada en organizar a Subida… aínda que el non o faría, xa non é moi afeccionado ao mundo do motor. Que fan un traballo excepcional, por suposto, e 2-3 meses antes unha chamada diaria e visita ao Concello, mais ben eles teñen que arranxar a súa vida. Xa está todo falado non vai subir el cun coche vello. O safety car. O Ibiza que aínda ten a miña muller. 

Votación do asunto:

Apróbase a subvención da Escudaría por UNANIMIDADE.

 

B)Actividade de Control

b1) Dación de conta Resolucións da Alcaldía (da 021/2021 a 401/2021).

 

b2) Informe-Resumo de Intervención Ano 2020. Expediente 476/2021.

INFORMES DE INTERVENCION 2021-0009 [INFORME RESUMO]

Hai recomendacións ás que se debe antender:

• o xa cronificado uso discrecional do contrato menor con omisión nos trámites esenciais e incumprimento dos artigos 29.8 (duración), 99.2 (fraccionamento) e 118 (importe) da LCSP;

• pagos domiciliados;

• falla de control axeitado dos contratos, especialmente de obras;

• contratos vencidos que non se licitan;

• responsábeis de contratos e documentación preparatoria;

• aluguer do Telecentro sen calquera expediente;

• RPT e Convenio colectivo;

• Plano estratéxico de subvencións caducado e falla de ordenanza xeral de subvencións…

C)Rogos e Preguntas

PARTE RESOLUTIVA

PARTE DE CONTROL DA XESTIÓN:

14.- DACIÓN DE CONTA DE RESOLUCIÓNS DA ALCALDÍA (DECRETOS 31/2021 A 206/2021).

15.- ROGOS E PREGUNTAS.

 

15.1.- PSOE [1:22:45 deica 1:48:50].

 

15.2.- Rogos e perguntas de Por Chantada [1:48:52 até ]

I.- Axudas e subvencións.

1.1.- APROL rural.

Acolleranse como noutros anos a liña de axudas e subvencións para o fomento do emprego no medio rural (APROL rural) que saíron no DOG do 20 de abril? Si.

1.2.-Peóns RISGA (DOG 27/04/2021).

Acolléronse á convocatoria e cando van saír as bases? Pediron 5, coma todos os anos.

 

II.- Saúde pública e seguranza cidadá.

2.3.- Tarima descansos paseos fluviais [min. 1:49:14].

Nos días de choiva os miradoiros no paseo até o Sangoñedo son perigosos nas áreas con tarima de madeira. Esta non foi tratada e acumula unha película que a fai altamente esvaradía, converténdoas en pistas de pastinaxe. Cómpre ter en conta que é precisamente a xente máis maior a que emprega os bancos para descansar que, ao estaren situados sobre a tarima, poden provocar caídas.

Rogamos que se actúe e se conserve axeitadamente o mobiliario público.

Segundo Conchi hai xa orzamento para cambialas e a pasarela xa se mudou.

2.4.- Baldosas praza do Cantón [min. 1:50:14].

Na praza do Cantón, xunto á Igrexa de Santa Mariña e, portanto, en pleno casco histórico hai varias baldosas en mal estado que poden provocar caídas.

Amais, séguese aparcando impunemente nesta praza que, en teoría, é peonil, algo que só se explica pola pasividade do Goberno municipal.

2.5.- Carros abandonados [min. 1:50:25].

Pasados xa uns meses volvemos lembrar que hai varios carros abandonados na vila sen que se adopten solucións (Estrada de Ourense vella; Telecentro; camións…).

Falou o xoves da semana pasada co xefe da policía local. Hai un furgón tamén xunto ao tanatorio do Cristalar, que leva alí préto de dous anos… e outros tres máis, o do pavillón… un desastre. Os que non teñan orde xudicial pódense eliminar.

 

2.6.- Rúa do Rego [min. 1:51:20]..

Precisa limpeza, xa que hai lixo acumulado e hai tempo que os varredores non pasan. Tamén precisa arranxo polo seu estado de deterioro.

Haille que dar unha volta á rúa que sobe cara ao parque, que está feita un desastre.

 

III.- Servizos públicos.

3.7.- Piscinas.

As piscinas levan anos nun lento devalo dos ingresos, acelerándose a situación coa pandemía, como era esperábel e natural. No entanto, neste mes de maio que a situación se ten normalizado, os ingresos do padrón mal pasan dos 7.600€.

• Contemplan algunha campaña ou medida para mellorar esta tendencia preocupante de perda de utentes e ingresos? Si, tan pronto se poida teñen que ir ao nível de 550 a 600 asociados, senón é unha ruína. Antes da COVID puñan entre 25 e 30.000€ cada ano desde o Concello para as piscinas. Rendíbel non vai ser nunca, mais coa empresa privada púñanse 120.000€ de fundos proprios.

• Valoran incrementar inversións para renovar e mellorar equipamentos? Diego Otero di que cando se recupere un pouco isto farán varias cousas, como actualizar as tarifas que están desde 2014 sen actualizar, subíndoas. Tamén arranxaron o pavimento do ximnasio e seguirán facendo pequenas cousas.

3.8.- Aparcadoiros [min. 1:53:30].

Existen aparcadoiros que o concello non mantén en condicións, enchéndose de malezas ou con fochancas que os fan impracticábeis para moitos vehículos. Rogamos revisen os mesmos.

Conchi di que van iragora coa rozadora do tractor [non sabía nen como se chamaba a máquina] cando rematen nas estradas e botarlle zahorra. 

3.9.- Baños parque Campo da Feira Vello [min. 1:54:18].

Recebemos queixas de utentes que din que siguen fechados e indican que agora son de uso exclusivo para clientes dos Pendellos. Poden aclarar isto?

Van ser só para Os Pendellos, di o alcalde. Agora fixéronse uns para as pista de tenis e ándanlle dando voltas aos dous refuxios que ficaban no parque para comer polbo e ao mellor fan alí baños públicos, mais son problemáticos, porque a xente non é cívica. Non hai civismo. Raquel di que os utilizan tamén para outras cousas. Fente pergunta como se fixo a cesión aos Pendellos, pois non vimos o expediente. Fíxose así e non sabe se é legal o que había até agora [ampara entón ilegalidades durante dúas lexislaturas en que foi alcalde?]. Non poden limpar os baños dun local privbado, agora límpaos e papa el e tamén paga unha cota mensual. Fente aclara que a cota xa estaba no expediente orixinal da adxudicación ao cumprirse “x” anos desde a concesión [manía de anotarse tantos e manipular].

 

3.10.- Feira do 5 e do 21 [min. 1:54:26].

A pandemía alterou usos e costumes e atinxiu duramente as feiras e os mercados de alimentos, cuxo mantemento é, no entanto, ensencial para favorecer o consumo local e sutentábel.

As rúas do Comercio e as prazas do Comercio e do Cantón deberían ser o lugar escollido para os postos de plantón, aves e coellos e liberar na medida do posíbel Xoán XXIII. O Mercado Gandeiro non é unha boa ubicación.

O que temos é que avanzar, se vai ser zona peonil e via ter lousado en perfeito estado… no mercado gandeiro están encatandos e a xente tense que acostumar a outras cousas. O do polbo, o que está onde a Ascensión, querémolo pasar para onde estaban os piñeiros centenarios xunto á casa sindical [Agora resulta que as árbores eran centenarias e cando se cortaron non].

Fente, sobre o que comentou do lousado do Cantón, roga e insiste que se respeite o empedrado. Non falou do Cantón.  A rúa do Comercio, baixo o criterio de Fente sería un atentado ao patrimonio substituílo por lousado e eliminalo. O alcalde di que hai quen lle dixo que era preferíbel erguer o empedrado e mantelo  Si, ese é o noso criterio [ou deixar todo tal e como está antes de escarallar nada]. Se lle pergunta ás señoras que andan en tacón non opinan o mesmo. As señoras que andan en tacón con todos os respeitos que vaian a outros sitios, como o que anda descalzo. Se temos que facer as obras pensando no que anda en zocos. Que fique constancia do noso criterio e logo coa súa maioría fagan o que lles pareza. Daniel do PSOE dilles que teñan coidado que pasa por aí o camiño de inverno. Tamén vai por Leonardo Rodríguez e non se queixa ninguén. Non lle gosta o empedrado do Cantón, que non permite danzar e require palco. Jisi di que é moi fácil de erguer o empedrado. Hai pedreiros con experiencia dilatada.   En Santa Ana hai unha especie de empedrado e dá problemas, van meterlle formigón ou aglomerado en quente. Iso discutiuno Jisi co anterior aparellador e mentres teña tránsito non hai outra altenativa e aínda pasa algún trailer. 

IV Medio ambiente.

4.11.- Ordenanza entullos [min. 2:04:54].

O Concello de Chantada ten unha ordenanza de entullos (BOP 14/05/2007) e as empresas que con el contraten deben ser as primeiras en cumprir o disposto na mesma. No entanto, cónstanos que non se está facendo un correcto tratamento dos mesmos, por exemplo, existiron depósitos nas inmediacións da rúa Taboada.

Poden explicarnos como vixía e garante o Concello a correcta xestión dos entullos por parte das empresas que contrata mediante contrato menor, xa que supoñen un atentado medioambiental e unha mala praxe?

Ven aberracións de vez en cando e chaman á policía local. Fente fala de que se trata de obras públicas. Faise para ter acopio e non ir cun carretillo. A finca do Voces levou o que levantou en Vista Alegre e cargouno para levar a Monforte. Cumpriría algún sitio apto para declaralo como vertedeiro de entullos. Jisi propón as antigas canteiras… Varela di que non valen, que xa foron alí. 

 

4.12.- Rozado de gabias [min. 2:07:08].

Coa primavera e o crecemento da vexetación nas gabias urxe que o Concello comece o rozado mecánico das mesmas. Cando se vai comezar e por que se agarda tanto?

Estes días tiveron un dos tractores no taller e anda un só di Maneul Varela. Contradi Diego Otero afirmando que xa comezaron os dous, mais o que se fixo hai un mes xa lle cómpre volver pasar, polo que van volver darlle unha volta a todo o concello.

V Cultura.

5.13.- Casa da música [min. 2:07:50].

En meses pasados recortaron a subvención da Casa da Música e anunciaron que en maio se produciría unha xuntanza para determinar que futuro darlle entre os colectivos implicados e tamén coa oposición. Vimos que xa anunciaron a matrícula para o vindeiro curso e actividades para o verán.

Cando se van facer esas xuntanzas?

Pasado mañá é a despedida do director da banda e están en “estudos permanentes”, di o alcalde, até que lles digan unha cousa ou outra non saben que dicirlle. Estudos permanentes? Van facer unha nova selección de director de banda e quen rexía a banda vai mudar polo que a ver que estudos lles apresentan.

 

VI Administración e asuntos xurídicos.

 

5.14.- Despido improcedente (Expediente: 422/2021).

No Decreto 253/2021, de 16 de abril, acórdase abonar 7.904,82€ por despido improcedente a Israel Bóveda Ogando, segundo os termos da Sentenza nº 195/2021 do xulgado do social nº2. Poden render contas disto?

Unha sentenza que había que readmitir ou despedir.

5.15.- Relación de postos de traballo (RPT). [min. 2:09:50].

Fente lembra a sentenza do TSXE sobre a contratación en fraude de lei no Reino de España e o desaxuste fronte á normativa europea polo que a RPT ten certa premura. Avanzaron algo?

Levan un mes agobiados, mais retomarán o asunto que xa está avanzado.

 

5.16.- Antena no monte comunal da Vacariza.

Desde Por Chantada interesámonos polo decreto en que se lles pedía documentación desde o Concello. Contesta o secretario accidental. Non debe ser instalación, mais legalización da mesma. Non xustificaba axeitadamente a comunicación previa. É unha legalización. O alcalde di que se entera destas cousas cando asina e que aínda non asinou. Aínda non se rematou entón.

 

O vindeiro 10 de xullo celebrarase a asemblea de Interior Galego Vivo. Se desexas inscreberte podes facelo en interiorgalegovivo@gmail.com

Un hotel en San Fiz ou pór en valor o espazo humanizado das ribeiras e construír futuro?

Vista das ribeiras de San Fiz (xaneiro de 2021). Foto: arquivo Por Chantada,

Desde Por Chantada apresentamos alegacións ao Plano de Ordenación do Medio Físico de San Fiz de Asma, doravante POMF, diante da Consellaría competente para defender o ben común e os intereses da viciñanza, toda vez que o Concello de Chantada non abriu á participación e mesmo non consultou coa oposición o documento-proposta. De feito, o goberno de Manuel Varela limitouse a unha única e breve alegación formulada polo técnico municipal de urbanismo. Novamente, piloto automático e opacidade.

No tocante ás prometidas inversións, o POMF detalla moi pouco as propostas de actuación e adíaas a unha hipotética segunda fase. Para alén diso, algunhas actuacións teñen, na súa formulación actual, unha viabilidade e utilidade moi limitada ou vólcanse exclusivamente para o turismo esquecendo o sector primario que lle dá vida a esta paisaxe, a pesar de que declarativamente se di o contrario. Así, por pór só un exemplo, fronte a un uso hosteleiro na área dos Cipreses, ao que se destinarían 5 millóns de euros, propomos a recuperación do patrimonio natural e etnográfico dos Cachóns do Asma. Tamén facemos fincapé en que a PAC debe dar resposta ás necesidades dos nosos viticultores que, xunto ás adegas existentes, deben ser a columna vertebral de calquera estratexia de futuro para a zona.

Aausencia total de participación das comunidades afectadas, a exclusión xa que logo dos indíxenas que manteñen e conforman a paisaxe e o ámbito que se quer protexer, agudiza a sensación de que os diferentes instrumentos aplicados sobre a Ribeira Sacra (BIC, Reserva de Biosfera, POMF…) son exóxenos e impostos de arriba a abaixo, sen consentimento explícito da poboación das áreas afectadas nen participación real. É máis, a desinformación e falta de coñecemento sobre o expediente e as súas consecuencias é íntegro no caso destas.

Desde a década de oitenta temos diversos exemplos que veñen demostrando como este proceder cria figuras de protección que rematan por elaborar decorados artificiais ou marcas territoriais en canto as comunidades locais foron explulsas. Neste sentido, un POMF, un BIC ou calquera outra figura de protección nen é boa nen má per se, o problema é o uso que se lle dá aos instrumentos, a súa concepción e implementación e a propaganda que agocha unha participación real e fluxos de información efectivos.

Daquela, esta panoplia declarativo-lexilativa, alentada no fundo só como requerimentos para atinxir a declaración de Patrimonio da Humanidade como “política estrela” de configuración dunha marca territorial, contrasta coa ausencia de inversións reais efectivas no territorio, coa falta de aposta polo tecido produtivo primario –auténtico baluarte e salvagarda da poboación e das formas tradicionais de humanizar o territorio– ou con continuadas agresións ao patrimonio sen consecuencias, por citarmos algúns exemplos recentes (posteriores a 2015):

• venda pola Internet de pedra do mosteiro de San Salvador de Asma (BIC);

• cimentación do camiño lousado de Belesar por parte do Concello de Chantada, tiradas hai séculos as lousas do río pola viciñanza;

• formigoneado da base do Cruceiro de Muradelle por parte do Concello de Chantada;

• desfiguración polo bispado da capela da Virxe do Faro;

• derribo de hórreos;

• degradación con maquinaria pesada da mámoas do monte Cabeza do Faro…

 

Consulta o documento íntegro coas nosas alegacións premendo na ligazón (PDF de 22 páxinas):

https://drive.google.com/file/d/1daiL3OTwd8_ZKDc-C8aowrSYoawhQoRV/view?usp=sharing

Resumo do Pleno ordinario de novembro de 2019 [Audio]

 

 

Asistiron 11 concelleiros, ausentándose Manuel Diéguez do PP e María Varela do PSOE. Tamén asistiron a secretaria, a interventora e un funcionario. O Pleno comezou ás 9:35 horas e finalizou ás 12:36 horas. Como público, só asistiron dúas persoas e non houbo presenza da imprensa.

 

Audio do Pleno: https://drive.google.com/open?id=1nts08qOgZ1Ee5yRLHGh7i-5K3Xm_OAVI

 

1.- Actas anteriores, correspondentes ás sesións: Ordinaria do día 03/10/2019, extraordinario de 17/10/2019, extraordinarias urxentes dos días 21/10/2019, 29/10/2019 e 04/11/2019 (sorteo mesas). [Audio min. 0-3]

Acta PLENO ordinario 3_10_2019

O resumo da sesión do 3/10/2019 pode escoitarse premendo na seguinte ligazón: resumo pleno ordinario outubro 2019.

 

Neste ponto, desde Por Chantada salientamos que nos parecía excesivo e, sen correspondencia noutros concellos, celebrar 3 plenos polo sorteo das mesas eleitorais. O noso voceiro propuxo que non se cobrasen os plenos dos sorteos eleitorais e, após un pequeno debate, decidiuse que non se cobrarían os dous extraordinarios urxentes convocados por este motivo.

 

 

2.- Modificación ordenanza fiscal da taxa pola rede de sumidoiros e a taxa pola subministración de auga (G-1123/2019). [Audio min. 3-14:04]

PROPOSTA IPC  REDE SUMIDOIROS-SUBMINISTRACIÓN AUGA

FISCALIZACION DE INTERVENCION 2019-0117 [INFORME ACTUALIZACION IPC

Informe_INFORME XURÍDICO

Escrito Viaqua

 

Subirá, portanto, 0.5 conforme ao IPC. Contrasta que esta ordenanza sempre se actualice co desleixo que se ten coas demais. A empresa, que vendeu auga ilegalmente e sen contador, segue facendo o que quere e a intervención municipal xa solicitou dúas veces por escrito unha auditoría externa que o alcalde segue sen facer.

 

A favor: 6 (PP). En contra: 0. Abstencións: 5 (CUP e PSOE).

 

3.- Suplemento de crédito 05/2019 por importe de 80.719,97€ (expediente G.-1021/2019). [Audio min. 14:20-21:53]

Reclamación Por Chantada-CUP SC 5_2019

INFORME ALEGACIÓNS AO SUPLEMENTO CREDITO 05/2019

PROPOSTA ALEGACIÓN DO SUPLEMENTO CREDITO 05/2019

O 29/11/2019 xa se publicou no BOP a aprobación defintiva. Son múltiplas actuacións feitas en período eleitoral, sen dispor de crédito e contravindo tamén a LCSP no tocante aos contratos menores. Os argumentos do alcalde merecen ser escoitados, esta convencidísimo de quen non hai quen lles gañe e se gastando isto conseguen nas próximas a maioría estaría orgulloso e son uns “fenómenos”.

Un proceder que xa se desenvolveu en 2015, daquela con máis de 650.000€, aos que cómpre somar agora por volta de 150.000€ dunha sentenza xudicial en conceito de xuros de demora cando, de facerlle caso á interventora, terían que ter abonado 400.000 e non 600.000€. Claro que son cartos de todos e así paga calquera.

 

(Votábase rexeitar a alegación de Por Chantada-CUP ao Suplemento 5/2019): a favor 6 (PP). En contra: 5 (CUP e PSOE). Abstencións: 0.

 

 

4.- Modificación horarios sesións plenarias. [Audio min. 22:03-31:10]

PROPOSTA ALCALDÍA MODIFICACIÓN HORARIOS CONVOCATORIA PLENO.doc

DECRETO 2019-0541 [DECRETO modificación horario Xunta de Goberno Local.doc]

Emendas de Por Chantada ao ponto 2 da Comisión Informativa de Réxime Interior de 25 de novembro

 

O PSOE tamén apresentou unha emenda antes xusto de iniciar o Pleno, que non podemos pór ao entregársenos en papel. En todo caso tampouco foi aceite. Por Chantada demandaba que os plenos fosen o venres ás 20 horas. O alcalde dixo que a súa proposta era innegociábel e que se facía para atender a dous compañeiros seus que traballan na empresa privada e non na pública, que eses non teñen problema (en alusións a algúns integrantes da oposición).

 

Votación emenda Por Chantada-CUP (mudanza día Pleno de xoves a venres): a favor 2 (CUP), abstención 2 (PSOE) e en contra 6 (PP).

Votación emenda PSOE (mudanza comisións informativas para a tarde): a favor 5 (PSOE e CUP), abtencións 0 e en contra: 6 (PP).

Votación proposta PP (mudanza horario Pleno das 9:30 para as 20:00 horas): a favor 6 (PP), abstención: 3 (PSOE) e en contra 2 (CUP).

 

 

5- Moción grupo municipal Por Chantada-CUP para a adopción de medidas a prol da igualdade. [Audio min. 31:39-44:03]

Moción do grupo municipal Por Chantada-CUP para a adopción de medidas a prol da igualdade_signed

A favor: 5 (CUP e PSOE). En contra: 6 (PP).

6.- Moción de Por Chantada-CUP sobre a adopción de medidas necesarias na escola infantil e para ampliación das prazas públicas. [Audio min. 44:10-1:04:4]

Moción de Por Chantada-CUP sobre adopción de medidas necesarias na Escola Infantil e para ampliación das prazas públicas

A favor: 5 (CUP e PSOE). En contra: 6 (PP).

7.- Moción que apresenta do grupo municipal socialista do Concello de Chantada sobre transparencia e bo goberno. [Audio min. 1:04:12-1:27:27]

Moción PSG-PSOE sobre transparencia e bo goberno.

A favor: 5 (CUP e PSOE). En contra: 6 (PP).

 

 

8.- Moción do grupo municipal socialista do Concello de Chantada sobre o subministro eléctrico no polígono dos Acivros. [Audio min. 1:28:00-1:49:30]

Moción PSG-PSOE sobre o subministro eléctrico no polígono industrial dos acivros.

O PP culpa á Deputación e o PSOE á Consellaría de Industria, centrando nisto o debate. Sae tamén a problemática dun gandeiro de Camporramiro. Por Chantada propón que se mude o acordo para exixir á Xunta e á Deputación á resolución do problema. Non se acepta.

A favor: 5 (CUP e PSOE). En contra: 6 (PP).

9.- Mocións e asuntos de urxencia.

Non se produciron.

10.- Dación de conta de resolucións da alcaldía.

11.- Dación de conta do acordo de incorporación en conxunto dos funcionarios que perciben asistencia sanitaria por ADESLAS ao Réxime Xeral da Seguridade Social.

Este asunto non debería figurar na orde do día do Pleno, si na comisión informativa. O que debería figurar é a mudanza de horario das Xuntas de Goberno Local (XGL).

12.- Dación de conta de informe de control financeiro de acordo co Plan anual financeiro para o exercicio 2018. [2:20:25-2:22:00]

FISCALIZACION DE INTERVENCION 2019-0089 [CONTROL FINANCIERO PROVISIONAL 2018]

Precioso o documento. Non deixa títere con cabeza e revela máis unha vez a súa deficiente xestión, con aspectos gravísimos. Paga a pena lelo. Aclarámoslle ao alcalde que a interventora xa pediu auditoria externa sobre a empresa dúas veces. Tamén que moitas ordenanzas actuais, que xa están feitas, non se actualizan nen se aplican.

13.- Dación de conta da resolución da alcaldía pola que se aproba o Plano de Igualdade entre Mulleres e homes do Concello de Chantada. Expediente 1132/2019. [2:22:00-2:23:22]

III PIan Igualdade_Concello de Chantada

Valoración e emendas de Por Chantada-CUP ao III PIOM

II Plan_Igualdade_de_Oportunidades_Chantada

Propostas Actividades Plan de Igualdade de Chantada

Por Decreto 515/2019 de 8 de novembro (exp. 1145/2019) aprobaron F/2019/33, correspondente á elaboración do III PIOM por importe de 4.495,15€. O compromiso de ingreso efectuado polo Instituto da Muller e para a igualdade de oportunidades e a FEMP, para o Plan de Igualdade ten un por importe de 3.703,00 €. Puxo o Concello os 792,15€ de diferenza? Si. Cuestionamos tamén que se afirme que se cumpriu 70% do II PIOM.

14.- ROGOS E PREGUNTAS.

14.1.- Preguntas PSOE. [Audio min. 1:50:00-2:20:26]

14.2.- Rogos e perguntas Por Chantada-CUP.

0.- Perguntas por escrito Pleno outubro. [2:23:23-2:24:00 + 2:52:56-3:01:06]

PREGUNTAS DE POR CHANTADA-CUP por escrito para o Pleno ordinario de setembro 2019_signed Foron presentadas conforme ao ROF e deberían terse respondido xa no outro Pleno.

1.- Decreto 119/2019, do 19 de setembro, polo que se regulan os criterios hixiénico-sanitarios das piscinas da Galiza. [2:24:00-2:24:50]

Analizaron o novo Decreto da Xunta e como pode impactar na xestión da piscina? Responde Diego Otero (PP) indicando que está en estudo e que no site de Sanidade hai novos protocolos. Xa está feito o das piscinas interiores e con revisión da inspección de sanidade.

2.-Consello escolar CEIP de Requeixo. [2:24:50-2:28:25]

A quinta-feira 7 de novembro celebrouse Consello escolar no CEIP Xoán de Requeixo, para aprobar o seu Plano Xeral Anual (PXA). Novamente, ninguén do Goberno se dignou en aparecer e iso, que no pasado Pleno ordinario, trouxemos a cuestión do IES Lama das Quendas, onde levan anos sen aparecer. [Panela indica que se disculpou]

Na páxina 55 do devandito documento hai unha referencia a unha obra de accesibilidade na escola non desenvolvida polo Concello. Concretamente dise:

Neste curso, creouse unha unidade específica de educación especial, resaltar que aínda que contamos con todos os recursos, tanto humanos como materiais, a aula non está funcionado, debido a que non hai acceso a ela debido ás barreiras arquitectónicas existentes. Era un compromiso do Concello eliminalas durante este verán, pero seguimos á espera. A dirección do centro fixo todas as xestións que estaban na súa man, pero non se conseguiu nada ata o momento. A Xefatura Territorial é coñecedora deste problema, xunto con Inspección e unidade técnica (enviouse un escrito solicitando se solventase o problema con data 1 de outubro de 2019).

Poden explicar por que é que non se desenvolveu esta actuación e cando teñen pensado pórlle remedio a esta deficiencia? [Varela di que non é competencia municipal e que o farán, en todo caso no Nadal]

Agora, o Consello Escolar, por unanimidade, aprobou unha queixa ao Concello dado o incumprimento continuado de diferentes intervencións de mantemento e outras de accesibilidade (RE-08/11/2019). Xa o 19/04/2019 remitiuse desde a Dirección escrito ao Concello solicitando unha rampla que dese acceso ao edificio antigo do colexio, onde se localiza a xa mencionada unidade de educación especial, para pícaros con NEAE, algúns deles con mobilidade reducida. Deron compromiso verbal, como fan sempre, mais aínda non fixeron nada e a aula está inutilizada por este motivo.

As demandas urxentes do CEIP son:

• Rampla de acceso para a unidade de educación especial coa que se comprometeron, mais segue sen facerse.

• Inspección das instalacións eléctricas, pois o inspector da Consellaría de Industria dixo que tiñan que ser feitas inminentemente, xa que caducou a data límite para facer a revisión por parte do Concello e segue a velas vir. [Varela di que xa está pedida]

• Limpeza das baixantes dos diferentes edificios, pois está entrando auga no comedor. [Varela di que iso é da Consellaría e que parece que as direccións teñen medo a chama á Delegación e que procuran aforrarlle os cartos]

• Solventar as deficiencias na limpeza dos patios, nomeadamente a segunda-feira polos restos que fican da fin de semana. Este ano, na véspera de comezar o curso aínda estaba o patio sen limpar, con árbores caídas e o céspede sen rematar de cortar. [Varela nega a maior e nega isto]

• Reposición de azulexos caídos e mantemento variado.

• Retirada de pintadas existentes nos diferentes edificios.

• Modificación no muro situado entre o edificio principal e o comedor.

En definitiva, que o Concello deixe a un lado o seu proverbial desleixo e o abandono total das súas responsabilidades e atenda ás necesidades dos cidadáns e do ensino público.

 

3.- Fosa séptica en Nogueira. [2:28:26-2:28:44]

Hai meses solicitamos mediante un rogo que se baleirase a fosa séptica de Nogueira, o cal se fixo, mais esta apresenta importantes fugas polos laños e fisuras coas que conta, expondo a cheiros e vertidos incontrolados as inmediacións.

Rogamos máis unha vez que se proceda, o antes posíbel, á súa reparación.

 

4.- Robaliza comunicación. [2:28:44-2:28:57]

Desde a pasada lexislatura as RRSS do Concello de Chantada están xestionadas por Robaliza Comunicación. Segundo este grupo ten entendido, a empresa acumula impagos nos últimos seis meses. Que explicación dan desde o Goberno a este atraso? [Pamela di que non é certo. Ao rematar o Pleno Pamela acláranos que había unha factura mal por parte da empresa e que xa foron abonadas algunhas delas.]

 

5.- Pista Pincelo. [2:29:03-2:29:13]

A pista de Pincelo indicámoslle no pasado Pleno que estaba con madeira caída e comunicóusenos que fora retirada. Para a nosa sorpresa comprobamos aínda o 19 de novembro, que isto non é así, e que os problemas sinalados persisten dous meses despois. Rogamos novamente que o Concello actúe.

 

6.- Pistas Caíbe e Vilardamos. [2:29:14-2:30:00]

Esta pista precisa ser arranxada con urxencia. Rogamos se faga canto for posíbel.

Tamén vimos que a pavimentación do núcleo de Vilardamos foi adxudicado a Construcións Voces por importe de 25.410€. Cando van comezar estas obras que xa se contemplaban no Plano Único da Deputación e que parte achega o Concello? [Varela indica que a Deputación achega o 100% do financiamento e que ao Concello non lle custa nada e que, canto ao inicio da obra que depende agora da empresa]

 

7.- Rúa do parque. [2:30:00-2:32:39]

Transmitimos queixa viciñal para a mellora da Rúa do parque, entre Santa Ana e o Campo da Feira Vello, que eviten o aparcamento indebido e en relación cos bolardos.

En xeral, a ordenación do tránsito urbano, primeiro ponto do programa eleitoral do PP nas pasadas municipais, segue igual que estaba. Que accións contemplan neste eido? [Varela nega que haxa problemas e que só se queixa unha viciña. Cruz lémbralle escritos da comunidade de viciños á que pertence, xa hai tres anos. Varela di que se chame á policia local]

 

8.- Biblioteca. [2:32:40-2:33:12]

Rogamos, desde este grupo municipal, que se recupere o horario de apertura en fin de semana da Biblioteca. Por que se suprimiu? [Falta de persoal, indica o alcalde]

Que xestións se fixeron para a consecución da nova biblioteca desde o Goberno? [Non hai novidades, pendentes da compra duns edificios]

9.- Alumeado público. [2:33:15-2:35:08]

Temos reiterado en varias ocasións que o alumeado público precisa dunha revisión e optimización, para alén de apostar polas lámpadas de poupanza enerxética e de mellora da eficiencia. Rogamos o arranxo do alumeado nocturno do paseo fluvial, concretamente no treito que vai dende a Ponte Peonil (altura da piscina municipal) ata a Alameda, que neste momento é inexistente e xa se acumulan varias caídas pola falta de visibilidade. [Varela di que está reposto agora. Falta unha marxe por arranxar, a direita. Di que se van gastar 198.000€ para aforro enerxético e que son independentes dos 46.000€ que se investiron en Uxío Novoneyra coa empresa Rabelas e que suporán 70% de aforro, financiándose co fondo de compensación]

 

10.- Casa da música. [2:35:08-2:35:46]

Recentemente, como consecuencia dunha caída dado o esvaradío da superficie, tivo que ser trasladada unha persoa en ambulancia. É un tema que traemos todos os invernos e segue sen solventarse. O Goberno apenas colocou un balado de obra que non solventa ren. Rogamos se feche con garantías o teito da Casa da música entre os meses de outubro e abril.

 

11.- Pista de padel. [2:35:47-2:37:17]

Falando de teitos, a coberta da pista de padel que custou 41.932€ (dos cales o Concello achegou 2.046,64€ e o resto a Deputación através do Plano Único 2018) e leva pouco feita semella que non está cumprindo axeitadamente a súa función e a auga segue penetrando.

• Contemplan solucións? [Varela di que de momento non. Diego di que é eficiente e que non hai problemas. Diego di que o proxecto foi feito polo arquitecto e o técnico deportivo. Algo sempre entra cando fai vento. Varela di que non xoguen cando fai mal tempo, que aínda quererán ar acondicionado no verao. Hai necesidades máis urxentes]

 

12.- Rúa Rosalía de Castro. [2:37:18-2:38:26]

Cimentouse a parte da beirarrúa que caiu, mais deixáronse os balados de obras do Concello que están ciscados e dan unha imaxe lamentábel. Rogamos a súa retirada e que, no sucesivo, se fagan mellor estas actuacións. [Foi unha rotura. Vaise arranxar cando non chova con formigón impreso]

 

13.- Piscinas. [2:38:27-2:41:36]

Hai lixo e neveiras fóra e dentro do cuarto das piscinas de fóra, xunto aos baños, comida apodrecendo que ficou da Wolf race, cando temos un banco de alimentos e xa pasou o mesmo no pasado ano. Nas duchas ficou todo cheo de bulleiro, tendo que limpar o servizo municipal. Xunto ao río ficaron garrafas de auga de plástico, que remataron no curso fluvial. Desa mesma carreira ficaron varios outros elementos sen retirar. Cal é o motivo deste proceder? [Varela di que haberá que darlle un tirón de orellas á asociación e retirarlle a axuda se volven reincidir]

Na beira de fóra afundírase o terreo e non funciona a depuradora, mais aí colocouse unha lanzadeira que pesa e segue sen recoller. Rogamos que se recolla. [Diego que ficará aí para o ano pasado. Indica que as garrafas de auga se recolleron ao día seguinte]

Nas piscinas de dentro a ventilación non funciona e a condensación está derramando a madeira do vestíbulo. Rogamos que se arranxe. [Diego di que só leva 3 meses así e que se vai arranxar]

Cal é o motivo polo que a cafetaría leva meses fechada e non se licita? [Esta fechada, de momento non se vai licitar]

 

14.- Fincas expropiadas. [2:41:37-2:44:44]

Vemos que pagaron a expropiación dunha finca por tras do IES Val do Asma por valor de 89.657,38€. Que uso lle teñen contemplado dar? [Varela di que, se callar, para horta escolaar, como no grupo escolar de arriba]

Tamén na rúa Pardo Bazán, por importe de 28.411,27‬€, cal vai ser o seu destino? [Tratar comprar as fincas colindantes para facer un parque]

 

15.- Sentenza 254/2019 (120.140,43€ só en xuros de demora). [2:44:45-2:46:10]

A sentenza estimatoria do xulgado Contencioso-administrativo nº1 de Lugo, de data 27/09/2019, con número 00254/2019, que ten o carácter de firme, dá dez días para a súa execución solicitando o Concello unha moratoria para facer o pago através do Orzamento de 2020. Trátase de 120.140,43€ en xuros de demora.

A que fai referencia exactamente a sentenza?

Cando teñen previsto traer a Pleno o Orzamento de 2020?

[Varela di que agora quere todo papeis, que non se fía das palabras. Que é para indemnizar a empresa FEVISA polas obras de 2015. Fente mostra a indignación que lle produce ter gasto en período eleitoral e sen crédito máis de 640.000€, a pesar de que a interventora defendía que eran pouco máis de 400.000€ o que lles correspondía a Fevisa e Oviga. Agora isto. O orzamento contemplan que veña xa en decembro se se poñen xa a traballar nel]

16.- Terrazas. [2:46:11-:2:47:14]

Volvemos facer o rogo para que se desenvolva unha ordenanza actualizada e axeitada ás nosas necesidades para as terrazas e a ocupación do espazo público. Vimos o Decreto 488/2019, de 29 de outubro polo que se dá a coñecer que no 2019 se recaudaron 5.335,60€ por este concepto, por volta de 2.000€ máis que na anualidade pasada. [Varela di que é urxente revisar o que se cobra, que é axudar demais]

17.- Reparos e omisións de fiscalización.

Non se están enviando. Lembramos un informe do anterior secretario, Baños, a instancias do noso grupo sobre este asunto. Se non se remite pedirémolos por escrito mes a mes, co cal é pior para todos e todas.

 

18.-Pronor Chantada S.L. [2:47:15-2:48:02]

Mediante Decreto 509/2019, de 7 de novembro de 2019 o Concello de Chantada encomenda a defesa xurídica do procedemento a José Antonio Carnero Blanco e non ao Servizo da Deputación de Lugo, como vén sendo habitual. Cal é o motivo? [A Deputación estalle perdendo todos os xuízos, non lles convence]

Coidamos que non é procedente que o Goberno contrate a persoas relacionadas por parentesco directo, xa que incumpre as disposicións legais. [O PP di que se consultaron e que non hai problema]

19.- Luces Nadal. [2:48:03-2:49:01]

Canto se vai gastar? [Varela di que coma o ano pasado, sobre 12.000€]

20.- Pregos privatización SAF. [2:49:02-2:50:10]

Aprobáronse? [Están niso, afirma o alcalde] Cando se van aprobar? [Virán a Pleno] Que vai pasar coas 15 traballadoras que rematarán contrato a 31/12/2019? [Indican que todas, que a ver se son capaces de anotarse á bolas – curioso cando sacan unha bolsa de emprego e nen eles saben realmente que van facer-] Como se conxuga a privatización, cunha bolsa de emprego en marcha e cunha empresa externa funcionando? [O alcalde di que vai para largo, que se privatizará en maio ou máis adiante, non en xaneiro]

21.- Capela do Faro. [2:50:11-2:50:26]

Que xestións fixo o Concello perante a falla de licenza? [O presidente da Corporación unicamente sinala que se encamiñou un informe a Cultura, a petición desta Consellaría]

22.- Níveis elevadísimos de gas radon na casa do concello. [2:50:36-2:52:53]

Inquerimos se lembraban como se riran de nós cando apresentaramos a Moción de Por Chantada-CUP para impulsar un estudo sobre a incidencia do cancro no Concello de Chantada e a adopción de medidas preventivas fronte esta doenza. [Varela di que non é risa e que ninguén se riu da moción. Fente lémbralle a acta correspondente. Di que o van arranxar cuns ventiladores].

Sobre isto deixamos algúns materiais a maiores do exposto no seu día sobre a relación entre altas taxas de radon e o incremento exponencial do cancro, nomeadamente de pulmón:

4.6_WEB

ICRP_Publication_103-Annals_of_the_ICRP_37

Radon_gas_in_homes_increases_lung_cancer_risk

Resumo da sesión ordinaria do Pleno ordinario correspondente ao 3 de outubro de 2019 [audio]

 

 

 

Ao Pleno asistiron 12 concelleiro (Manuel Diéguez do PP só estivo presente no ponto 7º, o da privatización do SAF), a Interventora, a Secretaria e un funcionario. Asistiron 2 xornalistas e aproximadamente 30 persoas, no pleno ordinario máis numeroso dos últimos anos. Moitas e moitos dos asistentes levaban colantes contra a privatización do SAF, mostrando así o seu rexeitamento ao Goberno.

➽ Confire premendo aquí o AUDIO íntegro do PLENO

 

 

1.- Acta anterior, correspondente á sesión ordinaria do día 1 de agosto de 2019.

• Acta da sesión ordinaria do Pleno correspondente ao 1 de agosto (2019-0001)

Indicamos que os rogos e perguntas deben recollerse con máis exactitude e que as actas da Xunta de Goberno Local (2/8/2019. 14/08/2019…) non se nos están remitindo, a pesar do que indica a lexislación.

Aprobada por unanimidade.

 

2.- Suplemento de crédito 05/2019 por importe de 80.719,97€ (Expediente G. 1021/2019).

• PROVIDENCIA SUPLEMENTO
• Informe de intervención _FISCALIZACION DE INTERVENCION 2019-0084 [INFORME DE INTERVENCION DESFAVOR
• Outros_02 MEMORIA-PROPUESTA SUPLEMENTO
• PROPOSTA A PLENO SUPLEMENTO

Neste ponto viñan moitas facturas reparadas, a maioría de actuacións desenvolvidas durante a campaña eleitoral de 2019. Obras feitas sen respeitar a LCSP, sen licitación, sen crédito axeitado nen axeitado, etc.

O asunto aprobouse cos votos a favor do grupo PP (6) e os votos en contra: Por Chantada (2) e PSOE (4).

 

3.- Aprobación de facturas Recoñecemento extraxudicial 14/2019 por importe de 1.176,12€ (Expediente G. 1016/2019).

• Informe de fiscalización_OMISION DE FISCALIZACION 2019-0026 [OMISION FISCALIZACION 262019 IR 472019]
• Informe de fiscalización_REPAROS 2019-0044 [OMISION FISCALIZACION 262019 IR 472019]
• Proposta ao Pleno de aprobación de facturas

Facturas contratación menor para limpeza de decembro 2018.

O ponto apróbase cos votos do grupo PP (6) e os votos en contra de Por Chantada (2) e do PSOE (4).

 

4.-. Conta Xeral 2018, aprobación definitiva expediente G. 420/2019.

A documentación da Conta Xeral recolle todos os ingresos e gastos do Concello no exercicio 2018. Podes ver toda a documentación premendo aquí (ligazón a Google Drive). Tamén podes ver análises da Conta Geral doutros anos neste mesmo site. Neste ponto o alcalde tentou cortar o debate cando evidenciamos que a débeda unicamente se recurtou mercede a brutal suba impositiva dos últimos catro anos, unha Aposta Segura:

• No período 2014-2019 os impostos directos (IBI, IVTM, ICIO) pasaron de 2.296.279,28€ a 3.164.452,78€, por outras palabras un incremento impositivo de 72,56% en só catro anos (868.173,5€ máis). Só o IBI urbano (Catastrazo) subiu 776.690,25€ (+64% en só catro anos!)

• 11,51% do orzamento non se executou, é dicir, de 8.692.669,61€ deixaron 999.873,65€ de remanente. Excesivo, máximo se temos en conta que son 329.284,26€ de remanentes de inversións reais (obras daquela tan necesarias e que non se fan pola mala xestión do goberno).

• A área de gasto 0, correspondente á débeda pública totaliza 1.563.508,25€, todo un récorde por riba dos niveis de 2014 (1.200.000€) e representa o 20,33% do total do gasto. Iso explica en boa medida o por que de dúas lexislaturas in albis canto a inversións reais. O que vai para os bancos non pode ir para a viciñanza.
• A deficiente xestión xerou continuos reparos da intervención; atraso no pago de facturas; incumprimento do período medio de pago a provedores; continuarmos no Plano de axuste e termos que ir a un Plano Económico Financeiro en 2019, polo incumprimento da regra do gasto…

Votou a favor da Conta Xeral o PP (6) e en contra Por Chantada (2) e o PSOE (4), portanto fica definitivamente aprobada.

 

5.- Moción do grupo municipal socialista sobre Catálogo de camiños e inventario de bens e direitos. Expediente G. 1013/2019.

• Moción PSOE inventario camiños

A moción aprobouse por UNANIMIDADE de todos os grupos.

 

6.- Moción do grupo municipal Por Chantada-CUP para o estudo, catalogación e posta en valor do Patrimonio material e inmaterial do Concello de Chantada (expediente G. 1013/2019).

• Consulta aquí a nosa moción, da que só lemos as propostas de acordo dada a súa extensión (12 páxinas): Moción de Por Chantada-CUP para o estudo, catalogación e posta en valor do Patrimonio material e inmaterial do Concello de Chantada.

 

A moción foi rexeitada, aínda que todos os grupos recoñeceron o valor das propostas, cos votos en contra do PP (6) e os votos a favor de Por Chantada (2) e do PSOE (4).

 

7.- Iniciación expediente de contratación externa do Servizo de Axuda no Fogar (expediente G. 925/2019).

• Aquí advertiamos en días pasados das intencións do Goberno e dalgunhas consecuencias da súa nefasta xestión do SAF.
• SOLICITUDE INFORME ECONOMICO-FINANCIERO
• Informe de intervención _FISCALIZACION DE INTERVENCION 2019-0082 [INFORME ECONOMICO-FINANCIERO SAF
• PROVIDENCIA ALCALDIA

A pesar da falta de argumentos do grupo de Goberno, que non contestou a ningunha das cuestións formuladas nas contundentes intervencións do grupo socialista e da CUP (vid. audio do Pleno), acordouse aprobar o inicio da privatización cos votos a favor do PP (6) e os votos contrarios de Por Chantada (2) e do PSOE (4).

 

8.- Moción e asuntos de urxencia.

Presentouse por urxencia a proposta de días feriados para 2020 porque, segundo o alcalde, ficara esquecido nalgún caixón do Concello. Por unanimidade aprobouse a urxencia e na votación do asunto o PP votou a favor e Por Chantada e o PSOE abstivéronse.

 

9.- Dación de conta de resolucións da alcaldía (Decretos 333 a 376).

 

10.- Rogos e perguntas.

• Rogos e perguntas de Por Chantada-CUP por escrito (pendentes de contestación, pendentes dun informe di o alcalde). Perguntas de POR CHANTADA-CUP por escrito para o Pleno ordinario de outubro 2019. As cuestións formuladas xiran sobre os tres seguintes temas:
  • xestións realizadas para conseguirmos unha nova ponte sobre o río Asma para o bairro da Ponte;
  • agresión patrimonial ao Mosteiro de San Salvador de Asma, declarado BIC;
  • e actividade de fabricación de formigón sen licenza nen título habilitante na ribeira do río Asma, segundo escrito recebido por este grupo municipal.
• Rogos e perguntas orais de Por Chantada-CUP.

1. Rogo para arranxo de pistas municipais que o precisan con urxencia a solicitude da veciñanza: Brigos de Arriba, a do lugar; Baltar, moi deteriorada; Casas Novas-Eiriz: fochancas que superan os centímetros que ditaminan que a responsabilidade civil é do encarregado de manter a estrada; Garabelos – Paderne: está tamén en moi mal estado; Carballeira – Río Pedroso: totalmente estragado o firme e con fochancas que superan o máximo legal, canto a responsabilidade civil municipal [comezarán o martes ou o mércores “posibelmente”]; Vilardamos-Burgás e Santa Cruz; Pista de Pincelo, hai árbores caídas e todo, urxe actuar [dísenos que os piñeiros foron retirados); Nogueira de arriba, necesario arranxar a pista desde a que se accede cara a Igrexa, xa que o Concello deixouna no seu día mal e cando arroia inunda a antiga escola das rapazas (hoxe unha casa particular); en Laxe están practicamente todas desfeitas e requiren actuación.

   Rogamos novamente que se faga un inventario e se ordenen por orde de prioridade para o seu arranxo as estradas de titularidade municipal.

2. Arranxo Deputación en Sabadelle e Axulfe – San Lucas. Ten o Concello coñecemento de cando se vai completar o arranxo da estrada e o mesmo para pista de Axulfe – San Lucas. [Varela chamou á Deputación e non se cumpriu o inicialmente previsto e desde o Servizo de Vías e Obras dixéronlle que iso era unha cacicada. Tamén comprender que a Deputación de Lugo ten moitos quilómetros. Daniel Camiñas (PSOE) aclara que tres das actuacións responden a un contrato extraordinario de reforzo de firme, son as de Sabadelle, a de San Pedro de Líncora-Belesar e a de Antas de Ulla. A do San Lucas non entraba nesta actuación, senón na conservación].
3. Fonte Muradelle. Rogo para limpeza e canalización axeitada do manancial.
4. Pista Muradelle ponto quilométrico 5.5, que vai a estrada vella de Lalín. As tubaxes levan tempo tupidas polo que arroia e deteriora a pista. É necesario limpalos.
5. Rogo limpeza traída da auga de Carballizos (Laxe).  A viciñanza solicita que o Concello limpe a puza que está a carón da traída da auga do lugar, a auga corre pola estrada no inverno deteriorándoa. Tamén indican que a traída da auga de Riopedroso non é potábel, contemplan algunha actuación? [Non sabían nada, contesta o alcalde].
6. Piscinas. Compráronse as 25 biciletas que se ofertaban por 3.000€ e das que se informou ao Goberno? [Non, difícil de conseguir – di Diego Otero, concelleiro de Deportes. Novas os 3.000€ só chegarían para 5-6. Cruz amplía información sobre esas bicicletas e Diego di que para meter novo habería que ir a unha inversión maior] Que alternativas se prevén? Tense previsto facer algún timpo de mantemento das instalacións, como adquisición de materiais ou o preciso para os cursos de aqua-gym?
   [este ano aínda non].
7. Rogo para rebaixa das beirarrúas de Chantada para que estas cumpran coa normativa. Actualmente a mobilidade é difícil na nosa vila, máxime co descontrol existente nos aparcadoiros indebidos e nas terrazas irregulares. Rogamos que se rebaixen as beirarrúas e se cumpra coa normativa. [Algunhas fóronse facendo].
8. Rogo para repintado dos pasos de peóns. Son varios os que precisarían ser repintados coa menor brevidade posíbel.
9. Limpeza viaria. Durante o verán e nomeadamente nas festas a recollida de lixo non foi a correcta. No tocante á vila o problema foi un deficiente deseño do plano de autoprotección. Igualmente o estado de suxidade das beirarrúas exixe tomar medidas e que se adopten sancións ou medidas perante actitudes incívicas. Excrementos de pombas e cans, papeleiras con cheiro no paseo a carón dos bancos, colectores nas festas toda a semana a tope de lixo… A imaxe que transmitimos dista de ser a axeitada. [Non hai outro remedio ca sancionar, afirman que limparan colectores e os expositores das necrolóxicas tal e como se lles pediu desde o noso grupo municipal]
10. Auga: extracción de auga no Polígono de Chantada. A raíz da información obtida no pleno ordinario do 1 de agosto, a instancias do noso grupo, ficou patente que Viaqua practicou máis unha vez a venda directa de auga a particulares, sen empregar contador e sen avisar ao Concello, polo tanto contravindo os pregos de contratación nalgo tan esencial e mesquiño que pasa de ser concesionaria a «dona e señora» da auga, subtraendo ao público e ao municipio competencias esenciais que lle son proprias.
    • Que medidas adoptou o Goberno municipal até o día de hoxe? Ten previsto adoptar algunha medida? [Varela di que era para Estrella Galicia a maior parte, Fente retruca que en todo caso non se cumpre o indicado na concesión nen se usa contador. Raquel di que se vendeu a máis empresas]

11. Horario biblioteca municipal. Nos pasados días anunciaron que a partir do 15 de setembro a Biblioteca municipal voltaría ter o horario de inverno, mais recentemente mudaron o cartaz e adiaron a súa apertura até o 1 de outubro. A que se debe isto? [Necesidades do servizo di Varela] Que xestións fixeron para a construción da máis que necesaria nova biblioteca? [Varela di que imos ter novas axiña e que probabelmente haberá un pleno extraordinario neste mes de outubro con novidades sobre o asunto e explicando que queren facer].

12. Limpeza solares. Cantos proprietarios foron notificados, xa que os solares que pedimos que se rozaran seguen igual? [Non saben, di Varela. Se seguen igual é porque non fixeron caso. Vai a Xunta meter man no asunto] Por que non se executa e limpa pasando as minutas? Rogamos que se cumpra a Lei de Montes (Lei 7/2012, de 28 de xuño, de montes da Galiza), a Lei de acompañamentos (Lei 3/2018, do 26 de decembro, de medidas fiscais e administrativas. DOG nº247 do 28/12/2017) e o Decreto 15/4/2018. Lembrámoslle que, segundo a lexislación vixente, o prazo para facer os requirimentos é antes do 30 de maio, ao igual que deberan ter a brigada municipal antes do 1 de agosto.

13. Rogo aos partidos para retirada de cartaces. Pasados 5 meses das municipais rogamos que se retiren os cartaces das eleicións, por exemplo do carballo da Cruz en Fornas (PSOE) ou da rúa do Comercio (PP). [Varela di que hai tamén nos colectores, que non se debía colar neles]
14. Limpeza colexios e Consello escolar. Rogo para non agardar ao día anterior do comezo do curso para limpar os colexios. Por que se fixo mediante unha subcontrata e segue sen licitar o contrato da limpeza municipal? Por que o goberno municipal leva, polo menos, tres anos sen acudir aos concellos escolares do IES Lama das Quendas e por que non foi ao último, celebrado neste mes de setembro? [Non saben porque non asistiron eles mesmos!!!]

15. Rúas sen luz. En Xoán XXIII estiveron na semana do 23 ao 29 de setembro sen luz varios días e tamén ocorreu en Pardo Bazán. [Pode ser que estean mal regulados, aí o que hai é baixada de potencia para aforro enerxético]

16. Proxectos de prevención de adiccións nos concellos. No pasado Pleno do 1 de agosto aprobamos por unanimidade unha moción do noso grupo sobre as apostas que facía fincapé no labor de prevención que pode ser feito desde os concellos. Asemade, entidades sociais como ARCHA tamén partillan este obxectivo, no tocante ao alcohol. No DOG nº 184, do 27 de setembro de 2019, publicouse a Orde do 16 de setembro de 2019 pola que se aproban as bases reguladoras da concesión de subvencións en réxime de concorrencia competitiva para o cofinanciamento de proxectos de prevención de condutas adictivas promovidos por concellos, mancomunidades de concellos ou agrupacións de concellos da Comunidade Autónoma da Galiza, e se procede á súa convocatoria (código deprocedemento SA463G) [Vaise falar con ARCHA para optar a esta liña]

17. Sentenzas. Alén das sentenzas do Contencioso de Lugo dando a razón a numerosos traballadores e traballadoras do Concello que litigan contra este pola deficiente xestión do persoal e o non recoñecemento dos seus direitos, agora tamén veñen dúas sentenzas do TSX da Galiza condenatorias.

• Sentenza do 28 de novembro do 2019 da Sala do Contencioso do Tribunal Superior de Xustiza da Galiza, pola que se declara contraria ao ordenamento xurídico a resolución administrativa que deixou fóra a unha persoa que optaba un posto de traballo no Concello (obradoiro de emprego 2016). Portanto, o Concello deberá abonarlle o salario que deixou de percebir. Concretamente, no Fundamento de direito 4º da sentenza indícase que debe percebir a agraviada <<os salarios que tería percebido de terse efectuado o seu nomeamento>>. 5.400€ aproximadamente. [Nen idea di o alcalde]
• Sentenza 459/2019, do 27 de setembro, que ractifica sentenza anterior do Contencioso-administrativo de Lugo pola que se condena ao Concello de Chantada a executar os seus proprios actos e se desestima o recurso de apelación apresentado por este e mais polo Grupo Hotusa. Impóñenselle as costas. Segundo a sentenza, o Concello debe executar o acordado pola Xunta de Goberno Local en numerosas ocasións: paralización da actividade e cerre do edificio sito na rúa Rosalía de Castro, por actividade ilegal de oficinas sen título habilitante nen licenza municipal. Na sentenza, entre outras cuestións lémbraselle ao Concello e, máis concretamente ao alcalde:

<<que no tiene sentido la conducta de la [parte] demandada, lo que resulta incomprensible es que se acuerden cosas, se adopten decisiones, como la de suspensión inmediata de la ejecución de las obras, para no cumplirlos, para no llevarlos a efecto, con el extravagante paraguas de que igual la conclusión del expediente de reposición urbanística favorece o respalda la continuación de las obras”.>>

[O alcalde di que van executar que xa se dirixiron aos servizos xurídicos o martes desta semana, a ver o que din]